ބަންގްލަދޭޝް އިން ފޮނުވި އެހީ ރާއްޖެއަށް ހަވާލުކޮށް ދިނުމުގެ ރަސްމިއްޔާތު: ކޮވިޑް-19 އިން ރައްކާތެރިކޮށް ދިނުމުގައި ދިވެހިންނާއި ބިދޭސީންނަށް ތަފާތު ނުކުރާނެ ކަމަށް ވިދާޅުވި -- ފޮޓޯ/ފޮރިން މިނިސްޓްރީ
22 އެޕްރީލް 2020 - 12:53
26 comments
ކޮވިޑް-19 އިން ރައްކާތެރިވާން އަޅާ ފިޔަވަޅުތަކުގައި ދިވެހިންނާއި ބިދޭސީންނާ ތަފާތު ކުރުމެއް ސަރުކާރުން ނުގެންގުޅޭނެ ކަމަށް ފޮރިން މިނިސްޓަރު އަބްދުﷲ ޝާހިދު މިއަދު ވިދާޅުވެއްޖެ އެވެ.
ކޮވިޑް-19 އަށް މާލެއިން ޕޮޒިޓިވްވި މީހުންގެ ތެރޭގައި ގިނަ އަދަދެއްގެ ބިދޭސީން ހިމެނެ އެވެ. އޭގެ ތެރޭގައި ބަންގްލަދޭޝް އާއި އިންޑިއާގެ ރައްޔިތުން ވެސް ހިމެނެ އެވެ.
ކޮވިޑް-19 އާ ގުޅިގެން ބަންގްލަދޭޝް އިން ރާއްޖެއަށް ހަދިޔާކުރި 100 ޓަނުގެ މުދާ ހަދިޔާ ކުރަން މާލެ ޕޯޓްގައި މިއަދު ހެނދުނު ބޭއްވި ރަސްމިއްޔާތުގައި ވާހަކަ ދައްކަވަމުން ފޮރިން މިނިސްޓަރު ޝާހިދު ވިދާޅުވީ ވޭތުވެދިޔަ ކުޑަ ދުވަސްކޮޅެއްގެ ތެރޭގައި ރާއްޖޭގައި ކޮވިޑް-19 ބާރަށް ފެތުރިގެން ގޮސްފައިވާއިރު އޭގެ ޝިކާރައަކަށް ބަންގްލަދޭޝްގެ ގިނަ ރައްޔިތުން ވެސް ވެފައިވާ ކަމަށެވެ. އެކަމަކު އެ ބަލިން ރައްކާތެރިކޮށް ދިނުމާއި ބޭސްފަރުވާ ފޯރުކޮށް ދިނުމުގައި އެއްވެސް ގައުމެއްގެ މީހަކަށް ސަރުކާރުން ތަފާތު ނުކުރާނެ ކަމަށް ޝާހިދު ވިދާޅުވި އެވެ.
"އަޅުގަނޑު ދޭން ބޭނުންވާ ޔަގީން ކަމަކީ އެންމެ ފުރިހަމަ ރައްކާތެރި ކަމާއި އެކަށީގެންވާ ސިއްހީ ޚިދުމަތް ފޯރުކޮށްދިނުމުގައި އަޅުގަނޑުމެން ތަފާތެއް ނުކުރާނަން ދިވެހިންނާއި ބަންގްލަދޭޝް ރައްޔިތުން އަދި އެހެން ގައުމެއްގެ ރައްޔިތުންނަށް ވެސް." ޝާހިދު ވިދާޅުވި އެވެ.
ޝާހިދު ވިދާޅުވީ ރާއްޖެއަށް ބަންގްލަދޭޝްގެ އިން ދިން އެހީ އިން ހާމަވީ ދެ ގައުމުގެ ދެމެދުގައި އޮތް ޒަމާންވީ ގާތް ގުޅުން ކަމަށާއި އެ ގައުމުން އެކި ގޮތްގޮތުން ވޭތުވެދިޔަ ދެ ކުޑަ ދުވަސްކޮޅެއްގެ ތެރޭގައި ފޯރުކޮޮށްދިން އެހީގެ ސަބަބުން ވެސް ދެ ގައުމުގެ ގުޅުން އިތުރަށް ބަދަހިވެފައިވާ ކަމަށް ޝާހިދު ވިދާޅުވި އެވެ. އެގޮތުން ބަންގްލަދޭޝް އާއި ނޭޕާލުގައި ތާށިވެފައި ތިބި 71 ދިވެހިން ރާއްޖެ ގެނެސްދިނުމާއި ބަންގްލަދޭޝްގެ މެޑިކަލް ޓީމެއް ރާއްޖެ ފޮނުވައި ދިން ކަން ޝާހިދު ފާހަގަ ކުރެއްވި އެވެ.
ބަންގްލަދޭޝް އިން ދެމުން އަންނަ އެހީތަކަށްޓަކައި ރައީސް އިބްރާހިމް މުހައްމަދު ސޯލިހާއި ރާއްޖޭގެ ރައްޔިތުންގެ ނަމުގައި އެ ގައުމުގެ ބޮޑުވަޒީރު ޝައިހް ހަސީނާ އާއި ފޮރިން މިނިސްޓަރު އަބްދުލްކަލާމް މޮމެން އާއި އެ ގައުމުގެ ސަލާމަތީ ބާރުތަކަށް ޝުކުރު އަދާ ކުރާ ކަމަށް ޝާހިދު ވިދާޅުވި އެވެ.
ބަންގްލަދޭޝްގެ އަސްކަރީ މަނަވަރެއްގައި ރާއްޖެ ގެނައި 100 ޓަނުގެ މުދަލުގެ ތެރޭގައި ހިމެނެނީ ކާބޯތަކެއްޗާއި ބޭހާއި މެޑިކަލް ސާމާނު ފަދަ ތަކެއްޗެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އައި އާރު އެސް
22 April 2020
ސަރުކާރުން މި ކޮބިޑާ ގުޅިގެން ކޮއްދޭ ކަންތަޢްތަށް ކޮއްދެނީ ހުން ބިދޭސީންނަށް ރޯދަވީއްލުން ބިދޭސިންނަށް، މަގުމަތިވެފަ ތިބި ބިދޭސީންނަށް ކެއުމާ ބޯހިޔާވަހިކަން ބިދޭސީންނަށް، މަގުމަތީ ހުއްދަޔަކާނުލާ މަގުމަތީ އުޅުމުގެ ހުއްދަ ބިދޭސީންނަށް، ކިބާތޯ މި ކޮވިޑާ ގުޅިގެން އާންމު ތައްޔިތުންނަށް ކޮއްދިން ކަމަކީ ކޮއްދީފަ އޮތިއްޔާ އޮތީ ހަމަ ބިދޭސީއަކަށް ވީކަމެއް، ވަކިވަކި ފަރުދުންނަށް ފައިސާގެ އެހީވާން ގޮވާލަން!
ޔޫސުއްބެ
22 April 2020
ސަރުކާރަށް ދައްކަން ޖެހޭ ފައިސާއެއް އޮތްނަމަ އެފައިސާވެސް އަމިއްލައަށް ދައްކައިގެން ފުރަން ބޭނުންވާ އެތައްސަތޭކަ މީހުން އެބަތިބި. އެކަމަކު އިތުރަށް ދައްކަން ޖެޙޭ ބައި, އެމިގްރޭސަންގެ ތެރެއަށް 15,000, އެކަން ރާވާހިންގާ މީހާއަށް 15,000, މިނިސްޓްރީ ތެރެއަށް 15,000, ކަޓުގެ ގޮތުގަ އަދިވެސް ދައްކަން ޖެހޭ. ނުދެއްކޭމީހުން ނުފުރިފަ, އެގޮތް މިގޮތަށް ފައިސާ ހޯދާ ދެއްކި މީހުން ފުރައިގެން ގޮސް އެތިބީ.
މަބުރޫކުެއަލީ
22 April 2020
ތިކަންއޮތީ ތިހެން. އެކަމަކު ތިކަންބަލާ ތިމައްސަލަ ހައްލުކުރާނީ ނުވަތަ ކުރެވޭނީ ކާކަށްބާ.
ސަންޕަދަރި
22 April 2020
ބޭރުމީހުންތޯ ގަވާއިދާ ހިލާފްވީ ނޫނީ އެމީހުން މިތަނަށް ގެނެސް އުކާލާ އެމީހުން އަތުން އެތައްހާސް ޑޮލަރެށް އަތުލައިގެން އުޅޭ އެމީހުން ގެންނަ ދިވެހިންތޯ? ފައިސާގެ ބޭނުމުގަ ވިޔަފާރިއެއްގެ ގޮތުގަ މީހުންތައް ގެނެސް އުކާލި މީހުންގެ ވާހަކަ ކީއްވެތޯ ނުދައްކަނީ? ބަނގްލަދޭސް އިން މީހުން ގެންނަ މީހުނާ މިރާއްޖެއަށް ޑުރަގު އެތެރެކުރާ މީހުނާ އެބަހުރިތޯ ތަފާތެއް?
ހާޖަރާ
22 April 2020
އެމީހުން ރާއްޖެ ގެނެސް ދޫކޮށްލަނީ އެމީހުންގެ އަތުން އެތައްހާސް ޑޮލަރެށް ނަގާފަ. ހަމައެފަދައިން، ބަންގާޅީމީހާ އަންނައިރު އޭނަޔަށް އެނގޭ ތިމަންނަމިދަނީ ރާއްޖެ އެތެރެވުމަށްފަހު ދޫކޮށްލާގޮތަށްކަން (އެމީހުންގެ ބަހުން އެއީ "ފްރީވިސާ"). ފްރީވިސާ ވީމައެހާ ބޮޑު އަގެއްދީފަ އަންނަނީ.
ހާޖަރާ
22 April 2020
މިކަންހިނގާ ގޮތަކީ ރާއްޖެއިން މިކަމުގައި ބައިވެރިވާ ދިވެހިމީހާ ރާއްޖޭގައިއުޅޭ ބަންގާޅީ އެޖެންޓްކާރީގަ ބުނާނެ ކަލޭމީހުން ހަމަޖައްސާށޭ މަގޭއަތުގަ އެބައޮތޭ މިވެނިވަރަކަށްކޯޓާ. ރާއްޖޭގައި ހުންނަ ބަންގާޅީއެގެންޓް ބަންގާޅުގައި ހުންނަ މީހުންފޮނުވާ އެޖެންޓަށް ގުޅައިގެން މީހުންހޯދާ ޕާސްޕޯޓްކޮޕީ މިކޮޅަށްގެނެސްގެން ޕްރޮސެސްހިންގަނީ. ބައިއެޅެނީ ބަންގާޅީ ދެއެޖެންޓުންނަށާއި ދިވެހިމީހާއާއި އޭނައާއި "އެތެރެއިން" ގުޅިފަތިބޭމީހުނަށް.
25 ބިލްޑިންގ
22 April 2020
ބިދޭސީން މިތަނަށް ވެއްދީ ބޮޑުން ދެން އެމީހުންގެ މީހުންނަށް އެމީހުން އަޅާލާނެ
ސިމްޕަލް
22 April 2020
ދިވެހިންނާއިި ބިދޭސީންނަށް ތަފާތެއް ނުކުރާނެ ކަމަށް ވަޒީރު ވިދާޅުވުމުން ދައްކައިދެނީ މި ރާއްޖޭގައި ދިވެހިންނާއިި ބިދޭސީން ތަފާތު ކުރުން ފެތުރިފައިއޮތް މިންވަރު. ވަޒީރު ތިހެން ވިދާޅުވާން ޖެހުމަކީ ލަދުވެތިކަމެއް. ނަސްލީ ތަފާތު ކުރުމަކީ ދިވެހިންގެ ސަގާފަތެއް. އިންސާނަކަށް ދޭންޖެހޭ އިހުތިރާމާއި ގަދަރު ދިނުމުގެ ކުރިން އެ ސަގާފަތުން ފުރަތަމަ ބަލަނީ، ކޮންރަށެއްގެ މީހެއްތޯ، އުތުރު ނޫނީ ދެކުނު އަވަށުތޯ.
ބޮޑުމީހާ
22 April 2020
ވޭތުވެދިޔަ ހުރިހާ ސަރުކާރުތަކުން ބިދޭސީންގެ މައްސަލައިގެ ޒިންމާ ނަގަންވާނެ
ޝާޑު
22 April 2020
ޒިންމާނެގީމާ ދެން ކިހިނެކޯ ވާނީ؟
ޙިނި
22 April 2020
ތަފާތު އެބަ ކުރޭ ތި ގަަވައިދާ ހިލާފު މީހުނައް ވިސާފީ ނުދައްކާވެސް އުޅެވޭ، ކަންނެއް ކަމާ ކަން ފަސޭހަ ކަމުން ހައްޔަރެއްވެސް ނުކުރޭ
ހަސީނާ
22 April 2020
ބަންގާޅީންނަށް ޤަވާޢިދާ ޚިލާފަށް މިޤައުމުގައި އުޅެވިގެންނުވާނެ. އެމީހުން މިތާނގައި ވަގުވިޔަފާރިފަށާ ގޮތްނޭނގޭ އެތަކެއް ޖަރީމާ ހިންގާ. ޑްރަގް ވިޔަފާރި، ކަސްބީ އަންހެނުންގެ ވިޔަފާރި އަދި މަނީލޯންޑަރިން މިހެނގޮސް ކިޔާނެ ކަމެއްނެއް. ބަންގާޅީންނާހެދި ދިވެހިންނަށް ވަޒީފާ ނުލިބޭ އަދި ވިޔަފާރިއެއް ނުލިބޭ.
މަޒް
22 April 2020
މި ގޭ ކައިރީގާވެސް ލޯ ކުރިމަތީގައި ތިފަދަ އެތައް ޖަރީމާއެއް މިހާރުވެސް ހިނގަމުން އެބަދޭ!! އަސްލުވާ ގޮތަކީ ދިވެހިންނާއި ދިވެހި ގައުމުދެކެ ލޯބިވާ ދިވެހިން ނެތީ ނުވަތަ މަދީ އަދި ދިވެއްސަކަސްވީތީ ހިތާމަކުރާ ދިވެހިން ސޯޝަލް މީޑިއާގަ ގިނައީ...
falcon_autho
22 April 2020
ތަފާތު ކުރާނޭ ކަމެއްނެތް. ދިވެހިންވެސް ގާނޫނާ ޚިލާފުވީމާ އަދަބު ދެނީ. ބަންގާޅު މީހުންވެސް ގާނޫނާ ޚިލާފުވީމާ ގާނޫނުގެ ތެރެއަށް ވައްދާނީކީ ނޫން. ގާނޫނާ ޚިލާފަށް ތިބި އެންމެން މަނަވަރަށް ލާފައި ފޮނުވާލަންވީނުން. ދެކަމެއްވެސް ނުކޮށް ކޮންމެވެސް ބަހަނާއެއް ދައްކާފައި ބައިތިއްބާނެ. ވޯކްވިސާގައި އުޅޭމީހުން މަސައްކަތުގައި ހަމަ އުޅެންވީ. އެނޫން މީހުން ބޭރުކުރޭ. އަދި ޑްރަގުގެ މައްސަލަތަކުގައި ހައްޔަރުކޮށްފައިވާ މީހުންވެސް ބޭރުކޮށްލާ.
ޑަބިޔާ
22 April 2020
ތަފާތު ނުކުރަަނައް ފޮޓޯއިންވެސް ތަފާތުކަން އިގޭ. ބަންގުލަދޭސް އެންމެންވެސް ސޭފްޓީ އަޅާގެން ކަލޭމެން އެވެސް ނެއް ދެންކޮންޗެއް ކަލޭމެންނައް ވިސްނޭނީ