ރާއްޖެއަށް ކޮވިޑް ވެކްސިންގެ 700،000 ޑޯޒް ގެންނަން ސިންގަޕޫރުގެ ކުންފުންޏަކާ އެކު ވަނީ ސޮއިކޮށްފައި. ނަމަވެސް އެއްބަސްވުމުގެ އަގު ހާމަކުރަން ހެލްތުން ދެކޮޅުހަދާ.
އިންޑިއާއިން ރާއްޖެ ހަދިޔާކުރި ކޮވިޝީލްޑް ވެކްސިން: ރާއްޖޭގައި ބައި ލައްކަ މީހުންނަށް ވަނީ ވެކްސިންގެ ފުރަތަމަ ޑޯޒް ދީފައި.-- ފޮޓޯ: ނިޝާން އަލީ/ މިހާރު
17 ފެބުރުއަރީ 2021 - 11:52
64 comments
ކޮވިޑް-19 އިން ދިފާއުވާން ރާއްޖެއަށް ބޭނުންވާ ވެކްސިންގެ 700،000 ޑޯޒް ގެންނަން ސިންގަޕޫރު ކުންފުންޏާ ހަވާލުކުރި އަގު ހާމަކުރަން ހެލްތު މިނިސްޓްރީން ދެކޮޅު ހަދައިފި އެވެ.
މައުލޫމާތު ހޯދައި ލިބިގަތުމުގެ ހައްގުގެ ދަށުން މިިދިޔަ ހަފުތާގެ އަންގާރަ ދުވަހު "މިހާރު" ނޫހުން ހެލްތު މިނިސްޓްރީއަށް ހުށަހެޅި ފޯމުގައި އޮކްސްފަޑު ވެކްސިން ގެންނަން އެސްޓްރާޒެނެކާ ސިންގަޕޯ ޕީޓީއީ، އެލްޓީޑީއީއާ އެކު އެއްބަސްވުމުގައި ސޮއިކުރި އަގާއި އެއްބަސްވުމުގެ މުއްދަތު ސާފުކޮށްދިނުމަށް އެދިފައިވާނެ އެވެ.
އެކަމަށް ޖަވާބު ދެމުން ހެލްތު މިނިސްޓްރީން އިއްޔެ ބުނީ ވެކްސިން ގަންނަން ހަވާލުކުރި އަގާއި އެއްބަސްވުމުގެ ތަފްސީލަކީ މައުލޫމާތު ހޯދައި ލިބިގަތުމުގެ ހައްގުގެ ގާނޫނުގެ 25 ވަނަ މާއްދާގެ (ހ) އަށް ރިއާޔަތްކޮށް ދޫކުރެވެން ނެތް މައުލޫމާތެއް ކަމަށެވެ.
އެ މާއްދާގެ (ހ) ގައި ބުނެފައިވަނީ "އެ މައުލޫމާތު ހޯދާފައިވަނީ، ހާމަނުކުރާނެ ކަމަށް އެއްބަސްވެގެން ކަމުގައި ވުމާ އެކު، އެ މައުލޫމާތުގައި އަންނަނިވި ސިފަތަކުން ސިފައެއް އެކުލެވިގެންވުން؛ (1) ވިޔަފާރީގެ ސިއްރެއް ހިމެނިގެންވުން، (2) އެ މައުލޫމާތު ހާމަކޮށްފި ނަމަ ތިން ވަނަ ފަރާތުގެ ވިޔަފާރީގެ މަސްލަހަތަށް ނުވަތަ މާލީ މަސްލަހަތަށް ނުރަނގަޅު އަސަރު ފޯރާނެ ކަމަށް ވުން" އެވެ.
އެއްބަސްވުމުގައި މުއްދަތު ދީފައި ވަނީ ވެކްސިންގެ ހުރިހާ ޑޯޒެއް ރާއްޖެއަށް ސަޕްލައިކޮށް ނިމެންދެނެވެ. އެކަމަކު އެއްބަސްވުމުގެ ބައެއް މާއްދާތައް، އެއްބަސްވުމުގެ މުއްދަތު ހަމަވި ނަމަވެސް ދެމިގެންދާނެ ކަމަށް މިނިސްޓްރީީން ބުންޏެވެ. އިތުރު ތަފްސީލެއް ނުދެ އެވެ.
އެސްޓްރަޒެނެކާގެ ސިންގަޕޫރު ކުންފުނި މެދުވެރިކޮށް ރާއްޖެއަށް ވެކްސިން ސީދާ ލިބޭނެ ދުވަހެއް ނޭނގޭ އެވެ. އެކަމަކު އެއްބަސްވުމުގައިވާ ގޮތުން އެފަހަރަކު ފޮނުވާ ވެކްސިން ޝިޕްމަންޓަކަށް ބޭނުންވާ ވެކްސިންތައް ލިބި، އެ ޑެލިވާކުރަން ތައްޔާރުވުމުގެ 30 ދުވަހުގެ ކުރިން މިނިސްޓްރީއަށް އަންގަން ޖެހެ އެވެ.
އެއްބަޔަކު ދެކޭ ގޮތުގައި، ކޮވިޑުގައި ހާލު ސީރިއަސްވާ މީހުންނަށް ފަރުވާ ދޭން ބޭނުންވާ ވެންޓިލޭޓަރުތައް ހޯދުމުގައި ސަރުކާރުން ހެދި ބޮޑެތި ގޯސްތަކަށް ފަހު، ވެކްސިނަށް ކުރާ ހޭދަތަކުގެ މައުލޫމާތު ހިފެހެއްޓުމެއް ނެތި އަދި ދެ ފުށް ފެންނަ ގޮތަށް ހާމަކުރުން މުހިއްމެވެ.
ވެންޓިލޭޓަރު ގެންނަން ދުބާއީގެ އެގްޒެކިއުޓާސްއާ އެކު މިދިޔަ އަހަރު ސޮއިކޮށް އެޑްވާންސްގެ ގޮތުގައި 30 މިލިއަން ރުފިޔާ ދިނެވެ. އޭގެ ތެރެއިން ގިނަ ވެންޓިލޭޓަރުތައް އަދި ވެސް ނުލިބެ އެވެ. އެކަމަކު ރާއްޖޭގެ ދެ ކުންފުންޏަކާ ހަވާލުކުރި 74 ވެންޓިލޭޓަރު ވަނީ ގެނެސްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފަހުދު
18 February 2021
މިހާރުގެ ހެލްތު މިނިސްޓަރަކީ ވަގެއް ނޫން
ނަރުސް މީހާ
18 February 2021
ދެފުއް ފެންނަ ސަރުކާރައް މިވަނީ ކިހިނެއްތަ؟
ޝޮކްތެރެޕީ
18 February 2021
ހާމަ ނުކުރީ ވައްކަން ކުރަންވެގެން. ރަނުން ރަނައް
ރަނޑުއައްނި
17 February 2021
ވައްކަން ވައްކަން ރޯމާދުވާލު ވައްކަން
މިވަރެއްނެތް
17 February 2021
ވެންމަސް ވެނަށް ކާންދޭވާހަކަ އަޑުއަހަންދޯ؟ އިންޑިޔާގެ ސީރަމް ކުންފުނިން އުފައްދާ އޮކްސް ފޯޑު ވެކްސިން އެ ގައުމުގެ ސަރުކާރަށް ވިއްކަނީ 3 ޑޮލަރާއި 4 ހަތަރު ޑޮލަރާއި ދެމެދު އަގެއްގައި. އިންޑިޔާއިން 1 ލައްކަ ވެކްސިން ހިލޭ ދީފަ ހަތްލައްކަ ވެކްސިން ކޮންމެ ޑޯޒެއް 5 ޑޮލަރުގެ ރޭޓުން ގަތުމުން ހިލޭދިން ވެކްސިިންގެ އަގުވެސް ލިބި އަދި ފައިދާވެސް ލިބޭނެދޯ؟ ވެރިން ނަޓީ ނުވަތަ އަހަރެމެން ރައްޔިތުން ގަމާރީދޯ/
ޖޯޖު
17 February 2021
ބައެއް ވިޔަފާރީގެ މުއާމަލާތްތަކުގައި އަގު ހާމަ ނުކުރުމަކީ ވިޔަފާރީގެ މަސްލަހަތެކެވެ. ނަމަވެސް ޑެލިވަރ ކުރަން އެއްބަސްވެފައިވާގޮތާއި މުއްދަތު ހާމަ ކުރެވެން ޖެހޭނެއެވެ.
އލީހުސެން
18 February 2021
ސަރުކާރު ޕްރައިވެޓް ލިމިޓެޑް ނަމަ އޯކޭ ތިގޮތްވެސް. ރައްޔިތުންގެ ފައިސާއިން ކުރާ ހަރަދު ރައްޔިތުންނަށް ނޭންގުމަކީ ގޯހެއް
ޢަހުމަދު ވެކްސިން
17 February 2021
ޥެކްސިނަކީ އޭގައި ވަރަށް ބޮޑު ވިޔަފާރި ހިމެނޭ އެއްޗެއް. މައްސަލައަކީ ބައެއް މީހުން ވިޔަފާރިއެއް ނޫނޭ ބުނާތީ. ޥިޔަފާރީގައި އަގެއް ނުބުނާނެ. ޢެއީ މައްސަލައެއް ނޫން. ޑިސްކައުންޓެއްވެސް ދީފާނެ. މީރާއިން ޓެކްސް ނުނަގާފިއްޔާ ރަނގަޅު
އަންތަރީސް888
17 February 2021
މިހާލަތުގަ ބޭނުންވަނީ ވެކްސިންޖަހާ ނިންމުން. ސަލާމަތުން ތިބެވިގެންދޯ މައުލޫމާތެއް ހޯދޭނީވެސް. މައިތިރިވެެގެން އިހަށް ތިބެބަލަ ނިކަން.
ކަބީދު
17 February 2021
2.8 މިލިއަން ޑޮލަރަށް ލިބޭނެ 700000 ޑޯޒް އެކްސްޓްރާޒެނެކާ ގެ
ޖުނައިދު
17 February 2021
އަގެއް ހާމަ ނުކުރާނެތާ.މުޅިންވެސް އޮޅުވާލުން ވިއްޔާ..މީ އޮޅި ސަރުކާރު.އަލީވަހީދު ފުރި ތާރީހްވެސް އޮޅިފަ.މިހާރު މިއޮތީ ސީދާ ކާމް ޗޯރު ސަރުކާރެއް.ކޮންމެ ކަމަކުންވެސް އޮޅުވާލުން.އަތުޖެހުނު ތަނަކުން ކަނީ.ގައުމު ދިރުވާލަނީ.ވެންޓިލޭޓަރަށް ކިހިނެއްވީ؟ ޔާމީން ވަރުގެ ވެރިޔެއް މިގައުމަކަށް ނާންނާނެ.އެއީ ހަމަ ބެސްޓް.މިވެރިންނަށް ހަޖަމް ނުވީ.