13 އޮކްޓޯބަރ 2016 - 13:57
8 comments
ރާއްޖޭގައި މަސައްކަތްކުރާ ބިދޭސީން މިއަހަރުގެ ފުރަތަމަ ހަ މަސްދުވަހުގެ ތެރޭގައި 63.7 މިލިއަން ޑޮލަރު (982.2 މިލިއަން ރުފިޔާ) ގައުމަށް ފޮނުވާފައިވާ ކަމަށް މޯލްޑިވްސް މަނިޓަރީ އޮތޯރިޓީ (އެމްއެމްއޭ)ގެ ތަފާސްހިސާބުތަކުން ދައްކައިފި އެވެ.
މަރުކަޒީ ބޭންކުން ނެރުނު ކުއާޓަލީ އިކޮނޮމިކް ބްލެޓިންގެ އެންމެ ފަހުގެ އަދަދުގައި ބުނެފައި ވަނީ މަނީ ޓްރާންސްފާ ކުންފުނިތައް މެދުވެރިކޮށް މި އަހަރުގެ ފުރަތަމަ ދުވަހު ރެމިޓެންސްގެ ގޮތުގައި އެންމެ ގިނަ ފައިސާ ފޮނުވާފައި ވަނީ ބަންގްލަދޭޝް އަށް ކަމަށެވެ. އެގޮތުން 69 ޕަސެންޓް ފައިސާ ބޭރުކޮށްފައި ވަނީ އެ ގައުމަށް ކަމަށް އެ ރިޕޯޓްގައި ބުނެފައިވެ އެވެ.
އެ އޮތޯރިޓީން އާއްމުކުރި ތަފާސްހިސާބުތައް ދައްކާ ގޮތުން މި އަހަރުގެ ފުރަތަމަ ހަ މަސްދުވަހު ރެމިޓެންސްގެ ގޮތުގައި ބޭރުކުރި އަދަދު އޭގެ ކުރީ އަހަރުގެ އެ މުއްދަތަށްވުރެ ދެ ލައްކަ ޑޮލަރު މަދު އަދަދެކެވެ. އެ ތަފާސްހިސާބުތައް ދައްކާ ގޮތުން މިދިޔަ އަހަރުގެ ފުރަތަމަ ހަމަސް ދުވަހު ރެމިޓެންސްގެ ގޮތުގައި ބިދޭސީން ފޮނުވާފައި ވަނީ 63.9 މިލިއަން ޑޮލަރެވެ.
އެމްއެމްއޭގެ ތަފާސްހިސާބުތައް ދައްކާ ގޮތުން މި އަހަރުގެ ފުރަތަމަ ހަ މަސްދުވަހުގެ ތެރޭގައި، ބޭރުގައި މަސައްކަތްކުރާ ދިވެހިން ރާއްޖެއަށް ފޮނުވި ފައިސާގެ އަދަދު 2.2 މިލިއަން ޑޮލަރު (33.9 މިލިއަން ރުފިޔާ)އަށް އިތުރުވެފަ އެވެ. މިދިޔަ އަހަރުގެ ފުރަތަމަ ހަ މަސްދުވަހު ދިވެހިން ރާއްޖެއަށް ފޮނުވާފައި ވަނީ ދެ މިލިއަން ޑޮލަރެވެ.
ދައުލަތަށް ލިބޭ އާމްދަނީ އިތުރުކުރުމުގެ ގޮތުން ވަނީ މިމަހުގެ އެއްވަނަ ދުވަހުން ފެށިގެން ރެމިޓެންސް ޓެކްސްގެ ގޮތުގައި ތިން ޕަސެންޓްގެ ޓެކުހެއް ނަގަން ފަށައިފަ އެވެ.
ރެމިޓެންސް ޓެކްސް ނެގުމަށް ވަޒީފާއާ ބެހޭ ގާނޫނަށް ގެނައި އިސްލާހާ ގުޅިގެން ރާއްޖޭގައި ވަޒީފާ އަދާކުރާ ހުރިހާ ބިދޭސީން މުސާރަ ޖަމާކުރަން ޖެހޭނީ ރާއްޖޭގައި ހިންގާ ބޭންކެއްގެ އެކައުންޓަކަށެވެ. އަދި އެ ގާނޫނާ ހިލާފުވެއްޖެ ނަމަ ވަޒީފާދޭ ފަރާތް 50،000ރ. އިން ޖޫރިމަނާކުރެވޭނެ ކަމަށް ވެސް އެ ގާނޫނުގައި ބުނެފައިވެ އެވެ.
ވަޒީފާއާ ބެހޭ ގާނޫނުގައިވާ ގޮތަށް ބިދޭސީންނަށް އެކައުންޓް ހުޅުވައިދިނުމުގެ ކަންތައްތައް ބޭންކުތަކުން ދަނީކުރަމުންނެވެ. އެގޮތުން ބީއެމްއެލްގައި ރުފިޔާއިން އެކައުންޓް ހުޅުވާ ނަމަ 500ރ. އަދި ޑޮލަރުން ނަމަ 20 ޑޮލަރު އެކަންޓް ހުޅުވަން ދައްކަން ޖެހެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފަސީހު
20 December 2016
400000 މީހުން ދިރިއުޅޭނެކަމަށް ލަފާކުރާ ޤައުމުގެ ބޮލަކަށް 159 ރުފިޔާ.
އަޖައިބެއް
13 October 2016
އެމީހުން ގެނަސް މަސައްކަތް ކުރުވަންޏާ؟ ދެން އެމީހުން ގެންދަންވީ ވަޅޯމަހާ ރިހާކުރާ ކާށިހެއްޔެވެ؟
ތަކުރުފާނު
13 October 2016
ކަލޭމެން މިނަށްވުރެ ކަންނެތް ވީމާ މިހުރިހާ ގޮތެއްވާނެ.
ސާދާސީދާ
13 October 2016
ދެން އެމީހުން ގެންދަންވީ ދިވެހި ރުފިޔާތަ؟ ނޫނީ ސިންގަޕޫރު ރުފިޔާތަ؟ ލިޓްލް ސިންގަޕޫރު؟
ސޯޓު
13 October 2016
ރާއްޖެއިން ބޭރުވާ އެތައްމިލިއަން ޑޮލަރު މިގައުމުގައި ހިފަހައްޓަން ސަރުކާރުންނާއި ، މައިންބަފައިންނާއި އަދި ބޮޑެތި މުވައްސަސާތައް ގުޅިގެން މަގުމަތީގައި ވިއްސިވި ހާލިވެގެން އުޅޭ ވަޒީފާތަކަށް ނުގޮސް އުޅޭ އެތައް ހާސް ޒުވާނުންނާއި އަދި އެހެނިހެން އުމުރުތަކުގެ މީހުން ބަގުލާދޭޝްމީހުން އަދާކުރާ ވަޒީފާތަކަށް ވައްދާ އެމީހުންނާ ހުރިހާ މަސައްކަތެއް ގަވާއިދުތަކެއް ނުވަތަ ގާނޫނުތަކެއްގެ ތެރެއިންނަމަވެސް ހަވާލުކުރުމުން ބޭރުވާ ފައިސާ އެކަނިނޫން ސަލާމަތްކުރެވޭނީ ، ރާއްޖެ އަމާންތަނަކަށްވެސް ވާނެ... މިހާރު ކުރާކަމަކީ ސިގިރެޓު އަދި އެނާޖީ ޑްރިންކް ބޮއެފައި ހެސް ކިޔާފައި ކަމެއް ނެތި ސައިކަލްތައް ދުއްވުން...
ތަކުރުފާނު
13 October 2016
ތިކަމަށް އޮތީ ހަމައެންމެ ޙައްލެއް. އެއީ، ރާއްޖެތެރޭ މީހުން މާލެ ދޫކޮށް ރަށަށް ބަދަލުވުން. އޭރުން މާލެ މީހުން މަސައްކަތް ކުރަން ފަށާނެ. ކަލޭމެން އެމީހުންނަށް 20000 ރުފިޔާ ކޮތަރި ކުލި ދެއްކީމަ ދަރިން ލައްވާ މަސައްކަތް ކުރުވުމުގެ ބޭނުމަކީ ކޮބާ؟
ރިޒޯޓް ބޯއީ
13 October 2016
ރާއްޖޭގައި ބަގްލަދޭޝް ނުވަތަ ބިދޭސީން އުޅެނީ ހަމައެކަނި މަސައްކަތު ނުވަތަ ދަށް ވަޒީފާތަކެއްގައެއް ނޫން. ބޮޑެތި ރިޒޯޓް ތަކުގައި ރޫމްބޯއީންނާއި ވޭޓަރުންނަށް ދަންދެން އެމީހުން އުޅޭ! ދިވެހިންނަށް ވުރެން ބިދޭސީންނަށް ވަޒީފާ ދިނުމުގައި ރިޒޯޓް ތަކުން އިސްކަންދޭ. މިކަންތައްތައް ބަލާނެ ފަރާތެއްނެތް އެއްއިރެއްގައިވެސް.. މިބާވަތުގެ ކަމަކާ ފައިޓް ކޮއްފިނަމަ އެމީހަކު ބޭރުކޮށްލަން އެތައްރޭވުމެއް ރާވާ އަދި ބޭރުކޮށްފައިވެސް އެބަހުރި.. އެއްވަޒީފާއެއްގައި އުޅޭ ބޭރުމީހާ ދިވެހިމީހާ ތަފާތު ކުރުން.. ޕްރޮމޯޝަންދިނުން... އެކޮމަޑޭޝަން.. މިކަހަލައެތައްކަމަކީ އެންމެނަށްވެސް އެގޭ ހަޤީޤަތް.. ފްރޮންޓް ލައިންގައި މަސައްކަތްކުރާ ބޭރުމީހުންގެ ފަރާތުން ރާއްޖޭގެ އަގުވައްޓާލަން ގެސްޓުންނަށް ރާއްޖެއާއި ބެހޭގޮތުން ނުބައި މަޢުލޫމާތު ދީފައިވެސް އެބަހުރި.. އެތައް އަހަރެއްދުވަހު ރިޒޯޓްގައި ދާއިރާގައި އުޅެފައިވާ މީހެއްގެ ހައިސިއްޔަތުން މިބުނަނީ....
ވޮޗްޑޯގް
13 October 2016
މިއަށް ވުރެ ތަފްސީލުކޮށް މި މައުލޫމާތު އިންގެންޖެހޭ. މީ އިގްތިސާދު ދިރާސާކޮށް ވަޒަންކުރަން މުހިންމު މައުލޫމާަތު. ގްރާޕްތަކާއި އިންޓަރެކްޓިވް ޗާޓްތައް ހުންނަންޖެހޭ. މިސާލަކަށް އެވްރެޖްކޮށް ބިދޭސީއަކު ބޭރުކުރީ ކިތައް ޑޮލަރުތޯ. ދެން ބިދޭސީން އާންމު މަސައްކަތްކޮށްގެން ހޯދާ މުސާރައާއި ބިދޭސީން ރާއްޖޭގައި ވިޔަފާރިކޮށްގެން ހޯދާ ފައިސާ އެކި ވަކިން އިންގެންޖެހޭ. އެކި ގައުމުތަކަށް ބޭރުކުރި ފައިސާ އިންގެންޖެހޭ. ކޮންސްޓްރަކްޝަން އިންޑަސްޓްރީގައި މަސައްކަތްކުރާ ބިދޭސީން މުސާރައިގެ ގޮތުގައި ބޭރުކުރި އަދަދު، ޓޫރިޒަމް ދާއިރާގައި މަސައްކަތްކުރާ ބިދޭސީން ބޭރުކުރި އަދަދު، އާންމު ގޭތެރޭ މަސައްކަތް އަދި ފހާރަތަކުގައި މަސައްކަތް ކުރާ ބިދޭސީން ބޭރުކުރި އަދަދު. މި އަދަދުތައް ސާފުކޮށް އެންގުނީމައި ބޮޑު މަންޒަރު ފެންނާނެ ހައްލުކޮށް ޓެކްލްކުރެވޭނެ ދާއިރާތައް ފެންނާނެ. އަޅުގަނޑު މިހާރުން މިހާރަށް ފެންނަ އެންމެ ރަންގަޅު ހައްލަކީ ދިވެހިން ވޯކް ފޯސް ގިނަކުރަން މިކަން ކުރެވެން އޮތީ ގިނަ އަންހެނުން ވޯކް ފޯސް އާ ގުޅިގެން.