ފުރަތަމަ ފަހަރަށް ރާއްޖޭގައި ކުރި ކަށީގެ ބޮޑު އޮޮޕަރޭޝަނެއް އަބްދުއްސަމަދު މެމޯރިއަލް ހޮސްޕިޓަލުގައި
ޑރ. އާޒިމާއި އޭނާގެ ޓީމުން އޮޕަރޭޝަން ކުރައްވަނީ: މިއީ ރާއްޖޭގެ ސިއްހީ ދާއިރާއަށް ވެސް ލިބުނު ކުރިއެރުމެއް
09 ސެޕްޓެމްބަރ 2020 - 10:39
21 comments
މިހާތަނަށް ރާއްޖޭގައި ކޮށްފައި ނުވާ ކަހަލަ ކަށީގެ ބޮޑު އޮޕަރޭޝަނެއް، ގދ. ތިނަދޫގައި ހުންނަ އަބްދުއްސަމަދު މެމޯރިއަލް ހޮސްޕިޓަލުގައި އިއްޔެ ކޮށްފި އެވެ.
ކިނބިއްސެއް އެޅުން ފަދަ ވަރަށް ކުޑަކުޑަ ހަރަކާތަކުން ވެސް ކޮނޑުހުުޅު ނެއްޓޭ މީހެއްގެ އެ ހުޅު ރަނގަޅު ކުރުމަށް، މި އޮޕަރޭޝަން ކުރެއްވީ ކަށީގެ ހާއްސަ ޑޮކްޓަރު އާޒިމް އަހުމަދެވެ.
ޑރ. އާޒިމް ވިދާޅުވީ ކޮނޑު ހުޅުން ނެއްޓުމުގެ އަނިޔާއާ 30 އަށް ވުރެ ގިނަ ފަހަރު ކުރިމަތިވެފައިވާ 70 އަހަރުގެ އެ ފިރިހެންމީހާއަށް، މި އޮޕަރޭޝަނަށް ފަހު ދާއިމީ ހައްލެއް ލިބޭނެ ކަމަށެވެ.
ލެޓާޖޭ އޮޕަރޭޝަން ކުރަނީ ކޮނޑުހުޅު ކައިރިން ނަގާ އެހެން ކަށިކޮޅެއް، ގެއްލުން ލިބިފައިވާ ތަނަށް ލައްވައިގެންނެވެ.
ރާއްޖޭގައި ފުރަތަމަ ފަހަރަށް ކުރި މި އޮޕަރޭޝަނުގައި ޑޮކްޓަރެއްގެ ގޮތުގައި ހަރަކާތްތެރިވެވަޑައިގެންނެވީ އާޒިމް އެކަންޏެވެ. އާއްމުކޮށް އެހެން ޑޮކްޓަރުންގެ ޓީމަކާ އެކު ކުރާ މި އޮޕަރޭޝަން، އޭނާގެ އެކަނި މަސައްކަތުން ކާމިޔާބުވުމަކީ، އެ ހޮސްޕިޓަލުން ދެކޭ ގޮތުގައި، ވަރަށް ބޮޑު ޝަރަފެކެވެ.
"މި އޮޕަރޭޝަން އެކަނި ހުރެގެން ކުރަންވީމައި ކުޑަކޮށް އުނދަގޫވި. އެކަމަކު އަޅުގަނޑަށް ވަރަށް ބޮޑު ޔަގީންކަމެއް އޮތް މިކަން ކުރެވޭނެ ކަމުގެ،" މީގެ ދެ އަހަރު ކުރިއްސުރެ ތިނަދޫ ހޮސްޕިޓަލުގައި މަސައްކަތް ކުރައްވަމުން އަންނަ ޑޮކްޓަރު ވިދާޅުވި އެވެ.
#Laterjet procedure (a reconstruction surgery of the shoulder joint to treat repeated shoulder dislocation) was done at ASMH. This is a huge achievement for the hospital as this is one of the most complex surgeries in orthopedics and never done before in Maldives.@MoHmv pic.twitter.com/xdqgWp2djG
— Dr. Abdul Samad Memorial Hospital (@drasmhospital) September 8, 2020
އޭނާ ވިދާޅުވީ ކޮވިޑް-19ގެ ހާލަތާ ގުޅިގެން، ފަރުވާ ދިނުމަށް ބަލިމީހާ މާލެ ފޮނުވެން ނެތް ކަމަށެވެ. އަދި އެ އޮޕަރޭޝަން ކުރަން މާލޭން ޑޮކްޓަރުން ވެސް ގެނެވެން ނެތް ކަމަށް ވިދާޅުވި އެވެ. އެހެންވެ ނަރުހުންނާ އެކު އެކަނި ކުރެއްވި މި އޮޕަރޭޝަން ކާމިޔާބުވުމުން އޭނާ ހުންނެވީ ވަރަށް ބޮޑަށް ހިތްހަމަޖެހިވަޑައިގެންފަ އެވެ.
ދެ ގަޑިއިރާއި ބައިގެ އޮޕަރޭޝަން، އެ ހޮސްޕިޓަލްގައި ކުރީ، ކުރިއާލާ ތާވަލުކޮށްގެން، އެކަމަށް އާއިލާގެ އިޒުނަ ވެސް ލިބުމުންނެވެެ.
ޑރ. އާޒިމް ވިދާޅުވީ ރާއްޖޭގައި ކުރާ މިފަދަ ފުރަތަމަ އޮޕަރޭޝަނެއް، ރަށެއްގައި ކުރުމަކީ ސިއްހީ ދާއިރާއަށް ވެސް ލިބުނު ވަރަށް ބޮޑު ކާމިޔާބެއް ކަމަށެވެ.
އޭނާ ތަމްރީނު ހެއްދެވީ ވެސް، ރީޖަނަލް ހޮސްޕިޓަލުތައް ކުރިއެރުވުމާ ގުޅޭ ގޮތުންނެވެ.
މީގެ ދެ އަހަރު ކުރިން، ސަރުކާރު ހަރަދުގައި ޑރ. އާޒިމް މާސްޓާސް ފުރިހަމަކުރައްވައިގެން އަބްދުލްސަމަދު މެމޯރިއަލް ހޮސްޕިޓަލަށް ވަޑައިގެންނެވީ، އެފަދަ ހޮސްޕިޓަލްތަކުގައި ފަރުވާ ދީ، ހިދުމަތްތައް ތަރައްގީ ކުރާނެ ގޮތާ މެދު ކިޔަވައި ވިދާޅުވެގެންނެވެ. އެހެންވެ މިހާ ބޮޑު އޮޕަރޭޝަނެއް ރީޖަނަލް ހޮސްޕިޓަލެއްގައި ކާމިޔާބު ކުރެވުމަކީ އޭނާ ގަބޫލުކުރައްވާ ގޮތުގައި، ތަމްރީނުގެ މަގްސަދު ހާސިލް ވާނެ ކަމެކެވެ.
"ވަރަށް އުފާވެފައި މިހިރީ. އަޅުގަނޑު ގަބޫލުކުރަނީ އަޅުގަނޑުގެ ތަމްރީނުގެ މަގްސަދު ހާސިލް ވެއްޖެ ކަމަށް. އަދި ކުރިއަށް އޮތް ތަނުގައި ވެސް މި ފަދަ އޮޕަރޭޝަންތައް ކުރެވޭނެ ކަމަށް މި ބަލަނީ،" ޑރ. އާޒިމް ވިދާޅުވި އެވެ.
ތިނަދޫ ހޮސްޕިޓަލްގައި މީގެ ކުރިން ވެސް ވަނީ ކަށީގެ ބޮޑެތި އޮޕަރޭޝަންތައް ކޮށްފަ އެވެ. އޭގެ އިތުރުން މި ފަހުން ރަށްރަށުގެ ހޮސްޕިޓަލްތަކުން ވެސް އަންނަނީ މާލޭގައި އާންމުކޮށް ކުރާ ކަހަލަ ބޮޑެތި އޮޕަރޭޝަންތައް ކާމިޔާބުކަމާ އެކު ކުރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދުންދަނޑި
09 September 2020
މާލޭބާގައިގެމީހުން ތިނަދޫއަށްއަރާ ގަތުލުއާންމު ހިންގިއިރު ތިކަހަލަ އޮޕަރޭޝަން ކުރެވެންހުރިނަމަ ހާދަގިނަބަޔަކު ސަލާމަތްވީހޭ.
ނަޖިސް
09 September 2020
މައްސަލަޔަކީ އާއްމު ރައްޔަތުންގެ ވިސްނުމާ އެއްވަރުގެ ވިސްނުމެއް ބޮޑުމުސާރަ ކައިގެން ތިބޭ މީހުންގެ ނެތުމާއި ރާއްޖެތެރެ ނެތިކޮށްލަން ހިފުން. ދެން އިވޭނީ އާއުސް މިންތަކަކަށް ގައުމު ގެނއސިޔުމުގ ސިޔާސަތުގެ ދަށުންމާލެއަށް ޑރ އާޒިމް ބަދަލު ކުރައްވައި ފިޚަބަރު. ތިނަދޫގެ ހޮސްޕިޓަލުގައި ހުރި ހުންބަލާކަށިގަނޑާއި ބަލިމީހާ ބާއްވާނެ އެނދުކޮންމެވެސް ރަށަކަށް ހެލްތު މިނިސްޓަރު އެހީއެއްގެ ގޮތުގައި ދެއްވި
އޮނަރަބްލް އަފީފު ދީދީ
09 September 2020
ޖަރުމަނާއި ފްރާންސް ލަންޑަންގެ ހޮސްޕިޓަލް ތަކުގައި ނުކުރާފަދަ ވަރުގަދަ ސާޖަރީތަކެއްކޮށްގެން އިކްއިޓޯރިއަލް ހޮސްޕިޓަލްގެ ވާހަކަ ނޫސްތަކުގައި ޖަހާ ރޭޑިއޯ ޓީވީތަކުން ނަގާކިޔާހެދީ އިހައްދުވަހު ނޫންތޯ. # އެކަމަކު އޭގެފަހުން މިއަދާއިހަމައަށް އިކްއިޓޯރިއަލް ހޮސްޕިޓަލަށް ދިޔަ ބަލިމީހުންގެ ތެރެއިން ކިތައްމީހުން މޯލްޑިވިއަންގެ ޗާޓަރ ފްލައިޓުން ކ.އަތޮޅު މާލެއަށް ގެންދިޔަތޯ ބަލާބަލަ. އައްޑޫ ހޮސްޕިޓަލަށް ޑަކްޓަރަކު ގެނައުމަށްވުރެން ފްލައިޓް ޗާޓަރ ކޮށްގެން މާލެގެންދިއުންތޯރަނގަޅީ؟؟
ޓިނޭ 12
09 September 2020
ޙެލްތު މިދަނީ ދުވަހަކުވެސް ދިވެހިން ނުދެކޭވަރުގެ ކުރިއެރުންތައް ހޯދަމުން، ޝުކުރިއްޔާ އިބޫ، އިބޫވަރުގެ ވެރިއެއް އަދި ނެތް
ފިއާޒު
09 September 2020
ކޮބާ ގއ. ވިލިގިލީ ހޮސްޕިޓަލުން ކީއްބާ ކުރީ؟ ބަލި މީހުން ރަށަށް އެރި އަ ނުދޭ ދޯ
ހުއްޓި1201
09 September 2020
ތިނަދޫ ހޮސްޕިޓަލަކީ ކަށީގެ ފަރުވާއަށް ވަރަށް ރަނގަޅު ތަނެއް. އެކަމަކު އެކަށީގެންވާ ވަޞީލަތް ނެތުން މައްސަލައަކީ. މިހާރު ރާއްޖެއިން ލިބޭނެ އެންމެ ރަނގަޅު ކަށީގެ ފަރުވާ ތިނަދޫ ހޮސްޕިޓަލުން ލިބުމަކީ ވަރަށްބޮޑު ކުރިއެރުމެއް. ދެން ބްރިޖް އަޅަންވީ މާލެއިން ކާށިދޫ ނޫނީ ގާފަރަކަށް ނޫން.... ތިނަދޫއަށް.
ފާތުނ
09 September 2020
ނިކަން ފޯނުން ގުޅާލާފަ އަހާލަބަލަ ޑރ. އާޒިމް ކުރެން އަހާލަ ބަލަ އެބޭފުޅާއަކީ ކޮންސަރުކާރަކުން ކޮން ޕުރޮގުރާމް އެއްގެ ދަށުން ތަމްރީން ލިބިވަޑައިގެން ހުންނެވި ޑރ އެއްތޯ؟ އަދި އަދުގެ ސަރުކާަރުން ކީއްވެތޯ އެޕްރޮގުރާމް މިވީ2އަހަރު ހުއްޓިފަ އޮތީ؟????
ޙަރުމީދު
09 September 2020
ޑރ އާޒިމް އަކީ ރާއްތެރޭގަ ސިއްޙީ ޚިދުމަތް ފުޅާކޮށް ތަރައްގީ ކުރަން ރ.ޔާމީން ހިންގެވި ޕޮރޮގްރާމެއްގައި ތަމްރީންކުރި 69 ދިވެހި ޑޮކްޓަރުންގެ ތެރެއިން ފުރަތަމަ ބެޗް ގެ ޑޮކްޓަރެއް. މަރުހަބާ ޑރ އާޒިމް. ޝުކުރިއްޔާ ރައީސް ޔާމީން.
ދޮންހަސަނު1
09 September 2020
އާޒިމަކަސް ކާސިމަކަށް އަދި ކިތަންމެ މޮޅު ޑޮކްޓަރަކަސް އޮފަރޭޝަން ކުރަން ކާއްޓަކާ ނާއްޓެއް ދީފައި ގުދަނަކަށް ވެއްދިއަސް އޮޕަރޭޝަނެއް ނުކުރެވޭނެ. އެކަން ކުރެވޭނީ ވަސީލަތްތަށް ހުރެގެން. މިފަދަ އޮޕަރޭޝަނެއް ކުރެވޭ މިންވަރަށް އެ ހޮސްޕިޓަލް ތަރައްގީކޮށް ވަސީލަތްތަށް ގާއިމު ކޮށްދިނީ މި ސަރުކާރުގެ ހިންގުންތެރި ހެލްތު މިނިސްޓަރު އަމީން. އެހެންވީމަ ޝުކުރިއްޔާ އަމީން، ޝުކުރިއްޔާ ރައީސް އިބޫ.
ހަޑިގިއްލާ
09 September 2020
މިސަރުކާރު ސިއްހީދާއިރާއަށް ގެންނަމުންދާ އިނޣިލާބީ ބަދަލުތަކަށް ޝުކުރުވެރިވަން
ޢަސޭލާ
09 September 2020
ޢަސްލު އިންޑިޔާވެސް ލަންކާވެސް ހެވެއް ނޭދެ ދިވެ ހިންނަކަށް. ޜާއްޖޭގަ ޑޮލަރު ނު ހުންނަ ވާ ހަކަ. ޓުރިވެންޑް ރަމް މުޢްސަދި ރީތި ތަނަކަށް ހެދީ ދިވެ ހިން. ބުރީ ރިއްސާލިޔަސް. ސީދަތި ވިޔަސް އިޑިޔާ އަށް ލަންކާޔަށް. މި ލަންކާ ނޯލިމިޓް ތަންތާވެސް ލަންކާ މީ ހުންނަށް ވުރެ ދިވެ ހިން ގިނަ. ޢަގަޔާ އަތާދިމާ ނުވެ ވެސް ލަންކާ އިންޑޔާ އަށް އަ ހަރުދެކޮޅު.