04 އޮކްޓޯބަރ 2020 - 18:12
12 comments
ފުލުހުން އައްޑޫގައި ހިންގި އޮޕަރޭޝަންގައި ކަނޑުމަތިން އަތުލައިގަތް މަސްތުވާތަކެތީގެ އިތުރުން އެއްގަމުގައި ފޮރުވާފައި ހުއްޓާ ވެސް ގިނަ އަދަދެއްގެ ޑްރަގްސް ހޯދާފައިވާ ކަމަށް މިހާތަނަށް ފެނުނު ތަކެތީގެ ބަރުދަން 100 ކިލޯއާ ގާތްކުރާކަން "މިހާރު" އަށް އެނގިއްޖެ އެވެ.
އައްޑޫގެ ވަރުގަދަ ޑްރަގް ޑީލަރެއް ކަމަށް ފުލުހުން ކުރިން ވެސް ތުހުމަތުކޮށް އެތައް ފަހަރަކު އެކި ކުށްތަކުގައި ހައްޔަރުކޮށްފައިވާ އިބްރާހިމް ރަޝީދު (އަބުޗާ) އާއި އިތުރު ބަޔަކު ހައްޔަރުކުރި އޮޕަރޭޝަންގައި އެކި ބާވަތުގެ ޑްރަގްސް ފެނިފައިވާ ކަމަށްވެ އެވެ. މީގެ ތެރޭގައި، އެއް އޮޕަރޭޝަނަކުން މިހާތަނަށް ނުފެންނަހާ ގިނަ ޕާޓީ ޑްރަގްސް ހިމެނޭ ކަމަށް ވެސް ވަނީ އެނގިފަ އެވެ.
ނަމަވެސް މި އޮޕަރޭޝަނާ ބެހޭ ތަފްސީލެއް ފުލުހުން އަދި ހާމައެއް ނުކުރެ އެވެ.
ކޮމިޝަނާ އޮފް ޕޮލިސް މުހައްމަދު ހަމީދު މިއަދު ކުރެއްވި ޓްވީޓެއްގައި ވިދާޅުވި ގޮތުގައި މި އޮޕަރޭޝަން ހިންގީ ދިވެހި ފުލުހުންނަށް ލިބުނު އިންޓެލިޖެންސް މައުލޫމާތަށް، ހަމައެކަނި ދިވެހި ފުލުހުން ބައިވެރިވެގެންނެވެ. އަދި މިއަދު ހެނދުނާ ހަމަ އަށް 80 ކިލޯގެ މަސްތުވާތަކެތި ހޯދިފައިވާ ކަމަށް ވިދާޅުވި އެވެ. އަދި އޭގެ ފަހުން ހޯމް މިނިސްޓަރު އިމްރާން އަބްދުﷲ ވަނީ 88 ކިލޯގެ މަސްތުވާތަކެތި ފެނިއްޖެ ކަމަށް ވިދާޅުވެ ފުލުހުންގެ މަސައްކަތަށް ތައުރީފް ކުރައްވައިފަ އެވެ.
"މިހާރު" އަށް އެނގިފައިވާ ގޮތުގައި ކަނޑުމަތިން އަތުލައިގަތް މަސްތުވާތަކެތި ފުލުހުން ނަގާފައި ވަނީ ފުލުހުން ފެނުމުން ކަނޑަށް އެ އެއްޗެއްހި އުކާލާފައި ވަނިކޮށެވެ.
ރޭ އައްޑޫގައި ކުރިއަށްގެންދިޔަ އޮޕަރޭޝަނަށް ފަހު މިއަދު ހުޅުމާލެ އާއި ހއ. ހޯރަފުށީގައި ވެސް އޮޕަރޭޝަނެއް ކުރިއަށް ގެންގޮސްފައި ވެއެވެ. މި އޮޕަރޭޝަންތައް ކުރިއަށް ގެންގޮސްފައި ވަނީ ފުލުހުންގެ ޑްރަގްސް އޮޕަރޭޝަންތަޖަށް ހާއްސަކޮށް ގެނެސްފައިވާ ކުއްތާތައް ވެސް ބޭނުންކޮށްގެންނެވެ.
މި އޮޕަރޭޝަންތަކާ ބެހޭ އިތުރު ތަފްސީލްތައް ފުލުހުން އަދި ހާމައެއް ނުކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އައިއެމްދަމެޑަމް
05 October 2020
ޑްރަގު މީހުން ތި އެއްޗެހި އުފެއްދީތަ ކަނޑުމަތީ ތިބެ؟ ނޫނީ ކަނޑު އަޑިން ތަ ނެގީ؟ ކެރެންޔާ އަޅެ ބުނެބަލަ އެ އެއްޗެހި އެމީހުން ހޯދި ތަނެއް؟ ކޮޗިން ފެރީންތަ ގެނައީ؟
ރަށުބޭބޭ
05 October 2020
ފުލުހުންނަށް ވިޔަސް ކޯޓުތަކަށްވެސް ހަމައެކަނި މައްސަލައަކަށްވަނީ ފެނުނު ޑްރަގްސް...އެތަކެތި ހޯދަންވެސް ވަރެއްލާފަ އުޅޭނެ، ކަނޑު އަޑީ އަތްފުނާއަޅައިގެންވެސް ހޯދާނެ....ދެން އެތަކެތި ފޮރުވާ ރައްކާކުރީމަ މައްސަލަ ނިމުނީ...ކިތަންމެގިނަ އެއްޗަކާއެކުވެސް ހިފައިގަނެވޭ މީހުން ހަމަ ދެދުވަސްވެފަ ދޫކޮށްލާނެ...މިއީ ހަމަ ގުޅިގެން ކުޅޭ ކުޅިގަނޑެއް.....ކުއްވެރިވެ ބަންދުކުރަނީ އަތުލައިގަންނަ މަސްތުވާ ތަކެތި..އެގެނައި މީހުން ކުއްވެރިވާނެ ގޮތެއް ނުހޯދޭނެ
ޢަފްލާ
05 October 2020
ތީތި ވިއްކާފަ ދެން އިގްތިސާދު ކޮޅަށް ނަގާނީ
ދިއްދޫމީހާ
04 October 2020
ހައްލަކީ ހަމަ މަރުގެ ހުކުމް، އެހެން ގަައުމެއްގަނަމަ ތިކަހަލަ ޑްރަގް ލީޑަރަކު ކަނޑުމަތިން ފެނުނީމަ މަރުވެފަ އޮންނަ މަސްގަނޑު ފެންނަނީ
ާއައްޑޫ ކޮއްޔާ
05 October 2020
ޑްރަގް ލީޑަރު އެނަގަން ކަނޑުމައްޗަށް ދިއުމަކީ މިފްކޯގެ މެނޭޖިން ޑަރެކްޓަރ އޮޑީގަ މަސްބާނަން ދިއުންކަހަލަ ކަމެއް. ލީޑަރުންނާ ހަމަޔަށް ގޮސް އަދަބުގެ 2 ގުނައިތުރަށް އެމީހުންނަށް އަދަބުދީ. ވާފަށުގެ ރޮދި ކޮޅެއްގަ ހިފުނީމަ މާމޮޅުވާން ލީޑަރޯ... ސަހަރޯ... މީ ލައްކަ ވާހަކަ
1828
05 October 2020
އައްޑޫ ކޮއްޔާ މިބުނީ ރަނގަޅު ވާހަކައެއް. މަސްތުވާތަކެތީގެ ވިޔަފާރީގައި ލީޑަރުންނަށް މަސްތުވާތަކެތި ލޮލަށްވެސް ނުފެންނާނެ. ހަމައެކަނި ޖަމާވާނީ ލީޑަރުގެ އެކައުންޓަށް ފައިސާ. އެތެރެކުރުމާއި، ބައިބަޔަށް އަޅައިގެން، އެތި އެތިކޮޅުން ވިއްކާން އުޅޭނީ ލީޑަރުގެ ޑޯގުން. އެކަމަކު ފުލުހުންނަށް މަސްތުވާތަކެތީގެ މައިމޫތަށް އިނގޭނެ. އެމީހުންގެ ގައިގައި ފުލުހުންނަށްވެސް އަތެއް ނުލެވޭނެ. އެހެންވެ ކުދި ކުދި އެތިއެތި ކޮޅު ގެންގުޅޭ ބޮޑުންތައް އުފުރަނީ.
ޝޮކްތެރަޕީ
04 October 2020
އަދީބާ ރައިސް ޔާމިން އޮތީ ޖަލުގަ. އެހެން ނުންނަމަ ޖަހާނީ ރަައިސް ޔާމިންގެ ބޮލައް. މިކަމުގަ އިސްކޮއް އުޅެނީ އެމްޑީޕީގެ ބައެއްކަމައް އަޑުތައް އެބަ އިބޭ.
1828
05 October 2020
އަޑު އަރަނީ ސަބަބެއް އޮތީމައި. އަހަރެމެންވެސް މިއުޅެނީ މުޖުތަމައުގެ ތެރޭގައި އަހަރެމެންނެކޭ ކިޔާފައި އެފަދަ ވާހަކައެއް ނުދައްކާ.
ދައުސް66
04 October 2020
އަނެއްކާ ހުސް ޕާރޓީ ތަކެތިތަ؟ ނޫނީ ހަމަ އަސްލު ހަކުރުތަ؟ 100 ކިލޯގެ ތަކެއްޗީ ކޯއްޗެއް. ފަތްތަ؟
ކަންނާޑި
04 October 2020
ޑުރަގު އޮޕަރޭޝަންތަކާ ބެހޭ ތަފްސީލްތައް ފުލުހުން އަދި ހާމައެއް ނުކުރާނެ މުޒާހަރާ ތަކުން އަތުލެވޭ މީހާ ގެ ޕޮޓޯ ކާށި ގޯނި ވަގަށްނަގާ މީހާ ގެ ފޮޓޯ ހާމަކުރާނެ. އެމްއެންޑީއެފުން އަތުލާފައި ފުލުހުންނާ ހަވާލުކުރާ މިފަދަ ޑުރަގު ވަލުދޮރާށިން ނެރި ވިއްކާ ޑުރަގް ނެޓްވޯކް ގެ އަތުގައި ތިއޮތީ ޖެހިފައި!
ޏައު11
04 October 2020
ޑްރަގުގަ ބާވަތަކީ ކޮބާ؟ ކެނަބިސްތަ؟ ނޫނީ ޕާރޓީ އެއްޗިސްތަ. ޢިތުރު މައުލޫމާތު މުހިންމު.
1828
04 October 2020
ހޯދައިފި. ދެން ތިއަށް ވާނުވާއެއް ނޭނގޭނެ.