ފިންލެންޑު އިންޓަނޭޝަލް ސްކޫލު ހުޅުވަން މިއަދު އެ ސްކޫލުގައި ބޭއްވި ރަސްމިއްޔާތުގައި އެ ސްކޫލުގެ ދަރިވަރުން ބައިވެރިވަނީ.-- ފޮޓޯ: ހުސެއިން ވަހީދު/ މިހާރު
22 އެޕްރީލް 2020 - 19:49
26 comments
އައިލެންޑާސް އެޑިއުކޭޝަނުން ހިންގާ ސްކޫލުތަކުގައި އޮންލައިންކޮށް ކިޔަވައިދޭތީ ދަރިވަރުންގެ ފީ ކުޑަކޮށްދީފި އެވެ.
އެ ކުންފުނީގެ އެގްޒެކެޓިވް ޑިރެކްޓަރު އަދްލީ ރަޝީދު ވިދާޅުވީ، ސްކޫލުތައް ދިގު މުއްދަތަކަށް ބަންދުކުރުމާ ގުޅިގެން ދަރިވަރުންގެ ކިޔެވުމަށް ބުރޫ އަރަމުންދާ ކަމަށެވެ. އެކަމަކު އައިލެންޑާސްގެ ދަށުން ހިންގާ ބިލަބޮންގް އިންޓަނޭޝަން ސްކޫލާއި ފިންލެންޑު އިންޓަނޭޝަނަލް ސްކޫލު އަދި ކެންގަރޫ ކިޑްސްގެ ދަރިވަރުންނަށް އަންނަނީ ސިއްހީ ކުއްލި ނުރައްކަލުގެ ހާލަތު އިއުލާނުކުރި ދުވަހުން ފެށިގެން ވެސް ކިޔަވައި ދެމުންނެވެ. އެއީ، ދަރިވަރުންގެ ކިޔެވުމަށް ހުރަސްއެޅުމުގެ ފުރުސަތު ހަނިކުރަން ކަމަށް އަދުލީ ވިދާޅުވި އެވެ.
އޭނާ ވިދާޅުވި ގޮތުގައި އޮންލައިންކޮށް ކިޔަވައިދޭތީ އަންނަ މަހުގެ ސްކޫލު ފީ އިން 15 ޕަސެންޓް ވަނީ ކުޑަކޮށްދީފަ އެވެ. ކޮވިޑް-19 ގެ ސަބަބުން މާލީގޮތުން ދިމާވެފައިވާ ދަތިތަކާ ގުޅިގެން އެ ކުންފުނިން ވަނީ ދަރިވަރުންގެ މި މަހުގެ ފީ ވެސް 10 ޕަސެންޓަށް ކުޑަކޮށްދީފަ އެވެ.
ކިޔަވައިދިނުމުގެ އިތުރުން އޮންލައިންކޮށް އެސެމްބްލީ ބޭއްވުމާއި ގްރޫޕުތަކަށް ބަހާލައިގެން ވާޗުއަލްކޮށް ޕްރޮޖެކްޓު މަސައްކަތްތައް ކުރިއަށް ގެންދިއުމާއި ޓީޗަރުންނާއި ދަރިވަރުން ބައްދަލުކޮށް އުފާވެރި ވަގުތުކޮޅެއް ހޭދަކުރުމުގެ ފުރުސަތު ފަހިވެގެންދެ އެވެ. އޭގެ އިތުރުން ކޮންމެ ހަފުތާއަކު އޮންލައިންކޮށް އިތުރު ހަރަކާތްތައް ބޭއްވުމާއި ހާއްސަ އެހީއަށް ބޭނުންވާ ދަރިވަރުންނަށް މިފަދަ ދުވަސްވަރެއްގައި ކިޔެވުމުން ބާކީ ވިޔަނުދީ އެ ކުދިންނަށް ބޭނުންވާ އެހީތެރިކަން ވެސް އަންނަނީ ފޯރުކޮށްދެމުންނެވެ.
"މިކަމަކީ ދަރިވަރުން ދިގު މުއްދަތަކަށް ގޭގައި ބަންދުވެ އެކަނިވެރިވެފައި ތިބޭ ދުވަސްވަރެއްގައި އެ ކުދިންނަށް ނަފްސާނީގޮތުން އަދި އިޖުތިމާއީ ގޮތުން ކޮންމެހެން ބޭނުން ކަމެއް،" ޕްރިންސިޕަލް ޑރ. އެއިއްޔާ ވެލައްނޭ ވިދާޅުވި އެވެ.
ދަރިވަރުން ހެލިފެލިވެ އުޅުމަކީ މުހިއްމު ކަމަކަށްވާއިރު ގޭގައި ބަންދުވެފައި ތިބުމުގެ ސަބަބުން އެކަމަށް ހުރަސްތަކެއް ވަނީ އެޅިފަ އެވެ. ނަމަވެސް ދަރިވަރުންނަށް ބޭނުންވާ ކަސްރަތު ފޯރުކޮށްދިނުމަށް އައިލެންޑާސް އިން އަންނަނީ ފިޒިކަލް އެޑިއުކޭޝަން (ޕީއީ) ފިލާވަޅުތައް އޮންލައިންކޮށް ނަގައިދެމުންނެވެ.
އަދްލީ ވިދާޅުވީ، ކުދިން ގޭގައި ބަންދުވެފައިވާ މި ވަގުތަކީ އެންމެން އަތުގުޅާލައިގެން ވަރަށް ގާތުން މަސައްކަތް ކުރަންވީ ވަގުތު ކަމަށެވެ.
"މިފަދަ އުނަދަގޫ ދަނޑިވަޅެއްގައި ކޮންމެ ބޭފުޅަކު ވެސް އަބަދު ވިސްނުން ބަހައްޓަވަންވާނީ ކުރެވެން ހުރި ހުރިހާ ކަމެއް ވެސް އެންމެ ފުރިހަމަ މިންވަރަކަށް ކުރެއްވޭތޯ. އޭރުން މި ހާލަތުން އަރައިގަނެވޭ ދުވަހު، ފަސްބަލައިލުމުން ފެންނަން އޮންނާނީ ދަތިތަކަކާއި ގޮންޖެހުންތަކެއް ތަހައްމަލު ކުރަމުން ދިޔަ ދަނޑިވަޅުގައި ވެސް، ކުދިންގެ ތައުލީމުގެ ހައްގުގައި އަޅުގަނޑުމެންނަށް ނުކުރެވުނު ކަމެއްގެ ބަދަލުގައި ކުރެވުނު ގިނަ ކަންތައްތައްތަކާއި ވެވެނު މަތިވެރި ގުރުބާނީ،" އަދްލީ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކެކެ
23 April 2020
ހުޅުމާލެ ޖެމް ސުކޫލްގަ 950 ނަގާ ކުލާސްތައް 850 ކުޑަކޮއްފަ އޮންލައިންކޮއް ޔޫޓިއުބް ވީޑިއޯ ލިންކެއް ފޮނުވާފަ .. ފައިސާދައްކަން މީ ބޮޑު ޖޯކެއް.. ސުކޫލުން ކަޑަލީޔަސް ވީޑިއޯ ދައްކަންޔާ ޔޫޓިއުބް އިން ބެލޭން. މީ ފެންވަރު
ހުސެންް
23 April 2020
އޮންލައިން ވީޑިއޯ ފޮނުވަނީ އެއީ ކިޔަވަދެނީ ތަ؟ 100ރ ކުޑަކުރީ އެވެސް ކުޑަކުރުމަކައް ވާނީ ދޯ؟
އައްޑޫ ކޮއްޔާ
23 April 2020
އައްޑޫ ގައި ހިންގާ ހިރާ ސްކޫލް އިން ފީ ނުދައްކާ ބެލެނިވެރީންނަށް އިންޒާރު ދެމުން އެގެންދަވަނީ ފީދެއްކުން މަޖުބޫރު ކުރަމުން، އިސްލާމީ އުސޫލުތަށް ދިރުވައި އާލާ ކުރަން އުފެދުނު ސްކޫލް އެހެނިހެން ޕްރައިވެޓް ސްކޫލްތަކަށްވުރެ ފައިސާ ހޯދަން ކުރީގައި އުޅޭނީ. އިހުސާންތެރިކަމުގެ ކަންފުޅެއްވެސް ނެތް. ބަންދު ދުވަސްކޮޅު ޚަރަދު ކުޑަވަނެކަން ޔަގީން. ސާބަސް ހިރާ ފައުންޑޭޝަނަށް
ޏަމް
23 April 2020
5500 ދަރިވަރަކައް ދައްކާއިރު ތިވިދާޅުވާ ޑިސްކައުންޓު ކަނޑާލިމަވެސް އެބަޖެހޭ 4600. ހާދާ ބޮޑުފީއެކޭ ސްކޫލާެއް ދާން ނުޖެހޭއިރު
ޒައިދު
23 April 2020
ގިޔާސުއްދީނު ސްކޫލުން އެއްކަމެއްވެސް ނުކޮށް މިމަހު ފުލްފީ އެބަ ނަގާ!!އޮންލައިކޮށް ކިޔަވައި ނުދެންޔާ ފީނެގިގެން ނުވާނެ! ކިޔަވައި ނުދޭ ދުވަސް ތަކަށް އެ ސްކޫލުން ޑިސްކައުޓުދީ.އޮންލައިކޮށް ކިޔަވަން ބޭނުންވާމީހުން 6000 ވެސް ދައްކަންވީ ލާރިހުރީއާ، އެކަމަކު ނުދޭ ހިދުމަތަކަށް ލާރިދެއްކުމަކީ ބަޔަކު ޖަރީމާހިންގަން ހުއްދަދިނުން. މިނިސްޓްރީއިން ގިޔާސުއްދީން މައްސަލަ ބަލަން ޖެހޭ!
މާނިއު
23 April 2020
މިހާލަތުގަ ސިއްހަތާ އިގްތިސާދާމެދު ފިކުރު ކުރަންޔާ ތައުލީމާމެދުވެސް އެބަ ފިކުރުކުރަންޖެހޭ.އެއީ ވެސް އަސާސީހައްގެއް. ސަރުކާރުން ޓެލެކްލާސް ހުއްޓާލާފައި ހުރިހާކުދިން ފާސްވާނޭ ގޭގަތިބޭޝޭ ބުނިހިސާބުން ރާއްޖޭގެ އެތަށްހާސް ކުދިންގެ ތައުލީމުގެ ހައްގެއް އެގެއްލުނީ. މަޖްލިސްމެންބަރުން މިނިސްޓަރާ ސުވާލުކޮށް މިކަމަށް ޖަވާބެއް އެބަހޯދަންޖެހޭ؟ ކީއްވެ ހަމައެކަނި ފީ ދައްކާކުދިންނަށް މިކަހަލަ ރަނގަޅު ކިޔެވުން ލިބެންވީ އެހެން ހުރިހާކުދިން ބާކީވެފަ؟
ރުބެލް މިއާ
23 April 2020
މެޑަމް މިހާރު ވަރަށް އުފާވާ ތިބެނީ. މެޑަމްގެ ދެކުދިން ބިލަބޮންގައި. ވަރަށް މުއްސަދި މީހާގެ ދަރިން ބިލަބޮންގަ ކިޔަވަނީ. ވަރަށް ގިނަކުދިން އަމިއްލަ ކާރުގަ ސްކޫލަށް ދަނީ. އާރުމެން ގައުމުގަ ސަރުކާރުން ގިނަމީހުންނަށް ކިޔަވާދެނީ.
ކޮވިޑް
23 April 2020
ތިކަންތަކާ ވިސްނިދާނެ ފަހުންވެސް...މިޖެހިފަ އޮތް ކަންތަކުން ސަލާމަތް ވެވޭތޮ ފުރަތަމަ އުޅެންބީނުން
ދޮންރަހާ
22 April 2020
ނަށީދުގެ ވެރިކަމުގަ އޭނަގެ ދޯސްތު އިންޑީޔާ މީހުން ހިންގަންދިން ގިޔާސުއްދީން އިންޓަނޭށަނަލް ސްކޫލްގެ ފީއިން ކަނޑާލީ އެންމެ 200 ރުފިޔާ ކިޔަވާދެނީޔެއްނޫން އެކަމަކު ކަނޑާލީ ދުއިސައްތަ މި ކޮވިޑްކަނތައް އައުމުގެ ކުރިންވެސް މަތީގުރޭޑް ތަކުގެ ކިޔަވާދޭ ޓީޗަރުންނެތި ދިޔައީ
ޙަސަންދީ
23 April 2020
ނަޝީދެއް ނުދޭ ކިޔަވަ ދޭކައް، ނަޝީދު ބަޔަކައް ސްކޫލް ދިނުމުން ހުރިހާ ބޮޑުންނަށް އެސްކޫލް ކަމުގޮސްގެން އެމީހުންގެ ދަރިން ކިޔަވަނީ އެސްކޫލުން، ފީ ދަންކަން މިދުވަސްކޮޅު ދަތިވާނެ، އެކަމަކައް ނަޝީދު ކުރާނެ ކަމެއް އޮތްހެނެއް ހީނުވޭ، ކެއްތެރިވެﷲ އަށް ދުއާދެންނެވުން އޮތީ
ފޭން ގަރލް
22 April 2020
މީ މުޅި ޤައުމަށް ނަމޫނާ ސްކޫލްތަކެއް. އޮންލައިންކޮށް ކިޔަވާދިނުމުގެ ބުރަ މައްސޫލިއްޔަތު އަދާކުރައްވާ ލޮބުވެތި މުދައްރިސުންނައް ޝުކުރިއްޔާ!
މަސީން.
22 April 2020
ސަރުކާރު ސްކޫލުތަކާ އެހެން އިންޓަނޭޝަނަލް ސްކޫލުތަކުންވެސް މިވަރުކުރެވޭނެ. ކީއްވެ ނުވާންވީ. ކޮންމެދުވަހަކު ކްލާސްތައްބާއްވާ ކިޔެވުން ކުރިއަށް ގެންދަންވީ.
ފެމީ
23 April 2020
ކުރެވެންވާނެ. އެކަމު ޓެލިކިލާސް ބޭއްވީމަ ބެލެނިވެރިން ޓީވީދޮށުގަ ކުދިންނާއެކު ހުރިހާ ގަޑި ހޭދަކޮށްފަ އަދި އެ ދޭ ފިލާވަޅުތައްވެސް ހަދުވަން އެހާ ގިނަ ގަޑި ހޭދަކުރާ ގޮތަށް އޮތުމުން ވަރަށް ދަތިވާނެ. ކްލާސް ހިންގާ ގަޑިތައް ސްކޫލެއް ފަދައިން ކޮންމެ ކުއްޖެއް އެޓެންޑްވެ އޮންލައިންކޮށް އެނގޭގޮތަށް ވަކި ވަގުތަކު ވަކި ކްލާހެއް ޓީޗަރާއެކު ހިންގާނަމަ ސްކޫލަށް ނުދިއަސް ގޭގަ ތިބެވެސް ކްލާހަށް ކުދިން އެޓެންޑްވާކަން ސްކޫލަށް ބެލޭނެ. އެވަރު އެޑިއުކޭޝަނަށް ނުކުރެވޭ.