ޗައިނާގެ ޝިންޖިއާންގެ ކަޝްގަރުގެ 4.7 މިލިއަން މީހުން ވަނީ ޓެސްޓްކޮށްފައި. --ފޮޓޯ:ގެޓީ އިމޭޖަސް
27 އޮކްޓޯބަރ 2020 - 12:27
6 comments
ޝިންޖިއާން (އޮކްޓޯބަރު 27) - ކޮރޯނާވައިރަހުގެ އެންމެ ކޭހެއްގެ ސަބަބުން ޗައިނާގެ ސިޓީއެއްގެ 4.7 މިލިއަން މީހުން ޓެސްޓް ކުރަންޖެހިއްޖެ އެވެ.
ޝިންޖިއާން ޕްރޮވިންސްގެ ކަޝްގަރު ސިޓީގެ 4.7 މިލިއަން މީހުން ޓެސްޓްކުރި އިރު ބަލީގެ އަލާމާތް ނެތް އެކަމަކު ބައްޔަށް ޕޮޒިޓިވް 138 މީހުން ވަނީ ފެނިފަ އެވެ.
ކޮރޯނާވައިރަސް އެންމެ ފުރަތަމަ ފެނުނު ޗައިނާ އިން ވަނީ ކާމިޔާބުކަމާ އެކު ބަލި ކޮންޓްރޯލްކޮށްފަ އެވެ. ބަލީގެ ކޭސްތައް ފެންނަން ފެށުމާ އެކު ޗައިނާ އިން އިސްކަން ދެނީ އެ ސަރަހައްދެއްގެ އެންމެން ވީހާވެސް އަވަހަކަށް ޓެސްޓް ކުރުމަށެވެ.
ޝިންޖިއާން އަކީ ޗައިނާގައި ވީގޫރް މުސްލިމުން އެންމެ ގިނައިން ދިރިއުޅޭ ސަރަހައްދެވެ.
ކަޝްގަރުން ޕޮޒިޓިވް ކޭސްއެއް ފެނުމާ ގުޅިގެން ސްކޫލްތައް ބަންދުކުރުމަށް ފަހު މީހުން ބޭރަށް ނުކުމެ އުޅުން ވަނީ މަނާކޮށްފަ އެވެ. ގެއިން ބޭރަށް ނުކުމެވޭނީ ހަމައެކަނި ނެގެޓިވް ޓެސްޓް އޮންނަ މީހުންނަށް އެކަންޏެވެ. އެ ސިޓީން ޕޮޒިޓިވްވެފައި ވަނީ ގާމެންޓް ފެކްޓަރީއެއްގައި މަސައްކަތް ކުރާ އަންހެނެކެވެ. އެއީ ވެސް ބަލީގެ އަލާމާތްތައް ނުފެންނަ މީހެކެވެ. އެ މީހާ ޕޮޒިޓިވްވެފައި ވަނީ "ރޫޓިން ޓެސްޓެއް" ކުރުމުގެ ތެރޭން ކަމަށް ޗައިނާގެ މީޑިއާތަކުން ބުނެފައިވެ އެވެ. ކަޝްގަރުގައި ޓެސްޓް ކުރަން ފެށީ ހޮނިހިރު ދުވަހު އެވެ. އާދިއްތަ ދުވަހުގެ މެންދުރު ފަހާ ހަމައަށް ވަނީ 2.8 އަށް ވުރެ ގިނަ މީހުން ޓެސްޓްކޮށްފަ އެވެ. ބާކީ ތިބި މީހުން ޓެސްޓްކޮށް ނިންމީ އިއްޔެ އެވެ.
ޗައިނާއިން ޕޮޒިޓިވްވާ މީހުންގެ ތެރޭގައި ބަލީގެ އަލާމާތެއް ނެތި ޕޮޒިޓިވްވާ މީހުން ނުހިމަނަ އެވެ. ޗައިނާ އިން މިހާތަނަށް ވަނީ 85،810 މީހުން ޕޮޒިޓިވްވެ 4،634 މީހުން މަރުވެފަ އެވެ.
ޗައިނާގައި ކޮރޯނާވައިރަސް ވަރަށް ބޮޑަށް ކޮންޓްރޯލްކޮށްފައިވީ ނަމަވެސް ދޭތެރެދޭތެރެއިން ކޭސްތައް ފެނެ އެވެ. ޗައިނާގެ ސިޓީއެއް ކަމަށްވާ ޗިންޑައޮ އިން ބަޔަކު ޕޮޒިޓިވްވުމާ ގުޅިގެން އެ ސިޓީގެ ނުވަ މިލިއަން މީހުން ވަނީ ފަސް ދުވަހުން މި މަހު ޓެސްޓްކޮށްފަ އެވެ. ކޮރޯނާވައިރަސް އެންމެ ފުރަތަމަ ފެނުނު ވޫހާން ސިޓީގެ 11 މިލިއަން މީހުން ވަނީ މެއި މަހު ޓެސްޓްކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަރޫނާ
29 October 2020
އެއްފަހަރާ މިލިއަނުން މީހުން ޓެސްޓްކޮށްގެން ބަލި ކޮންޓްރޯލްކުރަން ޗައިނާއިން ގެންގުޅޭ މޮޅެތި އުކުޅުތަކުގެ ވާހަކަ ނޫހުން ކިޔާލަކިޔާލަ 6 ލައްކަ ހަމަނުވާ މިގައުމުގެ މީހުން މިހެން ތިބެންޖެހޭނީ. ޗައިނާ މީހުން ކައިރީ ބުނެލައިގެން މިގައުމުން ބަލި ކޮންޓްރޯލްކޮށް އެއްކޮށް ނައްތާލާކަށް އެއްވެސް ބަޔަކު ބޭނުންވާހެނެއް ހިއެއްނުވޭ. ކޮންމެ ދުވަހަކު ޕޮޒިޓިވްތައް ގުނާލާފަ ރެންޑަމް ޓެސްޓް ކޮށްލަކޮށްލަ ތިބެން ބޭނުންވާ ކަހަލަ.
އާދަމް ޝަރީފް
28 October 2020
ޗައިނާއިން މި ރޯގާ ކޮންޓްރޯލް ކޮށްފައިވާ ވަރުން އެ ގައުމުން މި ރޯގާ ނައްތާލެވިފާކަމަށް ބުނެވިދާނެ. އެހެންކަމުން ދުނިޔޭގެ އެންމެބޮޑު އާބާދީ އަދި އެންމެ ބިޒީ ސިޓީތައް ހިމެނޭ ޝައިނާއިން މިބަލި ނައްތާލުންމީ އަޖާއިބެއް ކަހަލަކަމެއް. އަދި ގިނަ ސުވާލުތަކެއްވެސް އުފެދޭ. އެހެންނަމަވެސް އެމީހުންގެ ޓެކްނިކް ޔޫރަޕްގެ ގައުމުތަކުން އަދި އެމެރިކާ އިންޑިޔާއިން ދަސްކުރަންވެއްޖެ ނޫންތޯ.
ޕިންޕިންޕޮން
27 October 2020
މާރކެޓިންގ އެއްޗެއްދޯ މިހަދާލީ. ދެން އެހެން ޤަޢުމުތަކުންވީ ޗައިނާއިން ޓެސްޓު ކިޓުތައް ގަނެގެން އެންމެން ޓެސްޓުކުރަން.
ކުރުކުރު
27 October 2020
ހެހެ. ކޮރޯނާ ކޮންޓްރޯލުކުރެވުނު ގައުމުތަކުގެ ގޮތުގަ ދޮންމީހުންގެ ނޫސްތަކުގަ މުޅިންވެސް ދައްކަނީ ދެތިންމިލިއަން މީހުންއުޅޭ ނިއުޒިލޭންޑު ކަހަލަ ދޮންމީހުން އުޅޭ ގައުމުތައް.
ހމމް
27 October 2020
ޖޯކް ޕޮލޮސީ. އެހެރުންތާ ޓެސްޓް ކުރާ ސާމާނު އުފައްދާ މީހުނަށް ލާރި ލިބޭނީ.
ލެއްގި ކޮމިޝަނަރ
27 October 2020
ކަލެއަށް ޖޯކަކަށްވިޔަސް ޗައިނާ ދުނިޔެއަށް ސާބިތު ކޮށްދެނީ އެއީ ޖޯކެއް ނޫންކަން. ކަލޭމެންގެ މިތުރު އިންޑިއާއިން ވައިރަސް ހުއްޓުވަން މުޒާހަރާ ކުރުމާ ގެރީގެ ނަޖިސް ބޮއިމާ އެގައިގަ އުޣުޅުން ޖޯކަށް ނުވޭދޯ؟ ސުޕަޕަވާ ކަމަށް ބުނާ އެމެރިކާގެ ރައީސް ޑިޓޯލާ ސަވަރޖެލްއާ އޯމޯ ބުއިމަށް ބުނުމަކީވެސް ޖޯކެއްނޫންދޯ؟ ގަމާރުކަމުން ބަޔަކު ގަބޫލު ނުކުރިޔަސް، ބަލަ ޗައިނާނޫނީ އަދިނެތޭ މިވައިރަސް ކާމިޔާބުކަމާއެކީ ކޮންޓްރޯލް ކުރި ގައުމެއް.