ނ.މަނަދޫ: މަނަދޫ ކައުންސިލް ޖޫރިމަނާ ކުރީ 20،000 ރުފިޔާ އިން
06 ޑިސެމްބަރ 2020 - 21:41
9 comments
ނ. މަނަދޫން އަލަށް ދޫކޮށްފައިވާ ގޯތިތައް ރައްޔިތުންނާ ހަވާލުކުރުމުގެ ކުރިން ސާފުކުރި އިރު، ގަވާއިދާ ހިލާފަށް ރުއްގަސް ނެގި ކަމަށް ބުނެ އެ ރަށު ކައުންސިލް 20،000 ރުފިޔާ އިން އެންވަޔަރަމެންޓް ޕްރޮޓެކްޝަން އޭޖެންސީ (އީޕީއޭ) އިން މިއަދު ޖޫރިމަނާކޮށްފި އެވެ.
އީޕީއޭ އިން ނެރުނު އިއުލާނުގައި ބުނީ 30 ދުވަހުގެ މުއްދަތެއްގެ ތެރޭގައި އެ ފައިސާ އީޕީއޭ އަށް ދައްކަން ޖެހޭނެ ކަމަށެވެ.
އެކަމަކު އެ ރަށު ކައުންސިލްގެ ނައީބު ރައީސް އަހުމަދު ނަޒީދު "މިހާރު" އަށް ވިދާޅުވީ އެ ގޯތިތައް ސާފުކުރުމުގެ މަސައްކަތް ކުރުމުގެ ކުރިން އެކަން އީޕީއޭ އަށް އެންގި ކަމަށެވެ. އެއީ މިދިޔަ ސެޕްޓެމްބަރު ހިސާބުގައި ކަމަށާއި އެކަމާ ގުޅިގެން އީޕީއޭގެ ބަހެއް ލިބިފައި ނުވާތީ ބަޔަކާ ގުޅިގެން ކައުންސިލުން މި މަސައްކަތް ފެށީ ކަމަށް އެތަނުން ބުންޏެވެ.
"ރައްޔިތުންނަށް ފަސޭހަކުރަން ވެގެން، ބިންތައް ހަވާލުކުރުމުގެ އެތަން ސާފުކުރުމުގެ މަސައްކަތް އަޅުގަނޑުމެން ފެށީ،" ނަޒީދު ވިދާޅުވި އެވެ.
ނަމަވެސް އެ މަސައްކަތް ފުލުހުން ލައްވާ އީޕީއޭ އިން ހުއްޓުވި ކަމަށް އޭނާ ވިދާޅުވި އެވެ. އެއަށް ފަހު އެކަމުގައި ނަގަން ޖެހޭ ހުއްދަތައް ނެގި ކަމަށާއި މިހާރު ވެސް އެ މަސައްކަތް ކުރިއަށް ގެންދަމުން އަންނަ ކަމަށް އޭނާ ވިދާޅުވި އެވެ.
"ފުލުހުން ލައްވާ އެ މަސައްކަތް ހުއްޓުވުމުގެ ކުރިން ނެގި ރުއްގަސްތަކާ ގުޅިގެން އެ ޖޫރިމަނާ ކުރީ. ގާތްގަނޑަކަށް ހައެއްކަ ގޯތިން ރުއްގަސް ނެގިން [ފުލުހުން] ނުހުއްޓުވަނީސް،" ނަޒީދު ވިދާޅުވި އެވެ.
ޖުމްލަ 74 ގޯއްޗެއް ސާފުކުރުމުގެ މަސައްކަތް ކައުންސިލުން ވަނީ ފަށައިފަ އެވެ. މި ގޯތިތައް ދޫކުރަން އިއުލާން ކުރީ 2016 ވަނަ އަހަރު އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަސަނު1
07 December 2020
މިގައުމުގައި އޮތީ ހުއްދަ ނަގައިގެން ތިމާވެށި ފަނާކުރުން.. ނުނަގާ ހަލާކު ކޮށްފިއްޔާ ބިލިއަނުން ޖޫރިމަނާ.. ހުއްދަނެގީމާ (އީއައިއޭ ހަދާ ތިމާވެށީގެ މިނިސްޓްރީގެ ކުދިންނަށް ކޮންސަލްޓަންސީ ދިނީމައާއި އިވެލުއޭޓް ކުރާ ކުދިންނަށް ސަރުކާރު މެދުވެރިކޮށް 20000 ދިނީމައި) ބުރަކަށީގައި ފިރުމާފައި ހަލާކު ކުރާށޭ މިބުނަނީ. ސަރުކާރުގެ އަދި ގިނަރައްޔިތުންގެވެސް ތިމާވެށި ހިމާޔަތްކުރުމައި އިޚްލާސްތެރިކަމެއް ނެތް. ހަމައެކަނި ބޭރުގައުމުތަކަށް ދައްކާ ދަޅައެއް.
ނާޒި
07 December 2020
ރުއް ނެގޭ ގެވަޅުތަކުގެ ގޮތުގައި ދޫކޮށްފައި ހުރި އަމިއްލަ ފަރުދުންގެ ގެތަކުގައި ހުރި ރުއްގަސް. މިއީ އީޕީ.އޭއިން ބަލަންޖެހޭ ކަމެއް ނޫން.. އަހަރެމެންނަށް އީ.ޕީއޭގެ ބާރުތައް ލިބޭ ދުވަހަކުން ގުޅިފަޅު ހިއްކައިގެން މާލޭ ހައުސިން މިނިސްޓްރީ މިލިއަނަކުން ޖޫރިމަނާ ކުރާނަން
ހަކީމް
07 December 2020
މިޖޫރިމަނާ ނަގައިގެން ވަކި ތަފާތެއް އަންނާނެތަ. ކައުންސިލުން ޖޫރިމަނާ ދައްކާނީ ދައުލަތުން އެމީހުންނަށް ދީފަ އޮންނަ ބަޖެޓުން. ތިޖޫރިމަނާ ކަނޑަން ޖެހޭނީ ތިނިންމުން ނިންމި ބަޔެއްގެ މުސާރައިން.
ޢަނީލް
07 December 2020
ބޮޑައް ހީވަނީ ސާފުކުރާށޭ ކިޔާފަ ގަަސްކޮޅު ވިއްކާލީހެން. ގެވަޅު ލިބޭ މީހާ ބޭނުން ވެދާނެ ގަސް ހުންނަންވެސް. މިރިހި ގަހެއް ވިނަ ގަހެއް ނަގައިގެން އީޕީއޭ އަކުން ޖޫރިމަނާއެއް ނުކުރާނެ.
އުދުހޭ
06 December 2020
އީޕީއެއަށް ނާންގާ ގަހެއް ރުކެއް ކަޑައިފިއްޔާ ތިމާވެށްޓަށް ގެންލުންލިބޭ. އަންގައިގެން ވަރިހަމަ ހަލާސްކުރިޔަސް ތިމާވެށި އިތުރަށް ވާނީ ރަގަޅު. މިގޮތުން ތިލަފަޅާ ބޮޑެތި ފަޅުތަށްވެސް އެދަނީ ހިއްކަމުން.
ހަސަނު1
07 December 2020
ތިޔާ ބުނީ ހަމަ ބޮޑު ތެދެއް. އީއައިއޭ ހަދަންށާއި އިވެލުއޭޓްކުރަން އީޕީއޭގައާއި އެންވަޔަރަންމަންޓް މިނިސްޓްރީގައި އުޅޭ ކުދިންނަށް ބައިއެޅީމައި އެކަން ހަމަޖެހޭ. ރުއްވެސް ކަނޑަންވީ. ދން ސަރުކާރުން ސަރުކާރަށް ލާރިދައްކާލީމައި ހުންނާނީ ރައްޔިތުންގެ ލޮލުގައި އަނދުން އެޅިފައި.
ޅޮސް
06 December 2020
ތީ ވަރަށް މޮޅު ގޮތެއް. އެހެންވީމަ އެމް.އެމް.ޕީ.އާރް.ސީ އިން ވައްކަން ކުރީމަ ޖޫރިމަނާ ކުރަން ޖެހޭނީ އެ އޮފީސް. މިހެން މިކަން ކޮށްގެން ކިހިނެއް މިކަން ހުއްޓުވާނީ. ކުށް ކުރަނީ މީހާ. އޮފީހެއް އިދާރާއެއް ނޫން. ދައުލަތުގެ އެއް ޖީބުން އަނެއް ޖީބަށް ޖޫރިމަނާ
ނިލިސް
06 December 2020
ހުޅުމާލޭގެ އެކިއެކި ސަރަޙައްދުން ބޮޑެތި ގަސްތައް ކަނޑާބިމާ ހަމަކުރަނީ ކޮން އުޞޫލަކުންތޯ؟ އެއީވެސް މީގެ އަހަރުތަކެއް ކުރިން 2000ގެ ކުރީ ކޮޅު އިންދި ގަސްތައް. އެކަމަކު އެޗް.ޑީ.ސީ އިން އެދަނީ ހިޔާ ލިބެން ހުންނަ މިފަދަ ބިޔަ ގަސްތައް ކަނޑަމުން. ކީއްވެ މިކަން ނުބަލަނީ!
ސުވާލު
07 December 2020
އެ ގަސްތައް ކަނޑަނީ ދުވާރު ތަކާއި ކާނުތަކާ އަދި ތާރު މަގުތައްވެސް ގަސްތަކުގެ މޫތައް ވަދެ ހަލާކުވަމުންދާތީ.