ފެން ރައްކާ ކުރުމަށް އިތުރު ދެ ތާނގީ ބެހެއްޓުމުގެ މަޝްރޫއު އެމްޑަބްލިއުއެސްސީގެ އެމްޑީ ޝާހު ފައްޓަވައިދެއްވަނީ-- ފޮޓޯ: އެމްޑަބްލިއުއެސްސީ
07 ސެޕްޓެމްބަރ 2020 - 18:55
15 comments
"ވޯޓާ ސެކިއުރިޓީ ޕްލޭން" ގެ ދަށުން ފެން ރައްކާކުރުމަށް މާލޭގައި އިތުރު ދެ ތާނގީ ބެހެއްޓުމުގެ މަސައްކަތް އެމްޑަބްލިއުއެސްސީން ފަށައިފި އެވެ.
މި މަސައްކަތް މިއަދު ރަސްމީކޮށް ފައްޓަވައި ދެއްވީ އެ ކުންފުނީގެ މެނޭޖިން ޑިރެކްޓަރު ހަސަން ޝާހު އާއި ކުންފުނީގެ އިސްވެރިންނެވެ.
މި ދެ ތާނގީ ބަހައްޓަނީ ކުރިން އެސްޓީއޯގެ ރެޑީ މިކްސް ކޮންކްރީޓު މަސައްކަތް ކުރަމުން އައި މާލޭގެ 378 ނަމްބަރު ކޮށީގަ އެވެ. މި މަޝްރޫއުގެ ދަށުން، ދެ ތާނގީގެ އިތުރުން ފެން ފޯރުކޮށްދިނުމަށްޓަކައި ޕަމްޕް ރޫމެއް ވެސް ގާއިމު ކުރާނެ ކަމަށް އެމްޑަބްލިއުއެސްސީން ބުންޏެވެ.
ފެން ރައްކާ ކުރުމަށް އިތުރު ދެ ތާނގީ ބެހެއްޓުމުގެ މަޝްރޫއު ފެށުމުގެ ރަސްމިއްތާތުގައި އެމްޑަބްލިއުއެސްސީގެ އެމްޑީ (މ) އާއި އެ ކުންފުނީގެ އިސްވެރިން ބައިވެރިވަނީ-- ފޮޓޯ: އެމްޑަބްލިއުއެސްސީ
އެ ކުންފުނިން ބުނިގޮތުގައި މި މަޝްރޫއުގެ ސަބަބުން ފެން ރައްކާކުރެވޭ މިންވަރު އިތުރުކޮށް، މެދުކެނޑުމެއް ނެތި، ދެމެހެއްޓެނިވި ގޮތެއްގައި ރައްކާތެރި ސާފު ބޯފެން ފޯރުކޮށްދެވޭނެ އެވެ. ކޮންމެ ތާނގީއެއްގައި 13،648 ކިއުބިކް މީޓަރުގެ ފެން ރައްކާ ކުރެވޭއިރު ކުރިން ހުރި ތާނގީތަކާ އެކު، ޖުމުލަ 50،296 ކިއުބިކް މީޓަރުގެ ފެން ރައްކާ ކުރެވޭނެ އެވެ.
އަންނަ އަހަރުގެ ނިޔަލަށް ނިންމުމަށް ތާވަލު ކޮށްފައިވާ މި މަޝްރޫއަށް 82 މިލިއަން ރުފިޔާ ހަރަދުވާނެ ކަމަށް އެމްޑަބްލިއުއެސްސީން ލަފާކުރެ އެވެ.
މާލޭގެ ސަރަހައްދުގެ ވޯޓާ ސެކިއުރިޓީ ޕްލޭންގެ ދަށުން، އެމްޑަބްލިއުއެސްސީން ފެން އުފެއްދުން ޑީސެންޓްރަލައިޒްކޮށް، މާލޭގެ ދެ ސަރަހައްދެއްގައި ފެން އުފައްދާ މަރުކަޒުތައް ވަނީ ގާއިމްކޮށްފަ އެވެ. ސިނަމާލެ ބުރިޖު މެދުވެރިކޮށް، އެ ކުންފުނިން އަޅާފައިވާ ފެނުގެ ވިއުގަ ގުޅުވައިލުމުގެ މަސައްކަތް ވެސް މިހާރު ކުރިއަށް އެބަގެންދެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުރޭ
08 September 2020
ތިތާގާ ފެންތާގި އެޅުމަށްވުރެ ތިތަން ސަހަރާއަށް އިތުރުކުރުން މާރަނގަޅުވާނެ
މުދިމު ކަތީބު
08 September 2020
އެއްކޮޅުން މާލޭގައި ފެންރައްކާ ކުރާ 2 ތާންގީ އަޅަނީ އަނެއްކޮޅުން އިސްލާމީ މަރުކަޒުގައި ހުރި 180 ޓަނުގެ ފެނުގެ ރިޒާވް ޓޭންކާ 850 ޓަނުގެ 6 މަސްދުވަހުގެ ރިޒާވް ތާންގީ ތަޅާ ބިމާ ހަމަކޮށް 300 ރުފިޔާ ގެ ދަނގަނޑަށް ކިރާ ވިއްކާލައިފި.....ފެނަށް ޖެހިއްޖެނަމަ އިސްލާމީ މަރުކަޒުގައި ވުލޫ ކުރެވޭނެ ގޮތެއްނެތް..... ނޫސްވެރިން މިކަން ބަލަން ޖެހޭ ..
ރަދީފްއޮފިޝިއަލް
08 September 2020
300 ރުފިޔާއަށް ތަ؟ ބައެއް ކަނބަލުންގެ ބޮލުގަ ހުރި ޓިސްދަތިތައް ކިރާލައިގެން ވެސް 100 ރުފިޔާ ހޯދޭނެ.
ރަދީފްއޮފިޝިއަލް
08 September 2020
ކޮންޓްރެކްޓަރަކީ ކޮންބައެއް؟
12134
08 September 2020
އިދިކޮޅު މީހުން ގޮވަނީ ކަމެއްނުވާ ވާހަކަ ؟ ކިހެނެއްމިވަނީ ؟
ރަދީފްއޮފިޝިއަލް
08 September 2020
''ކަމެއް'' މިބަސް މަނިކްފާނު މާނަކުރައްވާގޮތާ އެހެން މީހުން ދެކޭގޮތް އަދި ހަނި ފުޅާ މިން އެއީ ތިޔަކަމުގަ ވިސްނާލަންޖެހޭ މިންގަނޑެއްކަމުގަ ދެކެން.މާލޭގެ ބައެއް މަގުތަކުގަ މައުމޫންގެ ވެރިކަމުގަ އަޅާފަހުރި ބައެއްގާތައް ނަގައި ވެލިގަނޑުއެއްވަރުކޮށް އަލުން އޮނަވިހި ވަރަކަށް ގާ އަތުރާތަންވެސް އަހަރެން ދެކެން.އެވެސް ކަމެއްކަމުގަ މަނިކްފާނު ދެކޭނަމަ އެއީ ކަމެއް.އޮފީސް ހުޅުވާ ލެއްޕުން އެވެސް ކަމެކޭ ބުނެވިދާނެ.ގައިމު ގޮނޑި ހޫނުވާނެ.ވ.ވެދުން
އަޙްމަދު ޝަފީޤު
08 September 2020
މިތަން ހުސްކުރީ ކޯޓް ކޮމްޕްލެކްސް އެއް އަޅަން، ތާނގީތަށް އަޅާ ނިމުމުން އަނެއްކާ މިތަން ކޯޓްތައް ޢިމާރާތްކުރަން ތަން ހުސްނުކުރާނެތަ؟
ޖަރީ
08 September 2020
ވަރަށް ކައިރި ކަމެއް. %99 ޔަގީން
ޖަރީ
08 September 2020
އަދި ފަހުން ކޮންމެވެސް ބަޔަކަށް ބޮޑު ބަދަލެއް ދޭން ވާނެ
ުވައިސޫރި
08 September 2020
ފެނުގެ ރިޒާވް ބޮޑުވާވަރަކައް އަންނަބިލުވެސް ވަނީބޮޑު ވީމާ ލާރިލިބުން ދަތިކަމުން ބިލްދެއްކުމައްވެސް ދަތިތަކެއްއެބަހުރި
ޙަބީބު
07 September 2020
ޔާމިނުގެ ދުރުވި ސްނުމާ ގާބިލުކަމުން ރާއްޖެ ވަނީ ބޮޑު އިންގިލާބީ ތަރައްގީ ދެކެފަ ނަމަވެ ސް މިހާރު މިވަނީ ބާރު ދުވެލި ހުއްޓި ތަރައްގީ އިނދަޖެހި ޑޮލަރެއް 20 ރުފިޔާ އައް އުފުލިފަ
ޢަލީހާން
07 September 2020
ފެން އަގުހެޔޮ ވާނެ؟
ދޮންވެލި
07 September 2020
ސްޓެލްކޯ އާ އެމްޑަބްލިޔު އެސްސީ މާލެ ހިސޯރު ކޮށް ފި އެވެ. އެދަނީ ފަހަރަކު ތަންގަނޑެއް ނަގަމުން ނެވެ. ހުޅުމާލެ އަށް ދޭ ބަލާށެވެ. މިއުޅެނީ ސަރުކާރު އޮފީހެއްހަދަން ތަންކޮޅެއް ނުލިބިގެން މަހަކަު އެއް ލައްކަ ރުފިޔާ އަށް ތަންތަން ހިފަން ޖެހި ގެންނެވެ.
އަހުމަދު3333
07 September 2020
ބޮޑު ބިޔަ މާސިންގާ ޕްރޮޖެކްޓެއް އިންޝާ ﷲ ..