ޕެންޝަން އޮފީހުގެ ސީއީއޯ: ޖޫރިމަނާ ކުޑަކުރީ ސްކީމްގައި ބައިވެެރިނުވާ ފަރާތްތަކަށް ލުއި ދޭން ކަމަށް ޕެންޝަން އޮފީހުން ބުނޭ.-- ފޮޓޯ: މުހައްމަދު ޝަރުހާން/ މިހާރު
24 އޮކްޓޯބަރ 2016 - 11:11
4 comments
ރިޓަޔާމެންޓް ޕެންޝަން ސްކީމްގައި މުވައްޒަފުން ބައިވެރި ނުކުރުމާއި ރެކޯޑް ނުބެލެހެއްޓުމުން ވަޒީފާ ދޭ ފަރާތްތަކަށް އަންނަ ޖޫރިމަނާ ވަރަށް ބޮޑަށް ކުޑަކޮށްފި އެވެ.
ރިޓަޔާމެންޓް ޕެންޝަން ސްކީމްގެ ގަވާއިދު ކުރިން ބުނާ ގޮތުން ޕެންޝަން ސްކީމްގައި މުވައްޒަފުން ބައިވެރިނުކުރާ ފަރާތްތައް ނުވަތަ ޕެންޝަން އޮފީހުގައި ރަޖިސްޓްރީކޮށްފައި ނުވާ ނަމަ ފާއިތުވާ ކޮންމެ މަހަކަށް 500ރ. ގެ މަގުން ޖޫރިމަނާ ކުރާނެ އެވެ.
އެކަމަކު އެ ގަވާއިދަށް އިއްޔެ ގެނައި އިސްލާހުގައި އޮތީ ކޮންމެ މަހަކަށް އަރާ 500ރ. ގެ ޖޫރިމަނާގެ ބަދަލުގައި އެ ކުށުގެ މުޅި ޖޫރިމަނާގެ އަދަދު 500ރ. އަށް ބަދަލުކޮށްފަ އެވެ.
ޕެންޝަން ރެކޯޑްތައް ނުބެލެހެއްޓުމުން ވަޒީފާ ދޭ ފަރާތްތައް 500ރ. އިން ފެށިގެން 50،000ރ. އާ ދެމެދުގެ އަދަދަކުން ޖޫރިމަނާ ކުރެވޭ ގޮތަށް ގަވާއިދުގައި ކުރިން އޮތަސް އާ އިސްލާހުގެ ދަށުން އެ ޖޫރިމަނާ ވަނީ 1،000ރ. އަށް ކުޑަކޮށްފަ އެވެ.
ޕެންޝަން އޮފީހުން ބުނީ ޖޫރިމަނާތައް ކުޑަކުރީ އެކި ސަބަބުތަކާ ހެދި ޕެންޝަން ސްކީމްގައި ބައިވެރިނުވެ ތިބި ފަރާތްތަކަށް ހުރި ދަތިތަކަށް ލުޔެއް ދިނުމަށް ކަމަށެވެ. އެ ލުއިތައް ގެނަޔަސް ވަޒީފާ އަދާކުރާ ފަރާތްތަކަށް އެ ސްކީމްގެ ދަށުންް ލިބެމުން ދިޔަ ހުރިހާ މަންފާއެއް އެގޮތުގައި ލިބެމުންދާނެ ކަމަށް ޕެންޝަން އޮފީހުން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙަސަން
24 October 2016
ތިގޮތް ކޮންމެވެސް ވަރަކަށް ރަގަޅު. އެކަމަކު މީރާއިން ބަޔާން ހުށަހަޅަންޖެހޭކަން ނޭގުނަސް ދުވަހަކުވެސް ނިމުމެއް ނެތް.ލައްކައިން މިލިޔަނުން ޖޫރިމަނާކުރަނީ. ޖޫރިމަނާވާކަން ނުވެސް އެގޭނެ. ނުވެސް އަންގާނެ
ވޮޗްޑޯގް
24 October 2016
ދެން މިހާރު ދައްކާ މީހުންވެސް ހުއްޓާލާނީ ތޯއްޗެއް. ހަމަ މުއްސަންދިންނަށް ބޮޑެތި ވިޔަފާރިވެރިންނަށް ފައްސޭހަކޮށްލީ.
އަލިދީދީއައްޑޫސިޓީ
24 October 2016
މުދާރަ ބޮޑުކޮށްފައި އެބައި ނަގައިގެން ބަޖެޓު ފޫބައްދަނީ. ދުވަހަކުވެސް ތިފައިސާ ނުލިބޭނެ. މާދަން ވެސް އެމީހާ މަރުވީމަ އެއިން ދެން ކޮންފައިދާއެއް މިކުރީ. އަމިއްލަ އެކައުންޓުގައި ބެންކުގައި ބެހެއްޓީމަ، ބޮޑުބޭނުމެއްޖެހޭ ވަގުތު އޭގެފައިދާ އެބަކުރޭ.
އަހުމަދު
24 October 2016
އަދިވެސް މީހުން އިތުރުނުވެގެން މިއުޅެނީ..ފަންޑްގައި ތިބި މީހުނަށް ގެދޮރުގަނެވޭނެކަމަށް ބުނީ އޮޅުވާލުމެއްގެ ތެރެއިން..ހހަދާފައިވާ ގަވައިދުގެ ތެރެއިން އެކަން ކުރެވޭނެ ބަޔަކުނެތް...ކަނޑައެޅި ގަވައިދުގައި ބުނާ 100ޕަސެންޓް ލިބޭ އުމުރުގެ މީހަކަށް އެވަރަށް ފައިސާ ޖަމާނުވޭ..ދޮށީ އުމުރު މީހުނަށް ފައިސާ ހުއްޓަސް ލިބެނީ ވަކި މިންވަރެއް...