އައްޑޫ ސަވާހިލި ޓޫރިޒަމަށް ތަރައްގީކުރަނީ

ފޭދު އާއ މަރަދޫފޭދޫ ކައިރީ އޮންނަ ސަވާހިލި.

އަހުމަދު އަދްޝަން، މިހާރު

21 ފެބުރުއަރީ 2021 - 11:17

އައްޑޫގެ ކުޑަ ފަޅު ރަށެއް ކަމަށްވާ ސަވާހިލި ޓޫރިޒަމަށް ތަރައްގީކުރަން ހަމަޖެހިފައިވާ ކަމަށް އައްޑޫ ސިޓީ ކައުންސިލުން ބުނެފި އެވެ.

ސަވާހިއްޔަކީ އައްޑޫގެ ގުޅިފައިވާ އަވަށްތަކުގެ ތެރޭގައި ހިމެނޭ ފޭދު އާއި މަރަދޫފޭދޫގެ ހުޅަނގު ދެކުނު ފަރާތުގައި އޮންނަ ކުޑަކުޑަ ރަށެކެވެ. މި ރަށް ޓޫރިޒަމަށް ހާއްސަކޮށްގެން ތަރައްގީކުރަން ކައުންސިލުން ނިންމާފައި ވަނީ މި މަހުގެ 18 ވަނަ ދުވަހު ބޭއްވި ކައުންސިލްގެ މި އަހަރުގެ ފަސް ވަނަ ބައްދަލުވުމުގަ އެވެ.

ކައުންސިލުން ބުނި ގޮތުގައި ސަވާހިލި ތަރައްގީކުރާނީ އައްޑޫގައި ހިންގާ ގެސްޓްހައުސްތަކުން ޓޫރިސްޓުންނަށް ނުލިބޭ ހިދުމަތްތަކަށް ހާއްސަކޮށްގެންނެވެ. އަދި އެ ރަށް ތަރައްގީކުރާއިރު އެއީ ހަމައެކަނި ބޭރުން އަންނަ ޓޫރިސްޓުންގެ އިތުރުން ދިވެހިންނަށް ހިދުމަތް ދެވޭނެ ތަނެއްގެ ގޮތުގައި ތަރައްގީކުރަން ކައުންސިލުން ވަނީ ނިންމައިފަ އެވެ.

އައްޑޫ ސިޓީ އަށް އަންނަ ފަތުރުވެރިންނަށް ގެސްޓްހައުސްތަކުން ނުލިބޭފަދަ ޚިދުމަތްތައް ދިނުމަށް މަގުފަހިކުރުމުގެ ގޮތުން އައްޑޫ ސިޓީގެ ސަވާހިލި ކިޔާ ފަޅުރަށް، އެފަދަ ޚިދުމަތްތައް ލިބޭނެ ގޮތަށް ތަރައްޤީ ކުރުމަށް ހުޅުވާލުމަށް މިނިސްޓްރީ އޮފް ޓޫރިޒަމަށް ހުށަހެޅުއްވުމަށް (1/2)
— Addu City Council (@AdduCityCouncil) February 18, 2021

އެހެންވެ އެ ރަށް ތަރައްގީކުރަން ހުޅުވާލަން ޓޫރިޒަމް މިނިސްޓްރީ އަށް ހުށަހަޅަން ވެސް ކައުންސިލުން ވަނީ ނިންމައިފަ އެވެ.

ކުރީގެ ރައީސް އަބްދުﷲ ޔާމީންގެ ވެރިކަމުގައި އޭރުގެ ޓޫރިޒަމް މިނިސްޓަރު މޫސާ ޒަމީރު އައްޑު އަށް ވަޑައިގެން ޓޫރިޒަމަށް ތަރައްގީކުރަން ބެއްލެވި ތަންތަނުގެ ތެރޭގައި ވެސް ސަވާހިލި ހިމެނެ އެވެ.

އެ ރަށާ ކައިރީގައި ދިގިހެރަ އަދި ހަޖަރަ ކިޔާ ރަށެއް ވެސް އޮވެ އެވެ. އެކަމަކު ޔާމީންގެ ވެރިކަމުގައި ފޭދޫ ބިން ހިއްކި އިރު، ފޭދު އާއި ދިގުހެރަ ވަނީ އެއްކޮށްލައިފަ އެވެ.

ސަވާހިލި ޓޫރިޒަމަށް ތަރައްގީކުރަން ކައުންސިލުން ނިންމާފައި މި ވަނީ އައްޑޫގައި ޓޫރިޒަމް ޒޯންތަކެއް ކަނޑައަޅައި ލޯކަލް ޓޫރިޒަމް ފުޅާކުރަން ބޮޑު މަޝްރޫއެއް ވެސް ފަށާފައި ވަނިކޮށެވެ. އެ މަޝްރޫއުގެ ދަށުން ލޯކަލް ޓޫރިޒަމަށް 96 ބިމެއް ދޫކުރަން ނިންމާފައިވެ އެވެ.

Addu inn tourismah ah dhookuranee 96 binn

The most trusted news source in the Maldives

Mihaaru

އައްޑޫގައި ތިން ރިސޯޓް އޮތް އިރު ސިޓީ ހޮޓަލަކާއި ގިނަ އަދަދެއްގެ ގެސްޓްހައުސްތައް ހިންގަމުން ގެންދެ އެވެ. އައްޑޫގެ ތިން ރިސޯޓަކީ ޝަންގްރިއްލާ ވިލިގިލި ރިސޯޓް އެންޑް ސްޕާ އާއި ކެނަރީފްގެ އިތުރުން ސައުތު ޕާމް ރިސޯޓެވެ. އަދި އައްޑޫގައި ހިންގާ ސިޓީ ހޮޓަލަކީ ގަމުގެ އީކްއޭޓަ ވިލެޖެވެ.

އައްޑޫ އައްޑޫ ސިޓީ ކައުންސިލް ޓޫރިޒަމް ލޯކަލް ޓޫރިޒަމް އީކުއޭޓާ ވިލެޖް ގެސްޓް ހައުސް ޝަންގްރިލާ ވިލިނގިލި ރިސޯޓް

12 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ާއަލީލީީ

24 February 2021

ފޮޓޯ ކްރެޑިޓްސް ދިންނަމަ ވަރަށް ހަބޭސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓީން

21 February 2021

އައްޑޫ ރައްޔިތުނަ ޕިކުނިކް ދާން މޫދަށް އެރިލާން ސަލާމަތުން އޮތް ހަމައެކަނި ތަންކޮޅު ބަޔަކަށް ވިއްކާލުމަކީ އައްޑޫ ތައްޔިތުންނަށް ހެޔޮއެދިގެން ކުރާކަމަކަށް ނޫވާނެ އެކަމުން ސަރުކާރަށް ގިނަބައެއްގެ ނަފުރަތާއި ރުޅިވެރިކަން ލިބޭނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

21 February 2021

އިއްޔެ ދައްކާވާހަކަ މިއަދުހަދާންނެތުމަކީ ބައްޔެއް އިގޭތޯ؟ ޕެންޑަމިކްގައި "ޓްއަރިޒަމް ނޫންގޮތެއް" ހޯދާ ވާހަކަ ނުދައްކަވަމުތޯ. # ގޭންއެއަރޕޯޓްކީ ޕެސެންޖަރ ޓާމިނަލް ފެސިލިޓީޒް ތަކާއިއެކު ޒަމާނީ ކާރގޯ ޓާމިނަލް ހިމެނޭގޮތަށް ރަނގަޅު ޕްލޭނެއްގެދަށުން ތަރައްޤީކޮށްފިނަމަ "ސާކްގެ ޗަންގީ" ގެމަޤާމްގައިއޮވެ ފަތުރުވެރިކަމުން ދައުލަތަށްލިބޭ އާމްދަނީއަށްވުރެން ބޮޑުއެއްޗެއްލިބޭނެ ވަޒީފާގެފުރުސަތު ބޮޑު ޓްއަރިޒަމަށް ބަރޯސާވުން ހުއްޓުވޭނެ އިޤްތިސޯދީ ނާރެހެއް ނޫންތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާބެއްޔާގެ މުޙައްމަދު.

21 February 2021

އައްޑޫގައި ރިސޯތް ހަދާކަށް ނުޖެހޭ. ގަމަކީ ތިގޮތަށް ތަރައްޤީ ކޮށްފިނަމަ ރިސޯތް ހިންގުމަށްވުރެން އައްޑޫ އަށާއި ސަރަހައްދަށްވެސް މާބޮޑަށް އާމްދަނީ އިތުރުވެ އިޤްތިސޯދީ ކިތަންމެ ކަމެއް ހުޅުވިގެންދާނެ ގޮތެއް. ދުނިޔޭގެ އެއްބައްރުން އަނެއްބަްއރަށް މުދާ އުފުލާއިރު މަޑުކުރާ މަންޒިލަކަށް މިތަން ހެދުން ތިޔަ ޓްއަރިޒަމަށްވުރެން ރަނގަޅު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރޯޱޭ

03 March 2021

ޕެންޑަމިކެއްގައި ދަތުރުފަތުރު ނުކެރިވޭއިރު ކާގޯ އަމިއްލައަށް އުދުހިފަ އައްނަނީތަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޑޫ ހަސަނު.

21 February 2021

ކ. އަތޮޅު މާލެ އަށް ފަތުރު ވެރިން ގެނެސް އެތަނުން މޯލްޑިވިއަންގެ އައްޑުއަށް އުފުލައިގެނެއް ތިޔަ ރިސޯތް ތަކަށް ދާނެ ބަޔަކު ނުވާނެ. މައުސޫމު ހީކުރަނީ އައްޑޫ މީހުނަކީ ތަނެއްދޮރެއް ނޭގޭ ބައެއްކަމަށްތަ ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޭދޫ މީހާ.

21 February 2021

ފުރަތަމަ ގަން އެއަރޕޯޓް ހަދާ އޮޕަރޭޝަނަށް ގެނެސްފަ ދެން ޓްއަރިޒަމޭ ކިޔާ. މައުސޫމަށް މިވަރު ނޭގޭނަމަ ވަޒީފާގައި ހުންނާކަށް ނުވާނެ މުސާރަ ނަގައިގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

21 February 2021

އޮސްޓްރޭލިއާ، ލަންޑަން، ރަޝިޔާ، ސްވިޓްޒަލެންޑާއި އެމަރިކާއިން ފުރައިގެން 13 ގަނޑިއިރުގެ ދަތުރަކަށްފަހު ކ.އަތޮޅު މާލެއަށް ޖައްސާ އެތަނުގައި އަހަރުމެން ދިވެހިންނަށް ހަދާފައި ގުދަނެއްފަދަ ޑޮމެސްޓިކް ޓާރމިނަލްތެރޭގަ ހުންނަ ދަގަނޑު ގޮނޑިއެއްގައި ވާނުވާގައި 4 ގަނޑިއިރު ހޭދަކޮށްފައި (ކާކު ކީއްކުރާ ބައެއްތޯވެސް އެއަރލައިނުން އަހާނުލާނެ) އަނެއްކާ މާލެ ގޭން ރިޓަރން ޓިކެޓަށް 800 އެމަރިކާ ޑޮލަރު ޙަރަދުކޮށްފަ ބުއްދިސަލާމަތުންހުރި މީހަކު އައްޑުއަށް ދާނެތޯ؟!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މައުސޫމު.

21 February 2021

ވަރަށް ރަނގަޅު ވާހަކައެއް. އަހަރުމެން ހެންނަ ހިނަ ފަތުރުވެރިން ފުރައިގެން ދަމުން ދީފައިވާ ކޮމެންޓް ތަކުގައި އައްޑޫގައި ހޭދަކުރި ދުވަސްތައް ކަމުދިޔަ ވާހަކަ ބުނެފައި ބުނަނީ މާލެ ގަމަށް ޜިކެޓް ވަރަށް އަގު ބޮޑު ކަމަށާއި ޑައިރެކްޓް ފްލައިޓް ގަމަށް އޮންނަ ނަމަ ދަތުރު މުޅިންވެސް ދާން ބޭނުމީ އެސަރަހައްދަށް ކަމަށް.