ކުރީގެ ރައީސް ޔާމީން: އެމަނިކުފާނަށް ކުރި ފަސް މިލިއަން ޑޮލަރުގެ ޖޫރިމަނާ ހޯދަން އޭޖީން ވަނީ ކޯޓަށް ދާން ނިންމާފައި -- ފޮޓޯ/މިހާރު
09 ޖުލައި 2020 - 12:20
39 comments
މަނީ ލޯންޑްރިންގެ ކުށުގައި ކުރީގެ ރައީސް އަބްދުﷲ ޔާމީންގެ މައްޗަށް އިއްވާފައިވާ ފަސް މިލިއަން ޑޮލަރުގެ ޖޫރިމަނާ ފައިސާ ހޯދަން ސިވިލް ކޯޓުގައި ދައުވާ ކުރަން އެޓާނީ ޖެނެރަލްގެ އޮފީހުން ނިންމައިފި އެވެ.
މަނީ ލޯންޑްރިންގެ ކުށުގައި ޔާމީން ފަސް އަހަރަށް ޖަލަށްލުމަށާއި ފަސް މިލިއަން ޑޮލަރު (77 މިލިއަން ރުފިޔާ) އިން ޖޫރިމަނާކޮށް، އެ ފައިސާ ހަ މަސް ތެރޭގައި މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އަށް ދައްކަން ކްރިމިނަލް ކޯޓުން މިދިޔަ އަހަރުގެ ނޮވެމްބަރު މަހު ވަނީ ހުކުމްކޮށްފަ އެވެ.
އެޓާނީ ޖެނެރަލްގެ އޮފީހުގެ އޮފިޝަލަކު މިއަދު ވިދާޅުވީ، ހުކުމާ އެއްގޮތަށް ޔާމީން އެ ފައިސާ ދައްކަވާފައި ނުވާތީ އެ ހޯދަން ސިވިލް ކޯޓަށް މައްސަލަ ހުށަހަޅަން ނިންމާފައިވާ ކަމަށެވެ.
ޖޫރިމަނާ ފައިސާ ހޯދަން ދައުވާ ކުރަން އެޓާނީ ޖެނެރަލްގެ އޮފީހުން ނިންމިއިރު، އެއީ މަނީ ލޯންޑްރިންގެ ގާނޫނުގެ ދަށުން ފުރަތަމަ ފަހަރަށް އިއްވި ހުކުމެވެ. އެއީ ޖިނާއީ މައްސަލައެއްގައި ރާއްޖޭގައި މިހާތަނަށް މީހެއްގެ މައްޗަށް ކުރި އެންމެ ބޮޑު ޖޫރިމަނާ ވެސް މެ އެވެ.
ޔާމީނަށް އިއްވި ހުކުމުގެ އިސްތިއުނާފް ޝަރީއަތް ހައި ކޯޓުގައި މިހާރު ދަނީ ކުރިއަށެވެ. އެ މައްސަލަ ނިމެންދެން ކަފާލާތުގެ ދަށުން ޔާމީން މިނިވަން ކުރަން ހައި ކޯޓުގައި އެދުނަސް، އެ ކޯޓުން ނިންމާފައި އޮތީ ކަފާލާތު ނުދިނުމަށެވެ. އެހެންވެ، އެ މަނިކުފާނު މިހާރު ގެންދަވަނީ މާފުށީ ޖަލުގައި ހުކުމް ތަންފީޒު ކުރައްވަމުންނެވެ.
ޔާމީންގެ މައްޗަށް ދާދި ފަހުން ވެސް ދައުލަތުން ވަނީ މަނީ ލޯންޑްރިންގެ އިތުރު ދެ ދައުވާއެއް އުފުލައިފަ އެވެ. އެކަމަކު އެ މައްސަލަތަކުގެ ޝަރީއަތް ކްރިމިނަލް ކޯޓުން އަދި ނުފަށަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބެނީ
10 July 2020
މީރާއަށް ތިޔަފައިސާ ބަލައިގަތުމުގެ ޤާނޫނީ ބާރުއެބައޮތްތަ. ކުރީދުވަހުނުން ސުޕްރީމްކޯޓުން ހުކުން ކުރީ މީރާގެ މެންޑޭޓަކީ ޓެކްސްއާއި ޓެކްސްއާގުޅޭ ފައިސާ ހޯދުންކަން. ވީމާ އެހެންއިދާރާތަކަށް ލިބެންޖެހޭފައިސާ މީރާއަށް ދައްކަން އެންގޭނެބާ.
ތަވްފީޤް
10 July 2020
ރައީސް ޔާމީން ވަނީ ކްރިމިނަލް ކޯޓުގެ އެ ހުކުމް ބާތިލްކުރުމަށް ހައިކޯޓަށްހުށައަޅުއްވާފައެވެ. އަދި ހައިކޯޓުން އެ މައްސަލަ ވަކިގޮތަކަށް ނިމެންދެން ހުކުމް ތަންފީޒުކުރުން ފަސްކުރުމުގެ އަމުރަކަށްވެސް އެދިވަޑައިގެންނެވިއެވެ.އެހެން ނަމަވެސް ހައިކޯޓުން ނިންމާފައިވަނީއެ މައްސަލައިގައި ހައިކޯޓުން ވަކިގޮތެއް ނިންމަންދެން އެހުކުމް ފަސްކުރަން އަންގަންޖެހޭފަދަ ސަބަބެއް ނެތް ކަމަށެވެ. މައުނައީ ޖޫރިމަނާކުރި ފައިސާދައްކާ ޚަލާސްކޮށް ނިންމަންވީ.
އާދަނު2
10 July 2020
ޔާމީނު އަތުގަ ހާދަލާރިއެއްއޮންނާއޭދޯ! އޭގެފަހަތުން ދުވާމީހުން މުޅިންއުޅެނީ މާ ޔާނު ވެގެން.
ޚަންދު
09 July 2020
ހ.ވޮޑަމުއްލާ ވިއްކާލައިގެންވެސް ތިޔަ ރުފިޔާ ހޯދަންޖެހޭ. ސިޔާސީ ގޮތުން 5 މިލިޔަން ޑޮލަރު ލިބުނީ ގޭ ބޮޑުއަށީގަ ތާސްކުޅެން އިންދަތޯ.
1828
10 July 2020
ޔާމީން އެބަބުނޭ 5 މިލިޔަން ޑޮލަރު ލުބިނީ ބޭރުގެ ފަރާތްތަކުގެ އަތުން ސިޔާސީ ބޭނުމަށްކަމަށް. އެހެންކަމަށް ވާނަމަ އެއީ ތެދު ހަޤީޤަތެއް ތޯ ފުރަތަމަ ބަލަންޖެހެނީ. އޭގެ ފަހުގައި އިތުރު ފިޔަވަޅެއް އަޅަން ޖެހޭނީ.
ޚަންދު އެގޭމީހާ
10 July 2020
ޔާމީނު އެކައުންޓަށް އަދީބު ޖަމާކުރީ 1 މިލިއަން ޑޮލަރު 5 މިލިއަން ޑޮލަރެއް ނޫން...މައުލޫމާތު ނުހޯދާ ކޮމެންޓް ލިއުމަކީ ދެރަކަމެއް...ޔާމީނު އެކައުންޓަށް އަދީބު ޖަމާކުރި 1 މިލިއަން ޑޮލަރު ހުރީ ޔާމީނު އަތް ނުލާ ބަހައްޓާފައި ..އަދީބު ޔާމީނު ގައިރީ ބުނީ އެއީ ކެމްޕޭނުފައިސާކަމަށް...ދެންވެސް މައުލޫމާތު ސާފު ކުރުމަށް ފަހު ކޮމެންޓް ކުރައްވާ.
ވަހީދު
09 July 2020
ސުވާލަކީ މައްސަލާގައި ހިމެނޭ ކްރިމިނަލް ބަޔަށް އަދި ފައިނަލް ޙުކުމް ( ސްޕްރިމް ކޯޓުން ) ނުކުރަނީސް ސިވިލް ބައިގެ އިބްތިދާއީީ ޙުކުމް ތަންފީޒު ކުރަން ޖެހޭނެތޯ؟
ސަރީރު
09 July 2020
އަދީބު ޔާމިނު އެކައުންޓަށްލީ 1 މިލިއަން ޑޮލަރު އެއީ ޔާމީނު މަޅިއަކަށް ފައްތަން ރޭވި ރޭވުމެއް..މަނީ ލޯންޑްރިންގެ ކުށުގައި ޔާމީން ފަސް އަހަރަށް ޖަލަށްލުމަށާއި ފަސް މިލިއަން ޑޮލަރު އިން ޖޫރިމަނާކޮށް، މީ ޖޯޖެއް އަދީބު އަދި ޒިޔަތު ހުރީ މިނިވަން ކޮން.
ޝޮކްތެރަޕީ
09 July 2020
މަސްލަ އަދި ނިމުނީކީނުން މިހާ އަވަހަށް ތެޅިގަތީ ލާރި ފަހަތުން. ކީކޭ ބުނާނީ.
ްއަދުރޭ
10 July 2020
މައްސަލަ ނިމިފަ ހުކުމް އިއްވާފައޮތީ. މިހާރު ކުރިއަށްދަނީ އިސްތިއުނާފް. އެއީ ވަކިއެއްޗެއް.
ތަވްފީޤް
10 July 2020
ޖ. ފައިސާ ދައްކަން ހުކުމެއް ކޮށްފައޮތީމަ. ރައީސް ޔާމީން މައްޗަށް ކޮށްފައިވާ ކްރިމިނަލް ކޯޓުގެ އެ ހުކުމް ބާތިލްކުރުމަށް ހައިކޯޓަށްހުށައަޅުއްވި. އަދި ހައިކޯޓުން އެ މައްސަލަ ވަކިގޮތަކަށް ނިމެންދެން ހުކުމް ތަންފީޒުކުރުން ފަސްކުރުމުގެ އަމުރަކަށްވެސް އެދިވަޑައިގެންނެވިއެވެ.އެހެން ނަމަވެސް ހައިކޯޓުން ނިންމާފައިވަނީއެ މައްސަލައިގައި ހައިކޯޓުން ވަކިގޮތެއް ނިންމަންދެން އެހުކުމް ފަސްކުރަން އަންގަންޖެހޭފަދަ ސަބަބެއް ނެތް ކަމަށެވެ. މައުނައީ ފައިސާދައްކާޝޯ.
1234
09 July 2020
އިސްތިއުނާފުގެ މަރްޙަލާގައި އޮއްވާ ދަޢުވާއެއް ނުކުރެވޭނެ އަދި އިޖްރާއީ ގޮތުން އެފަދަ ދަޢުވާއެއް ކުރިއަކަށްވެސް ނުގެންދެވޭނެ
ދދދއދއދ3ދ3
09 July 2020
ކޮން ޤާނޫނެއްގަ ތިހެން އޮތީ؟ ކޯޓު ތަކުން ނިންމާ ނިންމުންތަކަށް ތަބާ ވާން ޖެހޭނެ. އަދި ތަބާ ނުވެ އުޅެވޭނީ މަތި މަރުޙަލާ ކޯޓަކުން އެ ޙުކުމް ތަންފީޛުކުރުން ފަސްކުރުމުގެ އަމުރެއް ނެރެދީފިއްޔާ. މި މައްސަލާގައި ހައި ކޯޓުން ބުނީ ނެތޯ ފަސްކުރެވޭކަށް. އެހެންވީމަ، ރައީސް ޔަމީންވިޔަސް ދައްކަން ޖެހޭނެ އެ ފައިސާ. ........ދ
ހިންދުކޮޅު
09 July 2020
ބަޑައްޖެހުނީމަ މީހުންގެ މުދާ ފޭރެން ސަރުކާރުން މަސައްކަތްކުރާނީ
އަކީނޯ
09 July 2020
މީހުންގެ މުދަލޭ. އެހެންތަ؟
ޙިނި
09 July 2020
ޔާމިނު މާލޭން 3000-4000 އަކަފޫޓުގެ ބިމެއް ގަނެ 25 ބުރީގެ އިމާރާތެއް އަޅާ ނިންމާލީ ކޮންތާކުން ހޯދި ފައިސާ އަކުން.
ީހިޔަޅު
09 July 2020
ވާނުވާ ނޭގިގެން ތިއުޅެނީ ވެރިކަ މަށް އައު މުގެ ކުރިން ވެސް ރ.ޔާ މީންގެ އަ މިއްލަފުޅު ގެދޮރު ހުއްޓޭ. ޝަރީޢަތް މެދުވެރިކޮށް 2 ގޯތި ބަދަލުކުރީ ދޭންޖެހުނު ބަދަލު ދެއްވާފަ. ވެރިކަ މަށް 2 އަހަރުވާއިރު ވެސް ވީ ވައްދު ކަނޑުގަ އެޅި ރޮނގެކޭ އެއްވަރު. ކަލޭ މެންނަށް އެއްވެސް ކަ މެއްކޮށް ނުދެވުމ މަކީ ރ.ޔާ މީންގެ މައްސަލައެއްތަ؟