އަމިއްލަ ގައުމަށް އެނބުރި ދާން ތައްޔާރުވެފައިވާ ބައެއް ބިދޭސީން، އެއާޕޯޓުގައި -- ފޮޓޯ: މޯލްޑިވްސް އިމިގްރޭޝަން
24 މެއި 2020 - 00:07
13 comments
ސައްހަ ލިޔެކިޔުމެއް ނެތި ރާއްޖޭގައި ދިރިއުޅެމުން ދިޔަ ބަންގްލަދޭޝްގެ 1،000 މީހަކު މިހާތަނަށް އެ ގައުމަށް އަނބުރާ ފޮނުވާލާފައިފި ކަމަށް ފޮރިން މިނިސްޓަރު އަބްދުﷲ ޝާހިދު މިއަދު ވިދާޅުވެއްޖެ އެވެ.
ޓްވިޓާ މެދުވެރިކޮށް ޝާހިދު ވިދާޅުވީ، މިއީ އިކޮނޮމިކް މިނިސްޓަރު ފައްޔާޒު އިސްމާއިލް އާއި ބަންގްލަދޭޝްގެ ފޮރިން މިނިސްޓަރު އޭކޭ އަބްދުލް މޮމެން ކުރައްވަމުން އަންނަ ބުރަ މަސައްކަތުގެ ނަތީޖާ ކަމަށެވެ.
Thanks to hard work of Minister @faya_i & team at @MoEDmv, & Foreign Minister of #Bangladesh HE @AKAbdulMomen & the govt., with today’s repatriation, nearly 1000 Bangladeshi undocumented workers have been repatriated in the current program of President @ibusolih’s administration
— Abdulla Shahid (@abdulla_shahid) May 23, 2020
ފޮރިން މިނިސްޓަރު އަބްދުﷲ ޝާހިދު މިއަދު ކުރެއްވި ޓްވީޓެއް
"ރައީސް އިބްރާހިމް މުހައްމަދު ސޯލިހު ކުރިއަށް ގެންދައްވާ ޕްރޮގްރާމުގެ ދަށުން، މިއަދު ފޮނުވާލެވުނު މީހުންނާ އެކު ސައްހަ ލިޔެކިޔުމެއް ނެތް ބަންގްލަދޭޝްގެ 1،000 މީހުން މިހާތަނަށް އެ ގައުމަށް އަނބުރާ ފޮނުވާލެވިއްޖެ،" މިނިސްޓަރު ޝާހިދު ވިދާޅުވި އެވެ.
ސައްހަ ލިޔެކިޔުން ނެތް ބަންގްލަދޭޝް މީހުން އެ ގައުމަށް އަނބުރާ ފޮނުވަން ފެށީ މިދިޔަ މަހުގެ 21 ގައި ކަމަށް ފޮރިން މިނިސްޓްރީން ބުންޏެވެ. މި މަސައްކަތުގައި އިކޮނޮމިކް މިނިސްޓްރީ އާއި ރާއްޖޭގައި ހުންނަ ބަންގްލަދޭޝްގެ ހައި ކޮމިޝަން އަދި ބަންގްލަދޭޝްގެ ފޮރިން މިނިސްޓްރީން އަންނަނީ ގިނަ މަސައްކަތެއް ކުރަމުން ކަމަށް ރާއްޖޭގެ ފޮރިން މިނިސްޓްރީން ބުންޏެވެ.
ރާއްޖޭގެ ގައުމީ އެއާލައިން މޯލްޑިވިއަން އާއި ބަންގްލަދޭޝްގެ ގައުމީ އެއާލައިން ބީމަން އެއާލައިން އަދި އެ ގައުމުގެ އަސްކަރީ ބޯޓުތައް މެދުވެރިކޮށް އިތުރު މީހުން ފޮނުވަން ރާވާފައިވާ ކަމަށް ވެސް ފޮރިން މިނިސްޓްރީން ބުންޏެވެ.
ސައްހަ ލިޔެކިޔުމެއް ނެތް 152 ބަންގްލަދޭޝް މީހަކު ވަނީ މިއަދު ފުރުވާލައިފަ އެވެ. ގަވާއިދާ ހިލާފަށް ރާއްޖޭގައި އުޅޭ 352 ބަންގްލަދޭޝް މީހަކު އިއްޔެ ވެސް ފޮނުވާލާފައިވެ އެވެ.
އިތުރުން 192 ބަންގްލަދޭޝް މީހަކު ވެސް އެ ގައުމަށް މިއަދު ވަނީ ފުރާފައި ކަމަށް މޯލްޑިވްސް އިމިގްރޭޝަން އިން ބުންޏެވެ. އެއީ ޔުނިވާސަލް އެންޓަޕްރައިސްގައި މުވައްޒަފުންތަކެއް ކަމަށާއި އެ މީހުން ފުރުވާލީ އެ ކުންފުނިން ޗާޓަރު ކުރި މަތިންދާ ބޯޓެއް ކަމަށް އިމިގްރޭޝަނުން ބުންޏެވެ. އެހެންވެ ޖުމްލަ 350 ބަންގްލަދޭޝް މީހުން މިއަދު ފުރާފައިވެ އެވެ.
ރާއްޖޭގައި މަސައްކަތްކުރާ 1،500 ބަންގްލަދޭޝް މީހުން އެ ގައުމަށް އަނބުރާ ފޮނުވާނެ ކަމަށް ރައީސް އިބްރާހިމް މުހައްމަދު ސޯލިހު މީގެ ކުރިން ވިދާޅުވެފައިވެ އެވެ. އަދި މި މަސައްކަތް ކުރާނީ، އެ ގައުމުގެ ސަރުކާރާ މަޝްވަރާކޮށްގެން ކަމަށް ވެސް ވިދާޅުވެފައި ވެ އެވެ.
ސައްހަ ލިޔެކިިޔުމެއް ނެތް 60،000 އެއްހާ ބިދޭސީން ރާއްޖޭގައި އުޅޭ އިރު، އޭގެ ތެރޭގައި އެންމެ ގިނައީ ބަންގްލަދޭޝް މީހުންނެވެ. އެ މީހުން ބަންގްލަދޭޝް އަށް އަނބުރާ ގެންދަން އެ ގައުމުގެ ސަރުކާރާއި އެކު މަޝްވަރާ ކުރަން ފެށީ މިދިޔަ އަހަރުގެ ފަހުކޮޅު އެވެ.
ދުނިޔޭގައި ހަލުވި ކަމާ އެކު ފެތުރެމުންދާ ކޮވިޑް-19 ރާއްޖޭގައި ފެތުރެމުންދާ އިރު، މި ބަލި އެންމެ ރާއްޖެ އިން ގިނައިން ޖެހިފައި ވަނީ ވެސް ބަންގްލަދޭޝްގެ ރައްޔިތުންނަށެވެ. މިހާތަނަށް 1،313 މީހަކަށް ރާއްޖޭގައި މި ބަލި ޖެހިފައިވާ އިރު، އޭގެ ތެރޭގައި ބަންލަދޭޝްގެ 676 މީހުން ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދިވެހިން ގެ ފަރާތުން
24 May 2020
ތިނުވާނެ ހުވަދައްވެސް ، އަދި ކިތައް އެންހާސް އުޅޭނެބާ
ޙުސްނާ
24 May 2020
ތީ އަމިއްލައައްދާންވެގެން އުޅުނު މީހުން ސަރުކާރުން އެއްވެސްކަމެއް ނުކުރޭ ބަންގާޅީން މަދުކުރާކައް. އަދިވެސް ބަންގާޅީން އެތެރެވާނެ .މީ ފްރީ ކަންޓްރީއެއް. ޢެއްވެސް ތާކުންތާކުޖެހޭ ގާނުންނެއް ނޯވޭ މިކަމުގަ ،ގާނޫނު ތަންފީޒްނުކުރެވޭ ހަމައެކަނި ގައުމު!!!
ޕްރީޕެއިޑް ޝިއުނާ
24 May 2020
ކަނޑައެޅިގެން ބޮޑު ދޮގެއް، ބަންގްލަދޭޝްގެ އަސްކަރީ މަތިންދާ ބޯޓެއްގަ ފޮނުވާލި 67މީހުންނާ މޯލްޑިވިއަން އިން ކުރި ދެދަތުރެއްގަ 367+300 މީން ވީމަ ޖުމްލަ ވަނީ 720، މީގެ ތެރޭގައި ހިމެނެނީ ވިސާ އާ އެހެނިހެން ލިޔެކިއުންތައް ހަމައަށްހުރި ރިސޯޓް ތަކުން ނޯޕޭ ލީވް ދީފަ ނުވަތަ ވަޒީފާއިން ވަކި ކުރި މީހުން ތައް. އެއީ ގަވާއިދާ ހިލާފަށް އުޅޭ ބައެއްވެސް ނޫން. މިއީ ވަކި ބަޔަކު މެޑަލްޖަހަންވެގެން ކުޅޭ ގޭމެއް. އެކަމަކު ހިސާބުޖަހަން މޮޅުކަމަށް ނަންވާނީ އަދުރޭ
ޢަލިފުތާ
24 May 2020
ތީ މިގައުމުގައި ތިބި ބަންގްލަދޭޝް މީހުންނާއި ބަލާއިރު ކުޑަ އަދަދެއް.. ނަމަވެސް މި ސަރުކާރުން 1000 މީހުން ފޮނުވާލާފައިވާތީ އެކަމަށް ދިވެއްސެއް ހައިސިއްޔަތުން ޝުކުރު އަދާކުރަމެވެ.. އުއްމީދަކީ މިގައުމުގެ ތިބި ސައްހަ ލިޔެކިޔުންނެތް އެންމެން ވެސް މަޑުމަޑުން ފޮނުވަމުން ގޮސް ހުސްކުރުމެވެ. އެއްވެސް ގައުމެއްގައި އެގައުމުގެ ޤާނޫނާއި ހިލާފަށް ބަޔަކަށް އުޅެވިގެން ނުވާނެއެވެ.
ކޮއިފުޅު.
24 May 2020
ލައްކަ ބަޔަކު ތި ފޮނުވާލެވުނީ. ރަށްރަށުގެ ވަލުތެރޭ ގެދޮރު އަޅައިގެން ވެރިވެގަނެގެން އުޅޭ ބަންގާޅީންނަށް ހަދާނީ ކިހިނެއް؟
ބަރުކާ
24 May 2020
ގަވައިދާ ހިލާފަށް އުޅޭ މީހުނާއި ގަވައިދުން އުޅޭމީހުންވެސް ވަޒީފާގެއްލުމުން ދާންބޭނުންވެފަތިބީ..ދެސަރުކާރު ވާހަކަ ދައްކައިގެން އަމިއްލަތަށް ޓިކެޓް ނަގާގޮތައް ދެވޭނެ އިންތިޒާމެއް ރޭވުން ރަނގަޅު..1000މީހުން ފޮނުވާ ލެވުނަސް އަދި އެގުމެއްވާވަރު ނުވާނެ..
ޅިމާއު55
24 May 2020
މީފަހުރުވާންވީ ކަމެއް ނޫން. 100000 މީހުން އެބައުޅޭ. 1000 މީހުންނަނީ .. 1% . ޢިބޫ ސަރުކާރަ ނުވަންބަރު މަހަ ދެހަރުވަނީ. ފެއިލްވެފަ އޮއިސަރުކާރެއް.
ޖައުފަރު
24 May 2020
އެހެންވީމަ އެހެން ސަރުކާރުތަކަށް ވުރެ ހާސްގުނަ ރަނގަޅެއްނު؟ އެހެން މީހުން އެ 1 ޕަސެންޓު މަދު ކުރުމުގެ ބަދަލުގައި ހެސްކިޔާފަ މީހުން މިތަނަށް ސުމަގުލް ކުރީ
ޖަވާ
24 May 2020
ކުރީގެ ސަރުކާރުތަކުން ކިތައް މީހުން ފޮނުވީ؟ އަދަދު ބުނެފިއްޔާ މި ނޫން ސަރުކާރަކަށް މަ ވޯޓުދޭން މިހުރީ!
ކޮރަލް
24 May 2020
ވާހަކަ ހުންނަނީ އޮޅޭ ގޮތަށެވެ. ސައްހަ ލިޔެ ކިޔުން.ނެތް ގަވާއިދާ ހާފް މީހުން ފޮނު ވާލަނީ އެވެ. ރިސޯޓް ތަކުން ނޯޕޭ ލީވް އަދި ވަޒީފާއިން ވަކި ކުރި މީހުން ތައް ވެސް ފުރަނީ އެވެ. އެކަމު ހެޑް ލައިން ރީތި ކޮށްލާފަ އެވެ
ޒަރީރާ
24 May 2020
އޮޅޭ ގޮތަށް ހަބަރު ނުފެތުރުން އެދެން! ތިއީ ރިސޯޓުތަކުގަ ތިބެފަ ވަޒީފާ ގެއްލުނީމަ މާލެ އައިސް ފުރަން ބޭނުންވި މީހުން. މަގުމަތީ އުޅޭ ގަވާއިދާ ޚިލާފު މީހުންގެ ތެރއިން ކިތައް މީހުންބާ ތީގަ ތެރޭ ހިމެނެނީ؟
Ali Gasim
24 May 2020
ޟ މީ ހާހަކުން ދެހާހަކުން ނިމެން އޮތަކަމެއްނޫން ލައްކައިން ގުނެނީ އެކަކަށްވެސް މިގައުމުގަ ވަގަށް އުޅެވިގެންނުވާނެ އަދި އަމުދުން ގާނޫނަށްވުރެ މަތީގަ އުޅެވިގެން ނުވާނެ ހުރިހާ ވަގުން ފޮނުވާލަންޖެހޭ ތަންފީޒީ އިދާތާތައް ސާފުކުރަންޖެހޭ އެނޫނީ މި މުސީބާތުން ސަލާމަތް ނުވާނެ