ކެލައިން ޓޫރިޒަމަށް ބިން ކުއްޔަށް ދޭން ޓޫރިޒަމް މިނިސްޓްރީއާ އެކު އެއްބަސްވެއްޖެ

ހއ.ކެލާ: ޓޫރިޒަމަށް ިން ކުއްޔަށް ދޭން އެ ރަށު ކައުންސިލާއި ޓޫރިޒަމް މިނިސްޓްރީއާ ދެމެދު ވަނީ އެއްބަސްވެފައި.-- ފޮޓޯ: ހޮލިޑޭ ހޯމް ކެލާ

އިދުހާމް ނައީމް، މިހާރު

15 ފެބުރުއަރީ 2021 - 12:17

6 comments

ހއ. ކެލައިން ޓޫރިޒަމަށް ބިން ކުއްޔަށް ދިނުމަށް ޓޫރިޒަމް މިނިސްޓްރީ އާއި އެ ރަށު ކައުންސިލާ ދެމެދު އެއްބަސްވުމެއްގައި މިއަދު ސޮއިކޮށްފި އެވެ.

ވާޗުއަލްކޮށް ބޭއްވި ރަސްމިއްޔާތެއްގައި މި އެއްބަސްވުމުގައި ކެލާ ކައުންސިލްގެ ފަރާތުން ސޮއިކުރެއްވީ ކައުންސިލް ރައީސް އާދަމް ގުފްރާނެވެ. ޓޫރިޒަމް މިނިސްޓްރީގެ ފަރާތުން ސޮއިކުރެއްވީ އެ މިނިސްޓްރީގެ ސީނިއާ ޕޮލިސީ ޑިރެކްޓަރު މުހައްމަދު ހުއްސާނެވެ. މި ރަސްމިއްޔާތުގައި ޓޫރިޒަމް މިނިސްޓަރު ޑރ. އަބްދުﷲ މައުސޫމް ވެސް ބައިވެރިވެވަޑައިގަތެވެ.

މި އެއްބަސްވުމުގެ ދަށުން، ގެސްޓުހައުސް ތަރައްގީކުރުމަށް 5،000 އަކަފޫޓުގެ 12 ބިމާއި ޓޫރިސްޓު ހޮޓާ ތަރައްގީކުރުމަށް 10،000 އަކަފޫޓުގެ ދެ ބިން ދޫކުރާނެ އެވެ. މި ބިންތައް ކުއްޔަށް ދޭނީ އާއްމުކޮށް އިއުލާން ކުރުމުން އެންމެ ރަނގަޅު ހުށަހެޅުމެއް ހުށަހަޅާ ފަރާތަކަށެވެ.

ކެލާ ބޭފުޅެއް ކަމަށްވާ މައުސޫމް ވިދާޅުވީ އެ ރަށު ކައުންސިލުން ޓޫރިޒަމް ތަރައްގީކުރަން އިސްނެގުމުން، ލާމަރުކަޒީ ނިޒާމުން ކައުންސިލްތައް ހިންގަން ގެނެވުނު ބަދަލުގެ ހެޔޮ ފައިދާ ފެންނަ ކަމަށެވެ.

ހއ. ކެލާގައި ސިޓީ ހޮޓަލެއް ތަރައްގީ ކުރަން މިދިޔަ އަހަރު ހުޅުވާލައި ޓޫރިޒަމަށް ކަނޑައަޅާފައިވާ 864،414 އަކަފޫޓުގެ ބިމާއި އެ ބިމާ ގުޅުވައިގެން ފަތުރުވެރިކަމަށް ކަނޑައަޅާފައިވާ މޫދުގެ ސަރަހައްދުގައި ހޮޓަލެއް ހެދުމުގެ މަސައްކަތް ފެޑޯ އިންވެސްޓްމެންޓާ ވަނީ ހަވާލުކޮށްފަ އެވެ.

ހއ. ކެލާ ޓޫރިޒަމް ޓޫރިޒަމް މިނިސްޓްރީ ގެސްޓް ހައުސް

6 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފޫހި

16 February 2021

ތިޔަ ހޮޓާތަކުން އެރަށަށް އަތި ލާމަރުކަޒީ ނިޒާމުން ތިޔަތަންތަނުން ކެލާ އަށް ކުރާނެ ފައިދާއެއް މައުސޫމު ނިކަން ކިޔައިދީބަލަ. ކެލާގެ ތުނޑި ހިމެނޭ އޭރިޔާ އެއީ ކެލާގެ އިހްތިސޯސްގައި ނުހިމެނޭ ޓުއަރިޒަމް މިނިސްޓްރީގެ ބިންތައް. ތިޔަ ތިޔަ ކުއްޔަށްދެނީ 50 އަހަރަށްވުރެ ދިގުމުއްދަތަކަށް މަހުޖަނަކަށް ބިމާއި އެދިމާ މޫދު ހިމެނޭގޮތުން. އެހިސާބުން އެރަށުގެ މީހަކަށް އެ ސަރަހައްދަށްވެއް ނުވަދެވޭނެ. ނުވިތާކަށް ރަށުގެ މީހަކަށް ވަޒީފާގަނޑެއްވެސް ނުލިބޭނެ މިގޮތް ގޯސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޮޓްކިންގ

16 February 2021

މިނިސްޓަރުގެ ރަށުންދޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބްރާހީމް0

15 February 2021

ކެލައިންނޭ؟ ކެލާއިންނޭ ލިޔެބަލަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

15 February 2021

މިބުރުގައި އެކުއެކީ ތުރާކުނުން ކެލައަށް ހިމެނޭ މީހުން އުޅޭ ކޮންމެ ރަށެއްގައި މަސުވެގެން 2 ސިޓީހޮޓާ އަޅަން ފުރުސަތު ހުޅުވާލުން މުހިންމު. # އެހެން ނޫނީ ހޮޓާ އެޅުމަށް އިންވެސްޓް ކުރި ފަރާތް ތަކުން ހޮޓާ ހުޅުވުމަށްފަހު ގެސްޓުން ޢުފުލުމަށާއި ގުޅުންހުރި އެހެން ކަންކަމަށް އިތުރަށް ހޭދަކުރާންޖެހި ތިކަން ބޮޑު ނަގުލަށް ހިގައިދާނެ. # އިއްތިފާޤުން ނަމަވެސް ޓްއަރިޒަމް ވަޒީރަކަށް ހުންނެވީވެސް ތިބޭފުޅުންގެ މީހެއް. ފުރިހަމަ ކާމިޔާބަށް އެދެން. ތިކަން ކުރެވޭނެ.