ރައްޔިތުންގެ މަޖިލީހުގެ ޖަލްސާއެއްގެ އެޖެންޑާ އުޝާމް ބައްލަވަނީ: އޭނާ ވިދާޅުވީ ސަލާމް ބުނަން ޖެހޭ ކޮންމެ ފަހަރަކު ސެޓްފިކެަޓް ގެންދަން ޖެހުން ރަނގަޅުނޫން ކަމަށް.
10 ޖޫން 2020 - 12:21
34 comments
ބަލިވެގެން ވަޒީފާ އަށް ނުނުކުމެވޭތީ ސަލާން ބުނަންޖެހޭ ކޮންމެ ދުވަހަކު މެޑިކަލް ސެޓްފިކެޓް ގެންނަން ޖެހޭ ގޮތަށް ވަޒީފާއާ ބެހޭ ގާނޫނު އިސްލާހުކޮށްފި ނަމަ އެކަމުގެ ސަބަބުން ބޮޑެތި މައްސަލަތަކެއް އުފެދޭނެ ކަމަށް ވިލިމާލެ ދާއިރާގެ މެމްބަރު އަހުމަދު އުޝާމް މިއަދު ވިދާޅުވެއްޖެ އެވެ.
ވަޒީފާއާ ބެހޭ ގާނޫނަށް ސަރުކާރުގެ ފަރާތުން ކެނދިކުޅުދޫ ދާއިރާގެ މެމްބަރު އަހުމަދު އީސާ ހުށަހެޅުއްވި އިސްލާހުގެ ބިލުގެ ބަހުސްގައި އުޝާމް ވިދާޅުވީ ސަލާމްބުނާ ކޮންމެ ދުވަހަކު ސެޓްފިކެޓް ގެންނަން ޖެހޭ ގޮތަށް ބަދަލުކޮށްފި ނަމަ ސިއްހީ ނިޒާމަށް ބާރުބޮޑުވެ، އާސަންދަ އަށް ވެސް ބާރުބޮޑުވާނެ ކަމަށެވެ. ބައެއް ބާވަތްތަކުގެ ބަލިތަކަކީ ސިއްހީ ހިދުމަތްދޭ ތަންތަނަށް ނުދިޔަ ނަމަވެސްް ގޭގައި މަޑުކޮށްލަން ޖެހޭ ފަދަ ބަލިތައް ކަަމަށް ވެސް އޭނާ ވިދާޅުވި އެވެ.
"އަޅުގަނޑުމެން ކޮންމެ ދުވަހަކު، އޮފީހަށް ނުދާ ކޮންމެ ދުވަހަކު ސަލާމުގެ ސެޓްފިކެޓް ހުށަހަޅަން ޖެހޭ ގޮތަށް ގާނޫނު އިސްލާހުކޮށްފި ނަމަ އޭގެ ނަތީޖާއަކަށް ވެގެން މިދަނީ ކިތަންމެ ކުޑަކުޑަކު ކަމަކާ ގުޅިގެން ވެސް ހޮސްޕިޓަލްތަކަށް ދާން ޖެހުން. އަަޅުގަނޑުމެންގެ މިހާރު ވެސް އޮލްރެޑީ އޯވަލޯޑްވެފައި އޮތް ހެލްތު ކެއާ ސިސްޓަމަށް އިތުރު ބުރަޔަކަށް މިކަން ވެގެންދާނީ،" އުޝާމް ވިދާޅުވި އެވެ.
ވަޒީފާ އަށް ނުނިކުމެވޭ ކޮންމެ ދުވަހަކު ސަލާމުގެ ސެޓްފިކެޓް ގެންދަން ޖެހޭ ގޮތަށް ގާނޫނު ބަދަލުކުރުން ރަނގަޅު ނޫން ކަމަށް ތިނަދޫ އުތުރު ދާއިރާގެ އެމްޑީޕީ މެމްބަރު އަބްދުﷲ ސަނީފް ވެސް ވިދާޅުވި އެވެ. އޭނާ ވިދާޅުވީ އެގޮތަށް އަމަލުކުރަން ބަލާއިރު އަތޮޅުތެރޭގައި ޑޮކްޓަރަކު ނުހުންނަ ހާލަތް ވެސް އޮންނަ ކަމަށެވެ.
"ރަށް ފުށުގެ ރަށްރަށުގައި ސިއްހީ ހިދުމަތަކީ ގިނަ ފަހަރު ޑޮކްޓަރަކު ވެސް ނުހުންނަ ރަށްތައް އެބަހުރި. އެހެންވީމާ ސަލާމުގެ ސެޓްފިކެޓް ހުށަހެޅުމަކީ އަޅުގަނޑު ގަބޫލުކުރާ ގޮތެއް ނޫން،" ސަނީފް ވިދާޅުވި އެވެ.
ވަޒީފާއާ ބެހޭ ގާނޫނު އިސްލާހުކުރުުމުގެ ބިލުގައި އޮތް ކަންބޮޑުވާ އެހެން މައްސަލައެއް ކަމަށްވާ ޕްރޮބޭޝަން މުއްދަތު ހަމަސް ދުވަހަށް ދެންމުމާ މެދުގައި ވެސް އޭނާ ކަންބޮޑުވުން ފާޅުކުރެއްވި އެވެ.
އުޝާމް ވެސް ވިދާޅުވި ގޮތުގައި ޕްރޮބޭޝަން މުއްދަތު (އެއްބަސްވުމެއް ނެތި ވަގުތީ ގޮތުން ވަޒީފާގައި މީހަކު ގެންގުޅެވޭ މުއްދަތު) އިތުރުކުރަން ހުށަހަޅާފައި އޮތް އޮތުމެވެ. ވަޒީފާ އަދާކުރާ މީހުން އެކަމާ ކަންބޮޑުވާ ކަަމަށް އޭނާ ވިދާޅުވި އެވެ. ޕްރޮބޭޝަން މުއްދަތު އެގޮތަށް އިތުރުކުރުމަކީ އޭނާ ވިދާޅުވި ގޮތުގައި ވަޒީފާ އަދާކުރާ މީހުންނަށް ގެއްލުންތަކެއް ލިބިދާނެ ކަމެކެވެ.
"އިނގޭ އެއްޗަކީ ޕްރޮބޭޝަން މުއްދަތު މިގޮތަށް އިތުރުކޮށްފި ކަމުގައި ވަނީ ނަމަ ވަޒީފާ އަދާކުރާ ބައެއް ފަރާތްތަކަށް އެކަމުގެ ސަބަބުން ގެއްލުންތަކެއް ކުރިމަތިވެގެންދާނެކަން،" އޭނާ ވިދާޅުވި އެވެ.
ޕްރޮބޭޝަން މުއްދަތު ހަމަވުމުން ވަޒީގައި ނުބައިތިއްބައި މީހުން ދޫކޮށްލުމަކީ އެގޮތުން މިހާރު ވެސް ހިނގާ ކަމެއްކަން އޭނާ ފާހަގަކުރެއްވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޯކުފުޅި
11 June 2020
ނޫނޭ ކޮއެފުޅާ ޒިންމާދާރު ރައްޔިތުންތަކެއް އުފެއްދޭނީ ޒިންމާދާރު ސިޔާސަތުތަކުން. ތީހަމަ ކޮންމެހެން ކުރަންޖެހޭކަމެއް. ސިއްހީ ނިޒާމަށް ބުރަ ވާން ޖެހޭ ސަބަބު ނުވިސްނޭ.
އަސަރު2
11 June 2020
އަސްލު މައްސަލައަކީ މުވައްޒަފުންގެ މޯޓިވޭޝަން ނެތުން..މުވައްޒަފުންގެ މެދުގައި ތަފާތުކުރުން، ވަޒީފާގެ ކުރިއެރުން ނުލިބުން، ލިބޭ އެއްޗަކުން ދެކޮޅު ނުޖެހުން.. މި 03 ކަންތައް ހައްލުވިޔަސް ސަލާމަށް ބަދަލު އަންނާނެ..މިހާރު އެބައުޅޭ ދާހިތްނުވެ އޮފީހަށްދާ މީހުން..އޭގެ ބަދަލުގައި ދާހިތުން ދެވޭނީ މޯޓިވޭޓް ވެގެން..މަޖިލިސް މެމްބަރުންވެސް އަބަދު އުޅޭތަން މިފެންނަނީ މިކަހަލަ ކަންތައް ހައްލުކުރުމުގެ ބަދަލުގައި އޭތި އިތުރަށް ގޯސްވާ ކަހަލަ ގޮތްގޮތަށް..
ފެންވަރު
10 June 2020
ކައުންޓަރަށް ދެ މުވައްޒަފުން ނެގީމަ އެކަކު ބަލިވެއްޖެއްޔާ ޚިދުމަތްދެވޭނީ އެއް ކައުންޓަރުން.ވަޒީފާތަކުގަ ތިބެނީ އިންސާނުންކަން ދަނެގެން ކީއްތަވާނީ ހިއުމަން ރިސޯސަސް ކެޕޭސިޓި އިތުރުކުރިއްޔާ، މައްސަރު ދުވަސްވަރު ވޭން އަޅާ އަންހެނުންނާ މާބަނޑު އަންހެނުންވެސް ވަޒީފާތަކުގަ އުޅޭ.ދެ އަންހެނުންނާ ފަޅި މަޖިލިހަށް ލައިގެން ފިރިހެނުންތަކެއް ހުރިހާ ނިންމުމެއް ނިންމަންވީމަ ވާނީ މިހެން!ގޮތް ނިންމަނީ ރާއްޖޭގަ ވަޒީފާގަ އުޅޭ އެންމެ ހާޒިރީ ރަނގަޅު ބައިގަނޑު! ލަދް!
ޒަރީނަ
10 June 2020
ވަރަށް ސާފުކޮށް މި ބުނަނީ! އެމްޑީޕީ ސަރުކާރު ގެނެސް މަޖިލިސް މެޖޯރިޓީ ދިނީ ރައްޔިތުންނަށް އުނދަގޫ ޖައްސާކަށް ނޫން!
މިވަރެއްނެތް
10 June 2020
އުޝާމް ކާރިން އަހާލަން އޮތީ ދުވަހަކުވެސް މީހަކަށް މުސާރަދީގެން ވަޒީފާއެއްގައި ގެންގުޅުނިންތޯ؟ މުވައްޒަފަކަށް ދޭންޖެހޭ އެއްޗެއް ދޭންވާނީ ޕްރޮޑަކްޓިވިޓީ ނުވަތަ އުފެއްދުންތެރި ކަމާ ގުޅުވައިގެން. ހިތުހުރި ގޮތަކަށް ސަލާން ބުނުމުގެ ސަގާފަތް އަށަގަނުވާ އެފަދަ އާދަ އަށް ހިތްވަރު ދިނުމުން ގައުމުގެ އުފެއްދުންތެރިކަން ދަށްވެ، ލިބޭ ޓެކްސް މަދުވެ، މަސައްކަތްތެރިންގެ ޑިސިޕްލިން ގެއްލި ދުވަހުން ދުވަހަށް ގައުމު ދާނީ ދަށަށް. ކުރިއަރާފައިވާ ގައުމުތައް ބަލާލާނަމަތާ!
އަދުރޭޓިނު
10 June 2020
ތި އީސަޔަކު ހަމަތަ؟ އެމްޑީޕީ ކަލޭމެން ތިތަން ދެކޭނު. ތިގާނޫނެއް އޮންނާނީ ކުރިޔަށް އޮތް 2 އަހަރު. މޮޔައިންގެ އަތަށް ކަނޑިދިނުމުގެ ނަތީޖާ މިއަދު މިފެންނަނީ؟
ސަލީމް54
10 June 2020
ސަލާމް ނެގުން 10 ދުވަހައް މަދުކުރޭ. ދުނިޔޭގެ ކޮންގައުމަކުން މެޑިކަލް ކެސުއަލް ލީވް ދެނީ. މިގައުމުގަ އަންހުނުންނަށް ވުރެ ފިރިހެނުން ސަލާްމް ބުނާލެއް ގިނަ.
ވޯލް
10 June 2020
ވަޒީފާއަށް ނުނިކުމެ ސަލާމުގައި ހުނަން ޖެހޭނީ ހަމަ ހަޤީގަތުގައިވެސް އެމީހާ ބަލިވެގެން އޮފީހަށް ނުދެވޭ ހާލަތުގައި، އެނޫން ހާލަތުގައި އެމީހާގެ އަހަރީ ޗުއްޓީއިން ދުވަހެއް ނަގާގެން ގޭގައި މަޑު ކުރެވޭނެ. އަހަރީ ޗުއްޓީއަކީ ކޮންމެހެން އެއްފަހަރާ ހަމަ އެކަނި އާއިލާއާއެލު އަހަރަކު އެއްފަހަރު ރާއްޖޭން ބޭރަށް ދާން އޮންނަ އެއްޗެއް ނޫން. ބަލިވެގެން ސަލާމް ބުނާނަމަ ހަމަ އެމްސީ ހުށަހަޅާންޖެހޭ ގޮތަށް ޤާނޫނު އިސްލާޙް ކުރަންޖެހޭ. އަދި ޙައްސަކޮށް ސިވިލް ސާވިސް މުވައްޒަފުން.
އެންދެރި
10 June 2020
25 ހާހުން.މަތީ މުސާރަ ލިބޭ މީހުންނަށް ތިގޮތަށް ހަދަން ރަނގަޅު ވާނެ އެވެ.
ކަނބަލުގެ މޭން
10 June 2020
ބޭރަށް ހިންގުން ފަދަ ކަންކަމަކީ ބައެއް ފަހަރު ވަގުތީ ކަންކަން. ވަކި އިރެއްފަހުން ރަނގަޅުވެސްވޭ. މީގެ އިތުރުން މައްސަރު ދުވަސްވަރަކީ އެކި ކަނބަލުންނަށް އެކި ވަރަށް ވޭންއަޅާ ކަންކަން. އެފަދަ ބޮޑުވަރުވާ ދުވަސް ދުވަހު އޮފީހަށް ނާދެވިދާނެ. އެހިނދު އަނެއްކާ އެމްސީ ހޯދަން ތަންތަނަށް ދުވުން ވާނީ އިތުރު ވޭނަކަށް. ތިޔަ މަޖިލީހުގައި އަންހެން މެންބަލަކު ނެތީތޯ މިފަދަ ކަންކަމާމެދު ވިސްނާނެ؟
ގިޔާސް
10 June 2020
ކަނބަލުގެ މޭން ތިބުނީ ހަމަ ރަނގަޅު ވާހަކައެއް، އަދި އުޝާމު އެބުނަނީވެސް ހަމަ ރަނގަޅު ވާހަކައެއް، އެކަމަކު މިހާރު މި އޮންނަގޮތަށް، ހަމަ އޮފީހަށް ނުދާން ހިތަށްއެރީމަ ނުގޮސް ސަލާމް ބުނެލާފަ ހުރެވޭ ގޮތަށް އޮންނަ އޮތުމާ، ހަފްތާބަންދަށް އަވަށްޓެރި ލަންކާ އަށް ބުރާސްފަތިދުވަހު ހަވީރު ގޮސްފަ ހޮނިހިރު ދުވަހުގެރޭ އޮންނަ ފްލައިޓަކުން މާލެ އައިސް އަނެއްދުވަހު ސަލާމްބުނެލާފަ ދަތުރު ވަރުބަލި ފިލުވާލަން ރައްޓެހިންނާއެކު ކޮފީގަ، މީހައްލު ބޭނުންވާ ކަންތައް.