މާލެ: ޖޫން 24، 2020: ހިޔާ ފްލެޓުތައް މީޑިއާ އަށް ދައްކާލުން: ފްލެޓުތަކުގެ މަސައްކަތް 90 ޕަސެންޓް ވަނީ ނިމިފައި، މި އަހަރު ފަހުކޮޅު ފްލެޓުގެ ހައްގުވެރިންނަށް ފްލެޓުތައް ހަވާލުކުރެވޭނެ ކަމަށް އެޗްޑިސީން ބުނޭ. ކޮމާޝަލް ކަންތައްތަކަށް ގްރައުންޑް ފްލޯ ހާއްސަކުރުމުން 7،000 ފްލެޓްގެ އަދަދު މިހާރު ވަނީ 6،720 އަށް މަދުވެފައި.-- ފޮޓޯތައް: އަހުމަދު އަވްޝަން އިލްޔާސް /މިހާރު
04 ނޮވެމްބަރ 2020 - 20:23
17 comments
ހިޔާ މަޝްރޫގެ ދަށުން އެކަނިވެރި މައިންނާއި ބަފައިންގެ ކެޓަގަރީ، H6 އިން ފްލެޓު ލިބޭ މީހުންގެ ވަގުތީ ލިސްޓު ސަރުކާރުން މިއަދު އާންމުކޮށްފި އެވެ.
ކުރީގެ ރައީސް އަބްދުﷲ ޔާމީންގެ ސަރުކާރުން ހުޅުމާލޭގައި ފެށި ހިޔާ މަޝްރޫއުގެ ފްލެޓު ދޫކުރާ މީހުންގެ ލިސްޓު އެކުލަވާލައިފައިވާއިރު، މި ސަރުކާރުން ވަނީ އެ ލިސްޓުގައި ހިމެނޭ މީހުންނަށް ޕޮއިންޓު ދީފައިވާ ގޮތް ބަލައި ފޯމު ހުށަހެޅި މީހުންގެ ޕޮއިންޓުތައް އަލުން މުރާޖައާ ކުރުމަށް ފްލެޓު ކޮމިޓީއެއް އެކުލަވާލައިފަ އެވެ.
އެ ކޮމިޓީން މިއަދު އާންމުކުރި ލިސްޓުގައި، އެ ކެޓަގަރީން ފްލެޓަށް އެދި ހުށަހެޅި މީހުންގެ ތެރެއިން ޝަރުތު ހަމަވާ މީހުންނާއި ނުވާ މީހުންގެ ނަން، ޝަރުތު ހަމަނުވާ ކަމަށް ގަބޫލުކުރެވޭ ސަބަބާ އެކު ބަޔާކޮށްފަ އެވެ. ފްލެޓަށް އެދުނު މީހުންގެ ތެރެއިން 261 މީހުންނަކީ ޝަރުތު ހަމަނުވާ މީހުން ކަމަށް ލިސްޓުގައިވެ އެވެ.
ޝަރުތު ހަމަވާ މީހުންގެ ތެރެއިން ދިރިއުޅުމުގެ ހާލަތު ނުބެލޭ މީހުންގެ ނަމާއި އެކަން ދިމާވީ ސަބަބު ވެސް ލިސްޓުގައި ހާމަކޮށްފައިވެ އެވެ.
މި ފްލެޓުތަކަށް ހުށަހަޅާފައިވާ މީހުންގެ ތެރެއިން ވަގުތީ ލިސްޓުގައި ހިމެނިފައިވާ އެއްވެސް މީހަކު ރާއްޖޭގެ އެއްވެސް ތަނެއްގައި ސަރުކާރުން ހިންގާ ސޯޝަލް ހައުސިން މަޝްރޫއެއްގެ ތެރެއިން ފްލެޓު ރޯ ހައުސް އަދި ގޯއްޗެއް ލިބި އެއްބަސްވުމުގައި ސޮއިކޮށްފައިވާ ނަމަ ދާއިމީ ލިސްޓުން އުނިކުރާނެ ކަމަށް ކޮމިޓީން ބުންޏެވެ.
އެއް ކުއްޖަކު ބަލަމުންދާ ކަމަށް ބުން ފޯމު ހުށަހަޅާފައިވާ މައްމަ އާއި ބައްޕަ ވެސް ޝަރުތާއި ޕޮއިންޓު ހަމަވެ ވަގުތީ ލިސްޓުގައި ހިމެނިފައިވާ ނަމަ އޭގެ ތެރެއިން ދަރިފުޅު ބަލަނީ ކާކުތޯ ބަލައި ދާއިމީ ލިސްޓަށް އެ އިސްލާހު ގެންނާނެ ކަމަށް ވެސް ބުނެފައި ވެ އެވެ.
މި ލިސްޓަށް ޝަކުވާ ހުށަހެޅުމުގެ ފުރުސަތު، މިއަދުން ފެށިގެން މި މަހުގެ 16 ވަނަ ދުވަހުގެ މެންދުރުފަހު 3:00 ގެ ނިޔަލަށް ވަނީ ހުޅުވައިފަ އެވެ.
ލިސްޓަށް ޝަކުވާ ހުށަހަޅާނީ https://hcp.presidency.gov.mv/ މެދުވެރިކޮށެވެ.
ކޮމިޓީން ބުނީ ދާއިމީ ލިސްޓު އެކުލަވައިލާނީ ޝަކުވާތަކަށް ރިއާޔަތްކޮށް ކަމަށާއި ވީ އެންމެ އަވަހަކަށް ދެން ހުރި ކެޓެގަރީތަކުގެ ލިސްޓު ވެސް އާންމުކުރާނެ ކަމަށެވެ.
ހިޔާ މަޝްރޫގައި ހިމެނެނީ ޖުމުލަ 12 ކެޓަގަރިއެކެވެ. މިހާތަނަށް އެ ކޮމިޓީން ވަނީ ހަ ކެޓަގަރީއެއްގެ ވަގުތީ ލިސްޓު އާންމުކޮށްފަ އެވެ. އެއީ އެކަނިވެރި މައިންނާއި ބަފައިން (އެޗް6) ޑޮކްޓަރުންނާއި ނަރުހުން (އެޗް4) ޓީޗަރުން (އެޗް5) މާލޭގެ ރަށްވެހިން (އެޗް8) ނުކުޅެދުންތެރިކަން ހުންނަ މީހުން (އެޗް10) އަދި ދަފްތަރު (އެޗް9) ކެޓެގަރީގެ ވަގުތީ ލިސްޓު ވެސް އާންމުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވިސްނާލުމަށް އެދެމޭ
05 November 2020
ކުރީސަރުކާރުން ފްލެޓްދިންގޮތް ކަ މުނުގޮސްގެން މިސަރުކާރުން ލިސްބަދަލުކޮށް ތަހުގީގުކޮއްފަ ނެރުނު ލިސްޓުގަތިބި މީހުންގެ ނަ މާ އެޑްރެސް އެގޭ މީހުން ރަގަޅަށް ވިސްނާބަލަ ކިތައް މީހުން އެބަތިބިތޯ ރަށުގަ އަ މިއްލަ ނަ މުގަ ގޯތިހުރި ..ކޮންތާކު މިޖެހުނީ.. މޑޕއަށް ނިސްބަތް ގިނަ މީހުންތިބީ މިގޮތަށް..ބަޔަކު ބަދުނާ މުކުރަން މިސަރުކާރުން ހިންގާ ބޮޑުޖަރީ މާއެއް ލިސްޓްބަދަލުކުރީ. މިސަރުކާރުންދިނަސް ގަވާއިދަށްނުވާނެ އެސަރުކާރުން ދިނީ މަގަވާއިދަށްނުވަންޏާ.ދެސަރުކާރަކީވެސްރައްޔިތުންވޯޓުދިންސަރުކާރުތައް.
ޙަބީބު
05 November 2020
ރައްރަށުގަ އެބަތިބި މީހުން ވަރިކޮއްފަ ވެސް ދަރިންހޯދާފަ ތިޔަ ފުލެޓައް ސަރުތުހަމަކުރަން ތިޔައީމާލެޔައް ބުރަކޮއް އިތުރައް ތޮއްޖެއްސުމައް ކުރެވޭ ދޯދިޔާކަމެއް ތިޔަކަން ހުއްޓާލާ މާލެ ރައްވެހިންނޫން ބަޔަކައް މާލެ ސަރަހައްދުން ބިމާ ފުލެޓު ނުދީ ތަރައްގީ ކުރަންޏާ 3 ސަރަހައްދު މާލެޔާ އެއްފެންވަރައް ތަރައްގީކުރޭ
އުދުހޭ
05 November 2020
މިނިސްޓަރު އަސްލަމަކަށް މިތަނުން ފްލެޓެއް ނުލިބޭތަ؟
ރައީސް ސޯލިހަށް
05 November 2020
ދިރިއުޅުމުގެ ހާލަތަކީ މަތިވެ ދަށްވާ އެއްޗެއް އެމީހަކަށް އާމްދަނީ ލިބޭ މިންގަނޑަކުން. 1 - 5 ކޮޓަރީގެ ލަގްޒަރީ އެޕާރޓްމަންޓެއް ޚަރަދު ބަހާލައިގެންވެސް ކިރިޔާ އުޅެފާނެ! 1 ކޮޓަރީގަ 16 މެމްބަރުންވެސް އުޅެފާނެ. ހަލަތަށް ބަދަލު އަންނަ ކަންކަމުގާ، އާމްދަނީ މަތިވުން، ދަށްވުން ނުވަތަ ވަޒީފާ ލިބުން، ގެއްލުން. ކައިވެނި ކުރުން، ރޫޅުން، އާއިލާގެ އަމްދަނީ ހޯދާ ފަރާތް ނެތުން، ނިޔާވުން. ހާލަތު ބަދަލުވަނީ ދުރާލާ މައުލުމާތު ލިބިފައެއް ނޫން.
ކަކުނިބޯ
05 November 2020
ތިއީ ވަރަށް ސަޅި ލިސްޓެއް ފޯމްލީދުވަހާ ސަރވޭކުރާދުވަހާ ކޮ މްޕެއަރކޮށް ޑިސްކޮލިފައިވީ. 5އަހަރު މީހުން އެއްހާލަތެއްގައި ތިބޭބާ އަދި ފްލެޓްހަވާލުކުރާއިރު ވާނެ ކޯޓުން ސާފުކޮށްލުމަށްފަހު ޑިސްކޮލިފައި ކޮށްލަން. އިތުރަށް ހަދަން ފެންނަ ކެޓަގަރީތައް ތިރީގައި މިވަނީ: 1. ބާލިގު ނުވާކެޓަގަރީ އަށް ދޭ ފްލެޓް 2. އިސްކޮޅް 4 ފޫޓާއި 4 ފޫޓު 1 އިންޗި އާއިދެމެދު ދޭ ކެޓަގަރީ ފްލެޓް 3. އިސްކޮޅު 4 ފޫޓް 1 އިނަޗިން 4 ފޫޓް 2 އިންޗިއާއިދޭތެރެ ކެޓަގަރީ ފްލެޓް މިހެން ދެން 。。
މޫސަ123
05 November 2020
މީ ވަރަށް ހެއްވާ ކަމެއް ކުރީ ސަރުކާރުން ސަރުތު ހަމަވާކަމަށް ލިސްޓް ކޮށްފައިވާ މީހުންގެތެތޭން މިސަރުކާރުން ބޭނުންވާބަޔަކު އުނިކޮށް އިތުރުކޮށް ހެދީ މާ އެވަނީ އިންސާފަށް މީ ދޯ އެބުނާ އިންސާފަކީ
މުރާސިލް
04 November 2020
މިސަރުކާރުގެ އަނިޔާވެރިކަން ފެންނަނީ ވަކި ކަމަކުން ނޫނެވެ. ޤައުމުގެ ރައްޔިތުންގެ ހަެްޤުތައް ތިޔަ ފޭރެނީ ކޯޗެއް ހޯދަން ހެއްޔެވެ؟ ފުލެޓްފޯމަށް ފުކެޓް އެޅި ސަރުކާރުން 70 މާކުސް ދިން އެކަނިވެރި މަޔަށް މިސަރުކާރުން 0 ދިނީ ހަމަ އިންސާފު ހެއްޔެވެ؟ އަނިޔާވެރިކަމުގެ އިންތިހާއެވެ.
މޫސަ123
05 November 2020
ކުރީސަރުކާރުން މާކްސް ދިން މީހުން ދިވެހިރަތްޔިތުންނަށް ނުވަނީޔޯ .
ސްލޯލިހު
04 November 2020
ފްލެޓް ކޮމިޓީއެއް ހަދައިގެން ލިސްޓް ނިންމަން ދެއަހަރު.
211111
04 November 2020
މާލެ ކުލިތައް ..........2022 1 ރޫ މް އެޕާޓް މަންޓް 5000 ރ 2 ރޫ މް އެޕާޓް މަންޓް 10000 ރ 3 ރޫ މް އެޕާޓް މަންޓް 12000 ރ 3+1 ރޫ މް އެޕާޓް މަންޓް 15000 ރ 4 ރޫ މް އެޕާޓް މަންޓް 18000 ރ ......2013........2022 ޑިސެ މްބާރ.
ޝައްފަ
05 November 2020
އޮޅުމެއް ނުފިލި ތިޔަ ލިޔުނު އެއްޗެއް. އިނގޭގޮތަށް ލިޔެލާ.
ތުނިޔަ
04 November 2020
ތިވެސް ދޭކަށްއުޅޭ އެއްޗެއްނޫން! ޙހާލަތޭ ލިސްޓޭ ކިޔަ ކިޔާ ތިބެނީ...