ހޯރަފުށި އެއާޕޯޓްގެ ރަންވޭގެ ބައެއްގައި ތާރު އަޅާފައި-- ފޮޓޯ: އެމްޓީސީސީ
11 ޖޫން 2020 - 14:46
20 comments
ހޯރަފުށި އެއާޕޯޓުގެ ކޮންސްޓްރަކްޝަން މަސައްކަތްތައް އަންނަ ސެޕްޓެމްބަރު މަހު ނިންމާލެވޭނެ ކަމަށް އެމްޓީސީސީން ބުނެފި އެވެ.
ހޯރަފުށި އެއާޕޯޓް ޕްރޮޖެކްޓްގެ 83 ޕަސެންޓް މިހާރު ވަނީ ނިމިފަ އެވެ. މިހާރު ކުރިއަށް ދަނީ ރަންވޭގައި ތާރު އެޅުމުގެ މަސައްކަތްތަކެވެ. އަދި ތާރު އެޅުމަށް ބޭނުންވާ އިތުރު ސާމާނު ގެނައުމުގެ މަސައްކަތް ކުރަމުން އަންނަ ކަމަށް އެމްޓީސީސީން ބުނެ އެވެ.
ހޯރަފުށީ އެއާޕޯޓުގައި 1،200 މީޓަރުގެ ރަންވޭއަކާއި 8،635 ސްކޮއާ މީޓަރުގެ އޭޕްރަން އަކާއި ޓެކްސީވޭއެއް އޮންނާނެ އެވެ. އެއާޕޯޓް ތަރައްގީ ކުރުމަށްޓަކައި 842،200 ކިއުބިކް މީޓަރުގެ ބިން ވަނީ ހިއްކައިފަ އެވެ. މި މަސައްކަތަށް 67 މިލިއަން ރުފިޔާ ހޭދަކޮށްފައިވެ އެވެ. އެ މަސައްކަތް މިދިޔަ އަހަރުގެ އޮގަސްޓަ މަހު ނިންމާލައިފައިވާ އިރު 1120 މީޓަރުގެ ރިވެޓްމެންޓް ޖެހުމުގެ މަސައްކަތް ވެސް މި އަހަރުގެ މާޗް މަހު ވަނީ ނިންމާލައިފަ އެވެ.
ހޯރަފުށި އެއާޕޯޓު ތަރައްގީ ކުރުމުގެ މަސައްކަތްތައް ކުރިއަށްދަނީ-- ފޮޓޯ: އެމްޓީސީސީ
ކޮވިޑް-19 ގެ ހާލަތުގައި ވެސް ހޯރަފުށި އެއާޕޯޓުގެ މަސައްކަތް ހުއްޓާނުލާ އެމްޓީސީސީން އަންނަނީ ކުރިއަށް ގެންދަމުންނެވެ. އެއާޕޯޓް ތަރައްގީ ކުރުމުގެ ޕްރޮޖެކްޓަށް ޖުމްލަ 198 މިލިއަން ރުފިޔާ ހޭދަކުރުމަށް ހަމަޖެހިފައިވެ އެވެ.
ކުރީގެ ރައީސް އަބްދުﷲ ޔާމީންގެ ސަރުކާރުގައި ހއ. މާފިނޮޅުގައި އެއާޕޯޓު ހެދުމަށް ބިން ހިއްކަން އެމްޓީސީސީއާ މިދިޔަ އަހަރު ހަވާލުކުރި އެވެ. އެކަމަކު، ޔާމީންގެ ސަރުކާރު ބަދަލުވުމާ އެކު، މި ސަރުކާރުން ވަނީ މާފިނޮޅުގެ ބަދަލުގައި ހޯރަފުށި ފަޅުން ބައެއް ހިއްކައިގެން އެއާޕޯޓް ހަދަން ނިންމައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަންނާޑި
13 June 2020
ތާރު އެޅި މަގެއް
އޮނަރަބްލް އަފީފު ދީދީ
12 June 2020
ތިމާމެނަށްލިބެންޖެހޭ އަސާސީޙައްޤު ނުލިބޭވާހަކައާއި ޙައްޤަށާއިކުރިއެރުމަށް ހުރަސްއަޅާފައިވާ ވާހަކަދެއްކުމަކީ އިންސާނަކަށްވީތީ ފަޙުރުވެރިކަމާއިއެކު ކުރާންޖެހޭ އަޙްލާޤީ ދުނިޔަވީ ޒިންމާއެއް. # އަހަރުމެންގެ ކާބަފައިންފަދައިން އަހަރުމެންނަކީވެސް "އެއްރަށްދައުލަތް ސިޔާސަތާއި ދެކޮޅުބައެއް" އަހަރުމެންއަޑަށް ބާރުލާފައި މާލޭސަރުކާރަށް މިގޮވަނީ ހަނިމާދޫއާއި ގޭންއެއަރޕޯޓް ބޭރުގެދަތުރުތަކަށް ހުޅުވާލާ މަރުކަޒުކުރުން ދޫކޮށް ޑިސެންޓްރަލައިޒް ކުރާން ފުރުސަތުދިނުމަށް.
ރަށްއިތުމީހާ
12 June 2020
ތިވެސް ރައީސް ޔާމީނު އިހަވަންދިންފޮޅު ރަށްއިތުންނަށް އުދުންސައިފަ ޖަންސާނި ހޯރައެއް ނޫނޭ ފުލެއިޓޭ ކިޔާ ދަޅަ ދެށްކި އެއާރފޯޓެއް. ޔާމީނު ދައުރު ނިންމާލީ ރަށްއިތުން ގުބޯހަށްދައިފަ ބައިތިންބައިގެން. އެކަމުގެ ރައްދު ރަށްއިތުން ދިނީ ވަރަށް ފުރިހަމަޔަށް. ޔާމީނަށް ވެސް ދާއިރާގެ މެންބަރަށް ވެސް ވޯޓުން ނޫނެކޭ ބުނެފަ.
މޯޑޭ
12 June 2020
ރާއްޖޭގެ ޓޫރިޒަމް ހުޅުވާލަންވާއިރަށް އިހަވަންދިންފޮޅު ރަށްއިތުންނަށް އޭގެ ފޮނިމީރުކަން ލިބެން އަށްނަނި ތި އެއާރފޯޓްވެސް އަވަހަށް ހުޅުވައި ލެވިގެން. ރަގަޅު ލޮކޭސަނެއްގަ އޮތް ހިތްގައިމް އެއާރފޯޓަކަށް ވާނެކަމަށް އުއްމީދު ކުރެވޭ.
ދޫނި
12 June 2020
އަހަރަމެން އުމުރު ހުސްވަނި ޖިޒީދަށްކައިގެން މާލޭގަ އުޅޭތާ. ދެން ބުނަށްވީ މީ އިޒްރޭލޭ. ހާދަ ގަމާރު ސޮރެކޭ މި ބާވަތުގެ ކޮމެންޓް ލިޔެފަ މިހުންނަނި.
މޯޑޭ
12 June 2020
ހޯރަފުށީ މީހުން ނުވާނެ ހަސަދައެއް. ޖިޒީދަށްކާށޭ ކިޔާ ތިބާވަތުގެ ފިތުނަ އުފަށްދަށް ނޫޅޭ. ހޯރަފުންޓަކީ ނަމޫނާ ރަށްއިތުން ތަކެއް އުޅޭ ސަޅި ރަށެއް
ތިންބޯ
12 June 2020
މުހަންމާ ފޮތިގަޑް ދަމާގެން ހޯރަފުށީ ފަޅުތެރޭ އެއާރފޯޓް ނޭޅޭނޭކިޔާގެން އެއްމެފަހުން އަތަށް ގޮވީ. ގޮނޑިވެސް ނުލިބުނި. މިހާރު އެނެއްކާވެސް ފިލުމްކުޅެއް ރުޖޫއުވެއްޖެ.
ކައްކާ
11 June 2020
މާލޭ ގޭގޭގެ ކުލީ ވިޔަފާރި އިތުރަށް ފުޅާކުރެވެންއޮތީ އިތުރު އެއާޕޯޓުތައް ހަދައިގެން ރަށްރަށުމީހުނަށް ވީހާވެސް ފަސޭހައިން މާލެއަށްދެވޭނެގޮތް ހަދައިގެން.
ޙާމް11
11 June 2020
އަދިވެސް ހެވޭ އިހަވަންދޫމީހުން ރަށާ މާދުރުގަ އޮތް މާ ފިނޮޅުގަ އަޅަން ބޭނުން ވެގެން އުޅުނު ހަނދާން. ޙަޖަމު ނުވީ ހޯރަފުށީގަ އަޅާތަން ބަލަން. ޑޭޝް 8ގެ ބޯޓްތައް ދާނީ އިހަވަންދޫ މަތިން ސީދާ ހޯރަފުށްޓައް.
ދީފް
11 June 2020
މި ސަރުކާރިގެ ބަޖެޓުން ކުރިކަމެއްނޫން