ޓޫރިޒަމް މިނިސްޓަރު ޑރ. އަބްދުﷲ މައުސޫމް ވާހަކަދައްކަވަނީ-- ފޮޓޯ: ޓޫރިޒަމް މިނިސްޓްރީ
28 ސެޕްޓެމްބަރ 2020 - 13:17
21 comments
ޓޫރިޒަމް ދާއިރާގެ މަންފާ ރާއްޖެއަށް ކުރާނީ ދާއިރާގެ ވެރިންގެ ގޮތުގައި ދިވެހިން ތިބެގެން ކަމަށް ޓޫރިޒަމް މިނިސްޓަރު ޑރ. އަބްދުﷲ މައުސޫމް ވިދާޅުވެއްޖެ އެވެެ.
ދުނިޔޭގެ ފުރަތަމަ ބޯޑާ މައިލްސް ޕްރޮގްރާން ތައާރަފު ކުރުމަށް ބޭއްވި ރަސްމިއްޔާތުގައި މިނިސްޓަރު ވިދާޅުވީ މިއަހަރުގެ ޓޫރިޒަމް ދުވަހުގެ ޝިއާރަކީ ރައީސް އިބްރާހިމް މުހައްމަދު ސޯލިހުގެ ސިޔާސަތުތަކާއި އެޖެންޑާ 19 އާ ލާމެހިފައިވާ ޝިއާރެއް ކަމަށެވެ. އެހެންކަމުން އެ ޝިއާރާ އެއްގޮތަށް މަސައްކަތްތައް ބައްޓަން ކުރައްވާނެ ކަމަށް އޭނާ ވިދާޅުވި އެވެ.
މި އަހަރުގެ ޓޫރިޒަމް ދުވަހުގެ ޝިއާރަކީ "ޓޫރިޒަމް އެންޑް ރޫރަލް ޑެވެލޮޕްމަންޓު" (ފަތުރުވެރިކަމާއި، ރަށްފުށު ތަރައްގީ) އެވެ.
މިނިސްޓަރު ވިދާޅުވީ ޓޫރިޒަމުން މަންފާ ހޯދުމަށް ދާއިރާގެ ވެރިންނަށް ރައްޔިތުން ވާނީ އަދާކުރާ ހިތްވާ ބޮޑެތި މުސާރަ ލިބޭ ވަޒީފާތައް ލިބިގެން ކަމަށެވެ. އަދި އަންހެނުންގެ ބައިވެރިވުން ކުރިއަށްވުރެ ބޮޑުކޮށްގެން ކަމަށް ވެސް އޭނާ ވިދާޅުވި އެވެ.
މީގެ އިތުރުން ގެސްޓުހައުސްތަކާއި ހޮޓާތައް ފައިދާ ލިބޭ ތަންތަނުގެ ގޮތުގައި ހިންގައިގެންނާއި ދާއިރާއާ ގުޅުން ހުރި ފަރާތްތަކާ ގުޅިގެން، ޓޫރިޒަމްގެ ފައިދާ ފުރިހަމަ ގޮތުގައި ދިވެހިންނަށް ލިބޭނެ ކަމަށް ވެސް މިނިސްޓަރު ވިދާޅުވި އެވެ.
"ފަތުރުވެރިކަމުގެ މަންފާ ރައްޔިތުންނަށް އެންމެ ބޮޑަށް ލިބިގެންދާނީ ގިނަ ދިވެހިން ފަތުރުވެރިކަމުގެ ވެރިންނަށް ވެގެން. ރަށްރަށުގެ ކުދި ހޮޓާތަކާއި ގެސްޓް ހައުސްތައް އަދި ރާއްޖޭގެ އެހެން ޓޫރިސްޓް ޚިދުމަތް ދޭ ތަންތަން ފައިދާއެއް ލިބޭގޮތަށް ހިންގައިގެން. މީގެ އިތުރުން ދަނޑުވެރިންނާއި މަސްވެރިންނާއި ފަންނުވެރިންނާއި ފަންނާނުންގެ ބައިވެރިވުން އިންޑަސްޓްރީގައި އޮތުމަށް ޖާގަ ލިބިގެން." މިނިސްޓަރު ވިދާޅުވި އެވެ.
މައުސޫމް ވިދާޅުވީ ދުނިޔޭގެ ގައުމުތަކުގެ ތެރެއިން ބޯޑަރު ހުޅުވި ފުރަތަމަ ގައުމުތަކުގެ ތެރޭގައި ރާއްޖެ ހިމެނުމަކީ ލިބޭ ކުރިއެރުމެއް ކަމަށެވެ. އަދި މިއީ ރައީސްގެ ހިތްވަރުގަދަ މުހިންމު ނިންމުމެއް ކަމަށާއި އަންނަ އަހަރަށް މަރުހަބާ ކިޔާނީ ޓޫރިޒަމް ދާއިރާއިން ކުރިއެރުންތަކާއެކު ކަމަށް އޭނާ ވިދާޅުވި އެވެ.
ރޭ ތައާރަފު ކުރި ބޯޑާ މައިލްސް ޕްރޮގްރާމަކީ ރާއްޖެއަށް އެއްފަހަރަށް ވުރެ ގިނައިން އަންނަ ޓޫރިސްޓުން އިތުރު ކުރުމަށް އިމިގްރޭޝަނާ ގުޅިގެން ކުރިއަށްގެންދާ ޕްރޮމޯޝަނަލް ޕްރޮގްރާމެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
Ahmed Shujau
01 October 2020
ބަނަގާޅިންނާ އިންޑިޔާނުންނާ ފިލިޕީނުންނާ ނޭޕާލީންވަނީ ގިނަ.
ޙަބީބު
28 September 2020
ސަރުކާރުން ކީއްވެތޯ އިންވެސްޓަރުންނައް ހދ އަތޮޅު ފަތުރުވެރިކަމައް ނުދެނީ ބިމުކުލި މާފުކޮއްފަނަމަވެސް ސެފުރުސަތު ހުޅުވާލަންވީނޫންތޯ ކުޅުދުއްފުށި ރައްޔިތަކު ބަޑިޖަހާ ބާގީން ބަލިކުރުމަކީ މުޅިހުރިހާ މީހުން ކަރައްފައިންއަރާއަތޮޅު ނިކަމެތި ކުރަންޖެހޭ ކަމެއްނޫން ޒުވާނުންނައް ވަޒީފާ ފަހިވަނީ ހަމަހަމަކަމައެކު ފަތުރުވެރިކަން ފުޅާކޮއްގެން ދޮޅުއަހަރުވީ ކުޅުދުއްފުށި ސޯސަންގޯޅިޔައް ވެލިކޮޅެއް އަޅައިނުދެވުނު ނާގާބިލު ސަރުކާރަކާ ކައުންސިލެއްމިއޮތީ
ފޫހި
28 September 2020
ބޭނުމީ އަމަލު . ވާހަކައެއް ނޫން..
ބޮކިފުރާޅު އަލީ
28 September 2020
ހައުސިންމިނިސްޓަރުނަގާފައި އަބަދުވެސް ދިވެހިންނަށް ދަޅަދެއްކުމުގެ އެންމެކުރީގައި އުޅޭ މިނިސްޓަަކީ ޓޫރިޒަމް މިނިސްޓަރު. ޓޫރިޒަމް 1972 ގައި ފެށުނުފަހުން މެދުނުކެނޑި ހަމަމިއިވެނީ މިވާހަކަ. މިވާހަކަ ދެއްކިދެއްކިހެން ޓުއަރިޒަމްދާއިރާގައި ބަނަގާޅިންނާ އިންޑިޔާނުންނާ ފިލިޕީނުންނާ ނޭޕާލީންވަނީ ގިނަ.
ކުޑަހުވަދޫ ދަރިއެއް
28 September 2020
އެޖެންޑާ 19 ސަކްސް. ބަލާބަލަ ދ.ކުޑަހުވަދޫގައި ހިންގާ 'ދާލު އެއަރޕޯޓް'. އަދިވެސް އެމީހުން ތާރު އަޅަން ޖެހޭ މަގު އެއޮއްތީ އޮތްގޮތަށް. އެކަމަކު މިހާރުވެސް އެމީހުން އެދަނީ އެ އެއަރޕޯޓުން ނަފާ ހޯދަމުން (ކޮވިޑް 19ގެ ބަލި މަޑުކަމާއި ގުޅިގެން އެއަރޕޯޓް އޮޕަރޭޓް ނުކުރޭ). އެމީހުންގެ އަތުގައި 03 ކިލޯމީޓަރުގެ ދިގު ކަނޑިމަ މޯލްޑިވްސް ރިސޯޓްވެސް އެއޮއްތީ. ކޮން ފައިދާއެއް ތޯ ވަނީ ދ.މާއެނބޫދޫ އަދި ދ.ކުޑަހުވަދޫ ރައްޔިތުންނަށް އެމީހުންގެ ފަރާތުން؟
ހެވެނީ
30 September 2020
ހޯ،ހޯ، ތިޔަކުޅެނީ، މަހާ، މަސްކިރައިގެން، ވިޔަފާރިކުރަން ދަސްވީމަ އެނގޭނެ.
ހަސަނު
28 September 2020
ދިވެހިންނަށް ވެރިންނަށް ވެވޭނީ ދިވެހިން ވެރިނަނަށް ހެދީމަ... މިއުޅެނީ ރޫމްބޯއީ ގެ ވަޒީފާވެސް ނުލިބިގެން..
އަރުވާލި އާދަނުގެ ސިޔާސީ ހާސަރު
28 September 2020
ނުވެ ވޭނެ. އެއްޔަކީ އިންނީ މިންނީ މޯ އާ ތީ ވެރިއެށް. މިހިނެއް ނޫން ވީމާ. ތިޔައީ ދުރު ރާސްތާ މަންހަޖަކުން ތަރުތީބުވެ ހާލަތު ބަދަލު ކުރުމުގެ ސިޔާސަތުގެ ދަށުން ރައްޔިތުން އާއިލާ އާއި ދޭތެރޭ ދެކޭގޮތަށް ގާތް ޒިންމާދާރު އިލްމުގެ މަސްދަރު ވަޒީފާއާއި މެދު ދެކި ނޫނީ ކުރަން ތުރާ ކަމެއް.
ލިވާރުއަ ގެނުދައާ
30 September 2020
ކަލޯ، އިނގިރޭސި ބަހުން ލިޔެފައި ޓުރާންސްލޭޓުކުރެވޭގޮތުންތޯ؟ ކަލޯ ލިޔެފައި ހުންނަ ބަސްތައް، ފުށުއަރަނީ، ވަރަށް އުނދަގޫ ކިޔަން.
ސީޒަން ޖެކުހަން
28 September 2020
މީކުރިންވެސް ޓޫރިޒަމްމިނިސްޓަރުކަންކުރި މީހެއް. މީނައާބެހޭގޮތުން އާއެއްޗެއް އެނގޭކަށް ދިވެހިންނަކަށް ނެތް. ތީ އެނގިބާވެފާހުރި މީހެއް.
ރުސްފާ
28 September 2020
ކޮވިޑްގެ ސަބަބުން ކަމަށްބުނެ އެތައް ދިވެހިންނެއް ރިސޯޓްތަކުން ކަނޑާލައިފި...އެއަރޕޯޓް ހުޅުވުމާއިއެކު ކިތައް ރިސޯޓުން އެވަޒީފާތަކަށް ބޭރުމީހުން ގެނެސްފި..ބަލާނެ ބަތަކުނެތް ރައްޔިތުންނޭ ހައްގުތަކޭ ނުގޮވާ..
ރިސޯޓް ބޯއި
28 September 2020
ގައިމުވެސް ޖުމެއިރާއަށް 20 އިންޑިޔާމީހުން ގެނެސްފި، ވާދޫއަށް 15 ލަންކާމީހުން ގިރާވަރަށްވެސް ތައިމީހުންނާއި ލަންކާ އިންޑިޔާމީހުން ގެނެސްފިކަމަށްވަނީ، އެކަމަކު ރިސޯޓް ހުޅުވަނީ ޑިސެމްބަރުގަ ކަމަށްވަނީ! ދިވެއްސަކު އަދި ނުގެނޭ! ދިވެހިންނަށް ވެރިކަން ލިބޭނެ ގޮތެއްނެތް! ދެން މިތަން ހިންގާނީ އިންޑިޔާއިން!
ރޮމޭ
28 September 2020
ކޮންމެހެން މޮޅު ސުރުޙީ އަޅުއްވާނެ ކަމެއް ނެތް. ކިތައް ރިޒޯޓް ތޯ ރާއްޖޭގަ އޮތީ އެޗްއާރުގެ މެނޭޖްމަންޓް ލެވެލްގަ ދިވެއްސެއް ނެތި. ކޮން ފިޔަވަޅެއްތޯ އެޅުނީ. ފޯސީޒަންސްގެ ދެ ޕްރޮޕަޓީ ލަނޑާ ގިރާވަރު އަދި ކުޑަ ހުރާގެ އެޗްއާރުގެ މުޅިންވެސް އިންޑިއާ މީހުން. އެމީހުންގެ ބާރުގަ ނިކަމެތި ދިވެހިން ކޮވިޑާ މަތިކޮށްފަ ވަޒީފާއިން ކަނޑާލާފަ ނޫނީ ނޯ ޕޭގަ ބައިތިއްބާފަ އިންޑިއާ ނޭޕާލް މީހުން މީހުންގެ ގެނެސް ފުރާލައިގެން ތަން ހިންގަނީ. ރީއްޗެއްނު.