އިނގިރޭސި އަންހެނަކު އުމުރު ދުވަހަށް ޓްވިޓާ އިން ބޭރުކޮށްލައިފި

ކެޓީ.

އަހުމަދު އަދްޝަން، މިހާރު

21 ޖޫން 2020 - 07:39

އާންމުންގެ ތެރޭގައި ނަފުރަތާއި ރުޅިވެރިކަން އުފެދޭ ޒާތުގެ ވާހަކަތައް ތަކުރާރުކޮށް ޓްވީޓްކުރާ ކަމަށް ބުނެ މިދިޔަ ޖެނުއަރީ މަހުގެ ތެރޭގައި ހަފުތާއެއްހާ ދުވަހަށް ޓްވިޓާ އިން ބޭރުކޮށްލި އިނގިރޭސި އަންހެނަކު އެންމެފަހުން އުމުރު ދުވަހަށް އެ ޕްލެޓްފޯމުން ބޭރުކޮށްލައިފި އެވެ.

ޓްވިޓާ އިން ބުނި ގޮތުގައި މިލިއަނެއްހާ ފޮލޯވަރުން ގެންގުޅުނު ކެޓީ ހޮޕްކިންސް ޓްވިޓާ އިން އެއްކޮށް ބޭރުކޮށްލަން ޖެހުނީ ތަކުރާރުކޮށް އޭގެ އުސޫލުތަކާ ހިލާފުވަމުންދާތީ އެވެ. ނަމަވެސް އޭނާއަށް އުމުރު ދުވަހަށް ޓްވިޓާ ބޭނުން ނުކުރެވޭ ގޮތަށް ނިންމީ ސީދާ ކޮންކޮން ޓްވީޓްތަކަކާ ގުޅިގެން ކަމެއް ނުބުނެ އެވެ.

އެކަމަކު ކެޓީ އަކީ ވަރަށް ގިނަ ފަހަރު، އެމެރިކާގެ ރައީސް ޑޮނަލްޑް ޓްރަމްޕް ކުރައްވާފައިވާ "ނަފުރަތު" ގެ ޓްވީޓްތައް ރިޓްވީޓްކޮށްފައިވާ މީހެކެވެ.

Far-right commentator Katie Hopkins has been suspended from Twitter. pic.twitter.com/QIyJNT5abs
— Jared Holt (@jaredlholt) June 19, 2020

ދާދި ފަހުން ޓްވިޓާ އިން ވަނީ އެމެރިކާގެ ރައީސް، މިންގަނޑަށް ނުފެތޭ ވާހަކަތައް ޓްވީޓްކުރައްވާތީ އެކަމާ ދެކޮޅަށް ހާއްސަ ފިޔަވަޅުތަކެއް ވެސް އަޅައިފަ އެވެ. މިކަމާ ހިތްޕުޅާނުވެގެން ސޯޝަލް މީޑިއާ އަށް ފިޔަވަޅު އަޅަން ރިއާސީ ގަރާރެއް ވެސް އޭނާ ނެރުއްވާފައިވެ އެވެ.

So what was Katie Hopkins, with over 1 million followers, 'hateful conduct' which caused her to be permanently banned from Twitter?

Will anyone ever know?

I've seen assassination threats against President Trump that weren't even taken down.
— Bill Mitchell (@mitchellvii) June 19, 2020

"އަހަރެމެންގެ ޕޮލިސީ އަކީ ޓްވިޓާ އަކީ ސޭފް ތަނަކަށްވުން. އެންމެ ބޮޑު އިސްކަމެއް ދޭ އެއް ކަމަކީ ވެސް އެއީ. ފުރައްސާރަކުރުމާއި ނަފުރަތާއި ރުޅިވެރިކަން ފަދަ ކަންކަމަށް ދެވޭ ހިތްވަރު ބަލާކަށް ޓްވިޓާ ނޯންނާނެ،" ޖެކް ޑޯޒީގެ ޓްވިޓާ އިން ބުންޏެވެ. "މިކަހަލަ މައްސަލަތަކުގައި އަބަދު ވެސް އަހަރެމެން ފިޔަވަޅު އަޅަމުން ގެންދާނަން."

Genuinely shocked (though I suppose I shouldn’t be) to see Katie Hopkins dumped by Twitter. You don’t have to agree with her to defend her right to free speech. And apparently any amount of offensive bile is just fine so long as it comes from the left.
— Roger Helmer (@RogerHelmerMEP) June 19, 2020

ކެޓީ އަށް ޓްވިޓާ އިން އެޅި ފިޔަވަޅާ ގުޅިގެން ބައެއް މީހުންގެ ފާޑުކިޔުންތައް ވެސް އެ ޕްލެޓްފޯމަށް އަމާޒުވެފައިވެ އެވެ. އެގޮތުން އެ ނިންމުމަކީ ހިޔާލު ފާޅުކުރުމުގެ މިނިވަންކަމާ ދެކޮޅު އަމަލެއް ކަމަށް ބުނެފައިވެ އެވެ.

އިނގިރޭސިވިލާތަށް ނިސްބަތްވާ ކެޓީ، 45، އަކީ މީޑިއާގެ މަޝްހޫރު ޝަހުސިއްޔަތެކެވެ. ކަނާތުފިޔައިގެ ފިކުރުތަކަށް ތާއީދުކުރާ ކެޓީ އަކީ ކޮލަމިސްޓެއް އަދި ސޯޝަލް ކްރިޓިކެއް ވެސް މެ އެވެ.