ޚަބަރު / އެމްޓީސީސީގެ އަހަރީ އާންމު ޖަލްސާ

އެމްޓީސީސީން ބަހަން ނިންމީ ހިއްސާއަކަށް 2ރ.

އެމްޓީސީސީ ޓަވަރު (މ): އެކުންފުނިން ބަހަން ނިންމީ ހިއްސާއަކަށް ދެރުފިޔާ.

މުހައްމަދު ނަސީމް، މިހާރު

27 ސެޕްޓެމްބަރ 2020 - 21:52

4 comments

އެމްޓީސީސީ އަށް މިދިޔަ އަަހަރު ލިބުނު ފައިދާ އިން ހިއްސާއަކަށް 2ރ. ބަހަން މިއަދު ނިންމައިފި އެވެ.

ވާޗުއަލްކޮށް މިއަދު ބޭއްވި އަހަރީ އާއްމު ޖަލްސާގައި ހިއްސާއަކަށް 2ރ. ބަހަން ފާސްކުރީ، އެމްޓީސީސީގެ ބޯޑުން އެ ގޮތަށް ނިންމައި އެކަން މިދިޔަ ޖޫން މަހު އާއްމުކޮށް އިއުލާނުކުރުމަށް ފަހު އެވެ. އެގޮތަށް ހިއްސާ ބަހަން މިއަދުގެ ޖަލްސާއިން ފާސްކުރީ ޖަލްސާގައި ބައިވެރިވި ހިއްސާދާރުންގެ އަޣުލަބިއްޔަތުންނެވެ. އެމްޓީސީސީން ހިއްސާގެ ފައިދާ ބަހާނީ މި މަހުގެ 10 ވަނަ ދުވަހާ ހަމައަށް އެ ކުންފުުނީގެ ހިއްސާދާރުންގެ ގޮތުގައި ރަޖިސްޓްރީވެފައިވާ ފަރާތްތަކަށެވެ.

އެމްޓީސީސީގެ ހުރިހާ ޚަރަދެއް ކެނޑުމަށް ފަހު ހިއްސާއަކަަށް މިދިޔަ އަހަރު ޖެހުނު މިލްކުވެރިކަމުގެ އަގަކީ 123.2.ރ އެވެ. އޭގެ ކުރީ އަހަރު ހިއްސާއެއްގެ މިލްކުވެރިކަމުގެ އަގަކީ 115.35.ރ އެވެ.

އެމްޓީސީން ހިއްސާއަކަށް 2ރ. ބަހަން ނިންމި އިރު އެ ކުންފުންޏަށް މިދިޔަ އަހަރު ލިބުނު ސާފު ފައިދާ އޭގެ ކުރީ އަަހަރަށް ވުރެ 55.7 ޕަސެންޓް އިތުރެވެ.

ޖަލްސާގައި ފާސްކުރި ހިސާބުތަކުން ދައްކާ ގޮތުގައި އެ ކުންފުންޏަށް ސާފު ފައިދާގެ ގޮތުގައި މިދިޔަ އަހަރު 53.31 މިލިޔަން ރުފިޔާ ލިބުނެވެ. އެއީ 1.15 ބިލިޔަން ރުފިޔާގެ ވިޔަފާރި ކޮށްގެން ލިބުނު ފައިދާ އެވެ. ވިޔަފާރިއަށް އެ ކުންފުނިން ހަރަދުވި ފައިސާ މިދިޔަ އަހަރު ވަނީ އޭގެ ކުރީ އަހަރަށް ވުރެ 10 ޕަސެންޓް ދަށްވެފަ އެވެ.

ދަތުރުފަތުރު ކޮންސްޓްރަކްޝަން ދާއިރާ އެމްޓީސީސީ އެމްޓީސީސީގެ އަހަރީ އާންމު ޖަލްސާ އެމްޓީސީސީ ހިއްސާ

4 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހިއްސާދާރު

28 September 2020

ހިއްސާއަކަށް 2 ރުފިޔާ މަގުން ފައިދާ ބަހަން ނިންމީމާ ތިޔައީ ދެން މާ ބޮޑު އަދަދެއް. ކީއްވެތޯ، ހިއްސާއަކަށް 10 ލާރި ބަހަން ނުނިންމީ. އެހައިކަށްހައި ވަރު އެމްޓީސީސީގެ އާންމު ހިއްސާދާރުންނަށް އޯކޭވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަތުހީ

27 September 2020

ބިލިއަނުން މަސައްކަތްކުރާބަޔަކަށް ވަރަށްވެސް ބޮޑުވަރެއް. ނަމަވެސް ގްރޫޕުން ކަރަޕްސަން މިލިއަނުން ހިންގާލަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބެއްޔާ ގެ އައްލާ

27 September 2020

ހައްހައްހާ! އަދިވެސް ކޮންޕެނީ އަކުން ހިއްސާ ވިއްކާއިރަށް ފޮރުވާފައިވާ ރުފިޔާ ކޮލުދީ ފައި ބޭކާރު ލިއުމެއް ގަންނާތީ! ބޭކާރު އެއްޗެއް! އެއްލައްކަ ރުފިޔާ 3 އަހަރު ވަންދެން ބަހައްޓާފައި ހިއްސާ އަކަށް 2 ރުފިޔާ! ލަދުކޮބާ؟ ބޭރު މީހުން ހިއްސާ ވިއްކާތީ ފެންނަނީ! މެކުނު ފުމުނަކަސް ގާހަކަޔަކަށް ނުފުމެވޭނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލުތުފީ

28 September 2020

އެމްޓީސީސީގެ ހިއްސާއެއްގެ އަގަކީ 5 ރުފިޔާ. 5ރުފިޔާގެ ހުއްސާގެ ފައިދާއަށް 2ރުފިޔާ ލިބުނީމަ އެއީ %40ގެ ނަފައެއް. މިއަދު ކޮންވިޔަފާރިއަކުންތޯ %40ގެ ސާފުފައިދާ ލިބެނީ.