ކަވަރުގެ ކުލަ ބަދަލުކޮށްލެވޭ ފޯނެއް ވީވޯ އިން ހަދަނީ

އަހުމަދު އަދްޝަން، މިހާރު

06 ސެޕްޓެމްބަރ 2020 - 07:26

ކޮންމެ އާ ސްމާޓް ފޯނަކީ ކޮންމެވެސް ބަދަލަކާ އެކު ނެރޭ އެއްޗެކެވެ. މިކަމުގައި ފޯނު ނެރޭ ކުންފުނިތަކުގެ މެދުގައި އޮންނަ ވާދަވެރިކަން ވެސް ބޮޑެވެ. ޗައިނާގެ ވީވޯ އިން މިހާރު އަންނަނީ އެ ކުންފުނީގެ ފޯނަށް އާ ބަދަލެއް ގެންނަން ތައްޔާރުވަމުންނެވެ.

މިކަމާ ބެހޭ ގޮތުން މީޑިއާތަކުގައި ވެސް ބައެއް ވާހަކަތައް ދެކެވެމުން އަންނަ އިރު، އެ ބުނާ ބަދަލެއް ފެންނަ ވީޑިއޯތަކެއް ވެސް ވަނީ އާންމުވެފަ އެވެ. އޭގައި ފެންނަނީ ފޯނުގެ ފަހަތު ކަވަރު އެކި ކުލަ އަށް ބަދަލުވާ ތަނެވެ. މިއީ ފޯނުގެ ބަޓަނަކަށް ފިތައިލުމުން ވާ ކަމެކެވެ.

A mobile phone brand is developing a mobile phone with a discoloration rear case, which can adjust the speed of discoloration. Maybe the smart phone will only have one color in the future: discoloration pic.twitter.com/kSg5NSD0tL
— Ice universe (@UniverseIce) September 3, 2020

މި ވާހަކަ މީޑިއާތަކަށް ތިލަވުމާ އެކު ވީވޯ އިން ވަނީ ކަވަރުގެ ކުލަ ބަދަލުވާ ގޮތަށް އެންޑްރޮއިޑް ފޯނެއް ނެރެން އުޅޭކަން ކަށަވަރު ކޮށްދީފަ އެވެ. އެ މަސައްކަތް މިހާރު ކުރިއަށްދާ އިރު، ފޯނު ނެރޭނެ އިރަކާއި އޭގެ ނަމާއި އިތުރު އެއްވެސް ތަފުސީލެއް އަދި ހިއްސާއެއްނުކުރެ އެވެ.

މީޑިއާތަކުން ވަނީ މާ ލަސްތަކެއް ނުވެ މި ފޯނާ ބެހޭ މައުލޫމާތު ވީވޯ އިން ހިއްސާކުރާނެ ކަމަށް ބުނެފަ އެވެ. ރިޕޯޓްތައް ބުނާގޮތުން ކުލަ ބަދަލުވާ ގޮތަށް ވީވޯ އިން ފޯނެއް ހަދަނީ އިލެކްޓްރޮކްރޯމިކް ގްލާސް ބޭނުންކޮށްގެންނެވެ.

ވީޑިއޯ އިން ފެންނަ ގޮތުގައި މި ފޯނު ވައްތަރީ މިދިޔަ ޖުލައި މަހުގެ ތެރޭގައި އެ ކުންފުނިން ނެރުނު އެކްސް ވީވޯ އެކްސް50އާ އެވެ.