ލެސްޓާގެ ވާޑީ ލަނޑު ޖެހުމަށް ފަހު އުފާފާޅުކުރަނީ.-- ފޮޓޯ: އޭއެފްޕީ
26 އޮކްޓޯބަރ 2020 - 09:14
9 comments
ލަންޑަން (އޮކްޓޫބަރު 26) - އިނގިރޭސި ޕްރިމިއާ ލީގުގައި ރޭ އާސެނަލްގެ މައްޗަށް 1-0 އިން ކުރި ހޯދައި އެ ޓީމުގެ ދަނޑުގައި 47 އަހަރު ތެރޭ ފުރަތަމަ ފަަހަރަށް ލީގުގައި ލެސްޓާ ސިޓީ މޮޅުވެއްޖެ އެވެ.
ލެސްޓާ ސިޓީން އެންމެ ފަހުން އާސެނަލް ދަނޑުގައި މޮޅުވީ 1973 ވަނަ އަހަރު އެވެ. މި މޮޅާ އެކު ލެސްޓާ ވަނީ ލީގުގެ ހަތަރު ވަނަ އަށް ޖެހިލައިފަ އެވެ. އެއީ ހަ މެޗުން 12 ޕޮއިންޓް ހަމަކޮށްގެންނެވެ. ލީގުގައި ޖެހިޖެހިގެން ދެ މެޗުން ބަލިވުމާ އެކު އާސެނަލް ވަނީ 10 ވަނަ އަށް ވެއްޓިފަ އެވެ. އެ ޓީމަށް ހަ މެޗުން ލިބިފައިވަނީ ނުވަ ޕޮއިންޓެވެ.
ރޭގެ މެޗުގެ ކުރީކޮޅުގައި އާސެނަލުން ވަނީ ލަނޑެއް ޖަހައިފަ އެވެ. ކޯނަރެއްގައި އަލެކްސަންޑަ ލަކަޒޭޓް ބޮލުން ޖެހި ބޯޅައެއް ގޯލަށް ވަންއިރު ރެފްރީ ފުރަތަމަ އެ ގޯލު ބަލައިގަންނަން ނިންމި އެވެ. އެކަމަކު ވީޑިއޯ އެސިސްޓަންޓް ރެފްރީ (ވީއޭއާރް) އިން ބެލުމަށް ފަހު އެ ގޯލު ބަަލައިނުގަންނަން ނިންމީ އޮފްސައިޑްގައި ހުރި ގްރޭނިޓް ޝަކާ ބޯޅަ އަށް ހަރަކާތްކުރުމުންނެވެ.
ދެ ވަނަ ހާފްގައި އާސެނަލަށް ލިޑުނަގައިދޭން ހެކްޓަ ބެލެރިން ޖެހި ބޯޅައެއް ލެސްޓާ ކީޕަރު ކެޝްޕަ ސްމައިކަލް ވަނީ މަތަކޮށްފަ އެވެ. ލެސްޓާ މޮޅުކޮށްދިން ގޯލު ޖެހީ އަނިޔާއިން ރަނގަޅުވެ ބަދަލު ކުޅުންތެރިއެއްގެ ގޮތުގައި ކުޅެން އެރި ޖޭމީ ވާޑީ އެވެ. މެޗުގެ 80 ވަނަ މިނިޓްގައި ވާޑީ މި ގޯލު ޖަހަން ފުރުސަތު ތަނަވަސްކޮށްދިނީ ބަދަލު ކުޅުންތެރިއެއްގެ ގޮތުގައި ކުޅެން އެރި ތުރުކީގެ ވިންގް ޗެންގިޒް އުންޑެއާ އެވެ.
މި ގޯލާ އެކު ވާޑީ ވަނީ ލީގުގައި އާސެނަލާ ދެކޮޅަށް ކުޅުނު 12 މެޗުގެ ތެރެއިން 11 ގޯލު ޖަހައިފަ އެވެ. ވާޑީ އަށް ވުރެން ގިނައިން އާސެނަލް ކޮޅަށް ގޯލު ޖެހި ހަމައެކަނި ކުޅުންތެރިއަކީ 12 ގޯލު ޖަހާފައިވާ މެންޗެސްޓާ ޔުނައިޓެޑްގެ ކުރީގެ ފޯވާޑް ވޭން ރޫނީ އެވެ.
މިއީ 2020 ވަނަ އަހަރު އާސެނަލް ދަނޑުގައި އެ ޓީމު ލީގުގައި ބަލިވި ފުރަތަމަ ފަހަރެވެ. އާސެނަލް ކޯޗު މިކޭލް އާޓެޓާ ބުނީ ފުރަތަމަ ހާފުގައި އެ ޓީމު އަތުގައި ކޮންޓްރޯލް އޮއްވައި ލަނޑެއް ނުޖެހުމަކީ މެޗަށް އަސަރުކުރިކަމެއް ކަމަށާއި އަދި އާސެނަލުން ޖެހި ގޯލު ބަލައިނުގަންނަން ނިންމި ސަބަބެއް އޭނާ އަށް ނޭނގޭ ކަމަށެވެ.
ލީގުގެ އެއް ވަނައިގައި އޮތް އެވަޓަން ރޭ ކުޅުނު މެޗުން ވަނީ ރަށުންބޭރުގައި ސައުތެމްޓަން އަތުން 2-0 އިން ބަލިވެފަ އެވެ. މިއީ މި ސީޒަނުގައި އެވަޓަން ބަލިވި ފުރަތަމަ މެޗެވެ. ސައުތެމްޓަންގެ ގޯލުތައް ޖެހީ ޖޭމްސް ވޯޑް-ޕްރައުސް އާއި ޗޭ އެޑަމްސް އެވެ. އެވަޓަން އިން މި މެޗު ވެސް ނިންމާލީ އެއް ކުޅުންތެރިއަކު މަދުކޮށެވެ. އެއީ ދެ ވަނަ ހާފުގައި އެ ޓީމުގެ ވާތު ބެކް ލޫކަސް ޑީނިއާ އަށް ރަތް ކާޑު ދެއްކުމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބީ.އެސް.ބީ ވެންގާ
27 October 2020
ހަލޮ ހަލޯވް. ގޫނާ ބޯއީސް އަށް އާރޓޭޓާގެ ސަލާމް.. އޯކޭތޭންކްސްބާއީ.. އޯ.. ވެންގާ ބޯއީސް ވެންގާ ބޯއީސް ވެންގާ ބޯއީސް ވެންގާ ބޯއީސް..
ފޫހި
26 October 2020
އާސެނަލް އަށް އެވީ ކޯޗްގެ ބޮޑައިކަމުން ވާންވިގޮތް.
ކޮންޓެ
26 October 2020
ރަދީފު ބުރޯ އަށް ވަރަށް ވެދުން. ހާލުއަހުވާލު ރަނގަޅުވާނެ ކަމަށް އުއްމީދު ކުރަން.
ރަދީފްއޮފިޝިއަލް
26 October 2020
ތިބަހައްޓަވާ ގާތްކަމަށްޓަކައި މަނިކްފާނަށް ޝުކުރިއްޔާ.
ރަދީފްއޮފިޝިއަލް
26 October 2020
މަރުހަބާ ލެސްޓާ.އާސެނަލް ބަލިވުން އެއީ ހިތާމައެއް.އުއްމީދަކީ ބާކީ ހުރި މެޗްތަކުގަ ރަނގަޅު ނަތީޖާއެއް ނެރެ ލީގްގަ ރަނގަޅު ހިސާބަކަށް ދަތުރުކުރުން.
ލެއްގި ކޮމިޝަނަރ
26 October 2020
ކަލޯ ރަދީފްބެއްޔާ ކަޅުދިދަ ނަގާގެން ހިތާމަ ކުރާނެ ކަމެއްނެތް. ބަލަންވީ ވީހާވެސް އަވަހަކަށް އެމެރިކާގެ ދަހިވެތި މަހުޖަނު ކޮރިންކޭގެ އަތްދަށުން ޓީމް ސަލާމަތް ކުރެވޭތޯ. އަރަބި ތެޔޮވަޅުތައް ގެންގުޅޭ ގުރޫޕަކާ ހަވާލުކޮށްގެން ނޫންގޮތަކަށް ދެން ސަލާމަތެއް ނުވާނެހެން ހީވާން ފަށައިފި. ލަންޑަނުގެ 3 ވަނަ ކުލަބު ހަލާކުވެގެންދާކަށް ލެއްގި ކޮމިޝަނަރުވެސް ނޭދެން. މެންޗެސްޓާ ސިޓީގެ ލަފަޔާ އިރުޝާދު ހޯދައިގެން އަރަބި ގުރޫޕަކާ ޓީމް ހަވާލުވުމަށް ނަސޭހަތް ތެރިވަން.
ރަދީފްއޮފިޝިއަލް
26 October 2020
މީގެ 29 ދުވަސް ކުރިން @ލެއްގިބްރޯގެ ސިޓީ ކޮޅަށް ލެސްޓާ ޖެހި ދޯ 5 ގޯލް.
ލެއްގި ކޮމިޝަނަރ
26 October 2020
ކަލޯ ބަލިވީމަ ހަޖަމް ނުވާނެކަން އިގޭ. ކުރީއޭ 29 ދުވަހޭ ކިޔައިގެން ހަމަޖައްސާލީމަ ހިތަށް ފިނިކަމެއް ލިބޭނެ. ލަންޑަނުގެ 3ވަނަ ކުލަބުގެ ސަޕޯޓަރުން ތިހެން އުޅުނީމަ ވަރަށް ހަޑި.
ބާލައާދަނު
27 October 2020
މަށަށް އާސެނަލްއަށް އެންމެ ކަމުދާ މަޤާމަކީ އެއްވަނަ. އެ ވެސް ފުލުން.