ބޮޑު ޖަމާއަތުގައި އީދު ނަމާދު ކުރަނީ: ކޮވިޑް-19އާ ހެދި މިއަހަރު ބޮޑު ޖަމާއަތުގައި އީދު ނަމާދެއް ނުކުރާނެ
30 ޖުލައި 2020 - 22:18
11 comments
މާލޭގެ ބައެއް މިސްކިތްތަކުގައި މާދަމާ އީދު ނަމާދު ކުރިޔަސް، ބޮޑަށް ބާރު އަޅަނީ އަންހެނުންނާއި ކުޑަކުދިން މިސްކިތަށް ނުދިޔުމަށް ކަމަށް އިސްލާމިކް މިނިސްޓްރީން މިރޭ ބުނެފި އެވެ.
ބޮޑު އީދު މާދަމާ ފާހަގަކުރާއިރު، ކޮވިޑް-19 ގެ ހާލަތު ރާއްޖޭގައި ވަނީ ގޯސްވެފަ އެވެ. އެގޮތުން ޕޮޒިޓިވްވާ ދިވެހިންގެ އަދަދު ވަރަށް ބޮޑަށް ވަނީ އިތުރުވެފަ އެވެ. އެކަމާ ގުޅިގެން، ބޮޑު ޖަމާއަތުގައި މާދަމާ އީދު ނަމާދެއް ވެސް ނުކުރާނެ އެވެ.
އިސްލާމިކް މިނިސްޓްރީން ނެރުނު ބަަޔާނެއްގައި ބުނީ މާލޭގައި ހުކުރު ކުރާ ހުރިހާ މިސްކިތެއްގައި ވެސް މާދަމާ އީދު ނަމާދު ކުރާނެ ކަމަށެވެ. އެކަމަކު އަންހެނުންނަށް ބައިވެރިވެވެނީ އިސްލާމީ މަރުކަޒާއި ވިލިމާލޭގައި ހުންނަ މަސްޖިދުއްބިއްރި އާއި ހުޅުމާލޭ މަސްޖިދުލްއަޒީޒާ މޫސާގައި ކުރާ ނަމާދުގައި ކަމަށް ބުންޏެވެ. ނަމަވެސް މިނިސްޓްރީން ބޮޑަށް ބާރު އަޅަނީ އަންހެނުންނާއި ކުޑަކުދިން މިސްކިތްތަކަށް ނުދިޔުމަށެވެ.
ކޮވިޑް-19 ގައި އެންމެ ރިސްކު ބޮޑުކަމަށް ބެލެވިފައިވާ، ބޮޑެތި ބަލިތަކަށް ބޭސް ކުރާ މީހުންނާއި ފުއްޕާމޭގޭ މައްސަލަތައް ހުންނަ މީހުންނާއި ދުވަސްވީ މީހުންނާއި ބަލީގެ އަލާމާތްތައް ހުންނަ މީހުން މިސްކިތަށް ނުދިޔުމަށް ވެސް އެ މިނިސްޓްރީން އިލްތިމާސް ކުރެ އެވެ.
މި އަހަރުގެ އަޟްހާ އީދު ދިމާވަނީ ހުކުރު ދުވަހާ އެވެ. އެހެންވެ، މިނިސްޓްރީން އިލްތިމާސް ކުރަނީ އީދު ނަމާދާއި ހުކުރު ނަމާދުގެ ތެރެއިން ކޮންމެވެސް އެއް ނަމާދަކަށް މިސްކިތަށް ދިޔުމަށެވެ. އަދި މާސްކް އަޅައިގެން ދިޔުމަށާއި ގެއިން މުސައްލައެއް ގެންދިޔުމަށް ވެސް އެ މިނިސްޓްރީން އިރުޝާދު ދެ އެވެ.
ލޮކްޑައުންގެ ލުޔަށް ފަހު ކޮވިޑް-19 އަށް ޕޮޒިޓިވްވާ ދިވެހިންގެ އަދަދު ވަނީ ވަރަށް ބޮޑަށް އިތުރުވެފަ އެވެ. މި ބަލީގައި މިހާރު 16 މީހަކު މަރުވެފައިވާއިރު، ބަލިން ރައްކާތެރިވުމަށް މާސްކް އެޅުން ވަނީ މަޖުބޫރުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
900 ޑިގުރީ
31 July 2020
ނޭފަތު ކުރިޔަށްވުރެން ދުރަށް ވިސްނާ މިނިސްޓަރަކު އިސްލާ މިކު މިނިސްޓްރީއަށްއި ޕްލޭނިން މިނިސްޓްރީ އަށައި އެކޮނޮ މުކު މިނިސްޓްރީ އަށާއި މިނިސްޓްރީ އޮފް ޑިފެންސަށް ހަމަޖައްސަންޖެހޭ
މިސޯ
31 July 2020
ބަލީގެ ނުރައްކާ ބޮޑީ ފިރިހެނުންނަށްކަން ދިރާސާތަކުން އެންގެން އޮންނައިރު، މި ތަފާތުކުރުން މީ ހަމަޖެހޭ ތަފާތުކުރުމެއް ނޫން
އިބްރާހިމް އަހުމަދު
31 July 2020
މިއީ ކިހިނެއްވާކަމެއް؟ އެއްބަޔަކު މިބުނަނީ އުމުރުން ދުވަސްވީ މީހުންނަށޭ ރިސްކް ބޮޑީ. އަނެއްބަޔަކު މިބުނަނީ އޭގެ އިދިކޮޅަށް؟
އިސްރޯ
31 July 2020
އީދު ނަމާދަކީ ފަރުޟު ނަމާދެއްތަ؟ ޖަމާއަތާ ނުލައި ނުކުރެވޭ ނަމާދެއްތ؟ ފަރުޟު ނަމާދު ނުކޮށް ކޮން އީދު ނަމާދެއް. މިފަދަ ހާލަތްތަކުގައި ސަރުކާރުން އަންގާ އެންގުންތަކަށް ކިޔަމަންވުމަކީ ވާޖިބެއް. އެކަމަކު ބައެއް މީހުން ކިޔަމަން ނުވުމަށް އެބައަންގާ.
ހައްޖަ
31 July 2020
ހަރަންފުޅުގައި “ގައި ދުރުކޮށް“ ތޮވާފުކޮށް ނަމާދުވެސް ކުރެވޭ. ކީއްވެބާ މިރާއްޖޭގަ އެގޮތަށް ނުކުރަނީ؟.
މުހައްމާފުތާ
31 July 2020
މިގައުމުގަ ތިބީ ތިތަންތާގައި ތިބި ދީނީ އިލްމުވެރިންނަށްވުރެ މާބޮޑުތަނުން ދީން ކިޔަވައިގެން ތިބި މާމޮޅު އިލްމުވެރިން. އެގިއްޖެ؟
އަބްދުއްالله
31 July 2020
އަންހެނުން ކައްކަން ބަދިގޭގަ ތިބެންޖެހޭނެ ދޯ؟
ރަޙްމާ
30 July 2020
ވަކި ކީއްވެ އަންހެނުން ބާކީ ކުރަންވީ. ފިރިހެނުންނަށް ދެވެންޔާ އަންހެނުންނަށް ވެސް ދެވޭނެ. މިއީ ބޮޑު ތަފާތުކުރުމެއް. އަންހެނުންގެ ހައްގުތައް ހޯދާ ދިނުމަށް ގޮވާލަން؛
ފަތުވާ ކޮމިޓީ
30 July 2020
ޑރ.އިޔާޒު ބުންޏަސް ފުރާނައަށް ނުރައްކަލަށް އޮތިއްޔާ ނުދިއުން ރަނގަޅީ. މިވަގުތު އެކެއްގެ ރައްކާތެރިކަމަކީ އެތައް ބައެއްގެ ރައްކާތެރިކަން. ދީނުގައިވެސް ފުރަތަމަ ފުރާނަ އިނގޭތޯ! ﷲއަށް ނިސްބަތްވާ ހައްގެއް. އެއްވެސް މީހަކަށް އެ ނަގާލުމުގެ އިހްތިޔާރެއް ނެތް. އެހެންވީމަ ފުރާނަ ނުރައްކަލަށް ހުށަނައަޅާ ހެޔޮނުވާނެ.
30 July 2020
ޑރ އިޔާޒް ވިދާޅެއް ނުވޭ ފުރާނަޔަށް ނުރައްކަވަންޔާ ދާކަށް.... ދޮގުނަހަދަބަލަ... ބަލި ވެގެން އުޅޭ ފަރާތްތައް ނުދިއުން ރަގަޅު ވާނީ... ފުރާނަޔަށް ނުރައްކަލެއް ނުވޭތަ ފިހާރަ، ކެފޭ، ރެސްޓޯރަންޓް ޖިމް، އޮފީސްތަކުގަ މާސްކް ނާޅާ އުޅުމުން... ކޮފީ ބޯން ވަންނަ އިރު މާސްކް ނާޅާ ތިބެނީ... މަގުމަތީގަ ވެސް ނުލާހިކު ކައިރި ކައިރީގަ މާސްކް ނާޅާ ތިބެގެން ކެއްސާނީ.... މާސްކް އަޅަން މަޖުބޫރި ކުރި ކަން އެއީ ވަރަށް ރަގަޅު ކަމެއް..
ނަން
30 July 2020
އަންހެނުން ނުދާން ބާރު އަޅަނީ ކޮން ވިސްނުމަކުންބާ. ހައި ރިސްކް ބައިގަ އަންހެން ފިރިހެން ތަފާތެއް ނުވޭ. ބައެއް ރިސާޗް ތކުގ އަންހެނުންނަށް ވުރެ ފިރިހެނުންނަށް ރިސްކު ބޮޑު.