ނޫސްވެރިންގެ ބައްދަލުވުމަކަށް ފަހު ރައީސް އިބްރާހިމް މުހައްމަދު ސޯލިހް ނޫސްވެރިންނާ އެކު. -- ފޮޓޯ: މިހާރު
03 މެއި 2020 - 15:39
5 comments
ނޫސްވެރިކަމުގެ މިނިވަންކަން މި ސަރުކާރުން ކަށަވަރުކޮށްދެނީ ސައްހަަ މައުލޫމާތު ނުލިބޭ ނަމަ އެކަމުގެ ނޭދެވޭ އަސަރު ރައްޔިތުންނަށް ކުރާނެތީ ކަމަށް ރައީސް އިބްރާހިމް މުހައްމަދު ސޯލިހް ވިދާޅުވެއްޖެ އެވެ.
މިއަދު ފާހަގަކުރާ ނޫސްވެރިކަމުގެ މިނިވަންކަމުގެ ދުވަހުގެ މުނާސަބަތުގައި ރައީސް ކުރެއްވި ޓްވީޓެއްގައި ވިދާޅުވީ މިހާރު ކުރިމަތިވެފައިވާ ކޮވިޑް-19ގެ ފަދަ ކާރިސާގެ ހާލަތްތަކުގައި ސައްހަ ނޫން މައުލޫމާތު ފެތުރުމުން ރައްޔިތުންނަށް އެކަމުގެ ނޭދެވޭ އަސަރު ވަރަށް ބޮޑަށް ކުރާނެ ކަމަށެވެ.
"ބިރުވެރިކަމެއް ނެތި މިނިވަންކަމާ އެކު ހިނގާ މީޑިއާއެއް ވަރަށް މުހިންމު. އަޅުގަނޑުގެ ސަރުކާރުން މީޑިއާގެ މިނިވަންކަން ކަށަވަރުކޮށްދެނީ މި ސަބަބަށްޓަކައި،" ދުވަހުގެ މުނާސަބަތުގައި ހުރިހާ ނޫސްވެރިންނަށް މަރުހަބާ ވިދާޅުވެ ރައީސް ކުރެއްވި ޓްވީޓްގައިވެ އެވެ.
ކުރީގެ ސަރުކާރުގައި ނޫސްވެރިކަމަށް ކުރިމަތިވި ބޮޑެތި ގޮންޖެހުންތަކާ އެކު ނޫސްވެރިކަމުގެ މިނިވަންކަމުގައި ރާއްޖެ ވަރަށް ބޮޑަށް ފަހަތަށް ވެއްޓުނެވެ. ނަމަވެސް މި ސަރުކާރު އައި ފަހުން މި ހާލަތު ބަދަލު ދުނިޔޭގެ ނޫސްވެރިކަމުގެ މިނިވަންކަން ވަޒަންކުރާ މިންގަނޑުގައި މި އަހަރު ރާއްޖެ އަށް ވަނީ 19 ދަރަޖައިގެ ކުރިއެރުމެއް ލިބިފަ އެވެ.
ނޫސްވެރިކަމާއި ނޫސްވެރިންނަށް ދިމާވެފައިވާ ގޮންޖެހުންތައް ނައްތާލައި މިނިވަން ނޫސްވެރިކަމެއް ކަށަވަރުކޮށްދިނުމަކީ ރައީސް އިބްރާހިމް މުހައްމަދު ސޯލިހްގެ ރިޔާސީ ވައުދެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހިބަރުވަދު
03 May 2020
މިނިވަން ނޫސްވިކަމަކީ ދޮގުމަޢުލޫމާތާއި ފިތުނަފަސާދަ މުޖުތަމައުއަށް ފެތުރުމެއްނޫނެވެ. ބިރުވެރިކަމެއްނެތި ޙަޤީޤަތް ހާމަކުރުމަކީ އެންމެފުރިހަމަ ނޫސްވިރިކަމެވެ.
ބޮޑުމީހާ
03 May 2020
ރައްޔިތުންގެ މަންފާއަށް މިމީހުން ކޮށްފަ ނުކުރާކަމެއް ނޭގެ. ހަރާން ރައްޔިތަކަށް ވާ މަންފާއެއް! އަޑިއަޑިން އާޚިރުގަ މަންފާގޮސް އޮހެނީ މިމީސްމީހުންނަށް. ސްޓެލްކޯގެ އެމްޑީގެ މުސާރަ ތަންކޮޅެއް ކުޑަހެން ހީވޭ
ދަންނަ ނުދަންނަ
03 May 2020
މި ގައުމުގައި އޮތް މިނިވަން ނޫސްވެރިކަން މިވަނީ ފަރުދީ މިނިވަންކަމަށް އަރައިގަންނަ ބަލާވެރިކަމަކަށް.
ޙުސާމް
03 May 2020
ރަނގަޅު ވާހަކައެއް.މިހާރު މިނިވަންކަމާއި އެކުލިއުމުގެ ފުރުސަތު އެބައޮތް. ޢެކަމަކުކޮބާ ސަރުކާރުޒިއްމާ ކުރުވުމުގައި ނޫސްވެރިންގެ ދައުރު. އެއްކަމެއްވެސް ނުކުރޭ. ކޮއްމެވެސް ވަޒީރެއްގެ މޮޅުވާހަކަ އެއްލިޔާތަން މިފެންނަނީ. ސަރުކާރުގައި ރަނގަޅުކުރަން ޖެހޭއެއްވެސް ކަމަކަށް އެޑްރެސް ކުރާތަނެއްނުފެނޭ. ގިނަ ވުޒާރާތަށް ނިދާފަ އޮތްކަން ހާމަ ކުރަން ނުކެރޭ ބައެއް ތި ނޫސްތަކަކީވެސް އަދި ނޫސްވެރިންނަކީވެސް. މިހާ ގިނަފާއިސާ ލިބޭ ޤައުމެއްގައި ޢާމުން މީހުން ހަނާވަނީ
އަބޫބަކުރުބެ
03 May 2020
ކެޔޮކޭވަރު މުޅިން އަދި ސާފެއްނުވޭ. ދެން ކޮން މިނިވަންކަމެއްގެ ވާހަކައެއްތަ މިދައްކަނީ؟