ކްރޮސްރޯޑްސް މެރީނާއާއި ހާޑް ރޮކް ރިސޯޓު ގުޅޭ ފާލަން-- ފޮޓޯ: މިހާރު
20 އޮކްޓޯބަރ 2020 - 11:45
8 comments
ކޮވިޑް-19ގެ ސަބަބުން އިގުތިސާދީ ގޮތުން ދަތިތައް ކުރިމަތިވެފައިވާ އެކި ދާއިރާތަކަށް އަމާޒުކޮށްގެން، ބީއެމްއެލް އަދި އެސްޑީއެފްސީ މެދުވެރިކޮށް ދެމުން އަންނަ އިކޮނޮމިކް ރިލީފް ލޯނުގެ ދަށުން މިހާތަނަށް 968.16 މިލިއަން ރުފިޔާ ދޫކޮށްފި އެވެ.
ފިނޭންސް މިނިސްޓްރީން ނެރެފައިވާ ތަފާސްހިސާބުތައް ދައްކާ ގޮތުގައި ބީއެމްއެލް މެދުވެރިކޮށް ބޮޑެތި ވިޔަފާރިތަކަށް މިހާތަނަށް 668.17 މިލިއަން ރުފިޔާ ވަނީ ދޫކޮށްފަ އެވެ. މީގެ ތެރޭގައި 544.8 މިލިއަން ރުފިޔާ އަދި 8 މިލިއަން ޑޮލަރު (123.36 ރުފިޔާ) ހިމެނެ އެވެ.
ބޮޑެތި ވިޔަފާރިތަކުގެ ތެރެއިން މިހާތަނަށް 579 ވިޔަފާރިއަކުން ލޯނަށް އެދިފައިވާއިރު 410 ވިޔަފާރިއަކަށް ލޯނު ދޫކުރަން ވަނީ ނިންމައިފަ އެވެ. މީގެ ތެރެއިން މިހާތަނަށް 384 ވިޔަފާރިއަކަށް ވަނީ ލޯނު ދޫކޮށްފަ އެވެ.
ބީއެމްއެލުން ލޯނު ދޫކުރަނީ ރިސޯޓުތަކާއި، އަހަރެއްގެ މައްޗަށް އާމްދަނީގެ ގޮތުގައި 10 މިލިއަނަށް ވުރެ މަތީ އަދަދެއް ލިބޭ ވިޔަފާރިތަކަށެވެ. ރަހުނަކާ ނުލައި، އަހަރަކު ހަ ޕަސެންޓް އިންޓަރެސްޓް ދައްކާ ގޮތަށް ދޭ މި ލޯނުތައް އަނބުރާ ދައްކަން ހަ މަހުގެ ގްރޭސް ޕީރިއަޑެއް ވެސް ދެ އެވެ. މި ލޯނުތައް ދައްކަން ތިން އަހަރުގެ މުއްދަތެއް ލިބޭނެ އެވެ.
ކުދި ވިޔަފާރިތަކަށް 300 މިލިއަން ރުފިޔާ
އިކޮނޮމިކް ރިލީފްގެ ގޮތުގައި ކުދި އަދި މެދުފަންތީގެ ވިޔަފާރިތަކަށް ލޯނު ދޫކުރަނީ އެސްޑީއެފްސީ މެދުވެރިކޮށްގެންނެވެ. އެގޮތުން މިހާތަނަށް އެ ބޭންކު މެދުވެރިކޮށް 1،815 ވިޔަފާރިއަކަށް 300 މިލިއަން ރުފިޔާގެ ލޯނު ވަނީ ދޫކޮށްފަ އެވެ.
ކުދި އަދި މެދުފަންތީގެ ވިޔަފާރިތަކުގެ ތެރެއިން މިހާތަނަށް 3،745 ވިޔަފާރިއަކުން ވަނީ ލޯނަށް އެދިފަ އެވެ. ނަމަވެސް އެކި ސަބަބުތަކާހުރެ 609 ފޯމެއް ބާތިލުކޮށްފައިވާއިރު 2.033 ވިޔަފާރިއަކަށް ލޯނު ދޭން ވަނީ ނިންމައިފަ އެވެ. އެއީ 353.9 މިލިއަން ރުފިޔާ އެވެ.
އެސްޑީއެފްސީ މެދުވެރިކޮށް ލޯނު ދޭނެ އަދަދު ކަނޑައަޅަނީ އެ ވިޔަފާރިއަކަށް ލިބޭ އެވްރެޖް އާމްދަނީ އަށް ބަލައިގެންނެވެ. އެގޮތުން އާމްދަނީ ލިބޭ ވަރު ބަލައި، އޭގެ 20 ޕަސެންޓްގެ ތިން ގުނަ، ކޮންމެ ވިޔަފާރިއަކަށް ވެސް ދޭން ވަނީ ނިންމައިފަ އެވެ.
އެސްޑީއެފްސީން ލޯނު ދިނުމުގައި ބަލަނީ ތިން މަހުގެ ހަރަދުތައް މެނޭޖް ކުރެވޭނެ ވަރެއް ފޯރުކޮށްދޭށެވެ. މި ހާއްސަ ޕެކޭޖުގެ ދަށުން އެސްއެމްއީތަކަށް 400 މިލިއަން ރުފިޔާ ކަނޑައަޅާފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
1234
21 October 2020
އެހެންވެ ތަކެތީގެ އްގުހެޔޮވެފަ މިއޮތީ.ބޮޑު ބލ އެއް މީ
އަބްދޫ
20 October 2020
މިއީ ވެސް އަމިއްލަ ނަޖަ އިޒް ފައިދައަށް ކުރެވޭ ހަރަދު
ޙުދު މީހާ
20 October 2020
ލިބުނު މީހަކު ހުރިއްޔާ އަތްމައްޗައް
ބަޑީ
21 October 2020
އަންނި އާއި އިބޫ އަށް ކަމަށްވާނީ ތި ލިބުނީ، އެމީހުން މާލޭގަ 50ބުރިޔަށް ބޮޑެތި ގެތައް އެބަ އަޅާ. އަދި އެކައުންޓްތަކުގަ މިލިޔަނުން މިލިޔަނުން ޑޮލަރ ހުރިކަމަށް ކިޔާ.
ޙިނި
20 October 2020
ފައިސާ ލިބުނު ފަރާތްތަކާ އަދަދުތައް އެބަޖެހޭ ފަބްލިކް ރެކޯޑްސް އައްވާން އޭރުން މި ޓްރާސްޕޭރަންޓްވާނީ. އޭރުންކަމެއް ރަންގަޅުކުރެވޭނީ. ޒަމާނުއްސުރެ އިވޭއަޑުތަކުން ލޯނުހަމަޖެހޭ ލޯނުއަދަދުގެ %10 ކަޓު އެތަނެއްގަ އެއުޅޭ ވަކި މުވައްޒަފުން ތަކަކައް ދިނީމަ. ކަމެއް ރަންގަޅުކުރަން ބޭނުމިއްޔާ ޓްރާސްޕޭރަންސީ އިތުރުކޮއް ރައްޔިތުންނާ މައުލޫމާތުތައް ހިއްސާކުރައްވާ.
ބަހައިކައި ހުސް
20 October 2020
އެއްމެ ލާރިއެއް ވެސް ނުލިބެއެވެ.
ޝަރުމީލާ
20 October 2020
ގައިމު އެންމެ ގިނަވެގެން 500,000 ދޫކުރާ އިރު ކިހިނެއް ފްލެޓް ގަތީ? ތީގެ ލަޤްޒަރީ ފްލެޓެއް މަށަށްވެސް ދައްކަބަލަ..
ފޫހި
20 October 2020
އެސްޑީއެފްސީ މެދުވެރިކޮށް ލޯނު ދޭނެ އަދަދު ކަނޑައަޅަނީ އެ ވިޔަފާރިއަކަށް ލިބޭ އެވްރެޖް އާމްދަނީ އަށް ބަލައިގެންނެވެ. އެގޮތުން އާމްދަނީ ލިބޭ ވަރު ބަލައި، އޭގެ 20 ޕަސެންޓްގެ ތިން ގުނަ، ކޮންމެ ވިޔަފާރިއަކަށް ވެސް ދޭން ވަނީ ނިންމައިފަ އެވެ.މި އީ ދޮގު. ސިޔާސީ ފަރާތްތަކާ ގުޅުންހުންނަ ފަރާތްތަކަށް އެބަހުރި އެތައް މިލިއަނެއްދީފަ. އަދި އެފައިސާއިން ބައެއްމީހުން ގަތީ ލަގްޒަރީ ފްލެޓް. އިނގޭތީ މިބުނީ.