ހިތަދޫ ވިޔަފާރި ބަނދަރުން މުދާ ކްލިއާ ކުރަނީ--ފޮޓޯ:އެޗްޕީއެލް
20 ޖެނުއަރީ 2021 - 14:41
10 comments
އެތައް އަހަރުތަކެއް ވަންދެން މަޑުޖެހިލައިފައި އޮތް އައްޑޫ ހިތަދޫ ވިޔަފާރި ބަނދަރަށް މިހާރު މަހެއްގެ ތެރޭގައި 200 އަށް ވުރެ ގިނަ ކޮންޓެއިނަރު ބާލައި، ބަނދަރުގައި ކާގޯ މޫވްމަންޓް އެތައް ގުނައެއް އިތުރުވާން ފަށައިފި އެވެ.
ހިތަދޫ ޕޯޓްސް ލިމިޓެޑްގެ ޗީފް މެނޭޖަރު އިބްރާހިމް ރަޝީދު ވިދާޅުވީ، މިިދިޔަ އަހަރުން ފެށިގެން ބަނދަރަށް ދާ ބޯޓުފަހަރުގެ އަދަދު ވަރަށް ބޮޑަށް އިތުރުވާން ފަށައިފައިވާ ކަމަށެވެ. އެގޮތުން ބީއެޗްއެމް އާއި ޔޫރޯ ސްޓޯރު ފަދަ ކުންފުނިތަކުގެ ގިނަ ޝިޕްމެންޓްތައް މާލޭގެ ވިޔަފާރި ބަނދަރަށް އައުމުގެ ބަދަލުގައި މިހާރު ދަނީ ހިތަދޫ ބަނދަރަށެވެ.
އިބްރާހިމް ވިދާޅުވީ، އެހާ ބޮޑަށް އެ ޕޯޓަށް ދާ ބޯޓުތައް އިތުރުވީ އަތޮޅު ޕޯޓުތަކަށް އެތެރެ ކުރާ މުދަލުން 50 ޕަސެންޓް ކުޑަކުރުމުންނެވެ. މި ބަދަލާ އެކު ދުވާލެއްގެ މައްޗަށް އެވްރެޖްކޮށް ނުވަ ވަރަކަށް ކޮންޓެއިނަރު ބަނދަރަށް ބާލަ އެވެ.
ހިތަދޫ ޕޯޓަށް ގާތް ކޮށްފައި އޮތް ބޯޓެއް-- ފޮޓޯ: އެޗްޕީއެލް
ވޭތުވެދިޔަ އަށެއްކަ އަހަރުގެ ތެރޭގައި ހިތަދޫ ޕޯޓުގައި މާބޮޑު ވިޔަފާރީގެ މުއާމަލާތްތަކެއް ނުހިނގަ އެވެ. އޭރު އެހެން ގޮސް ހަދަނީ ޓްރާންސިޓް ބޯޓުތަކެވެ. އިބްރާހިމް ވިދާޅުވީ، ސަރުކާރުން އެޅި ފިޔަވަޅުތަކާ އެކު މިދިޔަ އަހަރުން ފެށިގެން ބަނދަރަށް ގާތްކުރާ ކުރާ މުދާ ބޯޓުތަކުގެ އަދަދު އިތުރުވެފައިވާ ކަމަށެވެ. އެކަމަކު ބޮޑު ގެއްލުމެއްގައި ހިންގަމުން އައި ކުންފުނީގެ ގެއްލުން މިދިޔަ އަހަރު ވަނީ ލައްކައެއްހާ ރުފިޔާ އަށް ކުޑަކުރެވިފައި ކަމަށް އޭނާ ވިދާޅުވި އެވެ.
"މިއަހަރު މި ގޮތަށްދާ ނަމަ މާ ބޮޑަށް ވެސް ޕްރޮފިޓް މޭކް ކުރެވޭނެ. ބަނދަރުގެ ކާގޯ މޫވްމެންޓްތައް ވަރަށް ބޮޑަށް އިތުރުވެފައި މިވަނީ،" އޭނާ ވިދާޅުވި އެވެ.
ހިތަދޫ ޕޯޓަށް ގާތް ކޮށްފައި އޮތް ކޮންޓެިނާ ބޯޓެއް--ފޮޓޯ:އެޗްޕީއެލް
ހިތަދޫ ބަނދަރު ހުޅުވީ 2006 ވަނަ އަހަރު އެވެ. އޭގެ ފަހުން ރާއްޖޭގައި ސާކް ސަމިޓް ބޭއްވި ދުވަސްވަރު އައްޑޫގައި ގިނަ ޕްރޮޖެކްޓްތަކެއް ހިންގާފައި ވާތީ ބަނދަރުގެ ބޭނުން ވަރަށް ބޮޑަށް ކުރަން ފެށި އެވެ. ސާކް ސަމިޓްގެ ދުވަސްވަރަށް ފަހު އެ ބަނދަރު އޮތީ ގާތްގަނޑަކަށް ހުއްޓިފަ އެވެ. ވޭތުވެދިޔަ އަށެއްކަ އަހަރުގެ ތެރޭގައި އެ ބަނދަރަށް މަދުން ނަމަވެސް ގެންގޮސްފައި ވަނީ ރާއްޖެ އަށް އެތެރެ ކުރާ ވެހިކަލްތަކެވެ. އެގޮތަށް ވެހިކަލް ގެންދަނީ އެ ބަނދަރުން ކްލިއާ ކުރާ ވެހިކަލްގެ ޑިއުޓީ 30 ޕަސެންޓް ކުޑަވާތީ އެވެ.
މޯލްޑިވްސް ސްޓޭޓް ޝިޕިން އިން އިންޑިޔާގެ ޓުޓިކޮރިން ވެސް ގިނަ އަދަދެއްގެ ކާބޯތަކެތި މިހާރު ގެންދަނީ ހިތަދޫ ބަނދަރަށެވެ. އެހެންވެ ކާބޯތަކެތި ލިބޭ އަގު ވަރަށް ބޮޑަށް ހެޔޮވެފައިވެ އެވެ. އޭގެ ތެރޭގައި ފިޔާ، އަލުވި އަދި ބިހާއި އެނާޖީ ޑްރިންގެ ބާވަތްތަކުގެ އިތުރުން ކެއުމަށް ބޭނުން ކުރާ އެހެން ބައެއް ބާވަތްތަކުގެ އަގުތައް ވެސް ވަނީ ހެޔޮވެފަ އެވެ.
ބަނދަރުގެ ހިދުމަތްތައް ރަނގަޅު ކުރުމުގެ އެ ބަނދަރުގައި ގިނަ ދުވަސްވެ، އެންމެ ރަނގަޅަށް މެއިންޓެނެންސް ނުބެލެހެއްޓި ހުރި ވެހިކަލްތައް އާ ކޮށްފައިވާ ކަމަށް ވެސް އިބްރާހިމް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުސެނ
20 January 2021
ބިއެޗްއެމް ކޮންޓެއިނާ ކަނޑާ ގޮތަށް ޖެޓީގަ އޮތް ދޯންޔަށް ލައިގެން މާލެ..ޑިއުޓީ ކުޑަވީމަ ރަށަށް ވި ފައިދާ އެތް ނެތް.
އޮނަރަބްލް އަފީފު ދީދީ
20 January 2021
ކޮމާޝަލްސީޕޯޓް ވަރުގަދަކޮށް އައްޑުއަކީ ވިޔަފާރިހަބަކަށް ބަދަލުކުރާން ސިޓީކައުންސިލުން ޕްލޭންތައްޔާރުކޮށް "ހޯލްސޭލް ސެންޓަރެއްގެގޮތުގައި ހުޅުމީދޫ ކަޑައަޅާ" ހިތަދޫޕޯޓަށްގެންނަ ކޮންޓެއިނާތަށް ހުޅުމީދޫއަށް ގެންދެވޭނެގޮތަކަށް ޕޯޓުން އިންތިޒާމްކޮށްދޭންޖެހޭ. # އަދި އެސްޓީއޯ ނުވަތަ އެމްޕީއެލްއާއި ގުޅިގެން ކޯލްޑްސްޓޯރޭޖާއި އެކު ކާބޯތަކެއްޗާއި އެހެނިހެންމުދާ ސްޓޯރޭޖްކުރެވޭނެ ގޮތް ހަމަޖައްސާ ވިޔަފާރިވެރިންނަށް މަރުޙަބާ ކިޔާ ފަސޭހަ ވެއްޓެއް ޤާއިމްކުރާންޖެހޭ.
އޮނަރަބްލް އަފީފު ދީދީ
20 January 2021
ނޭޝަނަލް ޝިޕިންގ އޭޖަންސީ، ނުވަތަ އެމްޓީސީސީ ނޫންނަމަ އެމްޕީއެލް އިން އައްޑޫ، މުލައް، ގައްދޫ، ފަރެސްމާތޮޑާ، ތިނަދޫ، ކޮލަމާފުށި، ލ. ގަންފޮނަދޫ އަދި ތ.އަތޮޅުން ކަނޑޫދޫ، އޮމަދޫ، ތިމަރަފުށި، ގާދިއްފުށި އަދި ވިލުފުއްޓަށް ހަމައެކަނި ކާގޯ އުފުލާ ބޯޓެއް ބާއްވައި ހަފުތާއަކު ދަތުރެއް އަޅާން ޝެޑިއުލްކޮށް ދަތުރު ފައްޓައިފިނަމަ މާލޭ ބާޒާރުމަތީގައި ވިޔަފާރިކުރާ އެތައްބައެއްގެ ހޯލްސޭލް ސެންޓަރުތައް އައްޑޫގައި ހަދާނެ. ކައުންސިލުން މިފަދަ ޕްލޭންތަކެއް ރާވަންޖެހޭ.
އޮނަރަބްލް އަފީފު ދީދީ
20 January 2021
ބީއެޗްއެމް ފަދަ އައްޑޫގެ ވިޔަފާރިވެރިން އެމީހުންގެ ވިޔަފާރީގެތެރެއިންހިންގާ މިފަދަ ޙަރަކާތްތަކުން އައްޑޫގެ ތަރައްޤީއަށް ބޮޑުކުރިއެރުންތަކެއް ލިބޭނެކަންޤަބޫލުކޮށް "ވަޒަނަށްޓަކައި" މިފަދަ ޙަރަކާތް އިތުރުކުރާންޖެހޭ. # ބީއެޗްއެމްގެ ވިޔަފާރީގެ ބޮޑުބައި އޮންލައިން ކޮށްފައިވާތީ ކޮޅުމަޑުލުން އައްޑުއަށް ބޭނުންވާ މުދާ ހިތަދޫގެ ސްޓޯރޭޖްގައި ބެހެއްޓުމަށްފަހު ޑެލިވެރީ ބޯޓެއްގެ އެހީގައި މުލައް، ހުވަދޫ، ލާމް އަދި ތ. ޢަތޮޅަށް ފޮނުވައި ވިޔަފާރި ޒަމާނީ ކުރެވިދާނެ.
އޮނަރަބްލް އަފީފު ދީދީ
20 January 2021
ޙިތަދޫ އަދި ކުޅުދުއްފުށި ޕޯޓަށް ޙާއްސަ އިނާޔަތް ދޭންވެގެންކަމަށްބުނެ އިމްޕޯޓް އެކްސްޕޯޓް ޤާނޫނަށް އިސްލާޙް ގެނައިއިރު ޙަޤީގަތުގައި ކުޅުދުއްފުއްޓާއި ހިތަދޫ ޕޯޓަށް ލިބުނު އިނާޔަތަށްވުރެން މާލޭ ބަނދަރަށް ދިން ލުއި މާބޮޑު. # އިމާރާތް ކުރުމަށް ބޭނުންވާ ހުރިހާ މުދަލަކުންނާއި ކުރިން ބޮޑު ޑިއުޓީއެއްނެގި ރެފްރީޖަނެރޭޝަން އެންޑް އެއަރކޮންޑިޝަން އާއި އޭގެ ސްޕެއަރ އެސެސަރީޒް ގެ ޑިއުޓީ މުޅިން ކަޑާލުމުން އެތަކެތި ފަސޭހައިން މާލޭ ޕޯޓަށް އެތެރެކުރާންފެއްޓި.
ކާއްޓި
20 January 2021
ތިބަދަރައް ގެންނައެއްޗިސް އަކުން %50 ކުޑަވިއަސް ވިޔަފާރިވެރިން އެ ވިއްކަނީ އަގުބޮޑުކޮން. %50 ހަދާގެން އަގު ކުޑަވި އެއްޗެއް ބުނެބަލަ؟
ކެރެދި ބެއްޔާ
20 January 2021
އައްޑު އަތޮޅަކީ އެއްވެސްބާވަތެއްގެ ބޮޑެތި މެގަރ ޕްރޮޖެކްތް ތައް މިހާރު ހިގާ ތަނެއްނޫން އަދި މިކޮވޑް ދުވަސްވަރު ތެރޭ ޕްރޮޖެކްޓް ހިންގަން ސަރުކާރުގައި ފައިސާ ފޮއްޗެއް ނެތް އިރު ކަންމަތީ ފިހާރަތަކަށް މުދާ ގެންނަށް ކޮންޓެއިނާ ބޯޓްފަހަރު ހިތަދޫ ބަދަރަށް އައިސް ފުރާލަނީނަމަ ތީ ކައުންސިލް އިންތިހާބު ކުރިމަތުވުމުން އައްޑު އަތޮޅު މީހުނަށް ޗީފްމެނޭޖަރ އިބުރާ ކިޔައިދޭ މިގަރުނުގެ އެންމެބޮޑު ޖޯކް!
އަލީ11
20 January 2021
އެބަ ރަނގަޅުވޭ. އަދިވެސް ރަނގަޅުކޮށްލާ. މާލެއަށް ބަރޯސާވުން ކުޑަކުރަން ކުރެވެން ހުރި ހުރިހާ ކަމެއް ކުރުމަށް ރައީސްއަށް އިލްތިމާސްކުރަން. މިއަހަރު ފަށަން ހަމަޖައްސަވާފައި އޮތްކަމަށް ވިދާޅުވި ޓްރާންސްޕޯޓް ނެޓްވޯކްގެ ކަންކަން އަވަހަށް ފައްޓަވާ. https://mihaaru.com/news/84366
ތުއްތުނާ 1
20 January 2021
"މަހެއްގެ ތެރޭގައި 200 އަށް ވުރެ ގިނަ ކޮންޓެއިނަރު ބާލައި"...... މިއީ ދުވާލަކަށް ހައެއްކަ ކޮންޓެއިނާ...... މިއީ ކަނޑައެޅިގެން ބަޔަކަށް އޮޅުވާލުމަށް ދައްކާ ވާހަކަ....... މީގެ ކުރިން ވެސް ހިތަދޫ ބަނދަރަށް ހައެއްކަ އަށެއްކަ ކޮންޓެއިނާ ނުވަތަ އެއަށްވުރެ ގިނައިން ވެސް އައިސްފައި އެބަހުރި....... އެކަމަކު އެއްދުވަހަކު ވެސް އެވްރެޖްކޮށް ދުވާލަކަށް މިބުނާ ވަރަށް ގާތަކަށް ވެސް ކޮންޓެއިނާ އަންނަ ތަނެއް ނޫން......
މާހހ ހި
21 January 2021
ތިބުނާ ކާގޯ ފެރީން ގެނެއީ 20 ފޫޓުގެ 1 ކޮންޓޭނަރު އޭގަ ހހހ ހހހހ ހުރީ ދޮންކެޔޮ ޖަންބޯ ގަ ގެނައި ކަރާ ހހހ ހުރީ ހ ހަލާކުވެފާ ކިހ ހާފައިދާބޮޑު