އޭއެފްސީ ކަޕް ގްރޫޕް ސްޓޭޖު މެޗުތައް ބާއްވަން ރާއްޖޭން ބިޑްކޮށްފި

އައްޒާމް އަލިފުޅު، މިހާރު

18 ޖުލައި 2020 - 10:23

ކޮވިޑް-19ގެ ސަބަބުން މެދުކަނޑާލާފައިވާ އޭއެފްސީ ކަޕްގެ މެޗުތައް އޮކްޓޫބަރުގައި އެއް ދަނޑެއްގައި އަލުން ފަށާއިރު، ދެކުނު އޭޝިއާ އަށް ހާއްސަ ގްރޫޕްގެ ހުރިހާ މެޗެއް ރާއްޖޭގައި ބާއްވާން އެފްއޭއެމުން ރަސްމީކޮށް ބިޑްކޮށްފި އެވެ.

ގްރޫޕް ސްޓޭޖުގެ މެޗުތައް އެއް ދަނޑެއްގައި ކުޅޭ ގޮތަށް ކަނޑައެޅީ ކްލަބްތަކާ އެކު ބޭއްވުނު މަޝްވަރާތަކަށް ފަހު އޭއެފްސީގެ ކޮމްޕެޓިޝަން ޑިޕާޓްމަންޓުން ވެސް ގިނަ ކަންކަން ބެލުމަށް ފަހު އެވެ.

އިއްޔެގެ ނިޔަލަށް މެޗުތައް ހޯސްޓް ކުރުމަށް ބިޑް ކުރުމުގެ ފުރުސަތު އޮތީ ހުޅުވާލައިފަ އެވެ. ރާއްޖޭން ގްރޫޕް އީގެ މެޗުތައް ބާއްވަން ރާއްޖޭގެ އިތުރުން އެހެން ގައުމަކު ބިޑް ކުރިކަން ރަސްމީކޮށް އެނގިފައެއްނުވެ އެވެ. އެކަމަކު ބަންގްލަދޭޝް އިން ފަހު ވަގުތު ބިޑްކުރަން ތައްޔާރުވި ކަމުގެ މައުލޫމާތު ވަނީ ލިބިފަ އެވެ.

އޭއެފްސީ ކަޕްގެ ދެކުނު އޭޝިއާ އަށް ހާއްސަ ގްރޫޕްގައި މި ވަގުތު ވާދަކުރަމުން އަންނަނީ ރާއްޖޭގެ ދެ ޓީމު ކަމަށްވާ މާޒިޔާ އާއި ޓީސީ ސްޕޯޓްސް ކްލަބްގެ އިތުރުން ބަންގްލަދޭޝްގެ ޗެމްޕިއަން ބަޝުންދުރާ ކިންގްސް އާއި އިންޑިއާގެ ޗެންނާއީ ސިޓީ އެވެ. މީގެ ތެރެއިން އެއްވެސް ގައުމެއްގައި ނުބޭއްވިއްޖެ ނަމަ އެހެން ނިއުޓްރަލް ދަނޑެއްގައި ކުޅެން އޭއެފްސީން ނިންމާނެ އެވެ.

We’ve ( @MaldivesFA) officially submitted our bid to host AFC Cup 2020 group stage(to be played centralized).

We appreciate the support and assistance by Government, @MoYSCEmv and Min @AhmedMahloof #towardsfuture #groupE #maldivesisopen #safetotravel
— Bassam Adeel Jaleel (@bassam_jaleeI) July 17, 2020

ބައްސާމް ކުރެއްވި ޓްވީޓް.

އޭއެފްއޭއެމްގެ ރައީސް ބައްސާމް އަދީލް ޖަލީލް އިއްޔެ ކުރެއްވި ޓްވީޓެއްގައި ވިދާޅުވެފައިވަނީ އޭއެފްސީ ކަޕްގެ ގްރޫޕް ސްޓޭޖުގެ މެޗުތައް ހޯސްޓް ކުރުމަށް ބިޑް ކުރުމުގެ މަސައްކަތުގައި ސަރުކާރާއި ސްޕޯޓްސް މިނިސްޓްރީގެ ފަރާތުން ލިބިގެންދިޔަ އެއްބާރުލުމަށް ވަރަށް ބޮޑަށް ޝުކުރު އަދާކުރާ ކަމަށެވެ.

އޭއެފްސީ ކަޕްގެ މެޗުތައް ރާއްޖޭގައި ހޯސްޓްކުރަން ބަލާއިރު މި ވަގުތަށް ވެސް ކުރަން ޖެހޭނެ ކަންތައްތަކެއް އެބަހުއްޓެވެ. އެއީ ގަލޮޅު ދަނޑުގެ ލައިޓިން ރަނގަޅު ކުރުމުގެ މަސައްކަތެވެ. އެންމެ ފަހުން އޭއެފްސީން ކުރިއަށް ގެންދިޔަ އިންސްޕެކްޝަނުން އެނގުނު ގޮތުގައި އެ އިދާރާ އިން ހިންގާ މުބާރާތުގެ މެޗުތައް ބޭއްވޭވަރަށް ދަނޑުގެ ލައިޓިން ރަނގަޅެއް ނޫނެވެ. އެހެން ކަމުން އޭއެފްސީ ކަޕްގެ މެޗުތައް ރާއްޖެ ގެންނަން ބަލާއިރު އެކަން ރަނގަޅުކުރަން ޖެހޭނެ އެވެ.

އެފްއޭއެމްގެ ޖެނެރަލް ސެކްރެޓަރީ ހުސެއިން ޖަވާޒް (ޖަވާ) "މިހާރަ"ށް ވިދާޅުވީ ރާއްޖޭން ބިޑްކުރިއިރު މަސައްކަތްތައް ރޭވިފައި އޮތީ ލިބިފައިވާ ވަސީލަތްތައް ބޭނުންކޮށްގެން މާ ބޮޑެތި ހަރަދުތަކެއް ނުކޮށް މުބާރާތް ހޯސްޓް ކުރުމަށް ކަމަށެވެ.

މިހާރު އޮތްގޮތުން އޭއެފްސީ ކަޕްގެ ގްރޫޕް ސްޓޭޖު ފަހު ދެ މެޗު އެއް ވަގުތެއްގައި ކުޅޭ ގޮތަށް އޮތްއިރު، ގަލޮޅު ދަނޑުގެ އިތުރުން ދެ ވަނަ ދަނޑެއްގައި ކުޅެން ޖެހޭ މެޗު އޮންނާނީ އައްޑޫ ސިޓީގަ އެވެ. ރާއްޖޭން އެންމެ ފަހުން ހޯސްޓް ކުރި ބައިނަލްއަގުވާމީ ފުޓްބޯޅަ މުބާރާތަކީ މިދިޔަ އަހަރު އައްޑޫގައި ބޭއްވި ޔުއެފާ އެސިސްޓް ބައިނަލްއަގުވާމީ 15 އަހަރުން ދަށުގެ މުބާރާތެވެ.

އޭއެފްސީން ނެރެފައިވާ ޝެޑިއުލްގައިވާ ގޮތުން އޮކްޓޫބަރު މަހު 23 އިން ނޮވެމްބަރު ހަތަރަކާ ދެމެދު ގްރޫޕް ސްޓޭޖު މެޗުތައް ކުޅޭނެ އެވެ. މި ވަގުތު ހަދާފައި އޮތް ޝެޑިއުލަށް ބަލާއިރު، 13 ދުވަހު ތެރޭގައި ހުރިހާ ގްރޫޕް ސްޓޭޖުގެ މެޗެއް ނިމޭނެ އެވެ. ބާކީ ފަސް މެޗު ކޮންމެ ޓީމެއް ނުކުޅެ އޮތްއިރު، ކޮންމެ ދެ މެޗެއްގެ ދެމެދު ދެ ދުވަހުގެ ބްރޭކެއް ލިބޭނެ އެވެ. މިހާތަނަށް ކުޅެވުނު މެޗުތަކުގެ ނަތީޖާ އަށް ބަލާއިރު މާޒިޔާ އާއި ޗެންނާއީ ވަނީ 2-2 އިން އެއްވަރުވެފަ އެވެ. ޓީސީ ވަނީ ބަޝުންދުރާ ކިންގްސް އަތުން 5-1 އިން ބަލިވެފަ އެވެ.

އޭއެފްސީ ކަޕް ޝެޑިއުލް:

- މާޒިޔާ - ބަޝުންދުރާ، ޓީސީ - ޗެންނާއީ (23 އޮކްޓޫބަރު)

- މާޒިޔާ - ޓީސީ، ޗެންނާއީ - ބަޝުންދުރާ (26 އޮކްޓޫބަރު)

- ޓީސީ - މާޒިޔާ، ބަޝުންދުރާ - ޗެންނާއީ (29 އޮކްޓޫބަރު)

- މާޒިޔާ - ޗެންނާއީ، ޓީސީ - ބަޝުންދުރާ (1 ނޮވެމްބަރު)

- ޓީސީ - ބަޝުންދުރާ، މާޒިޔާ - ޗެންނާއީ (4 ނޮވެމްބަރު)

މާޒިޔާ ސ.ރ.ކ އެފްއޭއެމް ޓީސީ ސްޕޯޓްސް

8 ކޮމެންޓް, 9 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޟާނު

20 July 2020

ޢައްޑޫނޫން އެހެން ރަށަކަށް މިފަހަރު މިމުބާރާތްގެންދަން އެބަޖެހޭ ޓާފްދަޑުގަވެސް މިމުބާރާްތް ކުޅެވޭނެ.މަހިބަދޫ.އޭދަފުށި.ނިލަންދޫ.ހޮޅުދޫ.ނައިފަރުވެސް މިހިރީ މިމިބާރާތްބެއްވޭފެންވަރު ތާފްއަލާފަހުރި ރަށްތަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވައްލާ.

20 July 2020

އައްޑޫ ފިޔަވާ ޟާނު ތިޔަ ބުނާ ރަށްރަށުގައި ވެސް މުބާރާތް ބާއްވަންވީ. އެކަމަކު މުބާރާތް ބޭއްވުމަކީ ހަމަ އެކަނި އެދުވަހު ކުޅޭ މެޗް ކުޅެލުން ނޫންކަން ޟާނު އިގޭބާ ؟؟ މާލެ ނޫން ތަނަކަށް މުބާރާތް ގެންދާނަމަ މިވަގުތު އެންމެ ރަނގަޅީ އައްޑޫ ނުވަތަ ހަނިމާދޫ ކަމުގައި ދެކެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލާމަރުކަޒު.

19 July 2020

ތިޔަމުބާރާތުގެ މެޗްތައް މާލޭގައި ކުޅުމުގެ ބަދަލުގައި އައްޑޫސިޓީގައި ކުޅުން ރަނގަޅު. ދުނިޔޭގެ ޤައުމުތަކުގައި މިފަދަ މުބާރާތް ތަކުގެ ބޭނުން ކޮށްގެން ސަރަހައްުތައް ތަރައްޤީ ކޮށްފައި އެބަހުރި. އަހަރުމެންވެސް އެގޮތަށް އެކަން ކުރާންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

18 July 2020

އެފްއޭއެމް އިއުލާންކޮށްފައިވާ 2023 އަހަރުގެ ދިވެހި ލީޤުގެ ވާހަކައަކީ ޙަޤީގަތެއް ކަމުގައިވާނަމަ މިމުބާރާތް އައްޑޫސިޓީގައި ބާއްވަންޖެހޭ. # އަދި ސޯލިޙްއާއި އެމްޑީޕީ ވެފައިވާ ވައުދާއި އެއްގޮތަށް ރާއްޖެ ޑިސެންޓްރަލައިޒް ކުރުމަށްޓަކާވެސް މިމުބާރާތް މާލެއިން ބޭރަށް ގެންދާންޖެހޭ. # އައްޑޫސިޓީގެ ދަނޑުގެ ލައިޓް ހަރުކޮށް ބައެއް އިތުރު ވަސީލަތް ޤާއިމްކޮށް ސްޓޭޑިއަމްގެ ނަމަކީ "އައްޑޫ އިކްއިޓޯރިއަލް ސްޓޭޑިއަމް" ކަމުގައި ހަމަޖައްސާ 2023 ގެ ލީޤަށް ސްޓޭޑިއަމް ތައްޔާރުކުރާންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖިހާދު - ނިލަންދޫ

19 July 2020

ޤައުމީ ފުޓްބޯޅަ އިދާރާ އޭ ކިޔައިގެން އުޅުނު ކަމުގައި ވިޔަސް މުޅިތަން އޮތީ މާލޭގެ ޤުރޫޕް ތަކުން ޙިސޯރުކޮށްފަ. އެމީހުންގެ ޓީމަކަށް ނޫނީ ފުރަތަމަ ޑިވިޝަނަށް އަރާން ފުރުސަތުވެސް ނުލިބޭގޮތަށް ޤަވާއިދު ހަދާފައިއޮތީ. އަދި ރަށެއްގެ ޓީމެއް މޮޅަށް ކުޅެ މާލޭ ޓީމް ބަލިކޮށް ގަދަ 6 ނުވަތަ ހަތަރަކަށް ގޮސްފިނަމަ ވަގުތުން ޤަވާއިދު ބަދަލުކޮށްއެ ޓީމް ބާކީ ކުރާނެ. މިފަދަ ބަޔަކު ތިކަމެއް ނުކުރާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގާޑި އައްލާ.

19 July 2020

މިދުވަސްވަރު ބިދޭސިންގެ އަމަލު ތަކާއި މާލޭގައި ކޮވިޑް ފެތުރެމުންދާ ބާރު މިނަށް ބަލާއިރު ތިޔަ މެޗްތައް މާލޭގައި ކުޅެން ނިންމައި ތައްޔާރީތަށް ވެފައިވަނިކޮށް އެންމެ ފަހުވަގުތު މެޗްތައް ބޭއްވޭގޮތް ނުވެ މުޅި މުބާރާތް ފަނިވެދާނެ. އައްޑޫ ނޫނީ ކުޅުދުއްފުއްޓަށް މެޗްތައް ބަދަލު ކުރޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސީނު.

19 July 2020

މުބާރާތް ބާއްވާނީ އައްޑޫގައި ކަމަށް ޔޫތު މިނިސްޓަރ މަޙްލޫފު ވިދާޅުވި. މެޗްތައް ބޭއްވުމަށް އެއްވެސް މަސައްކަތެއްނުކޮށް ތިބެފައި އެންމެ ފަހުވަގުތު ބުނާނެ /ވަގުތު ނެތުމުން މިފަހަރު އައްޑޫ ސްޓޭޑިއަމްގައި ބޭއްވޭގޮތް ނުވީ' އިރާދަ ކުރެއްވީއްޔާ ވޯލްޑް ކަޕް ކޮލިފައިން މެޗްތައް ބާއްވަން ވާއިރަށް އައްޑޫ ސްޓެޑިއަމް އެންމެ ޒަމާނީ ފެންވަރަށް ތައްޔާރު ކުރާނެ ކަމަށް. އައްޑޫ ކުދިން ބާރަށް އަތްޖަހާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަޓް ބްރޯ

18 July 2020

މިހާރު ބިޑް ކާމިޔާބުކޮށްފަވާ އޮލިމްޕިކް ގޭމްސް އަށްފަހު ދެން އޮންނަ އޮލިމްޕިކް ގޭމްސް އަށްވެސް ރާއްޖޭން ބިޑްކުރަންފެނޭ. އެއީ އޭރުން ލައްކަ ގިނަބަޔަކު ރާއްޖެ އަންނާނެތީ. އަނެއްކާ ރަށްރަށުގެ ބީޗް ގަ ރިޔާ އަޅައިގެން ނިދޭ ގޮތަށް އެކޮމޮޑޭޝަންގެ ކަންކަން ހަމަޖައްސާލެވިއްޖިއްޔާ ވަރަށް ގިނަ ބަޔަކަށް އާ ތަޖުރިބާ އަކަށްވެސް ވަރަށް އުފާވެސްވާނެ!