މަޖިލީހުގެ ޖަލްސާއެއް: ސަރަހައްދީ ބަނދަރުތަކަށް ގެންނަ މުދަލުން 50 ޕަސެންޓަށް ޑިއުޓީ ކުޑަކުރަން ކޮމެޓީން ވަނީ ފާސްކޮށްފައި -- ފޮޓޯ/މިހާރު
07 ޖުލައި 2020 - 14:36
12 comments
ސަރަހައްދީ ވިޔަފާރި ބަނދަރުތަކަށް ގެންނަ މުދަލުން ނަގާ ޑިއުޓީ 50 ޕަސެންޓަށް ކުޑަކުރަން އިމްޕޯޓް އެކްސްޕޯޓް ގާނޫނަށް އިސްލާހު ގެންނަން ރައްޔިތުންގެ މަޖިިލީހުގެ ކޮމެޓީން ފާސްކޮށްފި އެވެ.
އިމްޕޯޓް އަދި އެކްސްޕޯޓްކުރާ މުދަލުން ޑިއުޓީގެ ގޮތުގައި ނަގާ މިންވަރަށް ބަދަލު ގެންނަން އިމްޕޯޓް އެކްސްޕޯޓްގެ ގާނޫނަށް ސަރުކާރުގެ ފަރާތުން ވަނީ ރައްޔިތުންގެ މަޖިލީހަށް އިސްލާހު ހުށަހަޅައިފަ އެވެ. ގަމު ދާއިރާގެ މެމްބަރު މުހައްމަދު ވިސާމް ހުށަހެޅުއްވި އެ ބިލް މިހާރު ދަނީ މުޅި މަޖިލީހުގެ ކޮމެޓީން ދިރާސާ ކުރަމުންނެވެ.
އައްޑޫ އާއި ކުޅުދުއްފުށީގައި ގާއިމުކޮށްފައިވާ ސަރަހައްދީ ކަނޑުގެ ދެ ބަނދަރަށް ގެންނަ މުދަލުން 30 ޕަސެންޓް ޑިއުޓީ ކުޑަކޮށްފައި އޮތްއޮތުން ބަދަލުކޮށް، 50 ޕަސެންޓަށް ޑިއުޓީ ކުޑަކުރަން މިއަދު ކޮމެޓީގައި ހުށަހެޅުއްވީ ހިތަދޫ މެދު ދާއިރާގެ މެމްބަރު އަހުމަދު ރަޝީދެވެ. އެގޮތަށް ހެދުމުން އިގްތިސާދީ ހަރަކާތްތައް އަތޮޅު ތެރޭގައި ފުޅާވެ، މުދަލުގެ އަގު ހެޔޮވެގެންދާނެ ކަމަށް އޭނާ ވިދާޅުވި އެވެ.
އެ ހުށަހެޅުން ކޮމެޓީން ފާސްވީ 54 މެމްބަރުންގެ ވޯޓުންނެވެ.
ސަރަހައްދީ ވައިގެ ބަނދަރުތަކަށް ގެންނަ މުދަލުން ވެސް އެ މިންވަރަށް ޑިއުޓީ ކުޑަކުރަން މަނަދޫ ދާއިރާގެ މެމްބަރު އަހުމަދު ހާރޫން ހުށަހެޅުއްވި އެވެ. އެކަމަކު އެ ހުށަހެޅުމަށް ވޯޓަކަށް މިއަދު ނާހަ އެވެ.
ކޮމެޓީން އެގޮތަށް ނިންމިޔަސް، ކޮމެޓީގެ ރިޕޯޓް ފާސް ކުރުމަށް ފަހު މަޖިލީހުގެ ތަޅުމުގައި އަނެއްކާވެސް އެ ރިޕޯޓަށް އިސްލާހު ހުށަހެޅުމުގެ ފުރުސަތު އޮންނާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހުމަދުބޭ
08 July 2020
ކޮމެންޓް ތަކުން ހެޔޮނެތޭ އެއްގޮތް، މީގެ ކުރިން ގޮވީ އަތޮޅު ތެރޭގައި ކީކުރަން ހެދި ބަނދަރުތަކެއްހޭ، ބޯޓެއް ނާދޭ، ބާލާނެ މުދަލެއް ނެތޭ، ބޭކާރު ޚަރަދޭ؟ ދެން %30 ޑިއުޓީ ކުޑަކުރީމާ އައްޑު ކުޅުދުއްފުއްޓަށް ގެންނަހައި ކާރާކާ ސައިކަލަކާ ސިގިރޭޓެއް ބާލައި ގެން އެތަންތަން ކޮންމެވެސް ވަރަކަށް ހަރަކާތް ތެރި ވާން ފެށުމުން އެއަށް ވުރެ ރަގަނޅަށް އެދެތަނުގެ ބޭނުން ކުރާނެކަމަށް ފެންނާތީ %50 ޑިއުޓީ ކުޑަކުރުމުންވެސް މިކަމުނުދިޔައީ، ކީކޭ ބުނާނީ
ސިކުނޑި
07 July 2020
ހެޔޮނިޔއަތުގައި ކުރި ކަމެއްކަމަށް ނުބެލެވޭ! ކުރިންވެސް އެމްޑީޕީން ތިކަހަލަ ސަކަރާތެއްޖެހި! ތިކަމުން ވިޔާފާރިވެރިންނަށް ފައިދާވާނެ! ސަރުކާރަށްލިބޭ އާމްދަނީ މަދުވާނެ! އެ މުދާ ރައްޔިތުމީހާއަށް ލިބޭނީ މިހާރުގެ މާކެޓް ރޭޓްގައި!! މިއީވެސް ޒާތެއްގެ ވައްކަމެއް!!
ވަތަން އިސްކުރަންޖެހޭ
07 July 2020
ކުރިން އޮންނަނީ ހިލޭ. މިހާރު 50 ޕަސަންޓު.
އޮނަރަބްލް އަފީފު ދީދީ
07 July 2020
ކުޅުދުއްފުށި އަދި އައްޑޫގެ ބަނދަރަށް ގެންނަ މުދާ ޑިއުޓީފްރީކޮށް އެމުދަލަކީ ސީދާ އެ ބަނދަރުތަކަށްއަންނަ ބޯޓުތަކުންގެންނަ މުދަލަށް ހަދާންޖެހޭ. # މާލޭ ބަނދަރަށް އަންނަ ބޯޓްގައި ހުންނަ ކޮންޓައިނަރ ކުޅުދުއްފުއްޓާއި އައްޑުއަށް ގެންގޮސްގެން ޑިއުޓީއިން ދެވޭ ޑިސްކައުންޓަކުން ސަރަހައްދުތަކުގެ ރައްޔަތުންނަށާއި އެތަންތަނަށް އިޤްތިސޯދީގޮތުން އަންނާނެ ކުރިއެރުމެއްނެތް. # މިކަންކުރާންވާނީ މާނަވީ ގޮތަކަށް. މިއީ ނަމެއްގައި ކަމެއްކޮށްލަން ކުރާކަމަކަށްހަދައިގެން ނުވާނެ.
މުދިމު ކަތީބު
07 July 2020
ހެޔޮބަދަލެއް ! ކުޅުދުއްފުށި އައްޑޫސިޓީ ބަނދަރު ވަޒީފާތައް އިތުވެގެންދާނެ .
ގޭސްގަނޑެއް
07 July 2020
ތި ޑިސްކައުންޓް ޖީބަށްލައިގެން އެމީހުން އިތުރަށް މުއްސަނދިވާނީ. އާއްމު ރައްޔިތަކަށް ފައިދާއެއް ނުކުރާނެ. ތިކަން ކުރިން ކޮށްގެންވެސް ސަރަހައްދީ ޕޯރޓަށް އެތެރެކުރީ ސިނގިރޭޓް. ދުންފަތުގެ ނުރައްކަލުން ރައްޔިތުން ސަލާމަތް ކުރުމަށް ވަޢުދުވެ މެިފެސްޓޯ ހަދާފަ އެކަމަށް މަގުފަހިވާ ހުރިހާ ކަމެއް މިކުރަނީ . ދެތިން ވިޔަފާރިވެރިއެއްގެ މަސްލަޙަތަށްޓަކާ ރައްޔިތުންގެ ޞިއްޙަތުގަ ކޮޅުފައިން ތިޖަހަނީ
ލާމަސީލު
07 July 2020
ސިނގިރޭޓަކީ ދިވެހިން ހަލާކުކުރަން ރާއްޖެ އެތެރެކުރާ އެއްޗެއް. ޑޮކްޓަރުންނާ ހެލްތްމިނިސްޓްރީގެ ބޭފުޅުން އަނގަ ފަޅާފަ ސިނގިރޭޓް ބުއިމުން ފުރާނަޔަށް ގެއްލުންވާ ވާހަކަ ބުނާއިރު މިތަކެތި އެތެރެ ކުރަނީ ދިވެހިންގެ ފުރާނަ ދުއްވާލަން ނޫންބާއޭ ހިތައްއަރާ. އިންސާނާގެ ފުރާނަޔަށް ގެއްލުންވާ އެއްޗެއްނަމަ އެތެރެކުރުން ހުއއޓުވަބަލަ.... ދައްކާ ވާހަކަޔާ އަމަލާ ދިމާނުވޭ. ހިތާމަހުރިކަމެއް....
ހަކީމް
07 July 2020
އެއްކަލަ ސިނގިރޭޓް އެތެރެ ކުރާ މީހުންނަށް ދޮރެއް ހުޅުވާލަދެނީ ...
މުހައިމިނު5
07 July 2020
ތީގެ އަސްލު ފައިދާ ކުރޭތޯ ބެލުމަށް ރަނގަޅު މޮނިޓަރިން މެކޭނިޒަމްއެއް ބޭނުންވޭ. ތިޔަ ބަނދަރުތަކަށް އެތެރެކޮށްފައި، ކުޑަ ޚަރަދަކުން މާލެ ގެނެސް، ހެސްކިޔާފަ އަގުބޮޑުކޮށް ވިއްކީމަ، ކެނޑުނު ޑިއުޓީގެ ހުރިހާ ފައިދާއެއް ވިޔަފާރިވެރިންނަށް. އޭގެ ތެރޭގައި އިއްޒަތްތެރި މެމްބަރުންވެސް ހިމެނޭނެ. ޚާއްޞާކޮށް ސިނގިރެޓް ކަހަލަ އެއްޗެހިން ޑިއުޓީ ކަނޑައިފިއްޔާ، އެތެރެކުރާ މީހުންނަށް ހުރިހާ ފައިދާއެއް. ބައެއް ތަކެތި އެކްސްކްލޫޑްކުރަންޖެހޭ.
ޒަހީން23
07 July 2020
ގެދޮރު ތަކުން އިންކަމް ޓެކް ނެގިގެންދާއިރު ގެދޮރު އިމާރާތްކުރާތަކެތިން ޑިއުޓީ ކުޑަކޮށްދެން ޖެހޭ. އަދި ޚާއްސަކޮށް މިހާރު ލިފްޓް ގެ ޑިއުޓީ 25 ކަނޑާލަން ޖެހޭ.