މާލެ މަތިން ނަގާފައިވާ ފޮޓޯއެއް: މާލޭގައި މީހުން އުޅޭ ޖާގައިގެ އަދަދު ބެލިފައި ނުވާ ކަމަށް މިނިސްޓަރު ވިދާޅުވި --ފޮޓޯ/މިހާރު
13 ޖުލައި 2020 - 13:12
26 comments
މާލޭގައި އާއިލާތައް ދިރިއުޅެމުން ދަނީ ކިހާ ޖާގައެއްގައިތޯ ބަލަމުންދާ ކަމަށާއި އެ ފަދަ މައުލޫމާތު، މިހާތަނަށް އެކަށީގެންވާ ގޮތެއްގައި ސަރުކާރަށް ހޯދިފައި ނުވާ ކަމަށް ހައުސިން އެންޑް ޕްލޭނިން މިނިސްޓަރު މުހައްމަދު އަސްލަމް ވިދާޅުވެއްޖެ އެވެ.
ގެދޮރާއި އެކި މަޝްރޫއުތަކުގެ ކުރެހުންތައް އޮންލައިންކޮށް ބަލައިގަތުމަށް، ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ) ން ތައްޔާރުކުރި "ފަރުމާ އީ ސަބްމިޝަންޕޯޓަލް" އިފްތިތާހުކުރުމަށް އިއްޔެ ބޭއްވި ރަސްމިއްޔާތެއްގައި އަސްލަމް ވިދާޅުވީ ކުރިން ދެ މިނިސްޓްރީއެއްގެ ގޮތުގައި ހިންގި، ހައުސިން އާއި ޕްލޭނިން މިނިސްޓްރީ އެއްކޮށްލުމަށް ފަހު، މާލޭގައި އާއިލާތައް ދިރިއުޅެމުން ދާ ގޮތް ބަލަމުން އަންނަ ކަަމަށެވެ.
އޭނާ ވިދާޅުވި ގޮތުގައި 600 އަކަފޫޓަށް ވުރެ ކުޑަކޮށް ހުރީ ކިތައް ގޯތިކަން އެނގުނު ނަމަވެސް، އެތަންތަން އިމާރާތްކޮށްފައި ހުރި ގޮތެއް ނޭނގެ އެވެ. އެގޮތުން ކުޑަ ތަންކޮޅުގައި ގެ އިމާރާތްކޮށްފައި ހުރީ ކިތައް ބުރިއަށް ކަމެއް، އަދި އެ ތަންތަން ހަދާފައި ހުރީ ކިތައް އާއިލާއަށް ދިރިއުޅެވޭނެ ގޮތަށްތޯ ކަމެއް ސާފު ނުވާ ކަމަށް އޭނާ ވިދާޅުވި އެވެ.
މިނިސްޓަރު ކުރިން ވިދާޅުވެފައިވާ ގޮތުގައި މާލޭގައި، 600 އަކަފޫޓަށް ވުރެ ކުޑަތަންތަންކޮޅުގައި 21،000 އާއިލާ އެބަތިއްބެވެ. އެއީ ދިރިއުޅެން އެންމެ އެކަށީގެންނުވާ ތަންތަންކަން ސިފަ ކުރައްވަމުން އަސްލަމް ވަނީ އެ އާއިލާތަކަށް ގެދޮރު ހޯދައިދިނުމުގެ މަސައްކަތް މި ސަރުކާރުން ކުރާނެ ކަމުގެ ޔަގީންކަން ދެއްވައިފަ އެވެ.
ނޫސްވެރިންގެ ބައްދަލުވުމެއްގައި އަސްލަމް ވިދާޅުވެފައިވާ ގޮތުގައި ބޯހިޔާވަހިކަމުގެ ދަތިކަން އިންތިހާ އަށް މާލޭގައި އޮތް އިރު، އެކަމުގެ ހައްލަަށް ހިސާބުތަކެއް ވެސް މިހާރު ޖައްސަވާފައިވާ ކަމަށެވެ. އަދި ހައްލުތައް ހޯއްދެވީ، ކުރީގެ މަޝްރޫއުތަކުން ފްލެޓާއި ގޯއްޗަށް އެދުނު މީހުންގެ ތެރެއިން މިހާތަނަށް ބޯހިޔާވަހިކަމެއް ނުލިބި ތިބި މީހުން ވެސް ހިމަނައިގެން ކަމަށް ވިދާޅުވި އެވެ.
"އެހެންވީމާ 21،000 އާއިލާ އަށް ހައުސިން ޕްރޮވައިޑް ކޮށްދިނުން ޓާގެޓަކީ. އެއީ ކޮންމެހެން އަލަށް ފަށާ މަޝްރޫއުތަކުގެ ވާހަކައެއް ވެސް ނޫން މި ދަންނަވަނީ، މިއަދުގެ ހާލަތުގައި ނުވަދެވި ތިބި 21،000 އާއިލާގެ ވާހަކަ،" އަސްލަމް ވިދާޅުވި އެވެ.
އޭނާ ވިދާޅުވި ގޮތުގައި މާލޭގެ އާބާދީގެ 15 ޕަސެންޓު އާއިލާތައް ފަގީރެވެ. މާނައަކީ އާއިލާގެ ކޮންމެ މީހެއްގެ ބޮލަކަށް ދުވާލަކަށް 74ރ. ނުޖެހޭ އާއިލާތައް ތިބުމެވެ. މިނިސްޓަރު ވިދާޅުވީ އެއީ، މި ސަރުކާރުން އަމާޒު ހިފާފައިވާ ކައުންސިލް ހައުސިން އަށް ވަންނަން ޖެހޭ އާއިލާތަކެވެ. ކައުންސިލް ހައުސިންއަކީ އެހެން ގައުމުތަކުގައި ވެސް މީހުން މަގުމަތިވިޔަ ނުދޭން ވަންނަ ތަންތަން ކަން އޭނާ ފާހަގަކުރެއްވި އެވެ. އަސްލަމް ވިދާޅުވި ގޮތުގައި ކައުންސިލް ހައުސިން އަށް ވަންނަން ޖެހޭ 3،152 އާއިލާ މާލޭގައި އެބައުޅެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަހީދާ
24 November 2021
ދިރާސާ ކުރަންވީ އަމިއްލަ ގެދޮރު ހުރެ. ގޭ ހުރިހާ ކުދިންނަށް އަދި ގޭގެ ވެރިފަރާތަށް ފްލެޓާއި ރޯހައުސް ދީފަހުރީ ކިތަށް އާއިލާ އަށްތޯ ހުޅުމާލެއަކި މާލޭ މީހުންގެ ތަނެއްނޫން. އެތަން ހެދުމަށް ބޭނުންވާ ލޯނު ނަގަނީ ރާއްޖޭގެ ހުރިހާ ރައްޔިތުންގެ ނަމުގައި. އޮޅުވާނުލައްވާ
މުޑަހަންޖާ
13 July 2020
ދިރާސާއެއް ހަަދައިގެން ފުރަތަމަ ބަލާބަލަ އެހެން ރަށްރަށުމީހުން އަތުން ކުލީގެގޮތުގައި މާލޭމީހުން މަހަކު ކިތައް ބިލިއަން ރުފިޔާތޯ ނަގަމުންދަނީ، އެއީ ގައުމުގެ ތާރީހާއި ސަގާފަތަށްޓަކައި އަންނަންއޮތް ޖީލުތަކަށް އެނގޭނެހެން ހިރިގަލުގަ ލިޔެވި ރައްކާކުރަންޖެހޭ މައުލޫމާތެކޭ.
ކަބުލޮ
16 June 2021
ރަށު މީހާ އަށް އުޅޭނެ ބިން އެބަ އޮތް. މާލޭ މީހާ އަށް އުޅޭނެ ތަނެއް ނެތް، މޯގޭޖް ކުރާނެ ބިމެއް ނެތް. ތި ކުލި ދައްކާ އެތަށް ތަނަކީ މާލެއިން ބޭރުގެ މީހުން މާލެ މީހުންއަތުން ދިގު މުއްދަތަށް ނަގާފަ ހަދައިގެން ކުއްޔަށް ދީފަ ހުރި ތަންތަން. މާލެމީހާއަށް އަމިއްލަޔަށް ހެދިފަހުރި ތަންތަނުގެ ކުލި ކުޑަކޮށްދީފަ ހުންނަނީ.
ނަސޭހަތް
13 July 2020
މާލޭ މީ ހުން ގުބޯ ހައްދާނެ ކަމެއްނެތް.
gustey
13 July 2020
ރަށްރަށުން ގޯތި ހޯދާފަ ގޯތި ވިއްކުމަކީވެސް ކުރިއަރަމުން އަންނަ ވިޔަފާރިއެއް.
ރެނދަން
13 July 2020
މާލޭގެ ސިޓީ ކައުންސިލް އުވާލަން ފެނެ. އެއީ މާލޭގެ ހުރިހާކަމެއްވެސް ބަލަހައްޓުމުގެ ކަންކަން މި އަންނަނީ މާލޭގަ އޮންނަ މިނިސްޓްރީ އަކަށް.... އަސްލަމް ވެސް މިއުޅެނީ މުއިއްޒު އުޅުން ވައްތަރައް މައިކްރޯ މެނޭޖްކޮށް، މާލޭގެ ކަންކަމާ.... ރަށްރަށުގެ ކައުންސިލްތަކަށް ކުރެވެން ހުރި ކަންކަންވެސް އޮބަހައްޓާގެން މާލެ ސަރަހައްދު ބޮޑުކޮށް ތަރައްޤީކުރަން... އުތުރުގަ ހަދަންޖެހޭ ޕޯޓުވެސް އެތަން މިލިޔަން ޑޮލަރެއް ޚަރަދުކޮށްގެން މާލެ ސަރަހައްދަށް ޖަމާކުރެވޭތޯ..
މުޑަހަންޖާ
13 July 2020
އަނެއްކޮޅުން އެގުރިކަލްޗާއިން މާލޭ ގޭގޭ ބެލްކަނިތަކުގަ ދަނޑުވެރިކަންކުރުމުގެ މަޝްރޫއެއް، ތިބުނާހެން ސިޓީކައުންސިލެއްގެ ބޭނުމެއް އޮތްތަނެއްނޫން.
ކޮސްގޮވާ
13 July 2020
ދައުލަތެއް އޮވެމެ ސަރުކާރެއް ހިންގާ ތާ އެތެއްޒަމާނެ ވެއްޖެއް. ބެލެހެއްޓޭ ރިކޯޑެއް ނެތް. އެގޭކަމެއް ނެތް. ދައްނަ ކަމެއްވެސް ނެތް. ވައްސަލާމް.
ކަތްދައްތަ
13 July 2020
އަދިވެސް ބަލަންޖެހޭ އެއްޗެއް އެބަ އޮތް. މާލޭގެ ލޭންޑް އޭރިޔާގެ ކިތައް ސައިޒް މިހާރު އޮކިއުޕައި ކޮށްފައިވޭތޯ؟ މާލޭގެ ލޭންޑް އޭރިޔާގެ ހުސް ޖާގަ ކިހާ ވަރަކަށް އެބަ އޮތްތޯ؟ މިސާލަކަށް ކާރިޘާ އެއްގެ ހާލަތުގައި މާލޭގެ ރައްވެހިން ހަމަ ބިމަށް ފައިބާންޖެހޭހިނދު އެއެންމެން ފައިބާނެ ބިން މާލޭގަ އެބަ އޮތްތޯ؟
ޔާނޫ007
13 July 2020
އެނގޭކަމެއް، ބެލިފައޮތް ކަމެއް ނެތް. ބަރާބަރަށް މަހުންމަހަށް މުސާރަ ނަގާގން ދައުލަތުގެ ހަރަދުގަ ދަތުރު އެޅުން އޮންނަނީ
ކަންނާޑި
13 July 2020
ރައްޔިތުން ބައިވެރިނުކޮށް ފިނިކޮޓަރީގައި ވަޒީރު ފިލާ އިންނަވައިގެން ޕްލޭން ކުރައްވާއިރު މައުލޫމާތެއް ނުހުންނާނެ
ވީވަން
13 July 2020
ތިޔަހަރަ ކަހަލަ ކަންކަން ބެލޭނީ އަދި ވެރިކަމަށް އިތުރު 5 އަހަރު ލިބިގެން. ވެރިކަމުގަ ތިބޭއިރު އެއްވެސް ކަމެއް ނޭނގިފަ ވެރިކަން ހޯދަން އުޅޭއިރު ރައްޔިތުންގެ ހުރިހާ ކަމެއްވެސް ބަރާބަރަށް އެނގިފަ އޮންނަނީ. ތިޔަ ކިޔާ އަދަދުތަކަކީ ގިނަ ދުވަސް ވާ ވަރަކަށް ބަދަލުވަމުންދާނެ އެއްޗެއް. މިހާރު އޮތް އަދަދު ބޮޑުނަމަ އެކި ސަރަހައްދަށް ބަހާލައިގެން ނަމަވެސް ކޮންމެވެސް އެއް ބަޔަކަށް ގެދޮރު ފޯރުކޮށްދެވޭތޯ ބަލަންވެއްޖެއެއްނު.