ސްޓޭޓް މިނިސްޓަރު ސޯލިހުގެ ދިފާއުގެ ގޮތުގައި ކޯޓަށް ހުށަހެޅުއްވި ބޭފުޅުން: (ކ-ވ) މަލީހް، އައިޝާ، ފައްޔާޒް، އަމީރު، ސޯލިހު، އަލީ ވަހީދު، އަސްއަދު، އަލީ ޝިޔާމް އަދި އަސްލަމް.
16 ޖުލައި 2020 - 12:11
32 comments
ޓޫރިޒަމް މިނިސްޓްރީގެ ސްޓޭޓް މިނިސްޓަރު އަހުމަދު ސޯލިހުގެ މައްޗަށް ރަސްމީ ހައިސިއްޔަތު ނަހަމަ ގޮތުގައި ބޭނުން ކުރުމުގެ ދައުވާ ދައުލަތުން ކްރިމިނަލް ކޯޓުގައި އުފުލައިފި އެވެ.
ޓޫރިޒަމް މިނިސްޓްރީގައި 25 އަހަރަށް ވުރެ ގިނަ ދުވަހު މަސައްކަތް ކުރެއްވި ނަމަވެސް، މި މައްސަލައިގައި މިހާރު ސަސްޕެންޑު ކޮށްފައިވާ ސޯލިހުގެ މައްޗަށް ދައުލަތުން ދައުވާ ކުރަނީ މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) ގެ ޚިޔާނާތާ ގުޅިގެން ރިޔާސީ ކޮމިޝަނުން ތަހުގީގު ކުރަމުންދާ ރަށްތަކުގެ ތެރެއިން ރަށަކާއި ތިން ފަޅެއްގެ މައްސަލައަކާ ގުޅިގެންނެވެ
ދައުވާގައި ބުނެފައި ވަނީ އެ ރަށްތަކުގެ މައުލޫމާތު ރިޔާސީ ކޮމިޝަނުން ޓޫރިޒަމް މިނިސްޓްރީ އަށް މިދިޔަ އަހަރު އަންގައި، އެ ތަންތަނުގެ ހެޑްލީސް ބަދަލު ނުކުރަން އެދިފައި ވަނިކޮށް، އޭގެ ތެރެއިން އެއް ރަށަކާއި ތިން ފަޅަކާ ގުޅޭ އެއްވެސް ތަހުގީގެއް ނުކުރާ ކަމަށް ބުނެ ބައެއް ފަރާތްތަކަށް ސޯލިހު ސިޓީ ފޮނުއްވި ކަމަށް ބުނެ އެވެ.
އެ މައްސަލައިގައި ކްރިމިނަލް ކޯޓުގައި މިއަދު ބޭއްވި އަޑުއެހުމުގައި ސޯލިހުގެ ވަކީލު އަބްދުﷲ ޝާއިރު ވަނީ އެ ދައުވާ ސާފުނުވާ ކަމަށް ވިދާޅުވެ، ގިނަ ސުވާލުތަކެއް އަމާޒު ކުރައްވައިފަ އެވެ. އޭނާ ވިދާޅުވީ ދައުވާގައި އޮތީ އެ ރަށްތަކުގެ ހެޑްލީސް ބަދަލު ނުކުރަން ރިޔާސީ ކޮމިޝަނުން އެންގި އެންގުމެއްގެ ވާހަކަ ކަމަށާއި އެހެންވެ، ސޯލިހަށް ދައުވާ ކުރަނީ ހެޑްލީސް ބަދަލު ކުރަން ހުއްދަ ދީގެންތޯ ނުވަތަ އެހެން ކަމެއް ކޮށްގެންތޯ ސުވާލު އުފެދޭ ކަމަށެވެ.
ޖަވާބުގައި ދައުލަތުން ބުނީ އެ ދައުވާ ކުރަނީ ހެޑްލީސް ބަދަލު ކުރަން ހުއްދަ ދީގެން ނޫން ކަމަށާއި ސޯލިހު ކުރެއްވި އަމަލަކީ ބައެއް ފަޅުތަކާއި ރަށްތަކާ ގުޅޭ ތަހުގީގެއް ހިނގަމުންދާ ކަން އެނގިވަޑައިގެން ހުންނަވައި، އެފަދަ ތަހުގީގެއް ނުހިނގާ ކަމަށް ވިދާޅުވެ، ދެ ފަރާތަކަށް ސިޓީ ފޮނުވުމާއި އިތުރު ފަޅެއްގެ ސަބް ލީސް ބަދަލު ކުރަން ހުއްދަ ދެއްވުން ކަމަށެވެ.
ގާނޫނުލްއުގޫބާތު އޮތްގޮތުން ރަސްމީ ހައިސިއްޔަތު ނަހަމަ ގޮތުގައި ބޭނުން ކުރުމަކީ ނުފޫޒު ބޭނުން ކޮށްގެން ތިމާ އަށް ނުވަތަ ފައިދާއެއް ލިބެން ނުޖެހޭ ފަރާތަކަށް މަންފާއެއް ހޯދައި ދިނުން ކަން ފާހަގަ ކުރައްވައި، ޝާއިރު ވަނީ މި މައްސަލައިގައި ކުރި އެފަދަ އަމަލެއް ކޮބައިތޯ ސުވާލު ކުރައްވައިފަ އެވެ.
ސްޓޭޓް މިނިސްޓަރު ސޯލިހު: ރަސްމީ ހައިސިއްޔަތު ނަހަމަ ގޮތުގައި ބޭނުން ކުރުމުގެ އެއްވެސް އަމަލެއް ސޯލިހު ނުހިންގަވާ ކަމަށް އޭނާގެ ވަކީލު ޝާއިރު ކްރިމިނަލް ކޯޓުގައި މިއަދު ވިދާޅުވި.---ފޮޓޯ: މިހާރު
ޖަވާބުގައި ދައުލަތުން ބުނިގޮތުގައި، ފަޅެއްގެ ސަބްލީސް ބަދަލު ކުރަން ހުއްދަ ދިނުމުގައި ސޯލިހުގެ ނުބައި ނިޔަތެއް އެބައޮތެވެ. ތަހުގީގެއް ހިނގަމުންދާ ނަމަ ސަބް ލީސް ބަދަލު ކުރުމުގެ ހުއްދަ ނުދެވޭނެ ކަމަށް ދައުލަތުން ބުނެ އެވެ. އެކަމަށް އޭނާ ހުއްދަ ދެއްވީ ކަމަށް އެ ފަޅާ ގުޅިގެން ވެސް ތަހުގީގެއް ހިނގާކަން އެނގިވަޑައިގެން ހުންނަވައި ކަމަށް ދައުލަތުން ބުންޏެވެ.
އޮންލައިންކޮށް ބޭއްވި އަޑުއެހުމުގައި، އެގޮތަށް ދައުލަތުން ބުނުމުން ޝާއިރު ވަނީ އެމްއެމްޕީއާރުސީގެ މައްސަލައިގެ ތަހުގީގު ހިންގަން ފަށައި، ރަށްތަކުގެ ހެޑްލީސް ބަދަލު ނުކުރަން ރިޔާސީ ކޮމިޝަނުން އެންގިއިރު، އެފަދަ މައްސަލަތައް ތަހުގީގު ކުރުމުގެ ބާރު އެ ކޮމިޝަނަށް ލިބެނީ ކޮން ގާނޫނީ ހަމައަކުންތޯ ސުވާލު ކުރައްވައިފަ އެވެ.
ރައްދުގައި ދައުލަތުން ބުނީ ރިޔާސީ ކޮމިޝަނަކީ ގާނޫނުއަސާސީގެ ދަށުން ރައީސް އުފައްދަވައި، އަދި ފަހުން ގާނޫނެއްގެ ދަށުން މަސައްކަތްކުރާ ކޮމިޝަނެއް ކަމަށާއި އެ ކޮމިޝަންގެ ގާނޫނީ ސައްހަކަމާ މެދު ސުވާލެއް އުފެދިފައި ނެތް ކަމަށެވެ. އެފަދަ ކަމެއް ނެތީސް، އެގޮތަށް ސުވާލު އަމާޒު ނުކުރެވޭނެ ކަމަށާއި އެހެން ނޫން ނަމަ، ކޮންމެ ތަހުގީގީ އިދާރާއެއްގެ ސައްހަކަމާ މެދު ސުވާލު އަމާޒުވާން ފަށާނެ ކަމަށް ދައުލަތުން ބުންޏެވެ.
ސޯލިހުގެ ދިފާއީ ހެކިންނަށް މިނިސްޓަރުން
އެ ސުވާލުތަކަށް ފަހު ދައުވާ އަށް ޖަވާބުދާރީވަމުން ޝާއިރު ވިދާޅުވީ، އެ ދައުވާ އަށް އިންކާރުކުރާ ކަމަށާއި ރަސްމީ ހައިސިއްޔަތު ނަހަމަ ގޮތުގައި ބޭނުން ކުރުމުގެ އެއްވެސް އަމަލެއް ސޯލިހު ނުހިންގަވާ ކަމަށެވެ. ނުފޫޒެއް ބޭނުންކުރައްވައިގެން، ސޯލިހަށް ނުވަތަ ފައިދާއެއް ލިބެން ނުޖެހޭ އެހެން މީހަކަށް އޭނާ ފައިދާއެއް ހޯދައި ދެއްވާފައި ނުވާނެ ކަމަށް ވެސް ޝާއިރު ވިދާޅުވި އެވެ.
ސޯލިހު ދައުވާއަށް އިންކާރު ކުރެއްވުމުން އޭނާއާ ދެކޮޅަށް ދައުލަތުން ހެކިންގެ ގޮތުގައި ހުށަހެޅީ ޓޫރިޒަމް މިނިސްޓްރީގެ ދެ މުވައްޒަފާއި ގިނަ އަދަދެއްގެ ލިޔުންތަކެވެ.
ދިފާއުގައި ސޯލިހުގެ ފަރާތުން ހެކިންގެ ހުށަހެޅުއްވީ ކުރީގެ ޓޫރިޒަމް މިނިސްޓަރު އަލީ ވަހީދާއި އިކޮނޮމިކް މިނިސްޓަރު ފައްޔާޒް އިސްމާއިލާއި ފިނޭންސް މިނިސްޓަރު އިބްރާހިމް އަމީރާއި ޕްލޭނިން މިިނިސްޓަރު މުހައްމަދު އަސްލަމާއި ޓްރާންސްޕޯޓް މިނިސްޓަރު އައިޝަތު ނަހުލާ އާއި ކޮމިއުނިކޭޝަން މިނިސްޓަރު މަލީހް ޖަމާލްގެ އިތުރުން ރައީސް އޮފީހުގެ މިނިސްޓަރު އަލީ ޝިޔާމެވެ. ރިޔާސީ ކޮމިޝަންގެ ރައީސް އަހުމަދު އަސްއަދާއި އިތުރު ބައެއް މީހުންނާއި ގިނަ އަދަދެއްގެ ސިޓީތަކެއް ސޯލިހުގެ ފަރާތުން ވެސް ހެކީގެ ގޮތުގައި ހުށަހެޅުއްވި އެވެ.
ދައުލަތުން ވަނީ ސަބަބު ބަޔާން ކުރުމެއް ނެތި އެގޮތަށް ދިފާއީ ހެކި ހުށަނޭޅޭނެ ކަމަށް ބުނެފަ އެވެ. އަދި ގިނަ އަދަދެއްގެ މިނިސްޓަރުން ހެކިންގެ ގޮތުގައި ހުށަހެޅިއިރު، އެ ބޭފުޅުންގެ ނަން ހުށަހެޅުއްވީ ކޮން ކަމެއް ސާބިތު ކުރަންތޯ ވެސް ދައުލަތުން ސުވާލުކުރި އެވެ.
ޖަވާބުގައި ޝާއިރު ވިދާޅުވި ގޮތުގައި އެ ހުރިހާ މިނިސްޓަރުންނަކީ ވެސް ވަޒީރުންގެ މަޖިލީހުގެ އިކޮނޮމިކް ކައުންސިލްގެ މެމްބަރުންނެވެ. އެ ހުރިހާ ބޭފުޅުންގެ ނަން ހުށަހެޅުއްވީ ވެސް ސޯލިހް އެފަދަ އަމަލެއް ނުކުރައްވާ ކަން ސާބިތުކުރަން ކަމަށް ޝާއިރު ވިދާޅުވި އެވެ.
ހެކިތަކަށް ބެއްލެވުމަށް ފަހު، މައްސަލަ ބައްލަވާ ގާޒީ އިބްރާހިިމް އަލީ ނިންމެވީ މަދަނީ މިންގަނޑުން ބަލާއިރު އެ ދައުވާ ކުރިއަށް ގެންދެވޭނެ ކަމަށެވެ. އެހެންވެ، ޝަރީއަތުގެ ކުރީގެ ހުށަހެޅުންތައް ހުށަހަޅަން ދެ ފަރާތަށް ވެސް ގާޒީ ފުރުސަތު ދެއްވި އެވެ.
ގާޒީ އިބްރާހިމް ވިދާޅުވީ ހެކިން ހުށަހެޅިޔަސް، ހެކިން ހާޒިރު ކުރުމާ މެދު ގޮތެއް ނިންމަވާނީ ފަހުން ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ާއަލިބެ
18 July 2020
ޞާލިޙަކީ ތިފަދަ ޢަމަލެއް ހިނގަވާފާނެ ބޭފުޅެއްކަމަށް ޤަބޫލެއްނުކުރެވޭ. އުފެދުނު ސުވާލަކީ ސިޔާސީ މަޤާމަކަށް ދިޔުމަކީ މިޒަމާނުގައި ކުރާ އެންމެެމޮޔަ ކަންތައް. ސީދާ ބޮޑުމީހާގެ އެންމެގާތް މީހުން ނޫނިއްޔާ ތިކަހަލަ މަޤާމަކު ގިނަދުވަހަކު ނުތިބެވޭނެ. "ހަމަ ވިދާޅުވިގޮތެއް" ހަދަންކެރޭ ފޮރުވަންކެރޭ، ބޮޑުމީހާއަށް ބައެއްދޭން ކެރޭ އިޚްލާޞްތެރި ނަޒާޙަތްތެރި ޢިއްޒަތްތެރި މީހުންނަށް ގިނަދުވަހު ހިފަހައްޓާލެވޭނީ.
ދޮންމަނިކުބެ
17 July 2020
ހުރިހާ އެންމެންވެސް ނިދާފަ
ސަރުކާނު
17 July 2020
ކޮބާ ސޭޚް އިލްޔާސް؟ މީވެސް ސޯލިހް ކިޔާ ބޭފުޅެއް ކިހިނެތް ކިހިނެތް ވާނެތޯ؟
ޥިސްނާ
17 July 2020
ސޯލިހްއަކީ އަޅުގަނޑަށް ހޮޓެލްސްކޫލްގައި އުގަންނައިދެއްވި އެންމެ ފުރިހަމަ އިންސްޓްރަކްޓަރ، ވަރަށް ޙިލްގުހެޔޮ ރިވެތިބަހުން ހުރިހާކުދިބޮޑު އެންމެނާވެސް މުޙާތަބު ކުރަށްވާބޭފުޅެއް، އޭގެ ފަހުން އަޅުގަނޑު ރިޒޯޓުގައި މެނޭޖަރަކަށް ހުރުއިރު ޓޫރިޒަމްގެ ވަރަށް ބޭނުންތެރިކަމަކާ ގުޅޭގޮތުން ރިސާޗްއެއްގެތެރެއިން އަޅުގަނޑާދިމާވި، މިފަދަބޭފުޅުންގެ އަގުވަށްޓާނުލައްވާ އަގުވަޒަންކުރައްވާ، ސޯލުހުކަހަލަބޭފުޅެއް ޓޫރިޒަމް މިނިސްޓަރ ކަމަށް އެންމެ ފުރިހަމަވާނީ
ޔުސްރާ001
17 July 2020
މިހާރު ކެބިނެޓުން ބޭރުކުރަން ވެފަތިބި ބައެއްގެ ނަން މި ހުށަޙެޅީ... ޖުލައި 26ގައި ކެބިނެޓް ރީޝަފްލު ކޮށްލަންފެނޭ...
ޓުވަރިޒަމް ގާރލް ވަކީލް
16 July 2020
ސާލިހަށް ލިބިފައިވާ ހައިސިއްޔަތު ނަހަމަގޮތުގައި ބޭނުންކޮށްގެން ކުރިކަމަކީ ފަޅުރަށަކާއި ފަޅަކާއި ގުޅިގެން ޓުވަރިޒަމުއިން ތަހްގީގުނުކުރާކަމަށް ބުނެ ސޮއިކޮށް ސިޓީއެއް ދޫކުރުންކަމަށްވާއިރު، އޭގެއިން ސާލިހަށް ނުވަތަ އޭގެ ފައިދާ ލިބެން ނުޖެހޭ މީހަކަށް މަންފާއެއް ހޯދައިދިނުންކަމަށް ބުނާއިރު، ބަލަގަ މިނިސްޓްރީއިން ތަހްގީގުކުރޭތަ؟ ތިކަމާއި ގުޅިގެން އިކޮނަމިކް ކައުންސިލުން އެރަށްތަކުގެ ކަންތައްތައް ކުރިއަންގެންދަށް ނިންމާފިއެއްނު މާކުރީން އެނާ ކަތިލަނީދޯ؟
ޓުއަރިޒަމް ކަންބަޅި
17 July 2020
ބަލަގަ އީދު ބާރަ އެއްކަމަކު (އެމްޑީޕީ)ކަންބަޅި ގުރުބާން ކުރީމާ އެވަނީ ގުރުބާން އަކަށް ވުރެ ޖަރީމާ އަކަށް ދެއްތޮ؟؟؟؟؟
ދިވެއްސެއް
16 July 2020
ދިފާއީ ހެކިންގެ ލިސްޓުގައި ތިބި މީހުނަށް ބަލާލީމާ މިމައްސަލައާއި ޤާސިމު އާއި ގުޅުމެއް ވާކަމަށް ޝައްކު ކުރެވޭ. ރައީސް ވަހީދުގެެ ސަރުކާރުގަވެސް ޓުއަރިޒަން މިނިސްޓްރީގައި ފުރަތަމަ ހުރި ޖޭ.ޕީ އަށް ނިސްބަތްވާ ވަޒީރު ހަމަ މިކަހަލަ ކަމެެއްކޮށްގެެން މަގާމުން ދުރުކުރި މައްސަލަ މިހާރު ހަދާންވޭ.
ޢިބޫ
16 July 2020
މިތާގަ މަދީ ހެލްތް މިނިސްޓަރ އެކަނި. އޭނަ ހުރިނަމަ މިގްރޫޕް ހަމަވީދޯ؟
ޝާންް
16 July 2020
އޭނާ އެެކަނި ކަމަށްވެސް ވެދާނެ މިހާރު ރައްޔިތުން ބަލައިގަންނަ މީހަކަށް ހުރީ. އެއީ ބަހާއި އަމަލު ދިމާވާ އިހްލާސްތެރި ބޭފުޅެއް
ހަބީބާ
16 July 2020
ވަރަށް ދެރަވެއްޖެ. ތަނުގައި ހުރި އެންމެ އިތުބާރުކުރެވޭ މުވައްޒަފުންނަށް ކަމޭހިތާ އަދި އެންމެ އިޚްލާސްތެރި އެކަކީ ޑރ. ސޯލިހް. އާދައިގެ ދިރިއުޅުމެއް އުޅޭ މީހެއް. އިންޑަސްޓްރީ އެންމެންވެސް ލޯބިވާ އަދި އިތުބާރުކުރާ މީހެއް. ސޯލިހަކީ ތަނުގެ އެންމެ އިސްމީހާގެ ގޮތުން ސިޓީތަކުގައި ސޮއިކުރާ މީހާ. ތަނުގެ މުވައްްޒަފުން ބަލާފައި ބުނީމައި އޭނަ ސޮއިކުރާނީ. ތިކަމުގައި ސޮއިކުރި މީހާގެ ގޮތުން އިހުމާލު ވަންނާ ލީގަލް ޑިޕާޓްމަންޓް އެންމެންވެސް ކުއްވެރިވާންޖެހޭނެ.
ީީހަބީބުގެހަކީމް
17 July 2020
ނުޖެހޭނެ. މަގާމުގެ މަސްއޫލިއްޔަތަކީ ދޮކޮޅު ބަލާފަ ސޮއިކުރުން. އެހެންނޫން ނަމަ ކުޑަކުއްޖަކަށް ގަލަންދީފަ ސޮއިކުރަން ބައިންދާ.
ދީމާހު
16 July 2020
ޞާލިހަކީ ފަސްބައި ސާފު ރަނގަޅު ބޭފުޅެއް. .އެމްޑިޕީ ސްލޮޓެއްގައި ހުރި ނަމަ ބިރު ކަނޑުވާލާ. ކުށްވެރިއެއް ނުވާނެ. ޑުރާމާ ޖައްސާފައި ޗޮކުން ގޮސް ނިމޭނީ ސާބިތުވިޔަސް ސާބިތުނުވާކަމަށް. ދެން ހެކިން ގޮތުގައި ތިޔަ ދެއްކި އެންމެނަކީވެސް ވަރަށް ލާރިއާ ހެދީ އުޅޭ ބައެއްކަން އެނގޭ