ހަޔަ އެޑިއުކޭޝަން މިނިސްޓަރު މިދިޔަ ބުދަ ދުވަހު "މިހާރު" އަށް އިންޓަވިއުދެއްވަނީ.-- ފޮޓޯ: އަހުމަދު އަވްޝަން/ މިހާރު
04 ޑިސެމްބަރ 2020 - 11:48
25 comments
ޕައިލެޓުން ތަމްރީނުކުރުމަށް ރާއްޖެއަށް އިތުރު ފްލައިން ސްކޫލެއް ބޭނުންވާ ކަމަށް ހަޔަ އެޑިއުކޭޝަން މިނިސްޓަރު ޑރ. އިބްރާހިމް ހަސަން ވިދާޅުވެއްޖެ އެވެ.
އައްޑޫގައި ހުންނަ އޭޝިއަން އެކަޑަމީ އޮފް އެއޮރޮނޯޓިކްސް (އޭއޭއޭ) ގެ މައްސަލަ ހޫނުވެފައި ވަނިކޮށް މިނިސްޓަރު "މިހާރު" އަށް މިިދިޔަ ބުދަ ދުވަހު ދެއްވި އިންޓަވިއުއެއްގައި ވިދާޅުވީ އިތުރު ފްލައިން ސްކޫލެއް އުފެއްދުމުން ވާދަވެރި ރޭޓެއްގައި ދަރިވަރުންނަށް ކިޔެވުމުގެ ފުރުސަތު ފަހިވާނެ ކަމަށެވެ.
"ރާއްޖޭގައި އިތުރު ފްލައިން ސްކޫލެއް ބޭނުންވޭ،" މިނިސްޓަރު ވިދާޅުވި އެވެ.
މިނިސްޓަރު ވިދާޅުވި ގޮތުގައި އެމްބީބީއެސް ކޯހުގެ ފެންވަރާއި މުގައްރަރު މޯލްޑިވްސް މެޑިކަލް ކައުންސިލުން ބަލައި ފާސްކުރާ އުސޫލުން، ޕައިލެޓްކަމުގެ ރެގިއުލޭޓްރީ ބޮޑީ އަކީ ސިވިލް އޭވިއޭޝަން އޮތޯރިޓީ އެވެ. އެ އުސޫލުން، އައްޑޫ ފްލައިން ސްކޫލުގެ ފެންވަރާއި ކިޔަވައިދޭ އިންސްޓްރަކްޓަރުންގެ ފެންވަރު ބަލާނީ ސިވިލް އޭވިއޭޝަނުން ކަމަށް ވިދާޅުވި އެވެ.
ހަޔަ އެޑިއުކޭޝަން މިނިސްޓްރީގެ ޒިންމާގައި ހިމެނެނީ، މިނިސްޓަރު ވިދާޅުވި ގޮތުގައި އެފަދަ ތަންތަން ރަޖިސްޓްރީކުރުމެވެ.
ސިވިލް އޭވިއޭޝަނުން ހަދާފައިވާ އޮޑިޓް ރިޕޯޓު ދިރާސާކުރަމުން އަންނަކަމަށް ވެސް މިނިސްޓަރު ވިދާޅުވި އެވެ.
ފްލައިން ސްކޫލުގެ އެކި މައްސަަލަތަކާ ހެދި ސަރުކާރުން އެތަނަށް ފިޔަވަޅު އަޅާފައި ވަނިކޮށް، މި ފަހުން 15 ދަރިވަރަކު ވަނީ ކުއްލި ގޮތަކަށް ވަކިކޮށްފަ އެވެ. އެ ސްކޫލްގެ ދަރިވަރުން އިމްތިހާނުތައް ފުރިހަމަކުރުމަށް ފަހު އެތައް ދުވަހެއް ވާއިރު ވެސް އުދުހުމުގެ ތަމްރީނުތަކަށް ފުރުސަތު ނުލިބި، ބޮޑު ހަރަދެއް ހިނގާ ކަމުގެ ޝަކުވާތައް ދަރިވަރުންނާއި ބެލެނިވެރިން ކުރަމުންދާތާ ގިނަ ދުވަސްތަކެެއް ވަނީ ވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
Ali Gasim
05 December 2020
ބޭރުން އަރައިތިބި ކުޑަކުންފުންޏަކުން ދިވެހިން ނަށް ބޭނުންގޮތެއް ހަދަމުންދާއިރު ސަރުކާރަށް އެއްކަމެއްވެސް ނުކުރެވުނުތަ
އެމްސް
05 December 2020
ސްކޫލްތައް އިތުރުވާ ވަރަށް 2 ކޮޅުޖެހޭވަރު އާމްދަނީގެ ވަޒީފާވެސް އިތުރުވާންޖެހޭ!
އާދަމުގެދަރި
05 December 2020
ރާއްޖެއަކަށް އެއްވެސް އެއްޗެއް ބޭނުމެއް ނުވޭ. މިރާއްޖޭގައި މިދޭ ޑިގްރީއެކޭ ފަތަފޮޅީ ފަތްގަނޑެކޭ އެއްގޮތް. އެ އޮތަސް އެނގޭ އެއްޗެއް ނެތް. ދަންނަ ކަމެއް ނެތްތާނގައި ތިމާއަށް އެއްޗެއް ނޭނގޭކަން ނޭނގޭވަރަށް މީހުން ތިބެނީ މުރައްކަބުޖާހިލު ވެފައި.
މިލިއަން ޑޮލަރު
05 December 2020
ޕައިލެޓް ކޯސް ހަދަން ރާއްޖޭގަ ސްކޫލެއް ހެދީމަ ވީތަ؟ ރާއްޖެއަށް ކޮންމެ އެއްޗެއް ގެނަޔަސް އަގު އަތްނުފޯރާ ފަށުގަ. ދެން މިކަންކަން ކުރަން އުޅެން މިޖެހެނީ އުމުރު ދުވަހު ދައްކާ ހަލާސް ނުވާވަރު ލޯން ނަގައިގެން.
އެސަމީރު
05 December 2020
މިއީ ޕޮލިޓިކަލީ ބުނާބަހެއް. ހެލިކޮޕްޓަރު ދިންމީހުން ރުއްސަން. ރަނގަޅަކަށް އެެއްްތަން ހިންގޭތޯ ބަލީމަ ގައުމަށް ވެސް ފައިދާވާނީ. މުޅިރާއްޖެ އެމީހުންނަށް ދެނީ މިދިވެހި ބޮޑުންގެ ގައިގާ ހިނގަނީ ދިވެހި ލޭބާ. ގައުމު ނުވިއްކާ.
ކަކުނިބޯ
05 December 2020
ކާކުގެ ވެރިކަ މެއްގައި ގެނާ ފްލައިންސްކޫލެއްތަ އަޅެ. ފޮނިކަޑާލާދައްކާލާފަ ހުއްޓެއްނު އެސުކު މިތަނަށްގެނެއްސަ. އަޅެއޭނަޔަށް ރާއްޖެއަށ ފައިދާވާކަ މެއް ކުރެވުނުތަ ޓެކްސް ނެގުން ފިޔަވާ
މޯޑޭ
04 December 2020
ތިކަމަށް އެއްމެ އެކަށީގެން ވާ ތަނަކަށް މިހާރު އޮތީ ހޯރަފުށީ އެއާރފޯޓް. އެނެއްކާ ހިތްހެޔޮ ރަށްއިތަކު އުޅޭ ސަރަހަންދެއް.
ޖަޒީރާ ދީދީ
05 December 2020
ހޯރަފުށީގައި ހަދަންވީ އިންޑިޔާގެ އެހީގައި ހެލިކަޕްޓަރު ދުއްވަން ދަސްކުރާ މަރުކަޒެއް މިކަމައް މަސައްކައް ކުރުމަށް ހީވާގި މެންބަރު އަދި އެއަރޕޯޓުގެ ބާނީ ސައްލޭއަށް ދަންނަވަން.
ޑައިވަރިސިފައި
04 December 2020
ރާއްޖެއަށް އިތުރު ފްލައިން ސްކޫލެއް ބޭނުންވޭ އެގޮތަށް މިނިސްޓަރު އެކަނި ވިދާޅުވުމުން ނުފުދޭނެއޭ ފްލައިން ސްކޫލް އަޅަން މާލެ ސަރަހައްދުން ގާފަރު ފަޅު އެއްކޮށް ހިއްކާލާ އެތަނުގައި އިންޑަސްޓްރިއަލް ޕާރކްސް ތަކާއި އަދި އޭވިއޭޝަން އިންޑަސްޓްރީސް ތައް ހިމެނޭނެ އުސޫލުން އެފަޅު ބޮއިންގް އަށް 100 އަހަރަށް ކުއްޔަށް ދޫކޮށްލަންވީއޭ އަަހަރަކު ސަރުކާރަށް 100 އަހަރު ދުވަސް ވަން ދެން 100 މިލިއަން ޑޮލަރު ކުއްޔެއްގެ ގޮތުގައި ދޭގޮތަށް ސަރުކާރުން އެބަޖެހޭ އިގްތިސާދު
އައްފާރު
04 December 2020
އައްދެ ....ބޮއިންގ އެޔޮށް ނެގީ
ހެލިހެލިބެ
04 December 2020
ހެލިކޮޕްޓަރުވެސް ދުއްވަން ދަސްކޮށްދޭ ސުކޫލެއް ދެން ގެންނަންވާނީ. އެހެންނޫނީ ވާގޮތަކީ އެއީ ކާރުދުއްވުން ހާ ފަސޭހަކަމަކަށްނުވާތީ ބަޔަކުމީހުންނަށް ހީވަނިޔޯ ދިވެހިންނަށް ނުވާނެ ކަމެކޭއެއީ.
ތިމާވެށި
04 December 2020
ހެދިފަ ހުރި ގާނޫނު ތަކާ ގަވާއިދު ތައް ތައް ތަންފީޒް ނުކުރެވެނީ އެވެ.