އައިޖީއެމްއެޗު ކައިރީގައި ބަޔަކު އިށީންދެލައިގެން: އެއް އާއިލާއެއްގެ 30 އަށްވުރެ ގިނަ މީހުން ވަނީ ކޮވިޑަށް ޕޮޒިޓިވްވެފައި.-- ފޮޓޯ: ނިޝާން އަލީ / މިހާރު
15 އޯގަސްޓް 2020 - 14:15
87 comments
މާލޭގައި އެއް ގެއެއްގައި ދިރިއުޅޭ އެއް އާއިލާއެއްގެ 35 މީހަކު ކޮވިޑް-19 އަށް ޕޮޒިޓިވްވެއްޖެ އެވެ.
ހ. މޫންލައިޓްވެލީ އަށް ނިސްބަތްވާ އާއިލާއިން "މިހާރު"އާ މިއަދު ވާހަކަ ދެއްކި އައިޝަތު އިޔާދު ބުނީ، އެންމެ ފުރަތަމަ ޕޮޒިޓްވީ ބަލީގެ އަލާމާތްތައް ހުރެގެން ކޮވިޑަށް ޓެސްޓުކުރި ބޮޑުބޭބެއެއް ކަމަށެވެ. ވަކިން ހުރެވޭނެ އިންތިޒާމެއް ނެތް އެ ގޭގައި ނުބަހައްޓައި އޭނާ އައިސޮލޭޝަނަށް ގެންދަން އެޗްޕީއޭގައި އެދެމުން ދަނިކޮށް، ދެ ވަނަ މީހަކު ޕޮޒިޓިވްވީ ކަމަށް އޭނާ ބުންޏެވެ. އޭގެ ފަހުން، ފަހަރަކު މީހަކު ޕޮޒިޓިވްވެ މުޅި ގޭތެރެއަށް ބަލި ފެތުރުނީ ކަމަށް އެ އާއިލާ އިން ބުނެ އެވެ.
ބަލި ޖެހުނުކަން ފުރަތަމަ އެނގުނު މީހާ އައިސޮލޭޝަން ފެސިލިޓީ އަށް ގެންދިއުން ލަސްވި މައްސަލައިގައި އާއިލާގެ ހިތްހަމަނުޖެހުން އެބަ އޮތެވެ.
އެ ގެއިން ތިން ވަނައަށް ޕޮޒިޓިވް ވި 67 އަހަރުގެ މީހަކު ވަނީ މަރުވެފަ އެވެ. އޭނާ އައިސޮލޭޝަނަށް ގެންދަން އެޗުޕީއޭ އިން ގުޅީ ޖަނާޒާގެ ކަންކަން ކުރިއަށް ދަނިކޮށެވެ.
ކޮވިޑް-19 އަށް ޕޮޒިޓިވްކަން އެނގުނީ ހާލު ދެރަވެގެން އައިޖީއެމްއެޗަށް ގެންގޮސް ޓެސްޓްކުރުމުންނެވެ.
ޖަނާޒާ ކުރިއަށް ދަނިކޮށް ގުޅުމުން އެޗްޕީއޭ އިން ވަނީ އެ އާއިލާގެ ކިބައިން މާފަށް ވެސް އެދިފަ އެވެ.
ގާތްގަނޑަކަށް 46 މީހުން ދިރިއުޅޭ ގޭގެ އެންމެން ބޭނުންކުރަނީ އެއް ބަދިގެ އެވެ.
"ފުރަތަމަ ބޮޑުބެ ޕޮޒިޓިވްވުމާ އެކު އައިސޮލޭޝަނަށް ގެންދަން ވަރަށް ގުޅިން އެޗްޕީއޭއަށް. ގުޅަގުޅައި ހުއްޓާ ބޮޑުދައިތައެއް ޕޮޒިޓިވްވީ، އޭގެ ފަހުން މުޅި ގޭތެރެއަށް ފެތުރުނީ،" އެޗްޕީއޭއިން އަމަލުކުރި ގޮތާ މެދު ކަންބޮޑުވުން ފާޅުކޮށް ވާހަކަ ދެއްކި އިޔާދު ބުންޏެވެ.
ޕޮޒިޓިވްވި މީހުންގެ ތެރޭގައި 70 އަހަރުން މަތީގެ މީހަކާއި އެއް މަހުގެ ކުއްޖަކު ވެސް ހިމެނެ އެވެ. މީގެ އިތުރުން ކޮލެސްޓްރޯލް އާއި ހިތުގެ މައްސަލަތަކާއި ނޭވާ ހިއްލުން ފަދަ ކޮވިޑްގެ ނުރައްކާ އޮތް މީހުން ވެސް އެ ގޭގައި އުޅެ އެވެ.
ޕޮޒިޓިވްވި ބައެއް މީހުން މިހާރު ވަނީ އައިސޮލޭޝަން ފެސިލިޓީ އަށް ގެންގޮސްފަ އެވެ. އެކަމަކު ބަލީގެ ނުރައްކާ ބޮޑު ބަޔަކު ފެސިލިޓީތަކަށް ނުގެންގޮސް ގޭގައި ބައިތިއްބާފައިވާ މައްސަލައިގައި އާއިލާ އިން ދަނީ ކަންބޮޑުވުން ފާޅުކުރަމުންނެވެ. އޭގެ ތެރޭގައި ޕޮޒިޓިވް މީހުންނާ ގާތުން ބައްދަލުވި އުމުރުން 80 އަހަރުގެ މާމަ ވެސް ހިމެނެ އެވެ.
When we got positive, I kept on calling them almost hourly until they came to get us TWO days later. They transferred us to this facility while HIGH RISK, COVID POSITIVE people were still kept home with no instructions. So I still kept on calling to inquire about their status 2/6
— 𝘼𝙞𝙨𝙝𝙖𝙩𝙝 𝙄𝙮𝙖𝙙𝙝 (@Aishath_Iyadh) August 14, 2020
"ޕޮޒިޓިވްވި މީހުން އައިސޮލޭޝަން ފެސިލިޓީއަށް ނުގެންދާއިރު މާމައަކީ ހައި ރިސްކު މީހެއް. އެހެންވެ ވަރަށް ގިނައިން އެދެފިން މާމަގެ އިތުރު ޓެސްޓެއް ހަދައިދޭން. މާމަގެ ފުރަތަމަ ޓެސްޓް ނެގެޓިވްކޮށް އައީ. އެކަމަކު މިހާރުގެ ގޮތެއް ނޭނގޭނެ ދޯ. ނަތީޖާ ނެގެޓިވްވިއްޔާ މިވަގުތަށް އެހެން ގެއަކަށް ވެސް ބަދަލުކުރެވޭނެ. އެކަމަކު އެޗްޕީއޭއިން ބުނީ 14 ދުވަސް ފަހުންނޭ މާމަ ޓެސްޓުކުރާނީ،" އިޔާދު ބުންޏެވެ.
ޕޮޒިޓިވް މީހުންގެ ތެރެއިން ނުވަ މީހަކު ގޭގައި ތިބޭތާ 11 ވަރަކަށް ދުވަސް ވެއްޖެ އެވެ.
އޭނާ ބުނީ އެންމެން އެއްކޮށް އުޅޭއިރު އެކަކު ގެންގުޅޭ އެއްޗެހި ދެން ތިބޭ މީހުން ވެސް ބޭނުންކުރާ ކަމަށާއި އެހެންވެ އެންމެންގެ ޓެސްޓު ހަދައިދޭން އެދުމުން އެކަމަށް ވެސް އިޖާބަ ނުދިން ކަމަށެވެ.
މި މައްސަލައިގައި އެޗްޕީއޭގެ އިހުމާލު އާއިލާ އިން ދައްކާ ސަބަބުތައް ގިނަ އެވެ. ޕޮޒިޓިވްވެ އައިސޮލޭޝަންގައި ހުންނަތާ ހަފުތާއެއް ވީ މީހަކަށް ރޭ ގުޅައި އައިސޮލޭޝަނަށް ދާން ތައްޔާރުވާން އެދުމަކީ އެޗްޕީއޭ އަށް ވާނުވާ ނޭނގޭ ކަމުގެ ހެއްކެއް ކަމަށް އާއިލާ އިން ދެކެ އެވެ.
"އާދޭސްކޮށްގެން އިހަށް ދުވަހަކު ޓެސްޓުކޮށްގެން އެނގުނީ ދޮޅު އަހަރު ކުދިންނަށް ދަންދެން ބަލި ޖެހިފައި ކަން ތިބީ. އިހަށް ދުވަހު ވިހޭ ކުދިން ވެސް ޕޮޒިޓިވް."
އެ ގެއިން އެއްފަހަރާ ޕޮޒިޓިވްވި ކަން އެނގުނު މީހުންގެ އަދަދު 15 އިން މައްޗަށް އަރަ އެވެ. އޭގެ ކުރިންނާއި ފަހުން ޕޮޒިޓިވްވި މީހުންނާ އެކު އާއިލާއިން ޕޮޒިޓިވްވި މީހުންގެ އަދަދު 30 އިން މައްޗަށް އަރަ އެވެ. އެތަނުން އެއްވެސް މީހަކު އަދި ބަލިން ރަނގަޅެއް ނުވެ އެވެ.
ޑައިރެކްޓް ކޮންޓެކްޓްސްގެ ގޮތުގައި އަދި ވެސް ޓެސްޓު ނުހަދާ މީހުން އެބަތިބި ކަމަށާއި ޓެސްޓު ކޮށްދޭން އެދުމުން 14 ދުވަސް ފަހުން ނުވަތަ ބަލީގެ އަލާމާތްތައް ފެންނަކަމުގައި ވާނަމަ ޓެސްޓު ހަދައިދޭނެ ކަމަށް ބުނި ކަމަށް އޭނާ ބުންޏެވެ.
"އެޗްޕީއޭއިން ކަންތައްކުރާ ގޮތުން ނަފްސާނީ ގޮތުން ވަރަށް ބޮޑަށް އަސަރުކޮށްފައި މި ހުންނަނީ. ވަރަށް ދެރަވެއްޖެ،" އިޔާދު ބުންޏެވެ.
އާއިލާއިން ތުހުމަތުކުރާ ގޮތުގައި އެޗްޕީއޭއިން އެ ގެ މޮނިޓަރިންނަށް ލީ ވެސް އޮޅޭގޮތަށެވެ. ބޮޑުބެ މަރުވި ފަހުން ނޯޓިސް ތަތްކުރީ ނުބައި ތާރީޚަކާ އެކުގައި ކަމަށާއި އެ ނޯޓިސްގައި ޖަހާފައި އިނީ ޖުލައި 30 އިން ފެށިގެން މޮނިޓަރިން އަށް ލީ ކަމަށެވެ.
އެކަމާ ގުޅިގެން ހެލްތު އިމަޖެންސީ އޮޕަރޭޝަން ސެންޓަރުގައި ނޫސްވެރިއެއްގެ ސުވާލަކާ ގުޅިގެން ތަރުޖަމާނު ޑރ. ނަޒްލާ ރަފީގު ވިދާޅުވީ ޑޮކިއުމެންޓުގައި އިންނާނީ އެ ގެ މޮނިޓަރިން ފެށި ތާރީހު ކަމަށެވެ. އެކަމަކު ވަރަށް ގިނަ ތަންތަނުގައި ނޯޓިސް ތަތްކުރުމާއި ނޯޓިސް ނެއްޓުމުގައި ލަސްތަކެއް އެބަހުރި ކަމަށާއި އެއީ މީގެ ކުރިން ވެސް ފާހަގަކުރެވިފައި ހުރި ކަމެއް ކަމަށް ވިދާޅުވި އެވެ.
އެއާ އާއިލާ އަކުން 30 މީހުން މި ޕޮޒިޓިވްވީ ޕޮޒިޓިވް ގިނަ މީހުންތަކެއް އައިސޮލޭޝަނަށް ނުގެންދެވި ގޭގޭގައި ތިބި މައްސަލަތައް ފެންމަތިވެފައި ވަނިކޮށެވެ. އެޗްއީއޯސީން އެންމެ ފަހުން އާއްމުކުރި ގޮތުގައި ބަލި ޖެހިފައި ތިބި 300 އަށް ވުރެން ގިނަ މީހުން ގޭގޭގައި އެބަތިއްބެވެ.
ރާއްޖެ އިން ކޮވިޑަށް 5،000 އަށް ވުރެން ގިނަ މީހުން ޕޮޒިޓިވްވެފައިވާ އިރު މި ބަލީގައި 22 މީހަކު ވަނީ މަރުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަކުނިބޯ
17 August 2020
މިރާ އްޖޭގަ އި ޑިކްޓޭޓަރުން ވެރިކަންކޮށްފި އެވެ. ކޯޓުން ވެރިކަންކޮށްފި އެވެ. ފުލުސްކޯޓޫން ޝަރީޔަތްކޮށް އެކަންވެސް ހު އްޓާލަ އިފި އެވެ. މިހާރު އަބުރާ ފުލުސް ކޯޓު އައިސްފި އެވެ. އެނަމަކުނޫނެވެ އެޗް ޕީ އޭ އަށް ލިބިދީފާވާބާރޯ އެވެ. ވެރިކަންވެސް މިހާރު މިމީހުން ކުރަންފަށާފިއެވެ. ޖަލަށް ލާންބޭނުންވާމީހާ ވަގުތުން މިމީހުން ޖަލަށްލައެވެ. ޖަލުގެ ނަން ރީ އްޗެވެ.
އާންމު މީހެއް
16 August 2020
އެއްވުންތަކާއި ޕާޓީތަކާއި ކޮފީތަކަށް ގޮސް އުޅޭމީހުންގެ ތެރޭގައި ބަލި ފެތުރުނީމަ އެކަން ހުއްޓުވާނީ ކިހިނެއް. އެންމެންވެސް އެޗްޕީއޭގެ އެންގުންތަކާއި އެއްގޮތަށް އުޅެވޭތޯ ބަލަންވީ.
ާއުނިމާ
16 August 2020
އަހަރެމެން މިއުޅޭނީ އެޗްޕީއޭ އިން އަންގާ އެންގުންތަކާ އެއްގޮތައްކަން ދަންނަވަން! ގިނަ ރައްޔިތުން އުޅެނީ އެގޮަތައް! ހުައްދަކުރާ ކަންކަން އަހަރެމެން މިކުރަނީ ، މާސްކު އަޅާއިގެން އުޅޭނީ، ސެނިޓައިޒަރ ފުޅިއެއްވެސް އަތައްލައިގެން މިއުޅެނީ ބޭރަށްދާއިރު! ނަމަވެސް މީހުން ބައެއްފަހަރު ގިނަވީމާ، އެކަކު އަނެކަކާ ވަރަށް ގާތްވާފަހަރުދޭ، ކޮފީވެސް ބޮވެނީ އަގައިން ކަމަށްވާތީ ކޮފީ ބޯގަނޑީގަ މާސްކުނަގަންޖެހޭ!
ފޫހި
16 August 2020
އެގޭ މީހުންނަށް ދެރަބަސްނުބުނޭ. އެ މީހުންވެސް މަޖްބޫރުވެގެންދޯ އެހާ ގިނަ މީހުން އެއްފުރާޅެއްގަ އުޅޭނީ. އެމީހުންގެ ހާލަތާމެދު ދެރަވޭ. އެމީހުންނަށް އަވަސް ޝިފާއެއް ދެއްވުން އެދި ދުޢާކުރަން. ފަރުދީ ޒިމާ އަދާކުރުން މުހިންމު. އެކަމަކު މިހާގިނަ ކޭސްތައް ފެންނައިރު އެންމެކުރިން ދިން ސަމާލުކަން މިހާރު ސަރުކާރުން ދޭހެނެއް މީހުންގެ އިހްސާސްކިޔާލުމުން ހިއެއްނުވޭ. މިކަމުން އަރައިގަންނަން އިތުރު ވޮލަންޓިއަރުން ބޭނުންވާނެހެން ހީވަނީ.
ކަރުސަތުނާ
16 August 2020
މިޤައުމުގެ މައްސަލައަކީ ޓްވިޓާއިން ވެރިކަން ކުރުމެމެވެ.
އަދިވެސްނުވިސްނޭ..
16 August 2020
އަދިވެސް ބައެއްމީހުން މިކަމާ އެހާ ސީރިއަސްކޮށް ނުވިސްނާ އަދި ޢަމަލެއްވެސް ނުކުރޭ. މިކަން ދުނިޔޭގަ ފެށުނުއިރުބެލިބެލުމުންވެސް ރާއްޖެ ކަނޑައެޅިފައިވަނީ، "ހައިރިސްކް" ޤައުމެއްގެ ގޮތުގަ. ރާއްޖެއިން މަސައްކަތްކުރީ ވެކްސިންއެއް ލިބެންދެން ރާއްޖޭގެ ޙާލަތު މާ ގޯސްނުވެ ހިފެހެއްޓޭތޯ. ޙަޤީޤަތަކީ އަހަރެމެންގެ ފަރުވާލެއްނެތުމުން، މިހާރު މިއޮތީ ޞިއްޙީ މާހިރުން އިންޒާރުދިންތަން އައިސް. ޞިއްޙީ ނިޒާމަށް ނުތަކާވަރަށް ކޭސްތައް ގިނަވެ ތަންތަން ފުރިފަ. ހިތާމަހުރި.
އަދިވެސްވިސްނާ
16 August 2020
ކާރިސާއެއްގައި މީހުން މަދުވާނަމަ މީހުން ހޯދުން ދެން އޮންނާނީ. މީހުން ހޯދުމުގައި ސަރުކާރުން ގޮތްހުސްވެ ފުލުގަ ޖެހޭ ހިސާބަށް އަސްލުވެސް ގޮއްސިބާ؟ އެހެން އަހަރުތަކުގައި ބޮޑު ގުދުރަތީ ކާރިސާއެއް ދިމާވީމަ ސަރުކާރުގައި މަސައްކަތްކުރާ އެހެން ދާއިރާތަކުގެ މީހުންވެސް އެމަސައްކަތްތަކުގައި ބައިވެރިކޮށް އުޅުނު. އެހެން އޮފީސްތަކުން މިކަމުގައި އެހީވާން ދޫކުރެވޭނެ މުވައްޒަފުން ނެތީބާ؟ މިކަން ކޮންޓްރޯލްކުރުމަކީ މުޅި ސަރުކާރުގެ ޒިންމާއެއްނޫންބާ؟ ނޯޓިސް ހިއްޕުމކ
މުބްލޫލައި
16 August 2020
މިންވަރަށް އީ މާން ވާން ދަސްކުރަން ޖެހޭ. ބަލި ޖައްވަނީ އަދި ބަލީގެ ދަރުވާ ދެއްވަނީ ކޮންފަރާތެއް ކަން މުސްލި މުން ހަނދާން ނައްތާ ނުލާ. ދުއާ ކުރު މަކީ ހަތިޔާރު.
ހުޝާމަ
16 August 2020
ބަލިޖެހޭ ގޮތާއި ހަދަންވީގޮތް އެކަމުގެ ޑޮކްޓަރުން ކިޔައިދެމުން ދިޔައި އަދިވެސް އެކިޔައިދެނީ. އެގޮތަށް އަމަލު ކުރަންވީ..
ހަސީނާގެ ޑައިރީ
15 August 2020
ތި ޝަކްވާތައް އަދި ތި ނޫން ޝަކްވާތައްވެސް އިވޭ. މަށަސް ކުރެވުނީ ތިއާ މުޅިން ޚިލާފު ތަޖްރިބާ އެއް ފުރަތަމަ ފަހަރު ކަންތައް ދިޔަގޮތާ އަޅާލިވަރުން ހިތައްއެރި އެންމެ ތަރައްގީވެފަވާ ގައުމެއްވެސް މިވަރު ނުވާނެޔޭ. ބޭސްވެސް އެދުވަހު 4 ޖެހިއިރު ލިބުނު. ދެވަނަ ފަހަރުވެސް ހަމައެދުވަހު ސާމްޕަލް ނަގާ ބޭސްވެސް ލިބުނު ދެވަނަ ފަހަރު ރިސަލްޓް ލަސްވި. ބުނީ މީހުން ގިނައީއޭ. ދެން އެހެން 5 ޓެސްޓް ހަދާ އެދުވަހު ރިސަލްޓް ލިބި ރިސަލްޓް ޑޮކްޓަރަށް ދެއްކުނު.
ްަބޫލޭ
15 August 2020
ފުރަތަމަ ކަމަކަށް މާލޭގެ ގެއެއްގައި، އެއް ފުރާޅެއްގެ ދަށުގައި 35 މީހުން އުޅެވިދާނެކަމަށް ގަބޫލުކުރަން ވަރަށް އުދަނގޫ. ދެވަނަ ކަމަކަށް، މިކަން ޓްވީޓް ކުރެއްވި ބޭފުޅާ ތުރުކުރައްވައިގެން އިންނެވި ހެދުންކޮޅާއި، އެބޭފުޅާގެ މޭކަޕަށް ބަލާފައިވެސް އެގެއަކީ މިދެންނެވި ހާލަތުގައި އޮތް ގެއެއްކަމަކަށް ނުފެނޭ. ވަރަށް ކުދި ތަންތަންކޮޅުގައި ވަރަށް ހާލުގައި މާލޭގައި މީހުން އެބައުޅޭ. އެކަމަކު އެއީ 30، 40 މީހުނެއްނޫން. 9، 12 ނޫނީ 10 ވަރަކަށް މީހުން.
އެއްކަލަ ސޮރު
16 August 2020
މިގެ ބެހުމުގެ ކުރިން އެއް ބަދިގެ ބޭނުން ކުރީ 70 މީހުން. މިހާރު 350އފ ގައި މި އުޅެނީ 15 މީހުން.
ފޫލޭ
16 August 2020
މޭކަޕާ މިކަމާ ކޮން ގުޅުމެއްތަ ހުރީ؟ ތިހުރީ ކަންކަމާމެދު ވިސްނާ ގޮތް. ކަލެއަށް ގަބޫލުނުކުރެވޭނަމަ ބަލަން ދިއައިމަ ރަގަޅުވާނެ. ނޫސްވެރިންނަށް އޮޅިގެން ޖެހި ޚަބަރު ރަަގަޅުކޮށްދީ ބަލާފަ އައިސް ދެން.
ކީކޭ
15 August 2020
ޕޮސިޓިވް ވު މުން އެއްވެސް ހާލަތެއްގައި ގެއިގަ ނުހުރެވޭނެ ކަ މައްބުނެ އަހަރެން ގެންދިޔަ.. އެކަނި އެޕާޓް މަންޓް އެއްގައިވެސް ނުހުރެވޭނެ ކަ މައް ބުނީ.. މިހާރު ކިހިނެއްބާ މިވަނީ...
ދިވެއްސެއް
15 August 2020
ކޭސްތައް ގިނަވަނީ. މިހާރު މިފެންނަނީ ރާއްޖޭގެ ހެލްތް ކެއަރ ކެޕޭސިޓީއާ ހަމައަށް މިބަލިމަޑުކަން އަރާ ހަމަކުރާތަން. މިއަދު އައިސޮލޭޝަނަށް މީހުން ގެންދިޔުން ލަސްވަނީ. މާދަން އެންމެ ބަލިމީހާއަށް ހޮސްޕިޓަލުން ޖާގަ ނުލިބޭތަންވެސް އަތުވެދާނެ. އެޗްޕީއޭއަށް ކިތަންމެ އެެއްޗެއްވެސް ގޮވިދާނެ. ނަމަވެސް ހަގީގަތަކީ މިއަދު މިފެންނަނީ ދިވެހިންގެ ގިނަބަޔަކު ފަރުދީ ޒިންމާ އަދާނުކުރުމެ ނަތީޖާ.
ސިމްޕަލް
15 August 2020
މިހާރު ބައެއް މީހުންގެ ވިސްނުމަކީ، އުޅޭނެ ގޮތަކަށް އުޅެފައި، ގެއިން މީހަކު ޕޮޒިޓިވް ވާތަތުން އެޗްޕީއޭ ފަހަތުން ދުވަން ފެށުން. ހަމަވަގުތުން ގެ މޮނިޓަރިންއަށްލާ، ޕޮޒިޓިވްވާ މީހާ އައިސޮލޭޝަނަށް ގެންގޮސް، ގޭގައިތިބި ބައްޔަށް ނުރައްކާ ބޮޑު މީހުންވެސް އަވަހަށް ޓެސްޓްކޮށް އެޗްޕީއޭގެ ފަރާތުން ރައްކާތެރިތަނަކަށް ގެންގޮސް، މިހުރިހާ ކަމެއް ވަގުތުން ވަގުތަށްވާން ޖެހޭކަމަށް ގަބޫލްކުރެވޭ ބަޔަކުވެސް އެބައުޅޭ، ކޮންމެ ކަމެއްގައިވެސް އަމިއްލައެދުން އިސްވަނީ.