ސުކޫކު ވިއްކިޔަސް، ދަރުމަވަންތަ ވިއްކައި ނުވަތަ ރަހުނެއް ނުކުރާނެ: ފިނޭންސް

ފިނޭންސް މިނިސްޓަރު އަމީރު: ސުކޫކު ވިއްކިޔަސް ދަރުމަވަންތަ ހޮސްޕިޓަލް ވިއްކައި، ނުވަތަ ރަހުނު ނުކުރާނެ ކަމަށް ވިދާޅުވި -- ފޮޓޯ/މިހާރު

މުއިއްޒު އިބްރާހިމް، މިހާރު

17 ނޮވެމްބަރ 2020 - 00:45

45 comments

ދައުލަތަށް އާމްދަނީ ހޯދުމަށް 300 މިލިއަން ޑޮލަރު (4.6 ބިިލިއަން ރުފިޔާ) ސުކޫކު ވިއްކުމަށްޓަކައި ދަރުމަވަންތަ ހޮސްޕިޓަލް ފިނޭންސް މިނިސްޓްރީގެ ނަމަށް ބަދަލު ކުރިޔަސް، އެތަން ވިއްކައި ނުވަތަ ރަހުނު ނުކުރާނެ ކަމަށް ފިނޭންސް މިނިސްޓްރީން މިރޭ ބުނެފި އެވެ.

ބޭރުގެ ފަރާތްތަކަށް 300 މިލިއަން ޑޮލަރުގެ ސުކޫކު ވިއްކުމަށްޓަކައި އިސްލާމިކް ކޯޕަރޭޝަން ފޯ ޕްރައިވެޓް ސެކްޓާ (އައިސީޑީ) އާ އެކު ސަރުކާރުން ކުރާ މަސައްކަތުގެ ތެރެއިން 25 ބުރީގެ ދަރުމަވަންތަ ހޮސްޕިޓަލްގެ ރަޖިސްޓްރީ ފިނޭންސް މިނިސްޓްރީގެ ނަމަށް ބަދަލުކުރަން އެ މިނިސްޓްރީން ވަނީ އެދިފަ އެވެ. އެކަމާ ގުޅިގެން ގިނަ ފާޑުކިޔުންތަކެއް ވަނީ އަމާޒުވެފަ އެވެ.

ފިނޭންސް މިނިސްޓްރީން މިރޭ ނެރުނު ބަޔާނެއްގައިވަނީ ސުކޫކު ވިއްކަނީ 100 ޕަސެންޓް ދައުލަތުން ހިއްސާވާ ސްޕެޝަލް ޕާޕޯސް ވެހިިކަލް (އެސްޕީވީ) އަކަށް ދައުލަތުގެ މުދަލެއްގެ ބެނިފިޝަލް އޯނާޝިޕް ބަދަލުކޮށް، އަދި ސުކޫކުގެ އިންވެސްޓަރުންގެ ފަރާތުން އެސްޕީވީގެ ބެނިފިޝަލް އޯނާޝިޕްގައިވާ މުދާ އިޖާރާ އެއްބަސްވުމެއްގެ ދަށުން ފިނޭންސް މިނިސްޓްރީއަށް ލީސް ކުރާ ގޮތަށް ކަމަށެވެ. އަދި ސުކޫކުގެ މުއްދަތު ހަމަވުމުން އެ މުދަލެއް އަނބުރާ ފިނޭންސް މިނިސްޓްރީއަށް ނެގޭނެ ކަމަށް އެ ބަޔާނުގައިވެ އެވެ.

އެހެންވުމުން ދަރުމަވަންތަ ހޮސްޕިޓަލްގެ ބެނިފިޝަލް އޯނާޝިޕް ބަދަލު ކުރުމަކީ އެއްވެސް ގޮތަކަށް އެތަން ވިއްކާލުން ނޫން ކަމަށާއި އަދި އެ މުއްދަތުގައި ފިނޭންސް މިނިސްޓްރީ ނޫން އެހެން ތަނަކަށް ހޮސްޕިޓަލްގެ މިލްކުވެރިކަން ބަދަލު ނުކުރެވޭނެ ކަމަށް އެ ބަޔާނުގައިވެ އެވެ. އަދި ސުކޫކު ވިއްކުމުގެ އެއްވެސް މަރުހަލާއެއްގައި ދަރުމަވަންތަ ހޮސްޕިޓަލް ރަހުނު ނުކުރެވޭނެ ކަމަށް ވެސް އެ ބަޔާނުގައިވެ އެވެ.

އެ ބަޔާނުގައިވަނީ 2017 ވަނަ އަހަރު ވެސް ދައުލަތަށް ފައިސާ ހޯދުމަށްޓަކައި ފިނޭންސް މިނިސްޓްރީގެ އިމާރާތް ބޭނުން ކޮށްގެން ސުކޫކު ވިއްކަން މަސައްކަތް ކުރި ކަމަށެވެ. އެކަމަކު އޭރު ދިމާވި ގާނޫނީ ގޮންޖެހުންތަކަކާ ހެދި އެ މަސައްކަތް ނުކުރެވުނީ ކަމަށާއި ބަޖެޓް ތަންފީޒު ކުރަން ފައިސާ ހޯދޭނެ މަގުތައް ތަނަވަސްވޭތޯ މަސައްކަތް ކުރަމުންދާ ކަމަށް ވެސް އެ ބަޔާނުގައިވެ އެވެ. އަދި ސުކޫކު ވިއްކުމަކީ އިސްލާމީ ގައުމުތަކާއި އެ ނޫން ގައުމުތަކުން ވެސް ކުރަމުންދާ ކަމެއް ކަމަށް އެ ބަޔާނުގައިވެ އެވެ.

ފިނޭންސް މިނިސްޓްރީ ދައުލަތުގެ އާމްދަނީ ސަރުކާރުގެ ބޮންޑް ދަރުމަވަންތަ ހޮސްޕިޓަލް

45 ކޮމެންޓް, 99 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދަރަނި ދަންތުރަ

17 November 2020

ދެން ކީއްކުރަން އެއިމާރާތް ފިނޭންސްގެ ތަނެއްގޮތުގައި ހަދަން ތިޔައުޅެނީ އަމީރޫ އެހެން އިންސާނުން ނަށްވެސް ﷲ ސިނކުޑި ދެއްވިޔޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކައުންސެލަރު

17 November 2020

ދެންކޯއްޗެއް ހަނދާންވެގެން ހޮހަޅައަކަށް ވެފައި ރަނަށްވާ ތަނުގެ "މިލްކުވެރިކަން" ބަދަލުކުރަން ސިޓީ ފޮނުވީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޮލީމެޓާ

17 November 2020

ދަރުމަވަންތަ ހޮސްޕިޓަލް ފިނޭންސްގެ ދަށަށް ބަދަލުކުރަނީ އެ އިމާރާތާ ދިމާލަށް އަމީރު ބަލަހައްޓައިގެން ހުންނަން ހަމައެކަނި. އެއްވެސް ފައިސާއާ ބެހޭ ކަމެއް ހިންގާކަށް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސްލަމާ

17 November 2020

ދައުލަތުން ކުރާ އިސްރާފު ހަރަދު ކުޑަކުރާނީ ކޮންއިރަކުން؟ 1. ރައީސް ނަޝީދުމެން ދައުލަތުން ދެ މުސާރަ ނަގާ. ދޭންވީ އެއް މުސާރަ. މަޖިލިސްވިއްޔާ މަޖިލިސް މުސާރަ. އެކަމުން ވަކިވީމަ އަނެއް މުސާރަ ހިނގަންވީ. 2. އަބުއްލޯ ރިޔާޒު މަޖިލިސް މުސާރައާ ކޮމިޝަނަރެއްގެ މުސާރަ ފެންޝަނޭ ކިޔައިގެން. އެހެން މީހުންނަށް 5000 ޕެންޝަނަށް. ފަރަގު ނައްތާލުމަށް ގޮވާލަން. ދައުލަތުގެ ހަރަދުކުޑަކުރަންވީ ވަގުތުމީ. ކޮބާތަ ތަހުލީލީ ނޫސްވެރިން؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސްލަމާ

17 November 2020

ދައުލަތުގެ ހަރަދު ކުޑަކުރެވޭނެ އެތަކެއް ގޮތެއް މިހާރުވެސް އެބަހުރި 1. ބޮޑު މުސާރަތައް ކުޑަކުރަންވީ. މަޖިލިސް މެމްބަރުންގެ މުސާރަ، މިނިވަން މުއައްސަސާތަކުގެ މުސާރަ މިހެން ގޮސް އަދިވެސް ކުޑަކުރެވޭނެ. 2. މިނިސްޓަރު ޝާހިދު ގާތުބުނޭ ޔޫއެންގެ ރައީސްކަން ކުރާނީ ދަރަނި ފިލީމައޭ 3. ދައުލަތުން ބޮޑު ޕެންޝަންތައް ލިބޭ މީހުން އަތުން އެއަތުލަންވީ. ކުރީގެ ރައީސުންނާއި ފުލުހުންގެ ރިޓަޔަ ކޮށްފައި ބޮޑު މުސާރަ ލިބޭ މީހުން. ރައީސް ނަޝީދު އާއި އަބުއްލޯރިޔާޒު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަދިކޮބާ

17 November 2020

ޔޫއެންޖީއޭގެ ރައީސްގެ މުސާރައަކީ ޔޫއެންއިން ދޭ އެއްޗެއް ނޫންކަމަށްވަނީ. ދެން ޝާހިދު ހޮވިއްޖެއްޔާ 2 ލައްކައަށްވުރެ ގިނަ ޑޮލަރު މިގައުމުގެ ބަޖެޓުންތަ ދޭނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަންޕަދަރި

17 November 2020

ބިރުގަތީތަ?

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޯދީ ޖަންނަ

17 November 2020

މިހާރު އެއުޅެނީ އޮޅުވާލަން.ދެއިރު ދައްކާ ވާހަކަ ދިމަލެއްނުވޭ.މީ ކިހިނެއްވެފަ ތިބި ބަޔެއްތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑރ. ބަނާނާބޭގެ ދަރި އަލިކޮސް

17 November 2020

އަމީރު ތިޔާ މަގާމުގައިހުންނަވައިގެން މަގާމުދިފާއު ކުރައްވަން ރައްޔިތުން މަގު ފުރައްދަން އުޅޭނެކަމެއްނެތް. ތިމާގެ ނާގާބިލުކަން ދައްކާވާހައިން އަދި ތިކުޅުއްވާ ޑްރާމާ ތަކުން ވަރަށް ސާފުވޭ. މުޅިގައުމުގެ ހަރުމުދާ ވިއްކާ ނުލާ އުރައްޕެއްނެތް މިހާ ލަދު ނުގަނެ ގޭގައި މަޑުކުރައްވާ. ތިިކަން ތިޔަށް ވުރެރަގަޅަށްކުރެވޭނެ ގާބިލް މީހުން މިގައުމުގައި އެބަތިބި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާންމު މީހެއް

17 November 2020

ސުކޫކް އާއި ކޮންވެންޝަނަލް ބޮންޑްގެ މައިގަޑު އެއް ތަފާތަކީ ސުކޫކު އަކީ މުދަލުގެ އޯނާޝިޕް އާއި ގުޅިފައި އޮންނަ އެއްޗެއްކަން. ރައްޔިތުންނަށް އޮޅުވައިނުލާ ސާފުކޮށް ކިޔާލަ ދިނުން ރަނގަޅު.