އިދިކޮޅު އިއްތިހާދުގެ ޕްރެސް ކޮންފަރެންސް ކުރިއަށް ދަނީ. -- ޓްވިޓާ ފޮޓޯ: މޫސާ އަންވަރު
01 ޖޫން 2016 - 19:09
10 comments
މާކުރިން ފިލްމު ފެނިއްޖެ ކަމަށާއި އެ ފިލްމު ނިމޭ ގޮތް ވެސް އެނގޭ ކަމަށް ވިދާޅުވެ ހޯމް މިނިސްޓަރު އުމަރު ނަސީރު މިއަދު އިދިކޮޅު ކޯލިޝަނަށް ފާޑު ވިދާޅުވެއްޖެ އެވެ.
ކުރީގެ ނައިބު ރައީސް ޑރ. މުހައްމަދު ޖަމީލް އަހުމަދު އިސްވެ ހުންނަވައިގެން މިއަދު އިއުލާނު ކުރެއްވި "މޯލްޑިވްސް ޔުނައިޓެޑް އޮޕޮޒިޝަން" އަށް ހޯމް މިނިސްޓަރު ފާޑު ވިދާޅުވި އިރު އެ ކޯލިޝަނުން ވަނީ ރައީސްކަމުން އަބްދުﷲ ޔާމީން ދުރުކުރުމުގެ މަސައްކަތް ފަށައިފަ އެވެ.
މި އިއްތިހާދުގައި ކުރީގެ ނައިބު ރައީސް އަހުމަދު އަދީބާއި އަދާލަތު ޕާޓީގެ ރައީސް އިމްރާން އަބްދުﷲ އާއި ކުރީގެ ޑިފެންސް މިނިސްޓަރު އަހުމަދު ނާޒިމްގެ ފަރާތްޕުޅުން ވެސް ބޭފުޅުން ބައިވެރިވަޑައިގެންނެވި އެވެ. މި އިއްތިހާދުން ފެންނަ ގިނަ ބޭފުޅުންނަކީ މި ސަރުކާރާއެކު ކޯލިޝަން ހަދައި އަދި ސިޔާސީ އެކި މަގާމުތައް ވެސް ފުރުއްވާފައިވާ ބޭފުޅުންކަން ވެސް ފާހަގަކުރެވެ އެވެ.
އިދިކޮޅު އިއްތިހާދުން ހިޔަނި ކެބިނެޓެއް ވެސް ވަނީ މިއަދު އެކުލަވާލައިފަ އެވެ. އޭގެ ތެރޭގައި ކުރީގެ ރައީސް މުހައްމަދު ނަޝީދާއި މިސަރުކާރުގައި ވެސް ވަޒީރުކަން ކުރެއްވި ބޭފުޅުން ހިމެނެ އެވެ. ޖަލު ހުކުމް ތަންފީޒުކުރައްވަމުން އަންނަ ތިން ބޭފުޅުން ކަމަށްވާ، ނަޝީދާއި އިމްރާން އަދި ނާޒިމް ހިމެނިވަޑައިގަންނަވަނީ ކެބިނެޓަށް ލަފާދެއްވާ ބޭފުޅުންގެ ތެރޭގަ އެވެ.
އިއްތިހާދު ލޯންޗުކުރަން ބޭއްވި ރަސްމިއްޔާތުގައި، ޓެރަރިޒަމްގެ ކުށުގައި ޖަލު ހުކުމެއް ތަންފީޒުކުރައްވަމުން ގެންދިއުމަށް ފަހު މިދިޔަ ޖެނުއަރީ މަހު ބޭސްފަރުވާއަށް އިނގިރޭސިވިލާތަށް ވަޑައިގެން އެ ގައުމުގެ ހިމާޔަތް ހޯއްދަވާފައވާ ނަޝީދު ވިދާޅުވީ 2008 ވަނަ އަހަރު ވެސް ކޯލިޝަނެއް އުފެއްދި ކަމަށާއި ނަމަވެސް މިފަހަރު އިދިކޮޅު އެކުވެރި އިއްތިހާދު ނިކުންނަނީ ގައުމަށްޓަކައި ކަމަށެވެ.
އިދިކޮޅު ފަރާތްތަކުން އިއްތިހާދެއް އުފެއްދިޔަސް ސަރުކާރުން ބުނަނީ އެކަމުގެ ސަބަބުން އަންނާނެ ގޮންޖެހުމެއް ނެތް ކަމަށެވެ. ޑިމޮކްރަސީއެއްގައި ސިޔާސީ އެފަދަ ހަރަކާތްތައް ކުރިއަށް ގެންދާނެ ކަމަށާއި ވެރިކަންކުރާ ޕާޓީގެ ވަރުގަދަ ސަރުކާރެއް ގާއިމްވެފައި އޮތްއިރު އިދިކޮޅު ފަރާތްތަކުން އެއްގަލަކަށް އެރުމަކީ ޑިމޮކްރަސީގައި ފެންނަ ކަމެއް ކަމަށް ފޮރިން މިނިސްޓްރީގައި މިއަދު ބޭއްވި ނޫސްވެރިންގެ ބައްދަލުވުމުގައި މިނިސްޓަރު ދުންޔާ މައުމޫން ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގާހިރު
02 June 2016
އުމަރު ވިދާޅުވާހެން ތިޔަ ތަނުގައި ގަޓުހުރި އެއްވެސް މީހަކު މިހާރަކު ނެތް. ކެތި އޮށްސިފަ ތިބި ބަޔަކު ތިޔަ ތަނުގައި ތިބީ. ޖަމީލަކީ ޔާމީނަށްވުރެންވެސް ސަތޭކަ ޕަސެންޓް ފޮނި ބޮޑާ ކިބުރުވެރި މީހެއް. ރައްޔިތުން ބަލައިގަންނަ މީހެއް ނޫން. ރައީސް ނަޝީދަށްވެސް އެނގި ވަޑައިގެންފި އެމަނިކުފާނުގެ ތަރި މެދު އުޑުން އޮއްސިއްޖެކަން. އެހެންވެ ގައުމު ކޮންމެވެސް ގޮތަކުން ހަލަބޮލި ކޮށްލެވޭތޯ މި ފޭލަރުން މެދުވެރިކޮށް މަސައްކަތްތަކެއް ކުރަމަށް ނިންމީ. ތިޔަ އިއްތިހާދުގެ ބޭފުޅުންނަކަށް މިހާޜު މިޤައުމުގެ ގިނަ ރައްޔިތުންގެ ރުހުމެއް ނެތް . މާޒީވެ ދިޔަ 40 އަހަރު ރާއްޖެއަށް ނުލިބޭ ޢުމްރާނީ ތަަރައްޤީ މި 2 އަހަރު ޔާމީން ވަނީ ހޯއްދަވާ ދެއްވާފައި. ދެން ގިނަ ރައްޔިތުން މިހާރު ބޭނުމެއް ނުވޭ މިދާ ތަރައްޤީގެ ހަލުވި ސްޕީޓް މަޑު ޖައްސާލާކަށް.
ވާންވީ
02 June 2016
ޕީޕީއެމްގެ ސަރުކާރުގައި ތިބި ޓައިޓޭނިއަމް ޕްލޭޓެޑް ހުރިހާ މީހުން ވެސް މިހާރު އެބަޖެހޭ މީޑިއާ ތަކުގެ ފްރަންޓް ލައިނަށް ނިކުމެ ޕީޕީއެމްގެ ސަރުކާރު ދިފާއު ކުރަން. އެއްގޮތަކަށް ވެސް އެހެން ސައިލެންޓް ކޮށް ތިބެގެން ނުވާނެއެވެ. އިދިކޮޅު ހަރަކާތް ތަކަށް ޕީޕީއެމް ސަރުކާރުގައި ކުރިއެރުން ލިބިގެން ނުވާނެއެވެ. އެކަން ޖެހޭނެ ކަށަވަރުވާން. މީގައި މިނޫން އިތުރު އެއްވެސް ޗޮއިސް އެއްވެސް އޮވެގެން ނުވާނެއެވެ. އަދި އިތުރު އެއްވެސް އެކްސްކިއުޒެއް ވެސް އޮވެގެން ނުވާނެއެވެ. މިކަން މިމަގުން ހިނގަން ޖެހޭނެއެެެވެ.
އަންކަލޯ
02 June 2016
ކުރިން ނިކުތީ ގައމަކަށްނޫންދޯ! މުދާ ގަނޑަކަށްތަ
އަލްޖިބްރާ
02 June 2016
އުމަރު ނަސީރަކީ ކުރިއަށް ވާންހުރިކަންތައް އެގޭމީހެއްތަ ؟ އެހެންވެޖިއްޔާ ނަޝީދު ބޭސްފަރުވާއަށް ރާއްޖޭން ބޭރަށް ފޮނުވާކަށް ނުޖެހެ އޭ ކިޔާފަ ފޮނުވީ ކީއްވެތަ ؟
ވިސްނާލީމާ
02 June 2016
ނިމޭގޮތް އެނގެންޏާ ވިދާޅުވެދެއްވާ! ފަހުތަޅާލުން ކިހިނެއްވަނީ! އެންމެ ފަހުވަގުތު ތަޅާލުމެއް އާދޭތަ؟ އެހެންކަމަށްވާނަމަ އަހަރެމެން ތިޔަފިލްމުގެ ފަހުބައި ބަލާކަށް ބޭނުމެއްނޫން! -އިބްރާހީމް-
މުހައްމަދު
02 June 2016
އަދީބު ނެތް ދަނޑިވަޅުބަލާފައި އަދީބުގެ އަބިގޮއްޔެ ލަންޑަނަށް ގެންދަވައިގެން ޖަމީލު ރިޔާސަތުގައި އިންނަވައިގެން މަޚުރަޖަށް ނިންވަނީ ދޮއްތޯއެވެ.
ޒަބީބު
02 June 2016
މިގައުމު ސަލާމަތްކުރެވޭނީ އިސްލާމް ދީނުގެ އުސޫލުތައް މިގައުމަށް ގެނަސްގެންނެވެ. ދީނަށް ލޯބިކުރާ އަމިއްލަ އެދުން ނެތްބަޔަކު ވެރިކަމާ ހަވާލުވެގެންނެވެ.
ޭަެެއެލެކް
02 June 2016
އެއީތެދެއް - ފިލްމު ނިންމަން ބޭނުންވާނީ 15ފޫޓުގެ 2ހަރުގނޑު
ސަުދާ
01 June 2016
ތިމީހުން ބުނެގެން މުޒާހަރާއަށް ގޮސްގެން މަގޭ ފިރިމީހާއަށް އެވަނީ ބޮޑު ޙުކުމެއް ކޮށްފައި. އަހަރެމެންނާ އަޅާލަނީ ކާކު؟
Asidays
01 June 2016
ފިލާތިބެގެން މިކިޔަނީ އެހެން މީހުން ކައިރީގަ މަގުމަށްޗަށް ނިކުންނާށޭ