ޚަބަރު / މުހައްމަދު ނާޒިމް (މާފަންނު އުތުރު ދާއިރާ)

ވަކީލުކަމުގެ ހުއްދަ ހޯދަން ބާކައުންސިލްގެ އިމްތިހާނު ހެދުމުގެ ޝަރުތު ފަސްކުރަން ނާޒިމު ހުށަހަޅުއްވައިފި

ރައްޔިތުންގެ މަޖިލީހުގެ ދަނގެތީ ދާއިރާގެ މެމްބަރު މުހައްމަދު ނާޒިމް މަޖިލީހުގެ ޖަލްސާއެއްގައި ވާހަކަ ދައްކަވަނީ. ބާއިމްތިހާނުގެ ޝަރުތު ލަސްކުރަން އޭނާ ވަނީ ހުށަހަޅުއްވާފައި.

މުހައްމަދު ނަސީމް، މިހާރު

17 މެއި 2020 - 15:20

13 comments

ވަކީލުކަމުގެ ހުއްދަ ދޫކުރުމުގެ ކުރިން ބާކައުންސިލްގެ ބެލުމުގެ ދަށުން ފުރިހަމަކުރަންޖެހޭ ތަމްރީނު ޕްރޮގްރާމާއި އެއާ ވިދިގެން ހަދަން ޖެހޭ އިމްތިހާނު ހަދަން، "ދިވެހިރާއްޖޭގެ ގާނޫނީ ފަންނުގެ ގާނޫނު"ގައި އޮންނަ ޝަރުތަށް އަމަލުކުރަން ފެށުުން އަންނަ އަހަރުގެ ޖެނުއަރީއާ ހަމައަށް ފަސްކުރަން ރައްޔިިތުންގެ މަޖިލީހުގެ ދަނގެތީ ދާއިރާގެ މެމްބަރު މުހައްމަދު ނާޒިމް ހުށަހަޅުއްވައިފި އެވެ.

މި ބިލްގެ ކޯ ސްޕޮންސަރަކީ ވިލިމާލެ ދާއިރާގެ އަމިއްލަ މެމްބަރު، ކުރީގެ ޑެޕިއުޓީ އެޓާނީ ޖެނެރަލް އަހުމަދު އުޝާމެވެ. ނާޒިމަށް ބޮޑުބޭބެ ވިދާޅުވާ އުޝާމަކީ ގާނޫނީ ދާއިރާގައި މަސައްކަތް ކުރައްވަމުން ގެންދަވާ ގާނޫނީ ވަކީލެކެވެ.

ނާޒިމް މިއަަދު ކުރެއްވި ޓްވީޓެއްގައި ވިދާޅުވީ ވަކީލުކަމުގެ ހުއްދަ ހޯދަން ފުރިހަމަކުރަން ޖެހޭ އެ ޝަރުތަށް އަމަލުކުރުން ލަސްކުރަން މަޖިލީހަށް އިސްލާހެއް ހުށަަހެޅުއްވީ ކޮވިޑް-19 އާ ގުޅިގެން، ގާނޫނީ ވަކީލުކަމުގެ ހުއްދަ ހޯދުމަށް ދަތިވެ ހުއްދަ ނުލިބުމުގެ ސަބަބުން އާމްދަނީ ހޯދުމަށް ގޮންޖެހުން ކުރިމަތިވެފައިވާ މީހުންނަށް އެކަމުގެ ހައްލު ހޯދައިދިނުމަށް ކަމަށެވެ.

Gaanoonee fannah gaanoonun bodu huraheh?!

The most trusted news source in the Maldives

Mihaaru

މަޖިލީހަށް އިސްލާހު ހުށަހަޅުއްވަމުން، އެ އިސްލާހު ހުށަހަޅުއްވާ ސަބަބެއްގެ ގޮތުގައި އޭނާ ވިދާޅުވެފައި ވަނީ ކޮވިޑް-19 އާ ހެދި ރާއްޖޭގެ ފަރުދުންނާއި މުއައްސަސާތަކުގެ މަސައްކަތް ލަސްވެ، އަމިއްލަ ގިނަ މަސައްކަތްތައް މުޅިން ހުއްޓުމަަކަށް އައިސްފައިވާ ކަމަށާއި އެހެންވެ، ގާނޫނީ ވަކީލުކަން ކިޔަވާ ނިންމާ ދަރިވަރުން ހަދަން ޖެހޭ އެއް އަހަރު ދުވަހުގެ ތަމްރީނަށް މިހާލަތުގައި ހުރަސްއެޅިފައިވާ ކަމަށެވެ. ތަމްރީނު ނިންމުމަށް ފަހު ހަދަން ޖެހޭ އިމްތިހާނަކީ އެެމެރިކާގެ ނެޝަނަލް ސެންޓާ ފޯ ބާ އެގްޒެމިނާސް (އެންސީބީއީ)އާ ގުޅިގެން ބާއްވާ އިމްތިހާނެއް ކަމުން، މިހާލަތުގައި އެ އިމްތިހާނު ބާއްވަން ބޮޑެތި ދަތިތަކެއް އެބަހުރި ކަމަށް ބާ ކައުންސިލުން ބުނެފައިވާ ކަމަށް ވެސް ނާޒިމްގެ ހުށަހެޅުއްވުމުގައި ވިދާޅުވެފައި ވެ އެވެ.

ކޮވިޑް -19 ބައްޔާ ގުޅިގެން ގާނޫނީ ވަކީލުކަމުގެ ހުއްދަ ހޯދުމަށް ދަތިވެ ހުއްދަ ނުލިބުމުގެ ސަބަބުން އާމްދަނީ ހޯދުމަށް ގޮންޖެހުން ކުރިމަތިވެފައިވާ މީހުންނަށް އެކަމުގެ ހައްލު ހޯދައިދިނުމަށްޓަކައި، ދިވެހިރާއްޖޭގެ ގާނޫނީ ފަންނުގެ ގާނޫނަށް އިސްލާހެއް އަޅުގަނޑު ހުށަހަޅައިފިން.
— Col(rtd)Mohamed Nazim MP (@nazim7878) May 17, 2020

"...ބާ އިމްތިހާނު މިއަހަރު ކުރިއަށް ގެންދެވުމަކީ ވުމަށް ވުރެ ނުވުން ގާތްކަމަކަށް މިވަނީ ވެފަ އެވެ،" ގާނޫނަށް އިސްލާހު ހުށަހެޅުއްވި ބިލްގައި ނާޒިމް ވިދާޅުވެފައި ވެ އެވެ.

އޭނާ ވިދާޅުވެފައިވާ ގޮތުގައި ގާނޫނީ ވަކީލުކަމުގެ ޑިގްރީ ނަގައިގެން ބާ އިމްތިހާނާ ހެދި ވަކީލުކަން ކުރުމުގެ ހުއްދަ ނުލިބިފައި 300 ދަރިވަރުން އެބަ ތިއްބެވެ. އެ ދަރިވަރުންގެ އާއިލާތަކަށް މި ހާލަތުގައި މާލީ ގޮތުން ލިބޭނެ އެއް ލުޔަކީ އެ ދަރިވަރުންނަށް ވަކީލުކަމުގެ ހުއްދަ ލިބި، އާމްދަނީ ލިބޭ މަސައްކަތެއް ކުރެވޭ ގޮތް ވުން ކަމަށް ވެސް އޭނާ ވިދާޅުވި އެވެ.

ވަކީލުންނަށް ހުއްދަ ދިިނުމަށް ޓަކައި ބާކައުންސިލްގެ ބެލުމުގެ ދަށުން ކުރިއަށް ގެންދާ އެއް އަހަރު ދުވަހުގެ ތަމްރީނާއި އޭގެ ފަހުން ހަދަން ޖެހޭ އިމްތިހާނު ލަސްވުމުގެ ޝަކުވާ ކޮވިޑް-19 ފެތުރެން ފެށުމުގެ ބޮޑެތި ފިޔަވަޅުތައް އެޅުމުގެ ކުރިން ވެސް އޮތެވެ. ވަކީލު ކަމުގެ ޑިގްރީ ނެގި އެތައް ދަރިވަރުންނަކަށް މަސައްކުރެވޭ ގޮތް ނުވުމުގެ ޝަކުވާ ދަރިވަރުން ކުރަމުން އަންނަތާ މިހާރު ދުވަސްތަކެއް ވެއްޖެ އެވެ.

ރައްޔިތުންގެ މަޖިލިސް ވަކީލުން މުހައްމަދު ނާޒިމް (މާފަންނު އުތުރު ދާއިރާ) ބާ ކައުންސިލް އަހުމަދު އުޝާމް (އެޓާނީ ޖެނެރަލް)

13 ކޮމެންޓް, 18 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހުރިހާ ވަކީލުންވެސް ބާ އެގްޒާމް ހަދަން އެބަޖެހޭ

18 May 2020

. ކަރުދާސް ޗާޕް ކުރާ ފެކްޓަރީތަކުން ކަރުދާސް ޗާޕްކުރާހެން ޑިގްރީ ޗާޕްކުރާ ތަންތަނުން ޑިގްރީ ހަދައިގެން އައިސް މީހުންނަށް ލަނޑުދޭ ވަކީލުން ވަރަށް ގިނަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރުބެލް މިއާ

18 May 2020

ވަކީލުންނަށް ރިސޯޓުތަކުގެ ބާރތަކުގައި މަސައްކަތް ކުރެވެނީތަ؟ ކޮންވައްތަރު ހުންނަނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

17 May 2020

3 އަހަރު ދުވަހު ލޯ ކިޔަވައިގެން ސަނަދު ލިބޭ ތަނުން އަނެއްކާ އަނެއް އިމްތިހާން. ކޯހުގެ މުގައްރަރުތެރެއަށް ތި އިމްތިހާނު ނުލެވޭނެތޯ! މިރާއްޖޭގެ އެންމެ މަތީ މަޖްލިހަށް ވަންނަން އަލިފުބާވެސް އެގެންނުޖެހޭ. މީ ބޮޑު އަރަތެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިންސާފަކީކޮބާ

18 May 2020

ނަސީބެންނު ވިލާކޮލެޖުން 3 އަހަރުން އަދި މަންދު ކޮލެޖުން 2 އަހަރު ބައިން ލިބޭކަން! އަހަރެމެން އެމްއެންޔޫ ޤައުމީ ޔުނިވާސިޓީ ގަ 4 އަހަރުދުވަހު ކިޔަވަން! އެކަމަކު ހަމަ 3 އަހަރުން ކިޔަވާމީހުނެކޭ 2 އަހަރުބައިން ކިޔަވާ މީހުނެކޭ މިޖެހެނީ އެއްހާލެއް! ކޮބާ އިންސާފު ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާޖޫ

18 May 2020

ކިޔަވައިދޭ ގަޑިއިރު ތަފާތެއް ނެތެވެ. 6 އަހަރު ވިއަސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުދިމު ކަތީބު

17 May 2020

މިވަގުތު މަޖިލީން އެންމެ އިސްކަމެއް ދޭން ޖެހޭނީ އާމްދަނީ ގެއްލި ހާލުގައި ޖެހިފައިވާ ފަރާތްތަކާ އަދި ގާނޫނީ ވަކީލުން ގެ އާއިލާ ތައް ހިމެނޭ ގޮތަށް މަޖިލީހުން ނިންމަމުންދާ ފައިސާ ގެ ރިލީފް ޕެކޭޖް އަވަސްކުރުން. މި ވަގުތު އެހެން ކަމަކަށް އިސްކަން ދިނުމަކީ ރައްޔިތުންނަށް ދެވޭ ގޯނާއެއް އަދި ބެލެވޭނީ އެހީ ލަސްކުރަން ކުރާ މަސަތްކަތެއް ކަމަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދުއްالله

17 May 2020

ބާ އިމްތިހާނު ލަސްކޮށްފިއްޔާ ކުރިއަށްވުރެންވެސް ބާ ވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޭހަވާ މީހާ

17 May 2020

ޤާނޫނު އިސްލާހުކުރައްވާއިރު، މޯލްޑިވްސް ކޮލިފިކޭޝަން އޮތޯރިޓީގެ މެންޑޭޓް ތެރޭގައި ހިމެނޭކަންކަމަށް ބާރުފޯރުވުނުގެ ބާރު ބާކައުންސިލަށް ދީފައި އޮންނަ މާއްދާތައް މިޤާނޫނުން އިސްލާހު ކުރުން ރަނގަޅު.. އެމް.ކިޔު.އޭ ޤަބޫލު ނުކުރާ ބޭރުގެ ލޯ ކޯސްތައް ޤަބޫލުކުރުމުގެ ބާރު ބާކައުންސިލަށް އޮވޭ.. އަދި އެމް.ކިޔު.އޭ އެޕްރޫވް ކޮށްފައި ހުންނަ ރާއްޖޭގެ ކޯސްތައް ޤަބޫލު ނުކުރުމުގެ ބާރު ބާކައުންސިލަށް އޮވޭ.. މިއީ އެމް.ކިޔު.އޭ ގެ މެންޑޭޓުގެ ތެރެއަށް ވަނުން..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމް.ކިއު.އޭ އަކީ ބޮޑު ޖޯކެއް

18 May 2020

އެމް.ކިއު.އޭ ގެ ދޯހަޅިކަމުން ވަކީލުކަން ކިޔަވާދޭ ކޯސްތަކުގެ ފެންވަރު ކިތަންމެ ދަށަސް އެ ކޮލިފިކޭޝަން ބަލައިގަނޭ. ވަކީލުންގެ ފެންވަރު ރަނގަޅު ކުރެވޭނީ ގާބިލްބަޔަކަށް ކޮލޮފިކޭޝަން އެސެސްމަންޓް ޙަވާލުކުރެވިގެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުއްދީގެ ހަމަ

17 May 2020

ބާ އިމްތިހާން 01 ޖެނުއަރީ 2021 އަށް ލަސްކުރާނަމަ އެންމެ ރަނގަޅު ގޮތެއް ކަމުގައި ފެންނަނީ 1 އަހަރުގެ ތަޖުރިބާގެ ބަޔާ ނުކުޅުމެވެ. 31 ޑިސެމްބަރ 2020 ގެ ނިޔަލަށް 1 އަހަރުގެ ތަޖުރިބާ އާއެކު ހުށަހެޅުމުން ހުއްދަ ދިނުމެވެ. އޭގެ ފަހުން މަދުވެގެން އަހަރަކު 2 ފަހަރު ބާ އިމްތިހާން ބޭއްވުމަށް ލާޒިމުކުރުމެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސްކިޕަރ

17 May 2020

ހަގީގަތުގައި މިފަދަ މުހިންމު އަދި ގިނަ ބަޔަކަށް އަސަރުތަކެއް ކުރާ ރެގިއުލޭޓަރީ ގާނޫނުތަކަކީ ދެ ތިން އަހަރުގެ މުއްދަތެއް ދީފައި ތަންފީޒުކުރަން ފަށަން ޖެހޭ އެއްޗެއް. ފަޓާސް ބަރިހެން ގާނޫނު ފާސްކޮށް ނިންމުން މާޒީގެ ތެރެއަށް ފޮނުވާލަން ކަމަށް ރީނދޫ ބަޔަކަށް ރައްޔިތުން ވޯޓުދިނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދުން ތަރި

17 May 2020

ނާޒިމެއްކަމަކު ތިޔަ ހައްދަވަނީ ބޮޑު މޮޔައެއް ތިއަށްވުރެ މާ މުހިންމުކަންކަން ރައްޔިތުންނަށް އެބައުނިވޭ ރައްޔިތުން ހާލުގަ ޖެހިފަ ތިއްބާ އެކަމަށް ލުޔެއް ހޯދާ ދެއްވުމަށް މަސައްކަތްކުރުން މާމުހިންމު ޤާނޫނީ ކޯސް ނިމި ހުއްދަ ނުލިބިގެން މަސައްކަތް ނުކުރެވިފައިކަމަށްބުނާއިރު މިރާއްޖޭގަ ކިތައްސަތޭކަ ހުއްދައޮތް ވަކީލުން ތިބިކަން ނާޒިމަށް އެނގޭބާ؟ 2020 ފެބުރުއަރީމަހުން ފެށިގެން ކޯޓުތަކުގެ މަސައްކަތް ހުއްޓުމާއެކު ގިނަ ވަކީލުންތިނީ ހާލުގަޖެހިފަ ކުލިވެސް ނުދެއްކިފަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާވަކީލް

18 May 2020

ބަލަ މިހާރުނިމިފަ ތިބިކުދިންނަށް ހުއްދަ ނުދީ ހިފަހައްޓުމަކީ ދެން ތިޔަބުނާ އެއްވެސް އިތުރު ތަމްރީނެއް ނަހަދާ ހުއްދައޮތް ވަކީލުންނަށް ލިބޭ ފައިދާއެއްތަ ؟ ކުރިއަރާ ގިނަ ލާރިހޯދަން ތިއުޅެނީ ބަޔަކު ބޮލަށް ފައިން އަރާފަތަ ؟ ތިޔަހެން ތިހާ ނިޔަތްގޯސްވެގެން ލިބޭނެ ފައިދާއެއް ދެ ދުނިޔޭގަވެސް ނޯންނާނެ! އިސްލާހުވޭ! ޝަރީޢާކިޔެވިޔަސް މިމީހުންނަކަށް ހާދަހާވޭ އެއްޗެއްނޭނގެޔޭ! ތިޔަ ހުއްދައިންވީ ފައިދާއެއްނެތެންނު މިވަރުނޭނގެންޏާ ؟؟؟؟