ދަތުރުތައް ހުއްޓުމުން ޓީއެމްއޭގެ ގިނަ އަދަދެއްގެ ސީޕްލޭންތައް ޕަކުކޮށްފައި: އެ އެއާލައިން ވެސް ވަނީ މާލީ މައްސަލަތަކެއްގެ ތެރޭގައި - ފޮޓޯ: ސޯޝަލް މީޑިއާ
20 އޯގަސްޓް 2020 - 11:24
23 comments
ދުނިޔޭގެ ވެސް އެންމެ ބޮޑު ސީޕްލޭން އޮޕަރޭޓަރު ޓީއެމްއޭގެ 305 މިލިއަން ޑޮލަރު (4.7 ބިލިއަން ރުފިޔާ)ގެ ލޯނު ދެއްކުމުގައި އުނދަގޫތައް ކުރިމަތިވެފައިވާ ކަމަށް، ރޮއިޓާސް އިން ބުނެފި އެވެ.
ދުނިޔޭގެ މަޝްހޫރު އެއް ނިއުސް އެޖެންސީން، މައުލޫމާތު ހުރި ބައެއް ފަރާތްތަކާ ހަވާލާދީ ބުނި ގޮތުގައި، މިއީ ޓީއެމްއޭ ގަތުމަށް އެމެރިކާގެ ބެއިން ކެޕިޓަލްއިން ނެގި ލޯނެކެވެ. ލޯނު ދައްކަން ހުރަސްތައް ކުރިމަތިވީ ކޮވިޑް-19ގެ ސަބަބުން ޓޫރިޒަމް ދާއިރާ ހުއްޓި، އާމްދަނީ ލިބޭނެ މަގުތައް އެއާލައިންތަކަށް ބަންދުވުމުން ކަމަށް، ރޮއިޓާސް އިން ބުނެ އެވެ.
އިތުރު ދެ ކުންފުންޏަކާ ގުޅިގެން 2017 ގައި ބެއިން އިން ޓީއެމްއޭ ގަތީ 500 މިލިއަން ޑޮލަރު (7.7 ބިލިއަން ރުފިޔާ) އަށެވެ. ޓީއެމްއޭގެ ލޯނަކީ، އެ މުއާމަލާތް ހިންގަން ނެގި ލޯނެވެ.
ލޯނުގެ ކަންކަން ހަމަޖައްސަން އިންވެސްޓަރުން މި އޮގަސްޓް މަހުގެ ނިޔަލަށް ވަގުތު ދިން ކަމަށް ވެސް، ބައެއް ފަރާތްތަކުން ރޮއިޓާސް އަށް މައުލޫމާތު ދީފައިވެ އެވެ.
މާލީ ގޮތުން ކުރިމަތިވެފައިވާ މި މައްސަލާގައި ބެއިންގެ ފަރާތުން ވެސް އަދި ޓީއެމްއޭއިން ވެސް މީޑިއާއާ ވާހަކަ ދައްކާކަށް އަދި ބޭނުމެއް ނުވެ އެވެ.
ކޮވިޑް-19އާ އެކު ޓީއެމްއޭގެ ބޯޓުތައް އޮތީ ޕާކްކޮށްފަ އެވެ. އެހެންކަމުން އާމްދަނީ ލިބޭނެ އެއްވެސް ގޮތެއް، ރާއްޖޭގައި އެންމެ ފުޅާ ދާއިރާއެއްގައި ސީޕްލޭންގެ ހިދުމަތް ދެމުން އަންނަ އެއާލައިންއަށް ވެސް ނެތެވެ.
އިގުތިސާދީ ގޮތުން މި ބޮޑު ވެއްޓުން ކުރިމަތިވެފައި މި އޮތީ، ސީޕްލޭންގެ އާ ޓާމިނަލަށް ބަދަލުވުމުގެ މަސައްކަތް ވެސް ކުރަމުން ދަނިކޮށެވެ. އެމްއޭސީއެލުން ހޭދަކޮށްގެން އެންމެ ޒަމާނީ ފެންވަރަށް ހަދާފައިވާ އެ ޓާމިނަލް، ދިގު މުއްދަތަކަށް ޓީއެމްއޭއަށް ދޭން އުޅުމުން އުފެދުނު މައްސަލަތަކުގައި، ފިނޭންސް މިނިސްޓްރީން އަންގާފައި އޮތީ، މިހާރު ޓީއެމްއޭ އިން ބޭނުންކުރާ ޓާމިނަލްގެ ޖާގައާ އެއްވަރުގެ ޖާގައެއް އާ ޓާމިނަލުން، ކުރިއަށް އޮތް ދެ އަހަރަށް ދިނުމަށެވެ.
އެކަމަކު އާ ޓާމިނަލް ކުއްޔަށް ދޫކުރުމާ ބެހޭ އެއްބަސްވުމެއް އެމްއޭސީއެލުން އެއްވެސް އެއާލައިނަކާ އަދި ނުހަދަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙަބީބު
21 August 2020
ރިސޯޓު މުވައްޒަފުން ގުދުބިދެންދެން އެނދު ތަން މަތިއަޅާ މަގުކުނިކަހާ ގަސްއިންދާ ކާންދީ ބީޗުކަހާ ހަދީ މަ ދައުލަތް ކޮޅައް ޖެހިފަ އޮންނަނީ މިއަދު ކޮބާ އެ މީހުން ނިކަ މެތިވިދުވަހު ނުކެރުނު އެ މީހުންގެ ޕެންޝަންފަންޑުގަހުރި އެ މީހުންގެ ލާރިން %50 ދޭންވެސް
ސަންޕާޅޯ
20 August 2020
ހުސް އިންޑިއާ ރައްޔިތުން މަސައްކަތް ކުރާ ކުންފުންޏެއްތަ. އެމީހުން ގިނަ ކަމުން
ކަލޯގެ ޝިފާން
20 August 2020
ޕްލީޒް.ނިކަން އަވަހަށް ބަލާދީ ބަލަ މި ލޯނަށް ދިވެހިންގެ ނަމުގައި ސަރުކާރުން 'ސޮވެރިންގ ގަރަންޓީ' ދީފަވޭތޯ އާއި މިކަމުގައި ޒިއްމާވާން ޖެހޭ ބަޔަކީ ކޮބައިތޯ؟
ޙިނި
20 August 2020
ފާޑެއްގެ ޓާމިނަލް އަކާ އަޅައިގަނެގެން މަޖުލިސް އިން ދުވަސް ދުއްވާލި ކުނަފުންޏެއް
ބޮޑު މުހައްމަދު
20 August 2020
ގައުމެއްގަ އަމިއްލަ ވިޔަފާރިވެސް ގުޅިފަ އޮންނަނީ އެގައުމެއްގެ ސަރުކާރުގެ އިގްތިސާދީ ޕޮލިސީއާ. ކަމެއްކުރަން އެނގޭ ބައެއް ނޫން ވެރިކަމުގަ ތިބި. އާދަކޮށް މިދުވަސްކޮޅަކީ ޔޫރަޕްގެ ސަމާ ހޮލިޑޭސްވީމަ ރިސޯޓްތަކުގެ އޮކިޕެންސީ ހިފަހައްޓަނީ އޭޝިއާ މާކެޓުން. ޗައިނާގެ ގެސްޓުން ގެންނަން އެއާޕޯޓްގަ ފެސިލިޓީސް ގާއިމްކުރަން އުޅުނީމަ ދިއްލީގެ މައިސަރުކާރުން އެއޮތީ ހުއްޓުވާފަ. ޓީއެމްއޭގެ ވިޔަފާރި ގުޅިފަ އޮތީ ރިސޯޓް އޮކިއުޕެންސީއާ.
ޝޮކްތެރަޕީ
20 August 2020
ދިވެހިރާއްޖެއަ އެމްމެ ގިނައިން ޑޮލަރު ވަވައްދާ ތަނަކައް ވާނެ އެޔާޕޯޓް. މިތަން ޖިއެމްއާރު އަތުން ނާތުލިނަމަ ދިވެހިން އުޅެމުންދާނީ ވަރައް ދަތި އުދަގުލުގަ. ސީޕޯޓް އެޔާޕޯޓް މީ ވިއްކާކަހަލަ ތަންތަނެއްނުން.
އޮނަރަބްލް އަފީފު ދީދީ
20 August 2020
ޓީއެމްއޭގެ ޙިއްސާދާރުން މޯލްޑިވްސް އެއަރޕޯޓްސް ކަމްޕަނީއާއި، މޯލްޑިވިއަން އަދި ގޭން އިންޓަރނޭޝަނަލް އެއަރޕޯޓް ކަމްޕަނީގައި ތިބުމަކީ އިއްތިފާޤެއްނޫން. # އެމްއޭސީއެލް ގެ ބޯޑްގައި ޓީއެމްއޭގެ މަސްލަޙަތު ހުރިފަރާތްތައް ތިބެގެން "އެއަރޕޯޓް ސީޕްލޭން ޓާމިނަލް ގެ ކަންޓްރޯލް އޮންނާނީ ޓީއެމްއޭއަށް ކަމަށް ބުނެ" ޙަޤީގަތުގައި އެމީހުންގެ އަތުގައިނެތް ޙައްޤެއް އޮތްކަމަށް ދައްކައިގެން ބްލެކް ސްޓޯން އާއި ބެއިން ކުންފުންޏަށް ދީފައިވާ މައުލޫމާތަކީ ދޮގު މައުލޫމާތުކަށްވެކެވޭ.
ދަތްނެތްކުއްޖާ
20 August 2020
ކޮބާ މި ވެރިކަމުގެ ބްރޯ! އަވަހަށް ބްރޯ ގާތުގައި ބުނެގެން ތިޔަ ބުނާ ބެންކް އަކަށް މި ދަޢުލަތުން ބެންކް ގެރެންޓީ އެއް ދޭން އެދެން ފެނޭ! ބްރޯ އަށް ނޫނީ ތިކަމެއް ކުރެވޭނެ ވަޒީރަކު މި ކެބިނެޓުގައެއް ނުހުންނާނެކަން ޔަޤީން.
ޝޮކްތެރަޕީ
20 August 2020
ވެރިކަން ކުރަން ނޭގޭ ބަޔަކު ވެރިކަމާ ހަވާލުވީމަ ޤައުމުގެ މިނިވަންކަމާ ހަމަޖެހުން ނެތިގެންދޭ.
ހައްގުބަސް
20 August 2020
މިހާތަނަ އެހެން ޤައުމަކުން ނުދޭ ތަރައްގީއެއް ޗައިނާއިން ރައްޖެއަ އެހީވި. ޗައިނާޔާ ދުރައްޖެހި އިންޑިޔާގެ އަޅުވެތިކަމުގަ ހުރުމަކީ ގޯހެ. މިފެންނަނީ ޗައިނާކަހަލަ ޤައުމުތަކަ ދުރައް ޖެހުމުގެ ނަތީޖާ. ޓިއަރިސްޓުން އެއްގޮތަކައްވެސް ރައްޖެނާދެ ޗައިނާ މީހުން.