އެންވަޔަރްމަންޓް މިނިސްޓްރީން މިއަދު ފެށި މަޝްވަރާ ބައްދަލުވުމުގެ ބައިވެރިން، އެންވަޔަރްމަންޓް މިނިސްޓްރީގެ ސްޓޭޓް މިނިސްޓަރު މަތީނާއެކު (މ) ފޮޓޯއަކަށް ހުއްޓިލައިގެން.-- ފޮޓޯ: އެންވަޔަރްމަންޓް މިނިސްޓްރީ
08 ނޮވެމްބަރ 2016 - 13:54
6 comments
ރާއްޖޭގެ އާބާދީގެ 75 ޕަސެންޓަށް، 2018 ވަނަ އަހަރުގެ ކުރިން ފެނާއި ނަރުދަމާ ގާއިމްކޮށްދިނުމަށް މަސައްކަތް ކުރަމުން އަންނަކަމަށް އެންވަޔަރްމަންޓް މިނިސްޓްރީން މިއަދު ބުނެފި އެވެ.
ދިވެހިރާއްޖޭގެ ގްލޯބަލް އެނެލައިސިސްް އެންޑް އެސެސްމަންޓް އޮފް ސެނިޓޭޝަން އެންޑް ޑްރިންކިން ވޯޓާ (ގްލާސް) ރިޕޯޓު ތައްޔާރުކުރުމަށް ބާއްވާ މަޝްވަރާ ބައްދަލުވުމުން ފެށުމުގެ ރަސްމިއްޔާތުގައި ވާހަކަދައްކަވަމުން، އެ މިނިސްޓްރީގެ ސްޓޭޓް މިނިސްޓަރު އަބްދުލް މަތީން ވިދާޅުވީ، މި ސަރުކާރު އައުމުގެ ކުރިން ނަރުދަމާ ގާއިމްކޮށްފައިވަނީ އެންމެ 31 ރަށުގައި ކަމަށާއި ނަމަވެސް މި ސަރުކާރަށް މިވީ ތިން އަހަރުގެ ތެރޭގައި އިތުރު 40 އަށްވުރެ ގިނަ ރަށުގައި ނަރުދަމާ ގާއިމްކުރުމަށް މަސައްކަތް ކުރަމުން އަންނަ ކަމަށެވެ.
އޭގެ ތެރެއިން 10 ރަށުގެ ނަރުދަމާގެ މަސައްކަތް ނިމިފައިވާއިރު 21 ރަށުގެ ނަރުދަމާގެ މަސައްކަތް ކުރަމުން އަންނަކަން އޭނާ ފާހަގަކުރެއްވި އެވެ.
މި ސަރުކާރު ފެށުނުއިރު ރާއްޖޭގެ އާބާދީގެ 37 ޕަސެންޓު މީހުންނަށް ޒަމާނީ ނަރުދަމާގެ ހިދުމަތް ލިބުނުކަމުގައި ވިއަސް، 2018 ވަނަ އަހަރު ނިމޭއިރު އެ އަދަދު 75 ޕަސެންޓަށް ހެދުމަކީ ރައީސް އަބްދުﷲ ޔާމީންގެ ވައުދެއް ކަމަށް ވެސް މަތީން ވިދާޅުވި އެވެ.
ފެނުގެ ނިޒާމް ގާއިމްކޮށްފައިވަނީ މި ސަރުކާރު އައި އިރު މާލެ ހިމަނައިގެން ހަ ރަށުގައި ކަމަށާއި އެ އަދަދު 75 ޕަސެންޓަށް، 2018 ވަނަ އަހަރުގެ ކުރިން ހެދުމަށް ސަރުކާރުން މަސައްކަތް ކުރަމުން އަންނަކަން ފާހަގަކުރެެއްވި އެވެ. އަދި ސާފު ބޯފެން ފޯރުކޮށްދިނުމަށް މިހާރު ވެސް 40އަށްވުރެ ގިނަ ރަށުގައި މަސައްކަތް ކުރަމުން އަންނަކަން މަތީން ފާހަގަކުރެއްވި އެވެ.
އދ. އާއި ޑަބްލިއުއެޗްއޯގެ އެހީގައި ކުރިއަށްގެންދާ މި ބައްދަލުވުމުން، ރާއްޖޭގެ ނަރުދަމާއާ ފެނުގެ ނިޒާމްގެ ހާލަތު ވަރަށް ރަނގަޅަށް އެނގިގެން ދާނެ ކަމަށް ވެސް މަތީން ވިދާޅުވި އެވެ.
މިއަދުން ފެށިގެން މާދަމާގެ ނިޔަލަށް ކުރިއަށްގެންދާ މި ބައްދަލުވުމުގައި ސަރުކާރުގެ އެކި މުއައްސަސާތަކުން ވިއްސަކަށް މީހުން ބައިވެރިވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގގ
08 November 2016
30 50 ރުފިޔާ ދީގެން މިހާރު ފާހާނާ ކުރެވެނީ ކުރީގަ އަތިރި މައްޗަށް ޤޞާހާޖަތް ކުރަނީ !
GAN Island
08 November 2016
މަތީނުއަށް އެގިނުލެއްވި ކަމުގައި ވިޔަސް ''މިސަރުކާރު އައިފަހުން'' އަހަރުމެންގެ ހަޒާނާއިން 300 ބިލިޔަން ރުފިޔާގެ ވައްކަން ވެސް ކޮށްފި.
ޏ އައިކު
08 November 2016
ނަރުދަމާ ނިޒާމުން ކޮން ފަސޭހައެއް. ރައްޔިތުން ބަނޑަށް. ނަގާ ޓެކުސްތައް ވަނީ ގިނަވެފަ ބޮޑު. 2016 ނިމޭއިރު ރައްޔިތުންގެ ދަރަނި 37 ބިލިޔަނަށް. ކޮބާ ތަރައްގީ؟ ދަރަނި ވެރި ވުމަކީ ތަރައްގީ ކަމަށްވާނަމަ އެތަރައްގީ އެބަ ލިބޭ. ރައްޔިތުންނަށް ލިބޭ އާމްދަނީ ކުޑަވެ ކުރާ ހަރަދު ބޮޑުވެގެން ތަރައްގީ ހޯދޭނަމަ އެތަރައްގީ އެބަ ލިބޭ.
ސައްދާމް
08 November 2016
ތިބުނާ ނިމުނު ރަށްތަކުގެ ނަންތައް ބުނެފިނަމަ........ މިހެން އަހާލަންޖެހުނީ ރައީސް ނަޝީދު ގެ ވެރިކަމުގައި އައްޑޫ ގައި ފެށި ފެނާއި ނަރުދަމާ އަދިވެސް ނުނިމޭ..... ރައީސް ޙަސަން މަނިކު އެއްފަހަރު ފެނުގެ ހިދުމަތް ދީފި.... އަނެކާ ރައީސް ޔާމީނު އެއްފަހަރު ފެނުގެ ހިދުމަތް ދީފި...... އަދިވެސް ރައްޔިތުންނަށް ފެނުގެ ހިދުމަތެއް ނުލިބޭ.... ހަމަ އިސްތިހާރު ކުޅެނީ. ރާއްޖޭގެ އެހެން ރަށްތަކުގެ މީހުންނަށް ހީވާނީ އަހަރެމެންނަށް ވަރަށް ހިދުމަތް ލިބޭކަން....... ހުސް އިސްތިހާރު........
ބެޓަރއޮފް
08 November 2016
ނަރުދަމާ ގެ ވާހަކަ ތިމާވެށި މިނިސްޓްރީގެ ސްޓޭޓް މިނިސްޓަރު އިންޑިއާ ބަޔަކު ގޮވައިގެން ދެއްކުން މާ ތާހިރެއް ނޫނެވެ. ތަމެން ނޫން ތޯ މަމެންގެ މެޖިކް ޖަލްސާގެ ގްރެވިޓީ އެއް ކޮށް ދަށް ކޮށްލީ. އިން އަވަރ މައިންޑް މަމެންގެ ސުވާލަކީ ކީއްވެގެންތޯ ތަމެން އޮން ބޯރޑެޑް ވާން ޖެހޭނީ. ވީ ވޯންޓް އަވަރ އޯން ޑީއެންއޭ ޓު ބީ ވިދް އަސް.. ބެޓަރ އޮފް ދިސްވޭ.
ވޮޗްޑޯގް
08 November 2016
ފެނާއި ނަރުދަމާ ކިތަންމެ ފެންވަރެއްގައި އެޅިޔަސް އަތޮޅުތެރޭގައި ވަޒީފާގެ ފުރުސަތާއި ސިއްހީ ތައުލީމީ ހިދުމަތްތައް ކުރިނާރަންޏާ އެތަނެއްގައި ދިރިއެއް ނޫޅެވޭނެ. ހުވަދު އަތޮޅުގައި ރަނގަޅު ފެންވަރުގެ 50 ހަކަށް ރިސޯޓު ހަދާބަލަ. ރަށްތައް އެބަތިބި ކިތަންމެ ގިނައިންވެސް. ކޮންމެ ރަށެއްގައި ބަންދަރެއް، ނަރުދަމާ ފެން ކަރަންޓް، ސްކޫލް، ކޯޓު މި ގޮތަށް ތަރައްގީ ނުކުރެވޭނެ މިކަން ހުއްޓާލައި އެކި ސަރަހައްދު ތަކުގައި ހުޅުމާލެ ފެންވަރުގެ ރަށްތައް ހަދާ އެއީ ތިޔަބޭފުޅުން މެނިފެސްޓޯގައި ވެސް އޮތްގޮތް. ކޮންމެ އަތޮޅަކަށް ހުޅުމާލެއެއް.