ހިބަޅިދޫ: އެރަށް ސަރުކާރުން އަތުލި މައްސަލަ ސުޕްރީމް ކޯޓުގައި ވަނީ އިސްތިއުނާފް ކޮށްފައި
19 ޖެނުއަރީ 2021 - 12:33
6 comments
ބ. ހިބަޅިދޫ ކުއްޔަށް ދިނުމުގެ އެއްބަސްވުން ބާތިލްކޮށް، އެ ތަން ސަރުކާރުން އަތުލި މައްސަލަ ސުޕްރީމް ކޯޓުގައި އިސްތިއުނާފްކޮށްފި އެވެ.
މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) މެދުވެރިކޮށް 50 އަހަރަށް ބިޒްނަސް މޯލްޑިވްސް ޕްރައިވެޓް ލިމިޓެޑަށް ކުއްޔަށް ދިން ހިބަޅިދޫ ސަރުކާރުން އަތުލީ 2016 ގަ އެވެ. އިކުއިޒިޝަން ކޮސްޓް ނުދައްކާ ކަމަށް ބުނެ އެ ތަން އަތުލީ ނޮވެމްބަރު، 2015 ގައި ހިބަޅިދޫން ހަތިޔާރުތަކެއް ފެނިފައި ވަނިކޮށެވެ.
އެ ރަށުގެ އެއްބަސްވުން ބާތިލްކުރި މައްސަލަ ބިޒްނާސް އިން ކޯޓަށް ހުށަހެޅުމުން 2017 ގައި ސިވިލް ކޯޓުން ހުކުމްކުރީ ހިބަޅިދޫ އަނބުރާ އެ ކުންފުންޏަށް ދިނުމަށެވެ. އެކަމަކު 2019 ގައި ހައި ކޯޓުން ވަނީ އެ ހުުކުމްކޮށް ބާތިލްކޮށް، އަދި އެއްބަސްވުން ބާތިލްކުރީ ރަނގަޅަށް ކަމަށް ހުކުމްކޮށްފަ އެވެ.
އެ މައްސަލަ ބިޒްނާސްގެ ފަރާތުން ސުޕްރީމް ކޯޓުގައި އިސްތިއުނާފް ކުރުމުން އެ މައްސަލައިގެ ޝަރީއަތް އަންނަ ހަފުތާގައި ފަށަން ވަނީ ހަމަޖައްސައިފަ އެވެ.
ހިބަޅިދޫ އަނބުރާ ހަވާލުކުރަން ދަށު ކޯޓުން ކުރި ހުކުމާ އެއްގޮތަށް އަމަލު ނުކުރާތީ އެ ހުކުމް ތަންފީޒު ކުރަން ވެސް ބިޒްނާސް އިން ދަށު ކޯޓުގައި ކުރިން އެދުނެވެ. އެކަމަކު އިސްތިއުނާފް މަރުހަލާގައި މައްސަލަ އޮތުމުން ހުކުމް ތަންފީޒު ނުވެ އޮއްވާ ހައި ކޯޓުން އެ ހުކުމް ބާތިލްކުރީ އެވެ.
ހިބަޅިދޫން ހަތިޔާރު ފެނުނު މައްސަލައިގައި ކުރީގެ ނައިބު ރައީސް އަހުމަދު އަދީބާއި އިތުރު ބައެއްގެ މައްޗަށް ދައުލަތުން ޓެރަރިޒަމްގެ ދައުވާ ވެސް ކުރި އެވެ. އެ ދައުވާތައް ފަހުން ކޯޓުން ވަނީ ބޭރުކޮށްލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހުމަދުބޭ
20 January 2021
އަނެއްކާ އަނެއްލާރިގަނޑު ދޭން މިރާވަނީ؟ މި ބިޒްނާސްގެ ކިބައިން މިގައުމު ސަލާމަތްވާނެބައި؟ ދޭން ޖެހޭ ލާރި ނުދިނަސް، ގާނޫނާ ގަވައިދާޚިލާފުވިޔަސް ސަރުކާރު ވިއްޔާ މިއޮންނަނީ ޚިލާފްވިފަރާތް ތަކަށް ލާރިދިނުން
ބާއުކަލޯ
19 January 2021
މަ ބާއުކަލޯ ވަރަށް ގަނިއިން ރިޒޯޓް އޯނަރަކަށް ވުމުގެ ހުވަފެން ބަލައި އުޅެން ނަމަ ވެސް މިވީތަނަކަށް ހުވަފެން ހަގީގަތަކަށް ވާން ނޫޅޭ.
ބާއުކަލޯގެ ބައްޕަބުޅާ
20 January 2021
ދަރިފުޅު ގެ ތިހުންނަ ފާޑަކުން އެއްވެސް ގޮތަކަށް ކުރިއަށް ނޭރިގެން ތިއުޅެނީ. މީހާގެ ބޮޑާކަމާއި ކުބުރުވެރިކަން ތިހުންނަނީ އިންތިހާއަށް، އަމިއްލަ މަސައްކަތުން ކުރިއަށް ދިއުމުގެ ބަދަލުގައި އަބަދުވެސް ކޮންމެވެސް ނަޖާއިޒް ފައިދާގަނޑެއް ހޯދުމުގެ ވިސްނުން ތިގެންގުޅެނީ.
އަރުތަ
19 January 2021
ހިބަޅިދޫން ފެނުނު ހަތިޔާރުތައް ކުށްވެރިވީ، ހުކުމްކުރީ ކިތައް އަހަރަށްބާ!؟
ތިމާ
19 January 2021
ކޯޓުން ބަޔަކު މުއްސަނދި ވެދާނެ އެވެ.
ފޮނިޓައްޕު ހަސަނު
19 January 2021
ތި ހިނބަޅިދޫ ނަގައިގެން ތިއުޅޭ މީހާ އަދީބުގެ ބާރު އޮތް ޒަމާނުގައި އަބުދު ހުންނާނީ އޭނަގެ ފޫބުޑު ގައި އަދި ހީވާނީ ދުނިޔެ ރަންވެގެން އުޅުނު މީހެއް ހެން.