ޓްރޭޑް މިނިސްޓަރަކަށް ހަމަޖެއްސި ޖަޔަވަރްދަނާ (ކ) އާއި ބޮޑުވަޒީރު ޖޯންސަން. --ފޮޓޯ:ނިއުސްފަސްޓް
07 މެއި 2020 - 17:27
9 comments
ލަންޑަން (މެއި 7) - އިނގިރޭސި ވިލާތުގެ ޓްރޭޑް މިނިސްޓަރުގެ މަގާމަށް ސްރީ ލަންކާ ދަރިކޮޅުގެ މީހެއް ކަމަށްވާ ރަނިލް ޖަޔަވަރްދަނާ ބޮޑު ވަޒީރު ބޮރިސް ޖޯންސަން އައްޔަން ކުރައްވައިފި އެވެ.
އިނގިރޭސި ވިލާތުގެ ގާނޫނު ހަދާ މަޖިލީހުގެ ނޯތު އީސްޓް ހެމްޝަޔާގެ މެންބަރުކަން 2015 ވަނަ އަހަރުން ފެށިގެން ކުރައްވަމުން ގެންދަވާ އުމުރުން 33 އަހަރުގެ ޖަޔަވަރްދަނާ ވަނީ ކޮންޒަވެޓިވް ޕާޓީގެ ޑެޕިއުޓީ ޗެއާމަންގެ މަގާމަށް ވެސް މި އަހަރު އައްޔަންކޮށްފަ އެވެ.
"މި މުހިންމު ދަނޑިވަޅު އިނގިރޭސި ވިލާތުގެ ޓްރޭޑް މިނިސްޓަރުގެ މަގާމު އަދާކުރަން ލިބުމަކީ، ލިބުނު ވަރަށް ބޮޑު ފަޚުރެއް،" ޖަޔަވަރްދަނާ ކުރެއްވި ޓްވީޓެއްގައި ވިދާޅުވި އެވެ.
ލަންޑަން ސްކޫލް އޮފް އިކޮނޮމިކްސް އިން ޑިގްރީ ހާސިލް ކުރައްވާފައިވާ ޖަޔަވަރްދަނާގެ ބައްޕައަކީ ލަންކާގެ ރައްޔިތެކެވެ. ކުރީގެ ބޮޑު ވަޒީރު ތެރޭސާ މެއި މިދިޔަ އަހަރު ވަނީ ސްރީ ލަންކާ އަށް ކަނޑައަޅާފައި ހުންނަ ޔޫކޭގެ ޓްރޭޑް އެންވޯއީގެ މަގާމަށް ޖަޔަވަރްދަނާ ހަމަޖައްސަވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަލީމު އިދުރީސް
09 May 2020
ސަންފަ ތިބުނީރަގަޅައް ދުނިއެއަކީ އެންމެންގެތަނެއް! ދުނިއެ ގައުމުތަކައް ބަހާނައް ދިނީވެސް އިންސާނުން! ހުރިހާމީހުން ހައްޖައްދާ ގެފުޅު ހުރި ބިމަކީވެސް ހުރިހާ މުސްލިމުންގެ ބިމެކޭ ބުނޭ! އެކަމަކު އެބިމައް އެރެނީ ބަޔަކު ހުއްދައެކީ ބޮޑުހޭދަޔެއް ކޮއްގެން! އެހެންވިޔާ ސަންފަ ގެއަޅާފަ ތިހިރީވެސް ދުނިއޭގަ ސަންމައްޗަ ތިބިން ރަޖިސްރީ ކުރި އުސޫލުން ދިވެހިބިން ދިވެހިންގެ ބިމަކައް ވަނީ! މޮންގޯލުންގެ ވާހަކަ އަޑުއެހިންތޯ
ވި ވެސް ޚިޔާލެއް
07 May 2020
މަރުހަބާ ޖަޔާވަރުދަނާ.. މިރާއްޖެއަށް ބޭރުން ހަމަޖައްސަން ޖެހޭނީ ރައީސެކެވެ. " ބޭރު ފަނޑިޔާރުން" ޢައްޔަން ކުރަން އުޅުނު ކަންތަށް މިހާރު ނިމިއްޖެ އެވެ.ދެން އޮތީ ބޭރު ރައީސަކު ރާއްޖެ އަށް ޢައްޔަން ކުރުމެވެ. އެހެން ނޫނީ މިކަމެއް ވާކަށް ނެތެވެ. ބޭރުގެ ފޯމަރ ޕްރެޒީޑެންޓެއް ރަގަޅުވާނެ އެވެ. އޮބާމާ ވަރަށް ކަމުދާނެއެވެ. ކިހިނެއް ތޯ މިގޮތް؟
މައްސަލަ
08 May 2020
ދީނީ ގޮތުން ރަނގަޅެއް ނުވާނެ! މައްސަލައަކީ ދީނޭކިޔާފަ މިޤައުމުގެ ރައީސުން ދައްކާމަންޒަރު! އެކަކު 'އޮލްޓާނެޓިވް' ގޮތްހޯދަން ގޮވާއިރު ދެންހުރިމީހާއަށް ނޭނގުނޯ ޤައުމު ދަވާލިއިރުވެސް ނައިބު! އޭގެ ކުރިންއައި މީހާ ގެ ވާހަކަ ނުދެއްކިއްޔާ ރަނގަޅުވާނީ! މައްސަލަސާފު
ޝައްފަ
07 May 2020
ދުނިޔެ އަކީ އެންމެން ގެ ތަނެއް. ބަންގާޅީންނޭ ކިޔާ ދެރަ ކޮށް ތިޔަ ލަނީ ދިވެހިން ގެ ތާރީޙް ނުބަލާ. ތާރީހް ހެކިދޭ ރާއްޖެ އަށް ފުރަތަމަ އައި ދިވެހިން (ގިނަ މީހުން) އައިސްފައި ވަނީ އިންޑިއާ ގެ ބެންގާލް އިން ކަން. ބެންގާލު މީހުން ވާހަކަ ދައްކަނީ ބަންގްލަދެޝް މީހުން ވާހަކަ ދައްކާ ބެންގޯލީ ބަހުން.
falcon_autho
07 May 2020
ދެން ކީއްވެތޯ ޝައްފަ ދިވެހިރާއްޖޭގައި ތިހުރީ. ޔޫކޭއަކީ ތިމަންނަގެވެސް ތަނެކޭ ކިޔާފައި ވިސާނުދައްކައި އެގައުމުގައި ގެއެއް ހަދައިގެން އުޅެންވީނުން. " ތިޔަބައިމީހުން ގައުމުތަކަށާއި ގަބީލާ ތަކަށް ލެއްވީ އެއްބަޔަކު އަނެއް ބަޔަކަށް ތަޢާފަރު ވުމަށްޓަކައެވެ" މިހެން އޮތީ ކޮންމެވެސް ކަމެއް އޮންނާތީދޯ؟ ގަވާއިދުން މިގައުމުގައި ހަމަ އުޅެންވީ. މީހުންނާވެސް އިންނަންވީ. އެކަމަކަށް ހުރަހެއްނެތް. މައްސަލައަކީ ހަދާފައި ހުރި ނުބައި ގާނޫނުތައް. އެ އުވާލާ އެއިރުން ނިމުނީ.
ކޮންކަހަލަމީހެއްމީ
08 May 2020
އިންޑިޔާގެ ބެންގާލު ކިޔާ ތަނެއް ނޯވޭ. އޮންނަނީ ބެންގޯލް. ކިޔާނެ ގޮތް ނޭނގެންޏާ ގޫގުލް ޕްރޮނައުންސް ޗެކެއްކޮށްލާ. ދެން ބެންގާލަކުން ރާއްޖެއަށް ފުރަތަމަ އައިބަޔަކު އައިކަން ތިކިޔާ ހެއްކާއެކު ދައްކަންވީނުން. ބެންގޯލްގައި ބަންގާޅީ ދަރިކޮޅުނޫން ބަޔަކު ދިރިއުޅޭކަންވެސް ނޭނގޭވަރުގެ ބޭފުޅެއް އަދި މިއީ.
ބަބުރުލް ސަލީމް
07 May 2020
ލަންކާ ހަބޭސް.
ހަސަބު
07 May 2020
މިގައުމުގައިވެސް ތިފަދަ މަގާމުތަކަށް އެހެނިހެން ދަރިފަސްކޮޅުގެ މީހުން އަންނަދުވަސް ވަރަށްކައިރި. ގިނަ ދުވަސްވެފަތިބޭ ބިދޭސީންނަށް ސިޓިޒަންޝިޕް ނުވަތަ ވަޒަންވެރިކަން ލިބޭގޮތަށް ޕްރެޝަރު އައުން ވަރަށްކާރި.
މަ ހުވައި
07 May 2020
ތި ކަން ކުރަން ބަޔަކު ކިތަންމެ ބޭނުން ވިޔަސް ތިހެން ތިކަންވާން އަދި 100 އަހަރު ބޭނުން ވެއެވެ.