ޓާޓާ ފްލެޓްތައް ލިބުނު މީހުންނަށް އެޕާޓްމަންޓް ކަނޑައެޅުމަށް މިއަދު ގުރުއަތު ނަގަނީ. ފޮޓޯ: އެޗްޑީސީ
25 އޮކްޓޯބަރ 2016 - 20:48
4 comments
ޓާޓާ ފްލެޓްތަކަށް ހޮވުނު 266 މީހުންގެ ތެރެއިން 244 މީހެއްގެ މެދުގައި ފްލެޓްތައް ތަރުތީބުކުރަން ގުރު ނެގުން ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން މިއަދު ބާއްވައިފި އެވެ.
އެޗްޑީސީގެ އޮފިޝަލަކު ވިދާޅުވީ ފްލެޓްތަކަށް ހޮވުނު މީހުންގެ ތެރެއިން ގުރުއަތުލުމުގައި މިފަހަރު ބައިވެރިވީ ރަޖިސްޓްރީވި މީހުން ކަމަށާއި ބާކީ ތިބި މީހުންގެ މެދުގައި ވެސް ލިސްޓްގައިވާ ތަރުތީބުން ގުރުނެގުން ކުރިޔަށް ގެންދާނެ ކަމަށެވެ. އަދި ފްލެޓްތައް ތަރުތީބުކުރި ގޮތް އެޗްޑީސީގެ ވެބްސައިޓްގައި މިހާރު ވަނީ އާއްމުކޮށްފަ އެވެ.
އެ ކުންފުނީގެ އޮފިޝަލް ވިދާޅުވީ ގުރުއަތުލުމުގައި ބައިވެރިވި މީހުންނަށް އެވޯޑް ލެޓާ އަދި ފައިސާ ދެއްކޭނެ ގޮތްތައް ވަރަށް އަވަހަށް އަންގާނެ ކަމަށެވެ.
"ފައިސާ ދެއްކޭނެ ގޮތްތައް ހަމަޖެހިގެން އައުމުން އަޅުގަނޑުމެން ފްލެޓްތައް އެ ފަރާތްތަކާ ހަވާލުކުރާނަން. އަޅުގަނޑުމެން އެ ބޭފުޅުންނަށް ދޭނަން ފައިސާ ދައްކަން ތަފާތު އެކި އެކި އޮޕްޝަންތައް،" އޭނާ ވިދާޅުވި އެވެ.
ޓާޓާ ފްލެޓްތައް ލިބުނު މީހުންނަށް އެޕާޓްމަންޓް ކަނޑައެޅުމަށް މިއަދު ގުރުއަތު ނަގަނީ. ފޮޓޯ: އެޗްޑީސީ
އެޗްޑީސީގެ އޮފިޝަލް ވިދާޅުވީ ފްލެޓްތައް ލިބުނު މީހުންނަށް ދިގު މުއްދަތުން ފައިސާ ދައްކާ ހަލާސްކުރެވޭނެ އިންތިޒާމްތައް ބޭންކުތަކާއި އެޗްޑީއެފްސީ އަދި ޕެންޝަން ފަންޑުން ހަމަޖައްސައިދޭނެ ކަމަށެވެ. އަދި އެ ފައިސާ ދެއްކޭނެ ހާއްސަ އުސޫލުތަކެއް ހަމަޖައްސައިދެވޭތޯ މަސައްކަތްކުރަމުން އަންނަ ކަމަށް އެ އޮފިޝަލް ވިދާޅުވި އެވެ.
ކުރީގެ ގާކޮށްޓާއި އަރަބިއްޔާ ހުރި ބިމުގައި އަޅާފައިވާ ފްލެޓްތައް ލިބޭ މީހުންގެ ތެރެއިން 147 މީހެއްގެ މެދުގައި ގުރުއަތު ނެގުމުގެ ކަންތައް މި މަހު ހަވަނަ ދުވަހު ކުރިއަށް ގެންދަން އުޅެނިކޮށް އެކަން ފަސްކުރީ ގެޒެޓްކުރި ލިސްޓާއި ގުރުއަތު ނަގާ ލިސްޓުގައި ތަފާތުތަކެއް ހުރުމުންނެވެ. އެ މައްސަލައާ ގުޅިގެން އޭސީސީން ވަނީ ފްލެޓްތައް ލިބޭނެކަން ކުރިން ޔަގީންވެ، ގެޒެޓްގައި ނަން ހިމަނާފައިވާ އެންމެންގެ މެދުގައި ގުރު ނަގަން ޖެހޭނެ ކަމަށް އަންގައިފަ އެވެ.
ޓާޓާ ފްލެޓްތައް ލިބުނު މީހުންނަށް އެޕާޓްމަންޓް ކަނޑައެޅުމަށް މިއަދު ގުރުއަތު ނަގަނީ
ވެށިފަހި މާލޭ މަޝްރޫއުގެ ދަށުން، ގާކޮށްޓާއި އަރަބިއްޔާ ހުރި ބިމުގައި އަޅާފައިވާ ފްލެޓްތައް ލިބޭ 266 ފަރާތެއްގެ ނަން ހިމެނޭ ލިސްޓް ތިން އަހަރު ކުރިން ވަނީ ގެޒެޓްކޮށްފަ އެވެ.
މި އަހަރުގެ މާޗް މަހުމި ފްލެޓްތައް ނިމިފައި ވިޔަސް ފްލެޓް ހަވާލުކުރުން ލަސްވީ އެތަނުގެ މަސައްކަތް ކުރި އެޕެކްސް ރިއަލިޓީ ކުންފުންޏަށް ސަރުކާރުން ދޭން ޖެހޭ 277 މިލިއަން ރުފިޔާ ނުދެއްކި ލަސްވުމުންނެވެ. އެކަމަކު މިހާރު ވަނީ އެ ފައިސާ ދައްކައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މިރައީސް
27 October 2016
އެމްޑީޕީ ސަރުކާރުން ފެއްޓެވި އެތައްކަމެއްގެ ފޮނިމީރުކަން އަދިކިރިޔާ ތިޔަލިބެންފެށީ ހދ އަތޮޅުގަ ޔާމިނު ހުޅުވައި ދެއްވި 4 ބަނދަރަކީ ޓެކްސްގެ ފައިސާއިން ކޮއްދެއްވި ކަމެއް ކުޅުދުއްފުށި އެއާޕޯޓުވެސް އަޅަނީ ދައުލަތުގެ ފައިސާއިން 24 މިލިޔަން ޑޮލަރު ހަރަދު ކޮއްގެން ވީމާ ޔާމިނު ކޮންމެ ވާހަކަޔެއް ދެއްކިޔަސްމީހަގީގަތަކީ މިހުރިހާ ދުވަހު ތިޔަބުނާ ރަން 30 އަހަރު ނުވިކަމެއް ޔާމިނުގެ 3 އަހަރުން ވުމަކީ އެއްވެސް ސިކުނޑިޔަކައް ގަބޫލު ކުރެވޭނެ ކަމެއްނޫން މިކަމުގެ އަސްލު މޭސްތިރިޔަކީ ނަސީދު ނަޝީދުގެ ވެރިކަން ދުވަހަކުވެސް ޔާމިނައް ފަހާދުވެ އަތުނުލެވޭނެތީ ބަގާވާތްކުރީ އެއީ ހަގީގަތަކީ
ޚިޔާލް123
26 October 2016
މިފުލެޓް ތަކަކީވެސް އެއްވެސް ކަމެއް ނުކުރެވޭ 3 އަހަރުގައި އުފެއްދި އުފެއްދުމެކެވެ. ހަމަ އެއްކަލަ ފުލެޓް ދޮންބެގެ އުފެއްދުމެކެވެ. ސުކުރިއްޔާ ފުލެޓް ދެންބޭ، ފުލެޓް ލިބުނު އެއްމެހައި ރައްޔިތުންނަށް ސުކުރިއްޔާ،
ސައްހާފް
26 October 2016
ފުލެޓްދޮންބެ (ރައީސް ނަޝީދު) ދިވެހިންގެ ބޯހިޔާވަހިކަން ގެނެސްދެއްވުމަށްޓަކާ ތިޔަކުރެއްވި ބުރަމަސައްކަތަށް ހިތުގެ ފުންމިނުން ސުކުރު ދަންނަވަން !
ޔާމީން
25 October 2016
ސުކުރިއްޔާ ރައީސް ނަސީދު (ފުލެޓް ދޮންބެ)