11 މެއި 2020 - 19:18
21 comments
އައްޑޫ އިކްއެޓޯރިއަލް ހޮސްޕިޓަލް (އޭއީއެޗް) އަށް މާސްކާއި ސެނިޓައިޒާ ފަދަ އަސާސީ މެޑިކަލް ސާމާނުގެ ދަތިކަން ކުރިމަތިވެފައިވާ ކަމަށް ބުނުމާ ގުޅިގެން އެކި ފަރާތްތަކުން ތަކެތި ހަދިޔާކުރަން ފަށައިފި އެވެ.
މިދިޔަ ހޮނިހިރު ދުވަހުގެ ރޭ ހެޕީ މާކެޓްގެ ފަރާތުން ހޮސްޕިޓަލަށް ސެނިޓައިޒާ އަދި ހިތަދޫ ސުވާދިވް ކެފޭ އިން 300 މާސްކް ހަދިޔާކޮށްފައި ވަނިކޮށް މިއަދު ވެސް އިތުރު ސާމާނުތަކެއް ދެ ފަރާތަކުން އައްޑު އަށް ވަނީ ހަދިޔާކޮށްފަ އެވެ.
އައްޑޫ ހޮސްޕިޓަލާއި ސިއްހީ މަރުކަޒުތަކަށް އެހީގެ ތަކެތި ފޯރުކޮށް ދިނުމުގެ ގޮތުން ރައްޔިތުންގެ މަޖިލީހުގެ ހިތަދޫ އުތުރު ދާއިރާގެ އެމްޑީޕީގެ މެމްބަރު މުހައްމަދު އަސްލަމް މިއަދު ވަނީ 1،500 މާސްކާއި ސެނިޓައިޒާ ހަދިޔާކޮށްފަ އެވެ. މި ތަކެތި އައްޑޫ ހޮސްޕިޓަލާ ހަވާލުކުރަނީ މޯލްޑިވްސް ރެޑް ކްރެސެންޓް މެދުވެރިކޮށެވެ
މީގެ އިތުރުން ހިތަދޫގެ ކުލަބެއް ކަމަށްވާ އެފްސީ ޒެފިއާ އިން މިއަދު ވަނީ ކޮވިޑް-19 އާ ދިމާކޮށް އައްޑޫގައި ގާއިމުކުރި އިމަޖެންސީ އޮޕަރޭޝަން ސެންޓަރު (އީއޯއީސީ) އަށް ގިނަ ތަކެތި ހަދިޔާކޮށްފަ އެވެ. އެ ކުލަބުން ހަދިޔާކުރި ތަކެތީގެ ތެރޭގައި ހިމެނެނީ 500 މާސްކާއި 2،000 އަންގި އާއި 50 ފުޅި ސެނިޓައިޒާ އާއި ފަސް ފުޅި ޑިސްއިންފެކްޓަންޓާއި 86 ފުޅި ހޭންޑް ވޮޝް އެވެ.
މި ތަކެއްޗާ އީއޯސީގެ ފަރާތުން ހަވާލުވެވަޑައިގެންނެވީ އައްޑޫ މޭޔަރު އަބްދުﷲ ސޯދިގް (ސޯބެ) އެވެ. އަދި އައްޑޫ ސިޓީ ކައުންސިލުން ވަނީ ޒެފިއާ އިން ވެދިން އެހީ އަށް ޝުކުރު އަދާކޮށްފަ އެވެ.
އައްޑޫގައި އެކަށީގެން ވަރަށް މާސްކާއި ސެނިޓައިޒާގެ އިތުރުން ޕާސަނަލް ޕްރޮޓެކްޝަން އިކްޕަމްޓް (ޕީޕީއޭ) ނެތް ކަމަށް އޭއީއެޗުން ބުނެފައި ވަނިކޮށް ހޮނިހިރު ދުވަހުގެ ރޭ ނޭޝަނަލް އިމަޖެންސީ އޮޕަރޭޝަން ސެންޓަރު (އެންއީއޯސީ) ވަނީ އެ ތަކެތި އައްޑޫގައި އެކަށީގެންވާ ވަރަށް އެބަހުރި ކަމަށް ބުނެފަ އެވެ.
އެގޮތުން ހޮސްޕިޓަލްގައި 289 ގައުންސް (ރައްކާތެރި ވުމަށް އަޅާ ހެދުން)، 1،306 ސާޖިކަލް މާސްކް، 59 އެން-95 މާސްކް އަދި 133 ފުޅި ސެނިޓައިޒާ ހުރި ކަމަށް ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮނަރަބްލް އަފީފު ދީދީ
11 May 2020
މަޖިލިސް މެންބަރަކަށް ހުންނަވައިގެން ހަމައެކަނި އިކްއިޓޯރިއަލް ހޮސްޕިޓަލަށް އަސްލަމް އެހީވުމަކީ ވަރަށްބޮޑު މައްސަލައެއްނޫންތޯ؟ # މިހެން މިދެންނެވީ އައްޑޫގެ އިޤްތިސޯދީ ހާލަހު ބަދަލު ކުރުމަށާއި ގޭންއެއަރޕޯޓް ތަރައްޤީ ކުރުމަށް ބާރު އަޅަން މަޖިލީހުގެ ތެރެއިން މަސައްކަތް ކޮށްދިނުމަށް އެދުމުން އަސްލަމް ބުނީ "މަޖިލީހުގައި ވާހަކަ ދެއްކޭނީ މުޅި ރާއްޖޭގެ ކަންކަމުގެ މައްޗަށް" ކަމަށާއި ވަކިބައެއްގެ ވާހަކަ ތިހެން ނުދެއްކޭނެ ކަމަށް ކަމުގައިވާތީ.
އަނތަރީސް
11 May 2020
500 މާސް 3 ބަޔަށް އަޅާފަ. ޒެފިޔާގެ ލޭބަލް. އަސްލަމް އާއި ކައުންސިލަށް ކުރިމަތިލާފަ ހުރި މީހެއް ދެން ހުރީ. މިއޮއްފަދަ ރޯދަމަހު މީހުން ކުރާ ކަހަލަ ކަން ތަ މީ. އަނތަރީސްވޭ.
އޮނަރަބްލް އަފީފު ދީދީ
11 May 2020
މަޖިލީހުގެ ގޮނޑި ލިބިވަޑައިގަތުމުން މުޙައްމަދު އަސްލަމް ވެސް އައްޑުމީހުނާއި ސިޓީގެ ކަންކަމުގެ މަތިން ހަދާންނައްތާލާފައި ގެންގުޅުނީ ޖައްމޫ އެންޑް ކަޝްމީރު ނޭޝަނަލް ކޮންފަރެންސްގެ ބާނީ ފާރޫޤް އަބުދުﷲ ފަދަ މީހަކަށް. # ކޮންގްރެސް ޕާޓީއާއި ސިއްރިޔާތުގައި ގުޅިވަޑައިގެން "ކަޝްމީރީ ވަތަނީ މީހަކަށް ހެދިގެން އުޅުނު ފާރޫޤް" ގެ ޙަޤީގަތް އެގި އޭނާގެ މަޤުބޫލުކަން ގެއްލި މޯދީގެ ސިޔާސަތު ކަޝްމީރުމީހުން ބަލައިގަނެ ފާރޫގު ބާކީވިގޮތަށް އަސްލަމްވެސް ތިހިރީ ބާކީވެފަ.
ތުއްތުނާ 2
11 May 2020
ޤިޔާމަތްދުވަހުގައި ޢަރްޝީގެ ހިޔާވަހިކަން ނޫންއެހެންއެއްވެސް ހިޔާވަހިކަމެއްނުވާ ދުވަހު އެހިޔާވަހިކަން ލިބެނިވި ހަތް މީހުންގެތެރޭގައި ސިއްރުން ޞަދަޤާތް ކުރާމީހާ ހިމެނެއެވެ..،.....އަދި ޞަދަޤާތެއްކޮށް އޭނާގެ ކަނާއަތުން ޞަދަޤާތްކުރިއެއްޗެއް ވައަތަށްވެސް ނޭގޭހާވަރަށް އެކަން ސިއްރުކޮށްފިމީހާއެވެ..،..... ވީމާ ޞަދަޤާތް ސިއްރުން ކުރުމަކީ ޚާއްޞަ ދަރުމަތަކެއް ލިބިގެންދާ ކަމެކެވެ......
އަނީސާ ސެސެލެ
11 May 2020
ޑރ ޝަކީލާއަކީ އައްޑު އަތޮޅައް ހެޔޮއެދިގެން ކަމެއްކޮއްދޭނެ މީހެއްނޫން އޭނަކޮއްދޭކަމެއްގެ ފަހަތުގަ އޮންނާނެ ކޮންމެވެސްކަހަލަ ނުބާރޭވުމެއް!!
ށިދްއދެދެަ22
11 May 2020
އެސްޓީއޯ އިން މާސްކް ނުވިއްކާ އެހެން ބަޔަކުވެސް ނުވިއްކާ. ކިހިނެއް އަސްލަމް އަށް ލިބުނީ. ކޮވިޑްގެ ކުރިން ގެ ސްޓޯރަކަށް ހެދީތަ ؟
އިކުލީލު
11 May 2020
ހެޔޮ ނުވާނެ ނު މިހެން ހަދަން. މީހުން އަތުން އަތުލާފަ ތިމަންނަ މެން ދިން އެއްޗިއްސޭ ބުނަން. އިޚްލާސްތެރިކަމެއް ހުރި ނަމަ މުސާރައިގަ އަތެއް ނުލާނެ މިދަނޑި ވަޅަކު.
އޮނަރަބްލް އަފީފު ދީދީ
11 May 2020
ޑރ ޝަކީލާ ހިންގަވާ ހޮސްޕިޓަލާއި ހެޕީމާކެޓް ގެ ވެރިޔާގެ ކްލިނިކް މާރޖްކޮށް ކައުންސިލަށް ރަމްޒީ ޙިއްސާއެއްދީގެން އައްޑޫގައި އޭޑީކޭއާއި ޓްރީޓޮޕް ހޮސްޕިޓަލަށްވުރެން ކާމިޔާބު ބައިނަލްއަޤުވާމީ މެޑިކަލް ސެންޓަރެއް އުފައްދާ ރާއްޖޭގައި މެޑިކަލް ޓްއަރިޒަމް ފެއްޓުމުގެ ފުރުސަތު އެބައޮތް. # ދައުލަތުން ހިންގާންޖެހޭ ސަރުކާރުހޮސްޕިޓަލަށް ބޭނުންވާސާމާނު މާލޭސަރުކާރުންނުދޭތީ ދިމާވާމައްސަލަ ހައްލުކުރެވޭނީ މިފަދަ ބަދަލެއްގެނެސް ރައްޔަތުންނަށް ޗޮއިސްއެއް ދީގެން.
ޚޫސަނި
11 May 2020
ކޮބާ ސަރުކާރު ލަދެއްނުގަންނާނެ
ގަލަންދާރު
11 May 2020
ކައުންސިލް ޔައުމިއްޔާގަ ލިޔެގެން ބައްދަލުވުމަކުން ފާސްކޮށްގެން ކޮވިޑް މަސައްކަތްކަތަށް ޚާއްސަކުރި 1 މިލިއަން ރުފިޔާއަށް ކުރީ ކީއްހޭ. ރައްޔިތެއްގެ ޙައިސިއްޔަތުން މަ ބޭނުން އެޚަރަދުތަކުގެ ތަފްޞީލު ބަލަން. ސައިޕާޓީ ހަދަންތޯ އެލާރި ބޭނުން ކުރީ. ނޫނީ އެއްވެސް ކޮވިޑް ސާމާނެއް އެއަށް ގަތްތޯ. ދަތި އުނދަގޫ ވިޔަސް ޓްރާސްޕޭރެންސީ އާއި ޑިމޮކްރެޓިކް ޕްރިންސިޕަލްތައް އެއްކިބާ ނުކުރެއްވުމަށް އިލްތިމާސް ދަންނަވަން.