ޑިޒްނީގެ "ރާޔާ އެންޑް ދަ ލާސްޓް ޑްރެގަން" މާޗް 5 ގައި

މާޗް 5 ގައި ޑިޒްނީ ޕްލަސް އިން ވެސް ފިލްމު ޕްރިމިއާކުރާނެ

އަހުމަދު އަދްޝަން، މިހާރު

30 ޖެނުއަރީ 2021 - 06:34

ވަރަށް ކާމިޔާބު އެނިމޭޓެޑް ފިލްމުތަކެއް މިހާތަނަށް ގެނެސްދީފައިވާ ޑިޒްނީން މުޅިން އަލަށް ދެކުނު އިރުމަތީ އޭޝިއާގެ ކެރެކްޓާތަކަށް ބިނާކޮށް ހަދާފައިވާ އެނިމޭޓެޑް ފިލްމު "ރާޔާ އެންޑް ދަ ލާސްޓް ޑްރެގަން" އަންނަ މަހު މާޗް މަހު ރިލީޒްކުރާ ގޮތަށް ނިންމައި އޭގެ ޓްރެއިލާ ވެސް ދައްކާލައިފި އެވެ.

ޑޮން ހޯލް އާއި ކާލޯޒް ލޮޕޭޒް އެސްޓްރާޑާ ޑައިރެކްޓްކޮށްފައިވާ މި ފިލްމުގައި ކިޔައި ދޭނީ ރާޔާ ކިޔާ ވަރުގަދަ ވޮރިއާ ޕްރިންސެސްއެއްގެ ވާހަކަ އެވެ. އޭނާ އަށް ކުރިމަތިވާ މައްސަލަތަކާއި ގޮންޖެހުންތަކުން ސަލާމަތްވާން ކުރާ މަސައްކަތްތައް "ރާޔާ އެންޑް ދަ ލާސްޓް ޑްރެގަން" އިން ފެނިގެން ދާނެ އެވެ.

On March 5, join Raya on her quest to find the last dragon. See Raya and the Last Dragon in theaters or order it on @DisneyPlus with Premier Access on March 5. Learn more: https://t.co/0m16yWYW4I pic.twitter.com/qvyzhutzAt
— Disney (@Disney) January 26, 2021

މީގެ ޓައިޓްލް ކެރެކްޓާ އަށް އަޑުއަޅާ ދީފައި ވަނީ ކެލީ މާރީ ޓްރާން އެވެ. ވޮއިސްއޯވާ ހަދާފައިވާ އިތުރު ފަންނާނުންގެ ތެރޭގައި އޭޝިއާ ދަރިކޮޅުގެ ފަންނާނުން ގިނަ އެވެ. އޭގެ ތެރޭގައި އޯކްވަފިނާ، ގެމާ ޗަން، ޑެނިއަލް ޑޭ ކިމް، ސަންޑްރާ އޯ، ބެނެޑިކްޓް ވޮންގް އަދި ލުސިލީ ސޫންގް ހިމެނެ އެވެ.

ޑިޒްނީން ބުނީ "ރާޔާ އެންޑް ދަ ލާސްޓް ޑްރެގަން" މާޗް މަހުގެ 5 ގައި ސިނަމާތަކަށް ގެންނަ އިރު، ހަމަ އެ ދުވަހު ފިލްމު ޑިޒްނީ ޕްލަސް އިން ވެސް ޕްރިމިއާކުރާނެ ކަމަށެވެ.