މާސް އަށް މީހުން ފޮނުވުމަކީ އީލޮން މަސްކް ބޭނުންފުޅުވެލައްވާ ކަމެއް
10 ސެޕްޓެމްބަރ 2020 - 07:11
7 comments
މާސް އަށް ދާނެ ގޮތަކާ ބެހޭ ގޮތުން ސުވާލުކުރުމަކީ މިހާރު މުހިންމު ކަމެއް ނޫން ކަމަށް އީލޮން މަސްކް ވިދާޅުވެއްޖެ އެވެ. އޭނާ ވިދާޅުވި ގޮތުގައި މިހާރު މުހިންމީ މާސްގައި ދެމިތިބޭނެ ގޮތަކާ ބެހޭ ގޮތުން ސުވާލުކޮށް މަޝްވަރާކުރުމެވެ.
"ހިއުމަން ޓު މާސް" ސަމިޓްގައި ވާހަކަދައްކަވަމުން އީލޮން ވިދާޅުވި 2050 ވަނަ އަހަރު ނިމުމުގެ ކުރިން، މާސްގައި އިންސާނުން އާބާދުކުރަން ވަރަށް ބޮޑަށް ބޭނުންވާ ކަމަށެވެ.
"މި ދައްކަނީ އަޑުއަހަން ފަސޭހަ ވާހަކަތަކެއް ނޫން،" އީލޮން ވިދާޅުވި އެވެ. "މާސް އަށް ދާން ކުރަން ހުރީ ބުރަ މަސައްކަތްތަކެއް. މާސް އަށް ދާން އޮތް މަގަކީ ނުރައްކާ ތަނެއް. އެކަމަކު ވެސް، މާސްގައި މަރުވުމަކީ ޝަރަފެއް ކަމަށް މި އޮތީ ބަލަން ޖެހިފަ."
އީލޮން ވިދާޅުވި ގޮތުގައި މާސް އަށް އިންސާނުން ފޮނުވުމަށްޓަކައި އޭނާގެ ކުންފުނި، ސްޕޭސްއެކްސް އިން ބުރަ މަސައްކަތްތަކެއް ކުރާނެ އެވެ. ސްޕޭސް ޝިޕެއް މާސްގައި ބަނދަރުކުރުވައިގެން ނަމަވެސް، މާސްގައި އިންސާނުންނަށް އުޅެވޭތޯ ބަލާނެ އެވެ.
އިންސާނުން މާސް އަށް ފޮނުވުމަށްޓަކައި، އީލޮން ދެކެވަޑައިގަންނަވަނީ ބިޔަ އުޅަނދެއް ކަމުދާނެ ކަމަށެވެ. އެއީ 100 އެއްހާ މީހުންނަށް ދަތުރުކުރެވޭ އުޅަނދަކަށް ވާންޖެހޭ ކަމަށާއި އެ މިންވަރަށް ދާގީނާ ވެސް އުފުލެން ޖެހޭ ކަމަށެވެ. މާސް އަށް ދަތުރުކުރުމަކީ ކޮންމެ ދެ އަހަރަކުން ކުރަން ޖެހޭ ކަމެއް ކަމަށް ވެސް އޭނާ ވިދާޅުވި އެވެ.
މާސް އަށް ދެވޭނެ ގޮތްތަކާ ބެހޭ ގޮތުން މީގެ ދެތިން އަހަރުކުރިން ނެތް މައުލޫމާތު މިހާރު ހުރިކަން ފާހަގަކުރައްވައި އިލޮން މަސްކް ވިދާޅުވި ގޮތުގައި ދެން ހުރީ ވެސް އިންސާނިއްޔަތަށް ކުޅަދާނަ ކަންތައްތަކެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮންމެ ނަފްސަކީ މަރުގެ ރަހަ..
10 September 2020
ޖުޕިޓާގައި އަދި މާ ސަޅިވާނެ މަރުވުންދޯ.
އަހުމަދު3333
10 September 2020
ސްޓާރ ޝިޕްގެ ވާހަކަ ނޫސްވެރިޔާ ގެނައިނަމަ.. މިހާރު ހަދަމުންދަނީ ޕްރޮޓޯޓައިޕް.. އެސްއެން6 ޕޮރޮޓޯޓައިޕް މިހާރު ޓެސްޓުކުރަނީ ބޮކަޗީކާ ޓެކްސަސްގައި..
މާސް
10 September 2020
ދެން ކަލޭ ދާންވީނުން މާސްގަ މަރުވާން. ދުނިޔެ ފަސާދަ ކުރެވުން ވަރު ކުޑަ ކަމަށް އަނެއްކާ މާސް ވެސް ފަަސާދަ ކުރަން ވީ. ދެން "ފަސްޓް އެކްސިޑެންޓް ވިތު ބޯއީފްރެންޑް" ގޮތަށް ފަސްޓް އެވްރިތިން އިން މާސް ވެސް ޕޯސްޓް ކުރާނެ މީހުން ވަންޏާ ކުރެވިދާނެ. އެކަމަކު ތިއަށް ވުރެ ބޭކާރު ހަރަދެއް މީހަކު ނުކުރާނެ ކަންނޭނގެ.
ދުނިޔެ
10 September 2020
އަހަރެން ބޮލަށްޖަހައިފައި ނައްޓާލަނީދޯ.
ޢަތޮޅޭ
10 September 2020
ދެން އަވަހަށް ގޮސް މަރުވޭ އެކަމަކު ތިހަދާ ބެތަރިތަށް ފައްކާ ކޮއްފަ ދާތި އިނގޭ އެއްފަރު ޗާޖުން ހަފްތާއަކު ކާރު ދުއްވާލަން ބޭނުން
ރަބަރު
10 September 2020
މާސްގައި މަރުވިއަސް އަދި ޖައްވުގައި މަރުވިއަސް ދާން އޮތީ އެންމެ މަންޒިލެއް. ބިންފިޔަވައި އެހެންތަނެއްގައި އިންސާނާއަށް ފަސޭހަ ދިރިއުޅުމެއް ނޫޅެވޭނެ. އިންސާނުންނަށްޓަކައި ﷲ ލެއްވެވީ ބިމެވެ. އެހެންތަންތަނަކީ އެހެނިހެން ބޭނުންތަކަށް ލެއްވެވިތަންތަނެވެ.
ވެސްޓަކުން
10 September 2020
މާސްއަކީ ބި މެއް ނޫންބާ؟