އެންއީއޯސީގައި މިރޭ ބޭއްވި މީޑިއާ ބްރީފިން ގައި ޖެންޑާ މިނިސްޓަރު އައިޝަތު މުހައްމަދު ދީދީ ވާހަކަ ދައްކަވަނީ. އޭނާ ވިދާޅުވީ އަނިޔާ ރިޕޯޓްކުރާ ވަރު މޭމަހުގެ ފަހުކޮޅުން ފެށިގެން އިތުރުވެފައިވާ ކަމަށް.
28 ޖޫން 2020 - 00:01
12 comments
ރާއްޖޭގައި ގެވެށި އަނިޔާ ރިޕޯޓްކުރާ ވަރު މިދިޔަ މޭ މަަހުގެ ފަހުކޮޅުން ފެށިގެން އިތުރުވެފައިވާ ކަމަށް ޖެންޑާ މިނިސްޓަރު އާއިޝަތު މުހައްމަދު ދީދީ މިރޭ ވިދާޅުވެއްޖެ އެވެ.
ނެޝަނަލް އިމަޖެންސީ އޮޕަރޭޝަން ސެންޓަރުގައި މިރޭ ބޭއްވި މީޑިއާ ބްރީފިންގައި "މިހާރު"ން ކުރި ސުވާލަކަށް ޖަވާބު ދެއްވަމުން މިނިސްޓަރު ވިދާޅުވީ އަނިޔާ ރިޕޯޓްކުރާ ވަރު މަދުވިކަން އޭޕްރިލް މަހު މަދުވިކަން ފާހަގަ ކުރެވުނު ކަމަށާއި މޭމަހުގެ ފަހުކޮޅާ ޖެހެންދެން ވެސް އެކަން އޮތީ އެގޮތަށް ކަމަށެވެ. އެހެން ނަމަވެސް މޭ މަހުގެ ފަހުކޮޅުން ފެށިގެން އަނެއްކާވެސް އަނިޔާ ރިޕޯޓް ކުރާ ވަރު އިތުރުވެފައިވާ ކަމަށް އޭނާ ވިދާޅުވި އެވެ.
ކޮވިޑް-19 ފެތުރުން ކޮންޓްރޯލް ކުރަން ރާއްޖޭން އެޅި ފިޔަވަޅުތައް ވަރުގަދަ ކުރީ އޭޕްރިލް މަހު އެވެ. އަދި މޭ މަހުގެ ފަހުކޮޅު އެ ފިޔަވަޅުތަކަށް ލުއިދޭން ފެށި އެވެ. އަނިޔާ ރިޕޯޓްކުރާ މިންވަރު އެހިސާބުން އިތުރުވި ކަަމަށް މިނިސްޓަރު ވިދާޅުވީ ލޮކްޑައުން އަށް ލުއިދޭން ފެށުމުން ރިޕޯޓްކުރާ ވަރު އިތުރުވިތޯ ސުވާލުކުރުމުންނެވެ.
"ގިނަވި އަދަދުތަކުގެ ތެރޭގައި އަޅުގަނޑުމެންނަށް ފާހަގަ ކުރެވުނީ ބޮޑަށް ޑޮމެސްޓިކް ވަޔަލެންސް. ދެން ޑޮމެސްޓިކް ވަޔަލެންސްގައި ވެސް ހަމަ ފިޒިކަލް ވަޔަލެންސް ބޮޑަށް ފާހަގަކުރެވިގެން ދިޔައީ،" އައިޝަތު ދީދީ ވިދާޅުވި އެވެ.
އެންއީއޯސީގައި މިރޭ ބޭއްވި މީޑިއާ ބްރީފިންގައި އެ ސެންޓަރުގެ ތަރުޖަމާން މުހައްމަދު މަބްރޫކް އަޒީޒް، ޖެންޑާ މިނިސްޓަރު އައިޝަތު މުހައްމަދު ދީދީ އަދި ޖެންޑާ މިނިސްޓްރީގެ ޕާމަނެންޓް ސެެކްރެޓަރީ ބައިވެރިވެވަޑައިގަންނަވަނީ.
އޭނާ ވިދާޅުވި ގޮތުގައި ކުޑަކުދިންނަށް ޖިންސީ ގޯނާ ކުރުމުގެ މައްސަލަތައް ވެސް މި މުއްދަތުގައި އިތުރުވެފައިވާކަން ފާހަގަ ކުރެވެ އެވެ. އެހެން ނަމަވެސް މިދިޔަ އަހަރުގެ ތަފާސްހިސާބުތަކާ އަޅާ ކިޔާ އިރު މިއަހަރު މައްސަލަތައް ވަކި އިތުރުވެފައި ނުވާ ކަމަށް ވެސް ވިދާޅުވި އެވެ. އެގޮތުން މިއަހަރުގެ ޖެނުއަރީމަހުން ފެށިގެން މިހައިތަނަށް ހުށަހެޅި ކުޑަކުދިންނާ ގުޅުން ހުރި މައްސަލަތަކުގެ އަދަދަކީ 387 މައްސަލަ އެވެ. އެއީ އަންހެންކުދިންނާ ގުޅޭ 221 މައްސަލައަކާއި ފިރިހެން ކުދިންނާ ގުޅޭ 166 މައްސަލަ އެވެ. ބޮޑެތި މީހުންނަށް ގެވެށި އަނިޔާ ދިން ކަމުގެ 112 މައްސަލައެއް މިއަހަރުގެ މިހައިތަނަށް ޖެންޑާ މިނިސްޓްރީ އަށް ހުށަހެޅި އިރު އޭގެ ތެރެއިން ނުވަ މައްސަލައެއް ފިޔަވާ ހުރިހާ މައްސަލައެއްގައި ވެސް އަނިޔާ ލިބުނު ކަމަށް ރިޕޯޓްކޮށްފައި ވަނީ އަންހެނުންނަށެވެ.
"އެހެންވީމާ [މިއީ] އާއްމުކޮށް އޮންނަ ކަހަލަ ތަފާސްހިސާބެއް ކަން އަޅުގަނޑު ފާހަގަކޮށްލަން ބޭނުންވަނީ،" މިނިސްޓަރު ވިދާޅުވި އެވެ.
އަނިޔާގެ މައްސަލަތަކުގެ އިތުރުން ނަފްސާނީ މައްސަލަތަކާ ގުޅިގެން ޖެންޑާ މިނިސްޓްރީގެ އެހީތެރިކަމަށް އެދުނު މީހުން ވެސް މި މުއްދަތުގެ ތެރޭގައި އިތުރުވި އެވެ.
ކޮވިޑް ކޮންޓްރޯލްކުރަން ލޮކްޑައުން ކުުރުމުން އަނިޔާ ލިބޭ މީހުންނާއި އަނިޔާ ދޭ މީހުން އެއް ގެއެއްގައި ބަންދުވެ، މައްސަލަތައް ރިޕޯޓްކުރާ އަދަދު މަދުވިކަމަށް އެހެން ގައުމުތަކުން ވެސް ރިޕޯޓްކޮށްފައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގޯސް
28 June 2020
އަހަރެން ހީކުރީ ސިދާތާއާއެކު ތިޔަކަންވެސް ނިމިއްޖެކަމަށް. ޢެމްޑީޕީ ލަދު
ނަލަވަށި
28 June 2020
ދުނިޔޭގެ އެަހެން ތަންތާ ބަލިވެ ބޭންދި މީހުން އިތުރުވެ ގޭވެށީގަ ކުރެވޭ އަނިޔާ ވީ މަދު
ފިފުޓީ ސިކުސް
28 June 2020
މަހީކުރީ އައިސަތު މ. ދީދީއަކީ ހިންގުންތެރިއެއްކަމަށް ގައުމުގެވ ރައީސްގެ ނެތް ހިންގުންތެރިކަމެއް ކެބިނެޓުގައި ތިބިމީހުންގާއި ނުހުންނާނެކަން މިހާރު ޔަގީންވެއްޖެ މައުމޫންގެ ވެރިމަކުގައި މިކަމަނީ މަސައްކަތްކުރި މިކަމަނާގެ ގާބިލްކަމަކުންނޫން އެތަނުގައި ތިބި ޓެކުނިކަލް މީހުންގެ ގާބިލްކަމުންނާއި ރައީސް އޮފީހުގައި ތިބަި ހިންގުންތެރިންގެ ގާބިލްކަމުން ތިމާކުރަންޖެހޭ މަސައްކަތް އެހެންމީހުން ކޮށްދިނީމާ އެމީހުންނަށް ޝުރު އަދާކުރަންވެސް ނޭގުނު މީދެރަވަރު
ޖަމީލުބެ
28 June 2020
މަހީކުރީ ޝިދާތާ ދިޔައިމަ ހުރިހާ ކަމެއް ހައްލުވީކަމަށް
ލޯކިޔަވާ
28 June 2020
އައިސްތު ތީ އެއްވެސް ކަމުދާ މީހެއްނޫން! ހިންގުމުގެ ރޮގުން 0.
އިރުއަލި
28 June 2020
އުމުރުން 15 އަހަރުނުވާ އަންހެންދަރި އާއިލާއަށް ނޭނގި ފޯނުފަދަތަކެތި ގެންގުޅެ މީހަކާ ހިތާވެ ރޭގަނޑުދަންވަރު ބޭރައްދާތީ އެކަން ހުއްޓުވުމަށް އާއިލާއިން މަސައްކަތް ކުރުމުން އެކުއްޖާ ޖެންޑާއަށް ރިޕޯޓުކުރުމުން ކުށްވެރިވަނީ އާއިލާ، ޖެންޑާއިން ތަހުގީގައްގޮސް އެކުއްޖާއަށް ހިތްވަރުލިބޭގޮތައް ވާހަކަދައްކާފަދިއުމުން، ކުއްޖާއަށް އިތުރައް ހިތްވަރުލިބި ބަސްނާހާ ދަނީ އުޅެމުން. ދެރަގޮތެއް ވީމަ ގޯސްވާނީ އާއިލާ، މިނޫގޮތެއް ނެތް؟
ގަޓް ބްރޯ
28 June 2020
ގެވެށި އަނިޔާ އަކީ އަތްދަމާފަ ކަންފަތްމަތީ ޖެހުން އެކަންޏެއްނޫން. ހެޔޮހާލުގަ ތިބި އެތައް ކުދިންނަކާ ބޮޑެތިމީހުންނެއް އަސާސީ ހައްގުތަކާ މިނިވަންކަމުން މަހުރޫމްކޮށް ދެތިންމަސްވަންދެން ގޭގަބަންދުކޮށްގެން ގެންގުޅުމަކީވެސް ހަމަ އަނިޔާ. ކޮވިޑްގެ ކަންތަކުގަ ސިޔާސީ ބަޔަކު ކުޅުނީ ޑްރާމާ އެކޭ ބުނެވިދާނެ ކިތަންމެ ކަމެއް ފެންނަމުންދާކަމަށް މިހާރު މީހުން ތުހުމަތު އެބަކުރޭ.
ފިލާވަޅު
28 June 2020
އަނގަޔާ އަތާ ދި މާނުވެ އުޅޭނެ ތަނެއް ނެތް ހުރިހާކަ މެއްވެސް އާއް މުވަނެ ، އޯގާތެރި ސަރުކަރު ރައްޔިތުން އުފަކުގައި
ޙައިކަލ
28 June 2020
ރާއްޖޭގަ އުޅޭ ގޮތެއްފޮތެއްނެތް ފިރެހެނުންގެ ފެންވަރު ތި ފެންނަނީ. ބައެއް މީހުންނަށް ހީވާކަހަލަ އަންހެނުންނަކީ އެމީހުންގެ އަޅުންނޭ. ޢަމިއްލަޔައް މޮޑެލާއިން ކާންނާގޭ. ތިމާމީހާގެ ހުރިހާކަމަކާ ނުވިތާކަށް ދަރިންތިބިއްޔާ އެމީހުންގެ ހުރިހާ ކަމެއް އަންހެނުންގެ ބޮލައް ޖަހާފަ މި ކިޔަނި އަންހެނުން ކަންނެތޭ. ޓޭކް އަ ހައިކް
ސަންޕަކަލޭފާނު
28 June 2020
ދެން އެވީ އައިސްތުދީދީ އިސްތިއުފާދޭން! މީ ދިވެހިންގެ ތިލަވިސްނުން ހުންނަ ފައްތަރަކީ.
ކަކުނިބޯ
28 June 2020
ކުއްކުރާވަރެއްނޫން ބޭނުންވަނީ ޤާނޫނު ތަންފީޒުކުރެވޭވަރެއް ބޭނުންވަނީ އެކަން ނުކުރެވެންޔާ އިސްތިޔުފާދީފަ ގެއަށްދޭ ތަފާތުހިސާބާ އަންދާސީހިސާބު ބޭނުންވަނީ އެއަށްފަހު
ނުސްރަތުފަތަހު
28 June 2020
ހަމަ އެއްވެސް މިންވަރަކަށް ނުހިންގޭ މީހެއް އައިޝަތު ދީދީއަކީ. މައުމޫނު ދައުރުގެ ފެއިލްޑް ޕްރޮޑަކްޓެއް!