އަހުމަދު ނަސީމަށް ރައީސް އޮފީހުގެ މިނިސްޓަރުކަން ދެއްވި އިރު ރައީސް އިބްރާހީމް މުހައްމަދު ސޯލިހު އޭނާއަށް ފަތްކޮޅު ދެއްވަނީ. ހެލްތު މިނިސްޓަރަކަށް މިހަރު އައްޔަންކޮށްފައިވާ ނަސީމަށް މަޖިލީހުން މިއަދު ރުހުން ދިން
23 ނޮވެމްބަރ 2020 - 15:08
26 comments
ހެލްތު މިނިސްޓަރު އަހުމަދު ނަސީމަށް ރައްޔިތުންގެ މަޖިލީހުން މިއަދު ރުހުންދީފި އެވެ.
ނަސީމަށް ރުހުން ދޭން ރައްޔިތުންގެ މަޖިލީހުގެ މިއަދުގެ ޖަލްސާގައި ފާސްކުރީ އެކަމަށް ނެގި ވޯޓުގައި ބައިވެރިވެވަޑައިގެންނެވި 66 މެމްބަރުންގެ އިއްތިފާގުންނެވެ.
ހެލްތު މިިނިސްޓަރު ކަމަށް ނަސީމް އައްޔަން ކުރެއްވީ އެ މަގާމުގައި ކުރިން ހުންނެވި އަބްދުﷲ އަމީން އިސްތިއުފާ ދެއްވުމުންނެވެ. ވެރިކަން ކުރާ ކޯލިޝަންގައި ހިމެނޭ ޖުމްހޫރީ ޕާޓީގެ ސްލޮޓެއްގައި ހުންނެވި އަމީން އިސްތިއުފާ ދެއްވުމުން އެ މަގާމަށް ޖޭޕީގެ ބޭފުޅެއްގެ ބަދަލުގައި ނަސީމް އައްޔަން ކުރެއްވީ ވަރަށް ގާތުން ސިއްހީ ދާއިރާގެ ކަންކަން ބައްލަވައި ބަދަލުތަކެއް ގެންނަވަން ބޭނުންފުޅުވާތީ ކަމަށް ރައީސް އިބްރާހިމް މުހައްމަދު ސޯލިހް ކުރިން ވިދާޅުވި އެވެ.
ނަސީމަށް ރުހުން ދިނުމާ މެދު ގޮތެއް ނިންމުމުގެ ވޯޓުގެ ކުރިން އެމްޑީޕީގެ ފަރާތުން މިއަދުގެ ޖަލްސާގައި ވާހަކަ ދެއްކެވި އެ ޕާޓީގެ ޗެއާޕާސަން އަދި ރައްޔިތުންގެ މަޖިލީހުގެ ހެންވޭރު ހުޅަނގު ދާއިރާގެ މެމްބަރު ހަސަން ލަތީފް ވިދާޅުވީ ނަސީމަކީ ރާއްޖޭގެ ޓޫރިޒަމް އިންޑަސްޓްރީގެ އެއް ބާނީ ކަމަށާއި ނަމަވެސް އޭނާ އަކީ ސިއްހީ ދާއިރާގައި ވެސް މަސައްކަތް ކުރައްވާފައިވާ ބޭފުޅެއް ކަމަށެވެ. ރާއްޖޭގައިިި އެކި މަސަައްކަތްތައް ކުރައްވައި، ރާއްޖެއަށް އިންވެސްޓަރުން ގެނައުމުގައި ވެސް އޭނާ އުޅުއްވި ކަމަށާއި އެެއީ ދިގު މުއްދަތެއްގައި ދައުލަތަށް ހިދުމަތްކުރައްވާފައިވާ ބޭފުޅެއް ކަަމަށް ވެސް ހަސަން ވިދާޅުވި އެވެ.
"އަހުމަދު ނަސީމާ ދޭތެރޭގައި ހަމަ ގައިމު ވެސް އަަޅުގަނޑަކަށް ކުޑަ ވެސް ޝައްކެެއް ނެތް،" އޭނާ ވިދާޅުވި އސެވެ.
ހަސަން ވިދާޅުވީ ހެލްތު މިނިސްޓަރުގެ ހައިސިއްޔަތުން ރަނގަޅު މަސައްކަތްތަކެއް ނަސީމް ކުރައްވާނެކަމަށް ގަބޫލުކުރައްވާ ކަމަށާާއި ހާއްސަކޮށް ކޮވިޑްގެ ނުރައްކަލުން ރާއްޖެ ސަލާމަތްކުރުމަށް ކުރާ މަސައްކަތުގައި ހެލްތު މިނިސްޓަރުކަމުގެ އިތުރުން ރައީސަށް ރަނގަޅު ލަފާ ދެއްވާނެ ކަމުގެ ޔަގީންކަން ވެސް އެބަ އޮތް ކަަމަށެވެ.
ހެލްތު މިނިސްޓަރުގެ މަގާމާ ހަވާލުވެވަޑައިގެންނެވުމުގެ ކުރިން ނަސީމް ހުންނެވީ ރައީސް އޮފީހުގެ މިނިސްޓަރުގެ މަގާމުގަ އެވެ. އޭނާ ވަނީ ރައީސް މުހަންމަދު ނަޝީދުގެ ސަރުކާރުގައި މާޗް 21، 2011 އިން ފެބްރުއަރީ 7، 2012ގެ ނިޔަލަށް ފޮރިން މިނިސްޓަރު ކަމުގެ މަގާމު ވެސް ފުރުއްވައިފަ އެވެ.
އަދި އޭގެ ކުރިން ނަސީމް ވަނީ ސްޓޭޓް ފޮ ފޮރިން އެފެއާޒްގެ މަގާމު ވެސް ފުރުއްވައިފަ އެވެ. އޭނާ ސަރުކާރާ ގުޅިވަޑައިގަތީ 1966 ވަނަ އަހަރު އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޅަބޭ
24 November 2020
"ރަބަރު ތަތްގަނޑު ރައީސް އޮފީހުން ޖަހަފި"
އަހުމަދު ޑޯނަޓު
24 November 2020
ކާކުތަ ބުނީ ރުހުން ނުދޭށޭ ކަލޭމެން އަތުގަ ތިޔަބުނާ ސުޕަރ މެޖޯރިޓީ އޮތީ ކުކުޅެއްގެ ނަން ތިތަނައް ފޮނިވިޔަސް އޭ ނަސީމޭކިޔާފަ ވޯޓުދޭނެ
އެންޓަރ
24 November 2020
ބޮޑުވަޒޯރު ބުނީ ރުހުން ލިބުނީ ކެރަފާ ނަސީމް އަށޯ!
ރީތި މޫސަ
23 November 2020
ރުހުންދޭނެތާ ރާއްޖޭގަނެތްވިއްޔަ ނަސީމާއި އެއްވަރަށް ހެލްތުދާއިރާއިން ތަޢްލީމްޙާސިލްކޮށްގެން ހުރިއެހެންމީހަކު މިފަހަރު 1980 ގެ އަހަރުތަކުގަ ރާއްޖޭގެ ސިއްޙިދާއިރާ އޮތްހިސާބައް ވަރަށް އަވަހަށްގެންގޮސްދޭނޭ ބަލަދުއަރާފައޮތަސް ބޮޑުވަރު ލަދުންބޯހަލާކު
ދޮންބެއްޔާ
23 November 2020
ހެ ހެ... މިވެރިންގެ ޕާޓީގަ ކިޔަވައިގެން ހުރި ޤާބިލު ޒުވާނަކު ނެތީބާ؟
ދޯރި
23 November 2020
ކޮންގޮތަކަށް ވިސްނާފަ މިނިސްޓަރުކަން ދިންމީހެއްބާއޭ ހިތައް އަރައެވެ. ގައިމު މި ދާއިރާގެ ތަޖުރިބާއެއް ނެތެވެ. ހަކަތައެއް ނެތެވެ. މި ޒަމާނަށް ފެތޭ ހިންގުންތެރިކަމެއް ނެތެވެ. ކޮންމެވެސް ވަރަކަށް ރުންކުރުކޮށް ވާހަދަ ދައްކާލަން އެނގިދާނެކަންނޭންގެއެވެ.
ބިސް
23 November 2020
ހެލްތު މިނިސްޓަރުކަށް އަންޔަންކުރަން ތިނޫން މީހަކު ހަމަ ނުފެނުނީބާ!؟
ދޮންބެއްޔާ
23 November 2020
ނެތީއޭ ދަރިޔާ!
ސްކިޕަރ
23 November 2020
ސިއްޙީ ދާއިރާއިން ލިބުނު ހަމައެކަނި ތަޖުރިބާ: ދިވެހީން ލޮލުގެ ޑަކުޓަރުން ބޭނުންވާ ވަރު ބޮޑުކަމުން ނަޝީދުގެ ވެރިކަމުގައި ފޮރިން މިނިސްޓަރަކަށް ހުރެ އިސްރޭލުގެ "ލޮލުގެ ޑޮކްޓަރުން" ރާއްޖެ ގެންނަން އުޅުން.
ހާމިދު ރާޝިދު
23 November 2020
ކީކޭ ބުނާނީ! ދައްކަވަން ހުރި ތަނެއް ދައްކަވާނެ!
ބިޗޫ
23 November 2020
ސަރުކާރަށް ދެ އަހަރު ފުރިގެން ހާސިލު ކުރެވުނު ކަންތަކޭ ކިޔާ ސޯޝަލް މީޑިޔާގައި ދައުރު ކުރާ ކަންތަކުގައި ގިނައީ ހެލްތު މިނިސްޓްރީއިން ހޯދާފައި ކާމިޔާބީތައް. ގައިމު އެއްވެސް ލަދެއް ހައްދަވާނަމަ އެ ހުރިހާ ކާމިޔާބީއެއް ހޯދަ ދިން މީހާއާ ދޭތެރޭ މީހާ ރަހުމުކުޑަކޮށް ކަންތަކެއް ނުކުރާނެ. ދޮގު ދައުވާ އުފަން ނުކޮށް ރީތިކޮށް މަގާމު ދޭށޭ ބުނި ނަމަވެސް. ނަޝީދަކީ ހަޔާތްކުޑަ މީހެކޭ އަޑުއަހަން، އެކަމަކު މި ދެން ފުކެއް ބޮޑުވަރު.
އިޗޫ
24 November 2020
ނަޝީދުގެ ހަޔާތްކުޑަކަން އެކަނިތަ ފެންނަނީ؟ ކޮބާ އަމީނު ޕާޓީގެ ބޮޑުމީހާ. އޭނާ އަމީނުގެ އަގުވަޒަންކުރިތަ؟ ކުރި މަސައްކަތަށް އެއްޗެކޭ ބުނިތަ؟ ނަޝީދު އެއީ އަނެއް ޕާޓީގެ މީހާ. ތިމާގެ ޕާޓީގެ ބޮޑުމީހާ ކޮބައިތަ؟ އަމީނަށްވެސް އެގޮތް ހަމަ ބަރާބަރުވާއިރު މިތަނުގަ އަމީނުގެ މޮޅު ވާހަކަ ދައްކައި ކޮމެންޓްތަކަށް ލައިކްޖަހާނެ ބަޔަކު ހޯދީމަ އަމީނަށް ފުދެނީތަ؟
ޑިޝުން
24 November 2020
ކޮން އެ ޕާޓީ މި ޕާޓީ ކިޔާކަށް. މަޖިލީހުގެ 65 ގޮނޑި ލިބިގެން މުޅި ގައުމަށް ހިތު ހުރި ގޮތެއް ހަދަމުން މި ދަނީ ކާކުކަން ނޭނގޭ މީހެއް ނެތް. މައްސަލައިގެ ބޮޑު ތަހުގީގެއް ހިންގާ ނިމި ޕްރޮސިކިއުޓަރ ޖެނަރަލް ނިޔާ ކަނޑައަޅާފައި އޮތްވާ އިތުބާރު ނެތް ކަމުގެ ވޯޓު ނަގަން ވެއްދީ ކޮން ޕާޓީއެއްގެ ކާކުތޯ؟ ކޮސްގޮވާބަލަ. އެކޮޅު ކޮޅުން ނެއްޓެވިޔަސް ނަސީމު ބަލައިގަންނަ މީހެއް ނެތް މި ރާއްޖޭގައި. ލައިކެއް ނުލިބެންޏާ ހަގީގަތާ ކުރިމަތިލާ.