ރާއްޖޭގެ ބޯޑަރު އަލުން ހުޅުވުމާ ގުޅިގެން އައި ފުރަތަމަ ބޯޓުން ރާއްޖެ އައި ޓޫރިސްޓުންތަކެއް އެއާޕޯޓުގައި-- ފޮޓޯ: ނިޝާން އަލީ/މިހާރު
02 ސެޕްޓެމްބަރ 2020 - 19:56
6 comments
ބޯޑަރު އަލުން ހުޅުވިތާ ދޮޅު މަސް ދުވަސްތެރޭ ރާއްޖެ އައީ 9،329 ޓޫރިސްޓުން ކަމަށް އިމިގްރޭޝަނުން ބުނެފި އެވެ.
އިމިގްރޭޝަނުން މިއަދު ނެރުނު ތަފާސް ހިސާބުތައް ދައްކާގޮތުން މިދިޔަ މަހު ރާއްޖެ އައިސްފައި ވަނީ 7،628 ޓޫރިސްޓުންނެވެ. އަދި ޖުލައި 15 އިން ޖުލައި 31 އަށް ރާއްޖެ އައީ 1،701 ޓޫރިސްޓުންނެވެ.ޖުލައި މަހު ރާއްޖެ އައިސްފައި ވަނީ އެވްރެޖްކޮށް ދުވާލަކު 100 ޓޫރިސްޓުންނެވެ. ނަމަވެސް އޮގަސްޓު މަހު ދުވާލަކު އެވްރެޖްކޮށް 218 ޓޫރިސްޓުން އައިސްފައިވެ އެވެ.
ތަފާސްހިސާބުތައް ދައްކާގޮތުން މިހާތަނަށް އެންމެ ގިނަ ޓޫރިސްޓުން އައިސްފައި ވަނީ ޔުއޭއީންނެވެ. އެއީ 1،627 ޓޫރިސްޓުންނެވެ. އެއީ ރާއްޖެ އަށް އެންމެ ފުރަތަމަ ޕެސެންޖާ ދަތުރުތައް އަލުން ފެށި ގައުމު ވެސް މެ އެވެ. އެމިރޭޓްސްގެ ދަތުރުތައް ފަށާފައި ވަނީ ކޮވިޑް-19 އަށް ފަހު ބޯޑަރު ހުޅުވުމާ އެކު ޖުލައި 15 ގަ އެވެ.
ދެވަނަ އަށް އެންމެ ގިނަ ޓޫރިސްޓުން އައީ ޔޫކޭއިންނެވެ. އެއީ 715 ޓޫރިސްޓުންނެވެ. ޔޫކޭ އިން އަންނަ ޓޫރިސްޓުންގެ އަދަދު ދަށްވެފައި ވަނީ އެ ގައުމުން ދަތުރުފަތުރުގެ ލުއި ދޭ ލިސްޓުގައި ރާއްޖެ ނުހިމެނުމުގެ ސަބަބުން ކަމަށް ކަމާ ބެހޭ ފަރާތްތަކުން ވަނީ ބުނެފަ އެވެ. އަދި އެކަން ހައްލުކޮށް އެ ގައުމުން ހޫނު މޫސުމުގައި ރާއްޖެ އަންނަ ޓޫރިސްޓުން އިތުރު ކުރުމަށް އެމްއެމްޕީއާރުސީން އަންނަނީ މަސައްކަތް ކުރަމުންނެވެ.
ރާއްޖެ އަށް ޓޫރިސްޓުން އައި އެހެން ގައުމުތަކުގެ ތެރޭގައި އެމެރިކާ، ސްޕެއިން. ރަޝިއާ އަދި ޖަރުމަން ހިމެނެ އެވެ.
ރާއްޖެއަކީ ޓޫރިސްޓުންނަށް ރައްކާތެރި ގައުމެއްކަން ޔަގީން ކޮށްދިނުމުގެ ގޮތުން ރާއްޖެ އަންނަ ކޮންމެ ޓޫރިސްޓެއްގެ ވެސް ނެގެޓިވް ޕީސީއާރު ޓެސްޓެއް އޮތުން މިހާރު ވަނީ މަޖުބޫރު ކޮށްފަ އެވެ. އަދި ލޯކަލް ޓޫރިޒަމް ހުޅުވާލުމުގެ ގޮތުން އަންނަ މަހުގެ 15 ގައި މާލެ ސަރަހައްދު ފިޔަވައި އެހެން ހިސާބުތަކުގެ ގެސްޓް ހައުސްތައް ވެސް ހުޅުވަން ސަރުކާރުން ވަނީ ނިންމައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮނަރަބްލް އަފީފު ދީދީ
03 September 2020
ދިވެހިރާއްޖެ އަންނަ "ފަތުރުވެރިން" ގުނުމުގައި ދައުލަތުގެ އެކިއެކި މުއައްސަސާ ތަކުން ދެއްވާ އަދަދު ތަކާއި އެއަދަދު ތަކަށް ދައުލަތަށް ލިބޭންޖެހޭ އާމްދަނީ ތަކާއި އިންތިހާއަށް ބޮޑު ފަރަޤުތައް ހުންނަނީ ކީއްވެ؟ # އިމިޤްރޭޝަނުން ގުނާ "ފަތުރުވެރިންނާއި" ޓްއަރިޒެމް މިނިސްޓްރީގެ "ފަތުރުވެރިންނާއި" ޓެކްސް އޮފީހުގެ އެޖުމްލަ ތަކުގެ އިތުރުން މަރުކަޒީ ބޭންކްގެ ހިސާބު ތަކާއި މިދެންނެވި ހުރިހާ މުއައްސަސާތަކުގައިވެސް "ފަތުރުވެރިން" ގެ ޙަޤީގީ އަދަދު ސާފު ނުވާކަން ފާހަގަކުރެވޭ.
ކޮލަމާފުށި
02 September 2020
މަސްވެރިކަމުގެ ސިނާއަތް ވަރުގަދަކޮށް ފުޅާކުރަންވީ...މިހާރުވެސް ﷲ ގެ ރަޙްމަތްފުޅުން މަސްވެރިކަން ކުރެވެމުންދާތީ ރައްޔިތންގެ ތެރެއިން ގިނަބަޔަކަށް މިހާލަތުގައި އޭގެ ގިނަފައިދާތަކެއް އެބަކުރޭ..
ގައިސް1
02 September 2020
ކޮމްމެވެސް މީހަކުގޮސް ނިދިކުރައްވާފަ ތިއްބެވި މަޓީ އާ ދިވެހި ވިޔަފާރިވެރިންގެ ޖަމިޔާ ގެ މެންބަރުންނައް ގޮވާ ހޭލައްވަބަލަ. ބުނޭ ކޮވިޑް19 ކިޔާ ބައްޔެއް ރާއްޖެއިން ފެނިގެން ވިޔަފާރިތައް ފުންޑިއްޖެޔޭ.
ޙިނި
02 September 2020
އަސްލު ނޭންގޭ ކިތައް އަހަރު ނަގާނެކަމެއް ވެސް ޓުވަރިޒަމް ރިކަވާ ވާން. އަހަރުމެން ވިސްނުމައް ވެސް ނާންނނަކަމެއް މީ މުޅި ބިލިލަންޑޮލަރުގެ މި އިންޑަސްޓުރީ ކޮލެޕްސް ވާނެކަމައް. އެކަމު މީ ދުނިޔޭގަ ކޮންމެ 10 އަހަރަކުން 50 އަހަރަކުން ވާ ކަންކަން، އެންމެ ގާތުން ފެންނަން އޮތީ ޑުބާއީ 2009 ގެ ރިސެރަން. ދިވެހިން ގާފިލުކަން މަތީ ތިބެއްޖެޔާ ގުރީސް އިން ރައްތައް ވިއްކިގޮތައް މިރާއްޖެވެސް ޖެހޭނީ ބޭރުމީހުނައް ގައުމުގެ ރައްތައް ވިއްކަން.
ރަދީފު ބިން ރަފައިދާ
02 September 2020
މީގެ ފަހުން ޓޫރިޒަމަށް ފަޅުރަށްތައް ދޫކުުރުން މުޅިން ހުއްޓާލަންވީ. ދެން އެތަންތަން ދަނޑުވެރިކަމަށް ދޫކުާންވީ. މިކަހަލަ މުސީބާތެއް ޖެހުނީމާ މިއެނގިގެންދަނީ ކާނާގެ އަމިއްލަ ފުދުންތެރިކަންނެތީމާ ގަންނަ ބިރު.
ޢަހުމަދ
02 September 2020
ރާއްޖެ އަށް އެންމެ ފުރަތަމަ ޕެސެންޖާ ދަތުރުތައް އަލުން ފެށި ގައުމަކީ ގަތަރް. ޔުއޭއީން ނޫނެވެ.