ހުުޅުމާލޭ ޖަލުގެ ޔުނިޓެއް: އެތަނުން 31 މީހަކު ވަނީ ކޮވިޑް-19 އަށް ޕޮޒިޓިވް ވެފައި --- ފޮޓޯ/މިހާރު
04 ފެބުރުއަރީ 2021 - 20:32
2 comments
ހުޅުމާލޭ ޖަލުން 31 މީހަކު ކޮވިޑް-19 އަށް މިއަދު ޕޮޒިިޓިވްވެއްޖެ އެވެ.
ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން ބުނީ ހުޅުމާލޭ ޖަލުގައި ހުރި ގައިދީއެއްގެ ފަރާތުން ކޮވިޑް-19 އަށް ޝައްކު ކުރެވޭ އަލާމާތްތަކެއް ފެނިފައިވާ ކަމަށެވެ. އެހެންވެ، އިތުރު ގައިދީންނާއި ޖަލުގެ މުވައްޒަފުން ހިމެނޭހެން 112 މީހަކު ޓެސްޓް ކުރިއިރު އޭގެ ތެރެއިން 31 މީހަކު ޕޮޒިޓިވް ވެފައިވާ ކަމަށް އެޗްޕީއޭ އިން ބުންޏެވެ. މިހާތަނަށް ޕޮޒިޓިވްވީ ގައިދީން އެކަނި ކަމަށް އެޗްޕީއޭ އިން ބުންޏެވެ.
އެޗްޕީއޭއިން ބުނިގޮތުގައި ޕޮޒިޓިވްވި މީހުންނާއި އެ މީހުންނާ ބައްދަލުވި މީހުން މިހާރު ތިބީ ޖަލުގައި އެކަހެރިކޮށް އަދި ކަރަންޓީންކޮޮށްފަ އެވެ. އެކަމާ ގުޅިގެން ހުޅުމާލެ ޖަލު ކުރިން ވެސް އޮތީ ލޮކްޑައުންގަ އެވެ.
ކޮވިޑް-19 އަށް ޕޮޒިޓިވްވި މީހުންގެ އަދަދު އިތުރުވާން ފެށުމުން ރައްކާތެރިކަމުގެ ފިޔަވަޅުތައް ގެންދަނީ ވަރުގަދަ ކުރަމުންނެވެ. ބައްޔަށް ޕޮޒިޓިވްވާ މިދިޔަ ހަފުތާ އިން ފެށިގެން ވަނީ ވަރަށް ބޮޑަށް އިތުރުވެފަ އެވެ.
ހެލްތު އިމަޖެންސީ އޮޕަރޭޝަން ސެންޓަރު (އެޗްއީއޯސީ)ން ބުނެފައިވާ ގޮތުގައި ކުއްލިއަކަށް ބާރަށް ބަލި ފެތުރެނީ ޔޫކޭގައި ފެތުރުނު ވޭރިއަންޓް ރާއްޖޭގައި ވެސް އުޅޭތީ އެވެ. އެ ވޭރިއަންޓާ ހެދި އެކަކުގެ ފަރާތުން ފަސް މީހަކަށް ބަލި ޖެހޭ ކަމަށް އެޗްއީއޯސީން ވަނީ ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނައު6
04 February 2021
ޖަލު އޮފިސަރުންނަށް ވެކްސިންދީ
ރަދީފު ބިން ރަފައިދާ
04 February 2021
އަނެއްކާ އެމީހުން މާލެތެރެއަށް ދޫކޮށްލާނީއެއްނޫން. ކޮވިޑުގެ ކުޑަދުވަކޮޅެއްކުރިން ދޫކޮށްލިމީހުންވެސް މާލެތެރެއަށް ގިނަވީ. އެކަހަލަ ކާރިސާއެއް އަނެއްކާ ތަކުރާރުވިޔަދީގެންނުވާނެ.