27 މާޗް 2020 - 21:27
14 comments
ކޮރޯނާވައިރަހުގެ ރައްކާތެރިކަމުގެ ފިޔަވަޅެއްގެ ގޮތުން އައްޑޫގެ ވިޔަފާރިތައް ރޭގަނޑު ބަންދުކުރަން ކައުންސިލުން ބުދަ ދުވަހު ނިންމި ނިންމުން އައްޑޫ ސިޓީ ކައުންސިލުން މިއަދު ބާތިލުކޮށްފި އެވެ.
އިއްޔެގެ ހަވީރު 6:00 އިން ފެށިގެން އައްޑޫގެ ފިހާރަތަކާއި ކެފޭ/ރެސްޓޯރަންޓްތައް ނުހުޅުވާ ގޮތަށް ނިންމުމުން ރޭ ތަންތަން ވަނީ ބަންދުކޮށްފަ އެވެ. ނަމަވެސް ކައުންސިލްގެ މި ނިންމުމާ ގުޅިގެން ވަރަށް ގިނަ ވިޔަފާވެރިންނާއި އާންމުން ވެސް ކަންބޮޑުވުން ފާޅުކޮށްފައިވެ އެވެ.
ރޭގަނޑު ވިޔަފާރިތައް ބަންދުކުރަން ނިންމި ނިންމުން މިއަދު ބާތިލުކުރީ އެކަން އެގޮތަށް ކުރަން ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ވެސް އަންގާފައި ނުވާނެ ކަމަށް ރޭ ބުނެފައި ވަނިކޮށެވެ. ނަމަވެސް އައްޑޫ މޭޔަރު އަބްދުﷲ ސޯދިގު (ސޯބެ) ކުރެއްވި ޓްވީޓެއްގައި ވިދާޅުވީ އައްޑޫގެ ވިޔަފާރިތައް ރޭގަނޑު ބަންދުކުރަން ނިންމީ އެޗްޕީއޭގެ ޑިރެކްޓަރު ޖެނެރަލްއާ މަޝްވަރާކުރުމަށް ފަހު، ކޮވިޑް-19 އަށް ހާއްސަކޮށްގެން އައްޑޫގައި އެކުލަވާލާފައިވާ ޓާސްކް ފޯހާ ވެސް މަޝްވަރާކުރުމަށް ފަހު ކަމަށެވެ.
ނަމަވެސް އެ ނިންމުން ބާތިލުކޮށް ކައުންސިލުން މިއަދު ނެރުނު ބަޔާނެއްގައި ބުނީ ކުރީގެ ނިންމުން ބާތިލުކުރީ ގްރޭޓަ މާލެ ސަރަހައްދު ފިޔަވައި އެހެން ސަރަހައްދެއްގައި އެފަދަ ފިޔަވަޅެއް އަޅާނެ ފަދަ ހާލަތެއް އޮތް ކަމަށް އެޗްޕީއޭ އިން ނުދެކޭތީ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގޮހޮޑާ
28 March 2020
އަސްލު މިވަގުތު ހަމަ ރަގަޅީ މާލޭގަވެސް ރޭގަ 6 އިން 6 ކަށް ފިހާރަތައް ބަންދު ކުރުން...އޭރު ގޭގަ ތިބޭ މީހް ގިނަވާނެ...ވައިރަސް އައްވަށް ބަލި....އަސްލު ރަގަޅީ ހަމަ ރޭގަޑު ގެއިން ބޭރަށް ނިކުތުން އެއްކޮށް މަނާކުތުން
އައްޑޫ ގޫބައްޑާ
28 March 2020
ކަރަންޓު ކަންތައް ހަމަޖެހޭނީ މާލޭގަ ހުންނަ ފެނަކައިން ހަމަޖައްސައި ދިނީމަ. ފެނާ ނަރުދަމާގެ ކަންތައް ހަމަޖެހޭނީ މާލޭގަ ހުންނަ ފެނަކައިން ހަމަޖައްސައި ދިނީމަ. ރީތި އިމާރާތަކާ ތަކެއްޗެއް ހުއްޓަކަސް މާލެ އިން ޑޮކްޓަރ ފޮނުވީމަ ބޭސްކުރެވޭނީ. ދެން ކޮން ލާ ލާ ލާ މަރުކަޒެއްތަ މިހަދަނީ. އެޓޯލްސް އެޑްމިނިސްޓްރޭޝަން، ޕްރޮވިންޝަލް އެފެއާރޒް ނުވަތަ ސަދަން ރީޖަނަލް އޮފީސް ހަދައިގެން އައްޑޫ ޑިވެލޮޕްމެންޓް އޮތޯރިޓީ ހަދައިގެން ވެސް ވީކަމެއް ހަރާން!
ގަބޫލެއްނުކުރެވޭ
28 March 2020
ވިޔާފާރިވެރިންގެ ކަންތަކާއިހެދި މިހިސާބށްވެސް އައަީ. ޢަ މިއްލަ އެދު މުން ފޯވެފައި ތިބި ބައެއް
ޖާންއަ
27 March 2020
އިހިގެން ގޮސް ރޫޅިގެ.
ހާމަ333
27 March 2020
މިއީ ކޮންކަހަލަ ސަކަރާތެއް ޖަހާބައެއް...ކުރާކަމެއް ރަނގަަަޅަށް ތާކުންތާކުޖެހޭގޮތަށް ކޮށްބަލަ....ކަމެއް ކޮށްފައެއްނޫން ކަމަކާމެދު ނޫނީ ކުރީމަ ވާނެގޮތަކާމެދު ވިސްނަންވާނީ....ކައުންސިލަކީ ރައްޔިތުން ހޮވާފަ ތިބި ރައްޔިތުންގެ މުވައްޒަފުން...ރައްޔިތުންގެ ބަހެއްނެތި ނިންމުން ނިންމައިގެން އައި ޕްރެޝަރާހެދި އުނބައްޖެހީ....ކައުންސިލްތަކުންވެސް އެބަޖެހޭ ރައްޔިތުންނާ ގާތުން ވާހަކަ ދެކެވި ކަންކަން ނިންމަން.
ހާމާ444
27 March 2020
ދޫންޏާ ތިހެނެއްނޫންވީކީ . ލަގޮޑީގައި ނާށިލާފައިތިބި މީހުން ގިނައީ. ރައްޔިތުންނާމެދު އެެމީހުން ވިސްނާނެތަ؟
ބޮޑުމީހާ
27 March 2020
އައްޑޫގެ ހާލަތު އެންމެ ރަގަޅަށް އިގޭނީ އައްޑޫ ކައުންސިލަށް. މާލޭގަ ހުންނަ އިކޮނޮމިކް މިނިސްޓްރީއަށް އެކަން ނޭގޭނެ. ލާމަރުކަޒީކުރާއިރު މިކަހަލަ ބާރުތައްވެސް ކައުންސިލަށް ދޭނަމަ. ދެން ކައުންސިލުންވެސް މިވަރުގެ ނިންމުމެއް ނިންމަންވާނީ އައްޑޫގެ ރައްޔިތުން އަދި ވިޔަފާރިވެރިންނާ މަޝްވަރާކޮށްފަ
ފިގޭއަހްމަދު
27 March 2020
ވިޔަފާރިތަކުގެ ކަންކަ މުގެ ފަހުބަސް އިއްވާނީ އިކްނޮ މިކް މިނިސްޓްރީން. އައްޑޫ ގަން އެއަރޕޯޓް ބަންދު ކުރަންޖެހޭ. އޭރުން އައްޑޫ ސަލާ މަތަށް ނުރައްކާ ކުޑަވާނެ.
ފިގޭ
27 March 2020
ވިޔަފާރިތަކުގެ ކަންކަ މުގެ ފަހުބަސް އިއްވާނީ އިކްނޮ މިކް މިނިސްޓްރީއަކުން ނޫން މިހާރު ....
ދަންނަމީހާ
27 March 2020
ތިއިން ދޭހަވި ކަމަކީ ކައުންސިލް ހިންގުމުގެ ގާބިލްކަން ތިތާ ތިބި ބައެއްގެ ނެތްކަން.
މަށެއްނޫން
27 March 2020
ކޮންތާކު މިޖެހުނީ؟ މަ ރޭގަވެސް ބުނިން އައްޑޫސިޓީ ކައުންސިލުން ނިންމި ނިންމުމުގަ މަ ބުރަވާނީ މަބުރޫކު ކޮޅަށޭ. ފިހާރަތައް ބަންދުކުރަން ކައުންސިލުން ނިންމި ނިންމުމަކީ ސަރުކާރާ މަޝްވަރާ ކުރުމެއްނެތި ކުރި ކަމެކޭ. ކައުންސިލަށް ބާރުތައް ލިބިފަ އޮތަސް ރައްޔިތުންގެ ސީދާ މަސްލަހަތާ ގުޅިފަ އޮންނަ ކަންތައްތަކުގަ ކައުންސިލުން ގޮތް ނިންމަންޖެހޭނީ މަރުކަޒީ ސަރުކާރާ މަޝްވަރާކޮށް މަރުކަޒީ ސަރުކާރުން އަންގާ ގޮތަކަށް.
މިހާފީ
27 March 2020
އެޗްޕީއޭގެ އެންގުންތަކާއި ނިންމާ ނިންމުންތައް ސާފުކޮށް ކިޔައިދޭންޖެހޭ. "ނުކުރެވޭނެކަންކަން" ލިސްޓްކޮށް އާންމުކޮށްލަބަ. އަހަރުމެންނަކީ ޓީވީއަށް އަޅުކަން ކުރާބައެއްނޫން. މަބުރޫކު ރޯދަ ހިފާށޭ ބުނީމާ ރޯދަ ހިފާކަށް ނުޖެހޭނެ. ގޮޑިއެއްގަ އިންނާށޭ ބުނީމާ އިންނާކަށް ނުޖެހޭނެ. އެޗްޕީއޭގެ ޑިރެކްޓަރު ޖެނެރަލްގެ ނިންމުން ސާފުކޮށް ލިޔުމުން ފެންނަން ޖެހޭ. އެނގެންޖެހޭ. އޭގެ ބަދަލުގައި ކޮށާމަށާފައި އޮތް ފަޅޮލެއް މަބޫރުކު ދެއްކިޔަކަސް ނުވާނެ.
ޖުލީ
27 March 2020
އެޗުޕީއޭއިން ނިންމާ ނިންމުންތައް ގަވައިދުން ފޯނަށް މެސެޖު އާދޭ ދިވެހި ބަހުންނާ އިނގިރޭސި ބަހުން. ފޯނެއް ނެތީޔާ ޓީވީ ހުންނާނެ ޓީވީ ނެތީޔާ މި ނޫސްތައް ކިޔާމީހަކަށް އެޗުޕީއޭގެ ނިންމުންތައް ނުފެނިއެއް ނުހުންނާނެ. އައްޑޫ މީހުން ދެން ގޮތް ބޮޑުވެގެން އުޅޭނެ ކަމެއް ނެތް ނޭގެއޭ ކިޔައިގެން. ސޯބެ ރޭގަވެސް ދޮގުހަދައިގެން ޓުވީޓު ކުރީ.
ނަޖުމުއްދީން
27 March 2020
މިކަހަލަކަންކަމަށްތަ އުނބަށްޖެހުމޭ ކިޔަނީ؟