ދެ ބައިވެރިއަކު.
23 މާޗް 2020 - 07:57
9 comments
ކޮރޯނާވައިރަހުގެ ސަބަބުން ޗައިނާގައި މިހާރު ވަރި ގިނަވަމުންދާ ކަމަށް ރިޕޯޓްތައް ބުނެފި އެވެ.
އެ ގައުމުގެ ބައެއް މީޑިއާތަކުން ރިޕޯޓްކޮށްފައިވާ ގޮތުގައި ބައިވެރިޔާ ކަރަންޓީނު ނުވަތަ އައިސޮލޭޝަން ފެސިލިޓީއެއްގައި ގިނަ ދުވަސްތަކެއް ހޭދަކުރަން ޖެހުމުން، ގުޅުން ހީނަރުވެގެން ވެސް ވަރި އިތުރުވަމުންދެ އެވެ. އަދި ޗައިނާގައި ކޮރޯނާވައިރަސް ފެތެރުން ފެށި ފަހުން ވަރީގެ މައްސަލަތައް ވަރި/ކައިވެނިތައް ރަޖިސްޓްރީކޮށްދޭ އޮފިސްތަކާ ހަމައަށްދާ މިންވަރު ވެސް ދަނީ އިތުރުވަމުންނެވެ.
ބައެއް ނޫސްތަކުން ބުނިގޮތުގައި ޗައިނާ މިހާރު ކޮވިޑް-19 ގެ ބަލިމަޑުކަމުން ކުޑަވެ، ކައިވެނިތައް ރަޖިސްޓްރީކޮށްދޭ އޮފީސްތައް ވެސް މި މަހުގެ 1 ވަނަ ދުވަހު އަލުން ހުޅުވުމާ އެކު، ގިނަ އަދަދަކަށް ވަރީގެ މައްސަލަތައް ދަނީ ހުށަހަޅަމުންނެވެ.
ސަޕްޗައިނާ އިން ރިޕޯޓްކޮށްފައިވާ ގޮތުގައި ސިޗުއާން ޕްރޮވިންސްގެ ޑެޒޯ ސިޓީން މިދިޔަ މަހުގެ 24 އާ ހަމައަށް އެކަނި ވެސް ވަރީގެ 88 މައްސަލަ ބަލާފައިވާ އިރު، މިހާރު 100 އަށް ވުރެ ގިނަ މައްސަލަ ނުނިމި އެބަހުއްޓެވެ.
މިކަމާ ބެހޭ ގޮތުން ޑެޒޯގެ ކައިވެނި ރަޖިސްޓްރީކުރާ އޮފީހުގެ ވެރިޔާ ލީ ޝިޖުން ވިދާޅުވީ މި ދަނޑިވަޅުގައި ވަރި ގިނަވާ މައިގަނޑު ސަބަބެއް ކަމަށް ބެލެވެނީ ކަރަންޓީނާއި އައިސޮލޭޝަނާ ހެދި ކުރިމަތިވަމުންދާ ޑިޕްރެޝަނާއި އެންޒައިޓީ ފަދަ ނަފުސާނީ މައްސަލަތަކާ ހެދި އެވެ.
"އެހެންވެ މި ހާލަތުގައި ސައިކޯސޯޝަލް ސަޕޯޓް ވެސް ވަރަށް މުހިއްމު." އޭނާ ވިދާޅުވި އެވެ.
މަސްރަހު ދިރާސާކުރާ ފަރާތްތަކުން އަންދާޒާކުރާ ގޮތުގައި ކޮރޯނާވައިރަހާ އެކު، މުޖުތައުތަކަށް އައި ބަދަލުތަކާ ގުޅިގެން ކުރިއަށް އޮތް ދުވަސްތަކުގައި ވެސް ޗައިނާގައި ވަރީގެ ނިސްބަތްދާނީ އިތުރުވަމުންނެވެ.
ޗައިނާ އަކީ ކޮރޯނާވައިރަސް އެންމެ ފުރަތަމަ ފެތުރު ގައުމެވެ. އެ ބަލި ފެތުރެން ފެށީ ހުބޭ ޕްރޮވިންސްގެ ވޫހާން ސިޓީންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަނީރު
23 March 2020
ގޭބަންދުކުރީމަ ދަރިން ވެސް ގިނަވާނެ.
ވަރިބެ
23 March 2020
ކިތަންމެ ވަރިގިނޔަސް ލާހިކެއް ނޫން ރާއްޖޭގެ ރެކޯޑް ވައްޓާލާކަށް ތިއީވަރީގެ 88 މައްސަލައެއްނު ރާއްޖޭގައި އުޅޭނީ 1000 މަތީގައި
ކޮރަލް
23 March 2020
ގިނައީ ދީނެއް ގަބޫލު ނުކުރާ މީހުނެވެ.
މަލް
23 March 2020
ރާއްޖޭގަ ވަރި އެހާ ގިނައީ ތިޔަ ސަބަބަށްޓަކާއޭތަ ތިޔަބުނަނީ؟
ހެޔޮ ދުޢާ
23 March 2020
ﷲ އިރާދަ ކުރެއްވިއްޔާ އަހަރެމެންގެ ޤައުމު ތިހިސާބަށް ނުގެންދަވާނެ ތެވެ. އާމީން
ޝެހެޒު
23 March 2020
ވަރި ގިނަވާނީ ކަރަންޓީނުގެ ސަބަބުން ގޭގައި މަޑުކުރަންޖެހި ރެސްޓޯރެންންޓްތަކަށް ކާންނުދެވި ގޭގައި ކައްކަން ޖެހި' އަންހެނުންނަށް ކައްކަން ނޭގީ ކައްކާއެއްޗެހި އަނގަޔަށް ނުލެވޭހިސާބަށް ދިޔުމުގެ ސަބަބުން ކަމަށް ލަފާކުރެވެނީ އަދި ފިރިމީހާ އޮފީހުގަ އުޅޭގަޑީގަ ވަގުބިޓުން ގެންގުޅޭނެ ފުރުސަތު ގެއްލުމުގެ ސަބަބުން ކަމަށްވެސް ވެދާނެއެވެ.
މަބަލްދީބް
23 March 2020
ހުރިހާ ކަމެއް އަންހެނުން ބޮލަށް ޖަހަން ނޫޅެބަލަ ދޯ؟
؛ޖދކދޖދ
23 March 2020
ދެން ކަލޭ ކައްކަންފަށަންވީނު. ޓޭކް އަވޭ އެއް ހުޅުވައިގެން.
ޝައިން3
25 March 2020
ކެއްކުމަކީ ހަމައެކަނި އަންހެނުން ކަމެއް ނޫން. ޢެއީ ފިރެހެނުންވެސް ކުރަންޖެހޭ ކަަމެއް. ޗައިނާގަ ފިރެހެނުންވެސް ކައްކާނެ. ދިވެހި ފިރެހެނުންހާ ކަންނެތެއްނުވާނެ. ޢޯލްސޯ ދިސްއިސް ނޮޓް ހަންޓް އެންޑް ގެދަރިން އޭޖް.