ހެޕީ މާކެޓުގެ ސީއީއޯ އިހްސާން.
09 މެއި 2020 - 18:54
100 comments
ކޮވިޑް-19އާ ގުޅިގެން ރާއްޖޭގެ އިގްތިސާދަށް ކުރިމަތިވެފައިވާ ދަތިތަކުން އަރައިގަނެ، އެންމެ އާދައިގެ މުވައްޒަފުންނަށް ރަނގަޅު ގޮތްތަކެއް ހޯދައި ދިނުމަށް، ދައުލަތުގެ އިސްމަގާމުތަކާއި ކުންފުނިތަކުގެ ވެރިންގެ މުސާރަ ކުޑަ ކުރުމުގެ ހާއްސަ ޗެލެންޖެއް ހެޕީ މާކެޓްގެ ސީއީއޯ އަލީ އިހްސާން ސޯޝަލް މީޑިއާގައި ފައްޓަވައިފި އެވެ.
ރާއްޖޭގެ އަމިއްލަ އެންމެ ބޮޑު އެއް ކުންފުނި ހިންގަވާ އިސްވެރިޔާ އިހުސާންގެ ޗެލެންޖް އާންމު ކުރައްވައި މިއަދު ކުރެއްވި ޓުވީޓެއްގައި ވިދާޅުވީ، އޭނާގެ މުސާރަ 43 ޕަސެންޓަށް ކުޑަކުރުމަށް ނިންމާފައިވާ ކަމަށެވެ. މި ދަނޑިވަޅުގައި މިނިސްޓަރުންނާއި މަޖިލިސް މެމްބަރުންގެ އިތުރުން ސިޔާސީ މަގާމުތަކުގައި ތިއްބެވި އެހެން ބޭފުޅުންނާއި ސަރުކާރުގެ ކުންފުނިތަކުގެ އިސްވެރިން ވެސް މުސާރަ ކުޑަކޮށް، އެ މުއައްސަސާއެއްގެ އެންމެ އާދައިގެ މުވައްޒަފުންގެ މުސާރަ ސަލާމަތް ކުރެވޭނެ ގޮތެއް ހަދައި ދިނުމަށް ޗެލެންޖް ކުރައްވާ ކަމަށް އިހްސާން ވިދާޅުވި އެވެ.
I have agreed to cut my salary by 43% so some of my junior staff doesn’t have to. Now I challenge all Cabinet Ministers, Political Appointees, MPs and MDs of SOE’s to do the same. I especially invite Colonel Nazim @nazim7878 to accept this challenge. #executivesalarychallenge
— Ali Ihusaan (@ali_ihusaan) May 9, 2020
އިހްސާން "މިހާރު" އަށް ވިދާޅުވީ މިއީ ހުރިހާ ކުންފުނިތަކެއް ވެސް ވަރަށް ބޮޑު އަޑިގަނޑަކާ ކުރިމަތިލަމުންދާ ވަގުތަކަށް ވާއިރު، އެންމެން އަވަސް ވެ ގަންނަނީ މުވައްޒަފުންގެ މުސާރަ ކުޑަކުރުމަށް ކަމަށާއި ހަގީގަތުގައި ޖޫނިއާ ސްޓާފުންގެ މުސާރައިން ކުޑަ އެއްޗެއް ކަނޑައިގެން ކުންފުންޏަށް ވާނެ ވަކި ފައިދާއެއް ނޯންނާނެ ކަމަށެވެ. އޭގެ ބަދަލުގައި ވެރިންގެ މުސާރައިން ބޮޑު ބައެއް ކެނޑިޔަސް އެ މުސާރަ ޖޫނިއާ ސްޓާފެއްގެ މުސާރައާ އެއްވަރު ނުވާނެ ކަމަށް އިހްސާން ވިދާޅުވި އެވެ.
ސަރުކާރުގެ އިސް މަގާމުތަކުގައި ތިއްބެވި ބޭފުޅުންގެ މުސާރައާ ގުޅޭ ގޮތުން އޭނާ ވިދާޅުވީ، އެ ބޭފުޅުންގެ މުސާރަ ކުޑަކޮށްގެން ސަރުކާރުގެ ހަރަދަށް ވަރަށް ބޮޑު ލުޔެއް މިވަގުތު ލިބޭނެ ކަމަށެވެ.
"ސަރުކާރުން ބައިވަރު އާ ހަރަދުތަކެއް ކުރަން ޖެހިފަ މިއޮތީ. އެހެންވީމާ މިނިސްޓަރުންނާއި މެމްބަރުންނާއި ސިޔާސީ މަގާމުތަކުގައި ތިއްބަވަނީ ސަރުކާރުން ކުރާ ހަރަދުގެ ވަރަށް ބޮޑު ބައެއް ހިއްސާވާ ބޭފުޅުން. އެ ބޭފުޅުންގެ މުސާރަ ކުޑަ ކުރުމަކީ ސަރުކާރަށް ވަރަށް ބޮޑު ލުޔެއް ލިބި އެހެން ކަންކަމަށް ކުރާ ހަރަދުތަކަށް އިތުރު ފައިސާ ވެސް ލިބޭނެ ކަމެއް،" އެމްއެންޑީއެފްގެ ކުރީގެ ކެޕްޓަން އިހްސާން ވިދާޅުވި އެވެ.
ސޯޝަލް މީޑިއާގައި އިހުސާން ފެއްޓެވި މި ޗެލެންޖު ހުށަހެޅުއްވި ފުރަތަމަ ބޭފުޅަކީ ވަކިން ސިފައިންގޭގެ ކުރީގެ ކާނަލް އަދި ރައްޔިތުންގެ މަޖިލީހުގެ ދަނގެތި ދާއިރާގެ މެމްބަރު މުހައްމަދު ނާޒިމަށެވެ.
އިހުސާން ވިދާޅުވީ މެމްބަރު ނާޒިމަކީ އަބަދުވެސް ނަމޫނާއެއްގެ ގޮތުގައި ބަލައިގަތް ބޭފުޅެއް ކަމަށެވެ. އަދި މިކަމުގައި ނޮމިނޭޓް ކުރި އިރު ވިސްނެވީ ޗެލެންޖް އެކްސެޕްޓް ކުރާނެ ރައްޔިތުންގެ ހައްގުގައި އެފަދަ ކަމެއް ގައުމަށްޓަކައި ކުރައްވާނެ ކަމުގެ ޔަގީންކަން އޮތް ބޭފުޅަކަށް ކަމަށެވެ.
މިނިސްޓަރުންނާއި މެމްބަރުންނާއި ސިޔާސީ މަގާމުތަކުގައި ތިއްބަވަނީ ސަރުކާރުން ކުރާ ހަރަދުގެ ވަރަށް ބޮޑު ބައެއް ހިއްސާވާ ބޭފުޅުން. އެ ބޭފުޅުންގެ މުސާރަ ކުޑަ ކުރުމަކީ ސަރުކާރަށް ވަރަށް ބޮޑު ލުޔެއް ލިބި އެހެން ކަންކަމަށް ކުރާ ހަރަދުތަކަށް އިތުރު ފައިސާ ވެސް ލިބޭނެ ކަމެއް،" އިހްސާން
"އަޅުގަނޑު ސިފައިންގެ އަށް ވަނުމުގެ ވެސް އެންމެ ބޮޑު އިންސްޕިރޭޝަން ކާނަލް ނާޒިމް. ކާނަލް ނާޒިމް އަކީ ރައްޔިތުންނަށްޓަކައި އެ ފަދަ ގުރުބާނީއެއް ވާން ކެރޭނެ ހަގީގީ ލީޑަރެއް. އަޅުގަނޑު ބެލީ އަޅުގަނޑުގެ ޗެލެންޖެ އެކްސެޕްޓް ކުރާނެ ބޭފުޅަކަށް ޗެލެންޖް ކުރުމަށް. އެގޮތުން ކާނަލް ނާޒިމް ހިޔާރު ކުރީ،" އިހްސާން ވިދާޅުވި އެވެ.
އިހުސާންގެ މި ޗެލެންޖް ނާޒިމް ވަނީ ގަބޫލު ކުރައްވައިފަ އެވެ. ނާޒިމްގެ މުސާރަ އިން 50 ޕަސެންޓް ނުނަންގަވަން ނިންމައިފަ އެވެ. ނާޒިމަކީ ރާއްޖޭގައި އިމާރާތް ކުރުމުގެ ދާއިރާގައި އެންމެ ކުރީގައި އުޅޭ އާރުސީސީގެ އެއް ހިއްސާދާރެވެ. އޭނާ ރައްޔިތުންގެ މަޖިލީހުގެ މެމްބަރުކަމަށް އިންތިޚާބުވީ މިދިޔަ އަހަރު އޮތް އާންމު އިންތިޚާބުގަ އެވެ.
I accept #executivesalarychallenge
— Col(rtd)Mohamed Nazim MP (@nazim7878) May 9, 2020
from @ali_ihusaan to cut my salary by 50%.
Now I nominate:
Republic Engineers Maldives’ MD, @ab_salih. https://t.co/FozevhuAr5
އިހްސާން ފެއްޓެވި ޗެލެންޖު ކުރިއަށް ގެންދެވުމުގެ ގޮތުން ނާޒިމް އެ ޗެލެންޖަށް ނޮމިނޭޓް ކުރެއްވީ ރިޕަބްލިކް އިންޖިނިއާސްގެ އެމްޑީ އަބްދުﷲ ސޯލިހެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޭކާރުވަޒީފާ
11 May 2020
ދަށްކުރަންވީ އެއްވެސް ކަމެއް ނުކޮށް ބައިލައްކަ ރުފިޔާ މަހަކު ގެޔަށް ގެންދާ މީހުންގެ މުސާރަ. އޭގެ މީހުން މިގައުމުގަ މިހާރު ވަރަށް ގިނަ. ސިފައިންނާ ޕޮލިހުގަ އެމީހުން އެންމެ ގިނައީ. ކަމެއް ނުކޮށް އެފައިސާ ގެޔަށް ގެންދިއުމުގެ އިތުރަށް ހިދުމަތް ރަނގަޅު ކުރަން ބޭރުގެ ޤައުމު ތަކުން ވެހިކަލެއް ދިނަސް އެމީހުން އެތިބީ ނަގައިގެން، އެ ދުއްވަން ޑްރައިވަރުން ލައިގެން. މިރާއްޖޭގެ ޑިރެކްޓަރުން ފެންވަރުގެ ވަރަށް ގިނަ. އެގެން ފުލުހުން އެކަނި ކާރު ނަގަިގެން އުޅެނީ
ގައުމީ ލޯބީގާ
10 May 2020
ތީތި ކަޑަ މީހަކު ބުނެލީމަތަ މުސާރަ ކުޑަ ކުރާނީ އަމިއްލަ ކުންފުނިތަކުގެ ބޮޑެތި ހިއްސާދާރުން . އަމައިބުނެގެން ފަރަށް ގޮސް ބޮލިނުލައި އައުމެކޭތިއެކޭ ކޮބާތަފާތަކީ . ގިނަވިއަސް ގިނަވާނީ ތިބަޔަކަށް މަދުވިއަސް މަދުވެގެން އުޅޭނީ ތިބަޔަކު . ރައިސަށް މަޖްލިސް މެންބަރުންނަށް ޗެލެންޖް ކޮއްބަލަ އެބައެއްގެމުސާރައަމިއްލައަށް ކަޑައަޅާނަގަންފެންނަވަރު އަމިއްލައަށް ކަޑައަޅާބޮޑެތި އިނާޔަތްތައް ލިބޭބައެއްއެއީ މާލިއްޔާއިންކަޅާކޮއްލާބައިގަޑެއް .
ފަހީމްބެ
10 May 2020
އަލީ ފޭކްއެއް ޖެއްސީ. ދެރަވޭ
ޢަލީ ބަނާތު
10 May 2020
ކޮބާ މިނަމޫނާ ނަމޫނާއެއްގެ ގޮތުގައި ބަލައިގަނެ އަމިއްލައަށް މުސާރައާއި އިނާޔަތް ކަނޑައަޅައިގެން ރައްޔިތުންގެ ފައިސާހުސްކުރާމީހުނާއި އަތްއުރާލައިގެން ތިބޭ ބޮޑެތި މަޤާމުތަކުގައި ބޮޑުމުސާރައިގައި ތިބިއެންމެންގެ މުސާރަތަށް އަވަހަށް ކުޑަކޮށްބަލަ ދެންވެސް ބުރަމަސައްކަތްކުރާ އާދައިގެ މުއައްޒަފުންގެ މުސާރައާއި އިނާޔަތްތަކާއި ކުޅެން ނުވިސްނަބަލަ .. ބުނެބަލަ ކޮބައިތަ އެއްކަލަ އަގުހެޔޮ އިންޓަނެޓާއި ކުޑަކުރިކުއްޔާއި އަގުކުޑަ ކަރަންޓްބިލް ؟ އަދިއެއްނުފެނޭ
އަސްލަމު
10 May 2020
މިޗެލެންޖުގައި ސްޓެލްކޯގެ އެމްޑީ މުގުނީ ވާނީ ބައިވެރިކުރުވަން. އެއިރުން ފަހަރުގައި ކަރަންޓު ބިލުވެސް ކުޑަ ވެދާނެ
މީކޮންކަމެއް؟
10 May 2020
އިހްސާން ޗެލެންޖެއް ފެށީމަ އޭތިހަބަރަކަށް ވީކޮންގޮތަކުން؟ އިހްސާނަކީ ޕްރައިވެޓް ކުންފުނޔެއްގެ ސީއީއޯ. މިކަން މާބޮޑު ހަބަރަކަށް ވެގެން އުޅެނީ ކީއްވެތަ؟
ާޕޮންޕޮން
10 May 2020
އިހްސާނުގެ ބަޔޮގްރަފީ ބަލާލަ ބަލަ. ޖޭނުވެ ހެޔޮނިޔތުގަ އެކަން ކޮށްފިއްޔާ މި ގައު މު ފަޚުރުވެރި ވާ ދަރިން މިހާރުވެސް މަދުން ނަ މަވެސް އުޅޭކަން އިހްސާސް ވާނެ
ގައުމީ ލޯބީގާ
10 May 2020
އަމިއްލަ ވާރުތަ މުދާގަޑަކުން އެއްޗެއް ނަގާމީހެއްގެ ހަބަރެއް .
ހަވަރު
10 May 2020
މަހަކު 200،000 ރުފިޔާ ނަގާމީހަކު %50 މުސާރަނެގިޔަސް އާއްމުން މީހާގެ މުސާރަޔާ ނުބައްދަލު އެހެންނޫންތޯ
ރައްޔިތު ސޮރު
10 May 2020
ރާއްޖޭގެ ބޮޑު ވިޔަފާރި ކުންފުންޏެއްގެ ސީއީއޯ އެބޭފުޅާ އަމިއްލަޔަށް މުސާރަ ދަށްކޮށްފީމޭ ބުނެ، ދެން ވެސް އެވަރުގެ ބޮޑު ވިޔަފާރިވެރިއަކަށް ޗެލެންޖް ކުރީމާ އަންނަނީ ހިންޏެވެ. އިޙުސާނަކީ ހެޕީމާކެޓުގެ ސީއީއޯގެ އިތުރުން ވިޔަފާރީގެ ހިއްސާ ދާރެކެވެ. ކާނަލް ރިޓަޔާޑް ނާޒިމް އަކީ އާރުސީސީ ހިއްސާދާރެކެވެ. އަދި މެލޭސިއާގެ ވިޔަފާރިވެރިއަކާއި ގުޅިގެން ރާއްޖޭގައި ޓޫރިޒަމް ވިޔަފާރި ކުރުމަށް ތައްޔާރުވެފައިވާ މީހެކެވެ. މޮޅަށް ދެނެވޮޑިގެންވާނީ ކީރިތިވަންތަ ﷲ އެވެ.
Mohamed
10 May 2020
ޢަމިއްލަ އައް ތިމާ މުސާރަ ކުޑަކޮށްފަ ކޮންމެހެން އެހެންމީހުންގެ މުސާރަ ކުޑަކުރަން ނޫޅެބަކަ ދެއްކުންތެރިކަން
ކެޔޮޅުބޭ
10 May 2020
ދައުލަތުން ބޮޑު މުސާރަ ލިބޭ ސަރުކާރުގެ ސިޔާސީ މަގާމުތަކުގަ ތިބި މީހުންނާއި، ރ.މަޖިލިސްގެ މެމްބަރުންނާއި، ސަރުކާރުގެ ކުންފުނިތަކުގެ ވެރިންގެ މުސާރަތަށް މިވަގުތު ވަރަށް ބޮޑަށް ކުޑަ ކުރަން އެބަޖެހޭ. އެކަމަކު މިކަންކުރަން ޖެހެނީ މީހަކު ޗެލެންޖު ކުރީމަ އެމީހަކު ބޭނުން ވަރަކަށް އެމީހަކު މުސާރަ ދޫކޮށްލާ އުސޫލަކުން ނޫން. ދައުލަތުގެ މިފަދަ މުސާރަތަށް ހާލަތަށް ބަލައި ދަށްކުރުމަކީ ފިނޭންސް މިނިސްޓަރުގެ ވާޖިބެއް. ގިނަވެގެން މަހަކު ގެޔަށް ގެންދަން 20،000ރ ކިހިނެތްތޯ؟
އިހ ސާނު
10 May 2020
ކޮމެންޓު ކުރި ހުރިހާ މީހުންގެ އުދާސް ވަރަށް ރަނގަޅަށް އެނގިއްޖެ! ޝުކުރިއްޔާ!